Post: #1 Title: العبار دينق .. أنت ح تندق بعد دا .. تدريب عسكري لقوات خاصة لردعك .. تعال شوف الفيديوهات! Author: Biraima M Adam Date: 04-09-2018, 01:34 PM
في الفيديو التالي ترون طلبة الصف الأخير ثانوي .. في مدرسة South Lakes High School في ولاية فرجينيا .. منطقة رستون وفي الصف الأخير .. ترون ثلاثة طلبة .. أحدهم أبيض .. والذي يقف في النصف .. هو العبار الصغير .. والذي يقف إلي جواره في بداية الصف هو "تندو" أبن صديقي العزيز ..
تابعوا العرض .. وأحكموا بعد دا .. العبار دينق ح يتعلق أم لا؟
الله قال بقولك يا العبار ..فزاعات الحطب ما يجيبن خبرك ..
بريمة
Post: #2 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 01:47 PM Parent: #1
في الفيديو التالي .. العبار الصغير .. في أول الصف .. وللعلم هو أقوي .. كاديت من بين المجموعة .. في رفع الحديد والأثقال يعمل ما يشمي بال "بنشنغ" لأكثر من 250 رطل
وهذا جزء فقط .. من كثير من الأعداد ا لحربي .. لمواجهة العبار دينق ..
بريمة
Post: #3 Title: Re: العبار دينق .. أنت ح تندق بعد دا .. تدريب عسك Author: Hassan Makkawi Date: 04-09-2018, 01:59 PM Parent: #2
بريمة الفيديو الثانى فيهو "زنجى" واحد و "زنجية" واحدة الباقى بيض... اايهم عبارك؟
Post: #4 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 02:07 PM Parent: #3
مكاوي، عارفكم ناطين في الألوان ..
Quote: بريمة الفيديو الثانى فيهو "زنجى" واحد و "زنجية" واحدة الباقى بيض... اايهم عبارك؟
العبار الصغير في أول الصف ...
أنت ركز معاي، دينق ..ح ينكتل وما ح ينكتل .. دا المهم عندي ..
بريمة
Post: #5 Title: Re: العبار دينق .. أنت ح تندق بعد دا .. تدريب عسك Author: Hassan Makkawi Date: 04-09-2018, 02:16 PM Parent: #4
Quote: العبار الصغير في أول الصف ...
آآآآآه شفتو يا بريمة ال African American ما بقدر دينق يوز باشى قديم وقطيم ولئيم يقوليهم معتدل مرش ويمشى ينوم وتعال فتش عليهم تانى يوم
Post: #6 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 02:44 PM Parent: #5
البيادة ..
بريمة
Post: #7 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 03:06 PM Parent: #6
الفيديو دا فيهو كمية من أولادنا السودانيين ..
بريمة
Post: #8 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 03:33 PM Parent: #7
العبار الصغير وصحبه تندو يفوزون بالميلاديات .. والكأس ..
بريمة
Post: #9 Title: Re: العبار دينق .. أنت ح تندق بعد دا .. تدريب عسك Author: علي عبدالوهاب عثمان Date: 04-09-2018, 03:47 PM Parent: #8
حبيبنا بريمة .. مودتي .. ما فاهم الفيلم .. هل هو تجنيد إجباري في المدارس أو تطوع صحيح ما شاء الله الملامح السودانية ظاهرة اشرح لينا الموضوع شوية .. أو ننتظر الحبيب دينق لأن الجيش تخصصه
مودتي بريمه
Post: #10 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 03:48 PM Parent: #8
الواحد يسأل .. حسي زي أطفالنا ديل .. تانى البلمهم مع وطن أباءهم شنو؟ لاحظوا العبار وصحبه "تندو" .. مندمجين مع ناسهم كيف ؟ ..
العبار دينق .. خليك متاوق ..
بريمة
Post: #11 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 03:57 PM Parent: #10
الناس ديل متعبين الشباب تعب شديد .. وأنا ما جايب خبر .. دا شغل ضبط ربط عالي جداً ..
