يحى قبانى الذى حقق حلمى...

07:36 PM April, 01 2018

سودانيز اون لاين
مبيوع-USA
مكتبتى
رابط مختصر

تمام العاشرة صباحا كان على الموعد فى تورونتو
امام مدخل البناية ترجل عن سيارته الفارهة لسلام دافئ
فعلمت انه ابن البلد الاصيل. غربة طويلة جعلته اكثر دفئا
وحميمية السلام والترحيب الحقيقى حركت مشاعرى فحبست دموعى
خجلا ...
اعتدت قبلا على لقاء بورداب الدوحة .. فكان بيننا الكثير.. بالرغم من انهم هدأوا
كثيرا وتوقف نشاطهم الجميل لاسباب قد اجهلها... فكانت الدوحة الملاذ الجميل...
فتحية صادقة لهم...
المشوار مع يحى كان مختلفا.. ففى هذا اليوم خفت حدة البرد وهلت الشمس ساطعة
لتحيينا وتنذرنا بيوم لا ينسى...موسيقى الخلفية كانت البومى الجديد (انا والليل)...
ساعة ونصف مرت فيها معالم الطريق لتشدنا لعوالم من الخيال الجميل وتترفق بنا لغربة فى تلك اللحظات..
حططنا الرحال فى Niagra Falls وتحقق حلمى برؤية احدى معجزات الخالق... امتلأ السياج بالناس من كل لون
فى لحظات اندهاش.. والجميع يلتقط الصور التذكارية.. حتى نحن... بعد ان ملأنا اعيننا ببدائع المكان جلسنا فى المطعم
المطل على الشلال لتناول الغداء...هى لحظات انطبعت فى خاطرى للابد..
طالت بك الغربة يا صديقى فهل من عودة للوطن بعد طول الغياب لنحملك فى حدق العيون
لك يا صديقى كل المحبة... وتحية لكل بورداب كندا

ياسر مبيوع 1-4-2018

والله انتو السودانيين تحيرو ...وتزيدونا دائما ثقة بأنكم دائما بخير..ومازلتم تتمسكون بتقاليدنا السودانية السمحة .من قبل قرأنا كيف استقبل ناس أبوظبي خالد العبيد وأبو الريش والان ود قباني مثال آخر...للكرم والشهامة والمروءة والتحية من هنا له وللفنان ياسر مبيوع .
مع وافر التقدير والاحترام والامتنان

شكرا يا امتثال على الاطلاله ...
الذين خرجو ايام السودان السمح ما زالو يحتفظون بنفس السمات السمحه..
الناس فى البلد طحنتهم الظروف وتراكمت عليهم الماسى فتغيرو مضطرين
مع انو فى ناس ما طلعو من السودان ولكن مازالو بالصفات الجميله
لكنهم انزوو فى ركن هادئ... لتجدهم عليك بالبحث الصبور..
لك تحياتى

التحية لاى الباشمهندس يحى قبانى فى برارى كندا و Niagara Falls ولك التحية ايضا دكتور مبيوع

تحايا لك أخي ياسر وللعزيز يحيى..

إن شالله حضرت منظر الشلالات ليلا مع آلوان قوس قزح فمعها ينتابك إحساس أنك في مجرة أخرى
يا يحيى وديهو ناس البخور ..

ياسر إفتقدناك في جلسه أمدرمانيه سمحه بقيادة صلاح بشرى منذ أيام قريب من شلالات المورده


مودتي

أيوااا تِلِكْ يا مرتضى صور ناس البخور دي الدايرينها مش طعمية وفول وزيت سمسم

معليش مبيوع ما سلمنا عليك ،أيوة كدة يا مرتضى وشوشنا العبير

ياسر مبيوع ...

فنان مطبوع حساس و و رقيق جداً و رجل استثنائي ...

سعيد جداً يا دكتور باللقاء و اليوم البديع ...

و موعودين بايام جميلة قادمة في صحبتك يا جميل ...

المنتصر ..
عليك تحياتي..

ጥሩ ቡና t’
iru buna

صاحبك خبير ..
إنت قايل الموضوع أغاني وحكاوي أمدر وأزقة (ود ارو) بس..

هه ..

والله انتو السودانيين تحيرو ...وتزيدونا دائما ثقة بأنكم دائما بخير..ومازلتم تتمسكون بتقاليدنا السودانية السمحة .من قبل قرأنا كيف استقبل ناس أبوظبي خالد العبيد وأبو الريش والان ود قباني مثال آخر...
للكرم والشهامة والمروءة والتحية من هنا له وللفنان ياسر مبيوع . مع وافر التقدير والاحترام والامتنان

تحياتي ليك يا امتثال ...

مبيوع رجل فاق حد الجمال ...

