والله يا جماعة شركة تمبربيدك الشركة الأمريكية السويدية لصناعة مراتب النوم الصحي شغالة بالتعاون مع مستشفي جون هوبكينز في مريلاند سنين من أجل النجاح في صناعة مخده تشفط الدبرسة . و الحمد لله نجحت بعد 50 تجربة . الناس ديل لو كبسوا الأغنية دي في المخدة . ا صلو ما كان في داعي لي الرسيرش الطويل ده . ... يا شباب بلاي واحد يجد ع الأغنية دي هنا . وبارك الله فيكم .
كلمات: صلاح حاج سعيد عارفني منك لا الزمن يقدر يحَول قلبي عنك لا المسافة ولا الخيال يشغلني منك عارفني منك تحرمني منك والمواعيد لا بتجيب منك تودي لا الشجن قادر يشيلني عليك أعدي لا التحايا و لا المشاعر الحية في جوه الحنايا لا رسالة تجيني منك لا خبر طمني عنك وإنت سايق فيني ظنك رغم إنك إنت عارف إنو منك لا الزمن يقدر يحًول قلبي عنك لا المسافة و لا الخيال يشغلني منك عارفني منك ببقى بعدك في الأسى وتبقى إنت الظالم القاسي النسى وغصب عني أزيح ظنوني وأقول عليك إنت المسامح فوق شجوني أعيش زمان بالفرقة جارح فوق شجوني في إحتمالي و بالي إنك وإنت سايق فيني ظنك رغم إنك إنت عارف إنو منك لا الزمن يقدر يحًول قلبي عنك لا المسافة و لا الخيال يشغلني منك عارفني منك يا هوى الألم النعيم خليك على الوعد القديم و خليني في الشجن الأليم وأبقى في كل المداين سكتي وسفري الجحيم تبقى إيه الدنيا من بعدك تكون؟ و أبقى إيه بعدك اكون؟ تبقى إيه الدنيا من بعدك تكون؟
Post: #9 Title: Re: اغنية الشجن الاليم اغنية تشفط الدبرسة Author: Osman Musa Date: 04-02-2018, 01:04 PM Parent: #8
الله يديك العافية يا اخ ناصر ومشكور علي جلب الشغل النضيف المكرب . الشباب ديل ح تكون ليهم شنة ورنة وعن قريب .
Post: #5 Title: Re: اغنية الشجن الاليم اغنية تشفط الدبرسة Author: Osman Musa Date: 04-02-2018, 10:58 AM Parent: #2
سلامات يا استاذ ود آب سن . عاد يا اخوي شن قولنا بلا الصبر ؟ تحياتي الأكيدة
Post: #6 Title: Re: اغنية الشجن الاليم اغنية تشفط الدبرسة Author: احمد حمودى Date: 04-02-2018, 11:13 AM Parent: #5
Post: #10 Title: Re: اغنية الشجن الاليم اغنية تشفط الدبرسة Author: Osman Musa Date: 04-02-2018, 03:45 PM Parent: #6
الاخ الفنان حمودي سلامات و مشكور كتير الشكر علي تخفيف احمال الدبرسة . تحياتي
Post: #7 Title: Re: اغنية الشجن الاليم اغنية تشفط الدبرسة Author: Osman Musa Date: 04-02-2018, 11:18 AM Parent: #5
سلامات يا ود حامد مستشارنا في البحر والجو . اهلنا الأمريكان يا ود حامد زمان دخلونا في مانهاتن فندق 5 نجوم قالولنا ده أسمو الانتينسف كورس . جننا داخلات وعلتين كل واحدة شايلة كوم كتب . علمونا انجليزي البيع . وكيف تشرح للمشتري كيف يحافظ علي صحة رقادو . . وكلام ما ليه حد عن مراتب التمبربيدك الشهيرة . وشفطها للدبرسة المستفحلة. الأغنية دي عجيبة يا ود حامد . كلام الوعلتين السمحات ديك طلع ساكت . بارك الله فيك