بريمة
Post: #12 Title: Re: العبار دينق .. أنت ح تندق بعد دا .. تدريب عسك Author: Elmoiz Abunura Date: 04-09-2018, 04:20 PM Parent: #10
اخى العبار بريمة تحياتى من صور, لبنان
ياشيخ العرب ولدك العبار واضح انه ماشى فى طريق العسكرية لكن مااظن انه مدرب على مصارعة اهله الحوازمة و النوبة
مع ودى وتقديرى
Post: #13 Title: Re: العبار دينق .. أنت ح تندق بعد دا .. تدريب عسك Author: Deng Date: 04-09-2018, 05:18 PM Parent: #12
العبار بريمة بلل.
ما شاء الله
العبار الصغير ما عندنا فيهو كلام، فهو ولدنا ومننا (رجل أفريقي أمريكي ) وأتمنى له كل التوفيق في حياته المستقبليه في بلده الاول أمريكا. وإذا أختار العسكرية فأنا أنصحه بأن يحاول أن يلتحق بالكلية العسكرية (the United States Military Academy) المعروفة ب (West Point) وهي أعرق كلية عسكرية تابعة للقوات البرية الامريكية. وهي طبعا بتحتاج الى خطاب توصية(recommendation letter ) من رجل الكونجرس أو السيناتور في منطقتكم. مرة أخرى تمنياتي للعبار الصغير بكل التوفيق والنجاح في حياته وفي عمله بعد الجامعة. والعبار الصغير ده مكسب كبير بالنسبة لنا نحن ناس السودان الجديد، لأن أفكاره قريبة لنا وليس لك أنت يا عبار.
هسع في ذمتك يا بريمة.
ولدك ده لو شرحت له الجنجويد ديل وجماعة حميدتي ، ولدك ده ح يقول شنوا بالله؟؟
Post: #14 Title: Re: العبار دينق .. أنت ح تندق بعد دا .. تدريب عسك Author: علي عبدالوهاب عثمان Date: 04-09-2018, 05:39 PM Parent: #13
حبيبنا بريمة .. مع التحية الف مبروك .. إن شاء يكون قائد القوات في يوم ما ما بعيد كل حاجة ممكن في أمريكا البلد النموذج في البداية ما كنت فاهم الموضوع .. حبيبنا دينق قال ليك نصائح جميلة حاول أن تطبقها
مودتي
Post: #15 Title: Re: العبار دينق .. أنت ح تندق بعد دا .. تدريب عسك Author: Bashasha Date: 04-09-2018, 05:52 PM Parent: #14
التحية للعبار الصغير سليل ارض القوس، نعم اول اسم للسودان وبالتالي اول دولة علي وجه البسيطة!
يكفي اسم "ارض القوس" او عشان كده اجدادو كانو اعظم جنود الارض!
يكفي تاريخم ايام الثورة الام. خليهو يقرا مذكرات الجنود البريطانيين عن اسطورية الجندي السوداني مقارنة بالاخرين في نواحي المعمورة وبالذات عشيرتو في جنوب كردفان، جبال النوبة وشرق السودان، او حيعرف لي حد اجدادو خجو غرور ابان عيونا خدر!!!
ان فيها جندية فنحن روادها!
من غيرنا؟
Post: #16 Title: Re: العبار دينق .. أنت ح تندق بعد دا .. تدريب عسك Author: علي عبدالوهاب عثمان Date: 04-09-2018, 06:02 PM Parent: #15
حبيبنا بشاشا .. مع التحية أجمل شيء في بوستاتك إنك تحمل الوطن في حدقات العيون قبل قليل قرأت مداخلتك الفوق شعرت بنوع من الزهو والخيلاء
شكراً بشاشا .. على هذا الضوء وسط الظلام واليأس
تحياتي لبريمة ..
Post: #19 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 06:49 PM Parent: #14
حبيبنا علي، سلام ..