تحياتي مبيوع
وضيوفك
خشيت ابدي اعجابي بسيارته الفارهة

ود ابو سن
ما وريتنا السيارة الفارهة ماركتها شنو..
ورينا كمان كيف تعرفوا السيارة فارهة ...ببلد الصناعة!!
ولييه ما تهنئ بت عطبرة و عندها مرسيدس( وجه ضاحك)
والتحية لصاحب البوست وضيوفه الكرام
مع وافر التقدير والاحترام

قريبي وصديقي
لكما التحية والحب

الحلوين اتلمو

التحية لاى الباشمهندس يحى قبانى فى برارى كندا و Niagara Falls ولك التحية ايضا دكتور مبيوع
احمد حمودي يا جميل ...

ناس براري كندا ديل ماس ود المدير و كبر و الصاوي ...

انحنا من ارض المحنة من قلب كندا يا حبيب ...

تحياتي ليك يا حلو ...

تحايا لك أخي ياسر وللعزيز يحيى.. إن شالله حضرت منظر الشلالات ليلا مع آلوان قوس قزح فمعها ينتابك إحساس أنك في مجرة أخرى يا يحيى وديهو ناس البخور ..
ياسر إفتقدناك في جلسه أمدرمانيه سمحه بقيادة صلاح بشرى منذ أيام قريب من شلالات المورده مودتي

مولانا السمح ...

لك الوعد بمشوار مع الجميل ياسر لناس القهوة الإحتفالية ...

ليتك معنا هنا يا مرتضى ...

يا امتثال فارهة دي لامن تشوفيها من بعيد تتخيليها اكل

صحيتو فينا الاحساس الجميل
و هكذا نبدا صباح جميل ليوم اجمل بفضل هذه المشاعر النبيلة
شكرا للجميع
و لصاحب البوست المرهف الحس ..الاعجاب و الود
و فعلا يا سفيان ( اتلموا الحبايب )
مودتى و تقديرى

يا سلام على البوست الرشيق للصديق الذي لم نلتقى به بعد... الاستاذ يحي قباني ... ان شاء الله اتحليت من العكليت الإسمو الكنزي؟ اوعك من التكفيريين يا قباني..
والدكتور الفنان الجميل ياسر مبيوع صاحب الصوت الفخم والضخم والدسم في نفس الوقت... أمريكا في انتظارك وشلالات نياجرا حقو تعمل فيها كليبات لبعض اغانيك الجميلة...

مولانا محمد المرتضى لك التحية والكثير من الشوق...

سلام وشكر لكل الاحباب والضيوف الاعزاء

يا سلام ..

فنان قابل فنان ..

ربنا يوفقكم .. والجميع ...

تحياتي ,,

صاحبي يحي ...
وصاحبي ياسر ...

إستمتعوا لينا معاكم ياخ

أيوااا تِلِكْ يا مرتضى صور ناس البخور دي الدايرينها مش طعمية وفول وزيت سمسم
ايوااا تِلِك قلت لي ...

معاك اجيال جديده هنا يا مونتا ... اشرح لينا لو سمحت تِلِك يعني شنو ؟

الف مرحب بالمبدع ياسر فى امريكا الشمالية

طالما انت فى ضيافة الحبيب الباشمنهدس عشمنا أن تركبوا ال 95 ساوث وتصللونا فى نيويورك

برنامج العيد وكدا

ياباشمهندس امضينا يومين برفقة ودالمدير وجلال كنا نمنى النفس أن نكحل أعيننا برؤيتك

ياخوى مسعول من الخير ودالمدير دا رباطابى

اكيد ودالمدير فى فترة نقاهة

ماقلت ليك --- عملنا ليهم تدشين فى بروكلن -- شمار حاااااار

انقر لى شنو؟

كمان عندنا صور

حا ننزل صورنا هنا اللسبوع الجاي إن شاء الله .
يا مبيوع نسيت أقولك إنو الأُستاذ منان سعلني عنّك لك وله
وللجميع هنا سلامي .

حسن حمّاد،
ها ها ها .

أُستاذي المرتضى وحات الله مشتاقلك بالحيّل ...

حسن حمّاد،
ها ها ها .

يضحك السمك- - -

كدى اليرجع يحيى وفضيحتك ليها قلاقل

الفنان ياسر في معية الفنان الباشمهندس يحيى قباني
الف مرحب وعسى أن يطيب بك المقام

لكما التحية اصدقائي الاحباب ..

الخلوق الرقيق دكتور مبيوع .. وحبيبنا الاصلي قباني .


ويا دكتور ياسر اشهد لك تستاهل كل خير يا وش
الخير .. ولم انسي حضورك لنا وتواضعك واحياك
لنا حفل منظمتنا بمدينتنا ( لايدن ) من غير شروط
ولا مقابل يذكر .. ودا دليل كافي انت فنان ومحبوب
مدينتنا الاول ... متعك الله بالصحة والعافية .

ومن هنا بنقدم ليك دعوة لاقامة حفلنا الصيفي القادم .

مع خالص التقدير والحب لك ولصديقنا ود قباني .

ودمتم ..

ابعث بالتحايا لكم اخوتى واخواتى...شكرا يا منى على الدعوه وساكون فى الموعد...انتى عارفه انو مكانتكم عندى كبيره وانتو بالهمه والنشاط دهواعمالكم الخيرية تشهد ليكم...شكرا تانى واشوفكم قريب