Quote: حبيبنا بريمة .. مع التحية الف مبروك .. إن شاء يكون قائد القوات في يوم ما ما بعيد كل حاجة ممكن في أمريكا البلد النموذج في البداية ما كنت فاهم الموضوع .. حبيبنا دينق قال ليك نصائح جميلة حاول أن تطبقها
مودتي
والله ول أبا علي، أنا لم أت لمثل هذا أبداً .. زي ما يقول أهلنا البقارة نحن جينا البلد "سارحين سرحة" .. الشغل دا دخل لي في اللحم الحي .. الوالد رحمه الله لو حي ما أظنه ح يرضي عني .. علماً جده لأمه .. صاحب الميداليات .. هلل للموضع بصورة ما عادية ..
دعواتكم لينا .. والله أنا ما فتحت هذا البوست إلا لأن الهموم فاتت راسي بغادي .. المجتمع هنا قوي يأخذ أولادك ويربيهم كيف يشاء مهما فعلت ..
بريمة
Post: #17 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 06:14 PM Parent: #12
الحبيب أبو نورة، سلام ...
والله أنا داخل في أظافري .. الزول دا جده أبو والدته Sniper في الرماية في سلاح المهندسين في السودان .. لديه أكثر من 37 ميدالية ذهبية وبرونزية من داخل وخارج السودانية .. خاله أخو أمه ضابط في قوات الشعب المسلحة .. خاله أخو أمه الذي معي بأمريكا كان جندي في سلاح المهندسين من زمن مدارس ال boys حتى وصل مرحلة عكسري وواصل دارسته الجامعية .. ثم هاجر إلي أمريكا . وأثنين من خيلانه في السلاح الطبي . أكثر من عشرة من ناحية أسرة والدته إما ضبابط في الجيش أو الشرطة .. اسرة تمتحن الجندية .. ويحبونها حب بشكل غريب.
من ناحية أسرتي ليس لدينا أي خبرة ولا تأريخ في الجندية .. وفي الحقيق لا يخدم أبناءنا في الشرطة .. وقليل في منهم الجيش جنود .. حتي حينما ذهب يقدم للكاديت أنا رفضت نهائياً .. وبرضو مشي وشال الأوراق وملأها لوحده .. أعطي تلفوني للمدرب .. المدرب أقنعي بأن المسألة تدريب لبناء شخصية الطفل .. والمسألة جزء من التربية الرياضية لبناء أجسام الأطفال رياضياً ومساعدتهم حتي يكونوا مواطنين صالحين .. نضمي كثير .. وافقت ..
صار العبار الصغير كل مرة يأتي بمدالية .. ثم بدأوا يرسلونه إلي ولايات أخري للمنافسات .. والزول مدور حتى الأن .. والأن لديه توصيات وتوصيات من مدربيه للجيش .. وقوات حرس الحدود .. وغيرها .. وأنا علي موقفي .. نحن لم نأت هنا لنحارب .. جئنا مستجيرين من بلادنا التي طردتنا من نواحي أقتصادية .. وحتما ح نعود.
المهم دعواتكم ..
بريمة
Post: #18 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 06:33 PM Parent: #17
العبار دينق،
Quote: العبار بريمة بلل.
ما شاء الله
العبار الصغير ما عندنا فيهو كلام، فهو ولدنا ومننا (رجل أفريقي أمريكي ) وأتمنى له كل التوفيق في حياته المستقبليه في بلده الاول أمريكا. وإذا أختار العسكرية فأنا أنصحه بأن يحاول أن يلتحق بالكلية العسكرية (the United States Military Academy) المعروفة ب (West Point) وهي أعرق كلية عسكرية تابعة للقوات البرية الامريكية. وهي طبعا بتحتاج الى خطاب توصية(recommendation letter ) من رجل الكونجرس أو السيناتور في منطقتكم. مرة أخرى تمنياتي للعبار الصغير بكل التوفيق والنجاح في حياته وفي عمله بعد الجامعة. والعبار الصغير ده مكسب كبير بالنسبة لنا نحن ناس السودان الجديد، لأن أفكاره قريبة لنا وليس لك أنت يا عبار.
هسع في ذمتك يا بريمة.
ولدك ده لو شرحت له الجنجويد ديل وجماعة حميدتي ، ولدك ده ح يقول شنوا بالله؟؟
كتر خيرك علي الواصيا السمحة .. لكن أنت عارف دا ما سبب فتح البوست .. أنت تاني لو حاولتم دقي، ح تندقوا دق العيش أنت ومن معك .. !
بخصوص شرحت أنا مينو أو الجنجويد وكده .. والله ولا يوم واحد لم أقل لهم شيئ .. وفي بيتنا نحن في الفورمات منقسمين لثلاثة مجموعات .. أفارقة، عرب وخليط بين الأثنين .. نحن مثل سودانيزأونلاين .. لو مشيت لمنزل جده .. خيلانه .. فيهم عرب أقحاح تحس كأنهم من عرب الحجاز .. وفيهم زنوج اقحاح أيضاً .. والأغرب لديه خالين تيمان .. أحدهما يلقب بالعريبي .. والأخر يلقب بالزنجي .. ولو أتصلت وقلت العريبي وين .. كل زول عارف أنت قاصد منو من التيمان؟ ولو قلت الزنجي كل زول عارف أنت قاصد مينو؟ ولو قالوا أنهم تيمان لا تصدق .. وهذه هي ألوانا نحن الحوازمة .. الأسرة الواحدة فيها جميع ألوان الطيف السوداني ..
الزول ده .. في حمل الحديد يعمل benching لحوالي 250 - 300 باوند .. أنا أقوم وأقع ما بحصل ولا 180 باوند ..
الجيش خطر في هذا الظرف .. وبالذات بالنسبة لينا نحن المهاجرين ..
بريمة
Post: #20 Title: Re: العبار دينق .. أنت ح تندق بعد دا .. تدريب عسك Author: Biraima M Adam Date: 04-09-2018, 07:13 PM Parent: #18
بشاشا، سلام ..
Quote:
التحية للعبار الصغير سليل ارض القوس، نعم اول اسم للسودان وبالتالي اول دولة علي وجه البسيطة!
يكفي اسم "ارض القوس" او عشان كده اجدادو كانو اعظم جنود الارض!
يكفي تاريخم ايام الثورة الام. خليهو يقرا مذكرات الجنود البريطانيين عن اسطورية الجندي السوداني مقارنة بالاخرين في نواحي المعمورة وبالذات عشيرتو في جنوب كردفان، جبال النوبة وشرق السودان، او حيعرف لي حد اجدادو خجو غرور ابان عيونا خدر!!!
ان فيها جندية فنحن روادها!
من غيرنا؟
بشاشا طوالي دخل تهليل .. أن الزول دا أجداده نوبة .. الزول دا جده من ناحية جدته أكبر مصارع علي الأطلاق في كردفان جنوب الأبيض .. يلقب ب التوم الكراكر .. وأسم الكراكر هو خور أبو حبل .. وإحد جدوده لوالدته هو حسن "الدروب شاتات" .. رجل عملاق عديل .. لا تجد مثله في كل قبائل الحوازمة .. مرة الجد حسن الدروب جاب شعبة .. وتعب ووضعها قريب من القرية ثم أرسلنا نحن ثلاثة شباب عشان نحضروها .. نحن الثلاثة عتّلنا في الشعبة .. لما قربنا للقرية جدعناها .. والله غلبتنا غلب عدييل .. المسألة جينات موجوده ..
طبعاً أنت ما شفت الجنجويد .. داك زول عربي جنجويدي .. كابتن فريق السلة في المدرسة ل 5 سنوات متتالية .. وبسبب شقيقه .. ذهب وألتحق بالكاديت .. نحن عايزين أطباء ومهندسين .. والناس ديل جيناتهم مودياهم للجيش وال أكشن ..
بشاشا في الفيديو التالي .. ح تشوف "تندو" ولد صديقي، الشاب الذي حجمه كويس مثل العبار .. وهو في الطرف الأخر من المجموعة .. مهما إجتهدنا الأولاد ماشين في الأتجاه الذي يريدون ..