02:24 PM March, 30 2018 سودانيز اون لاين
يحي قباني-فى الدنيا العجيبة
مكتبتى
رابط مختصر
مغروف من الواتساب :)
يا كوم النمل سكرنا وين وديتو
سفيتو ومعاك الشعب طالع زيتو
عندي احساس عميق مع اني ما باريتو
السكر يكون .. نقلو النمل لي بيتو
...
في هذا الوطن يا اخوانا للتاريخ
الفيران بتاكل .. في الكباري السيخ
الليمون رقد واتعزز البطيخ
والعجب النمل خلاهو شاينا مسيخ
...
نحن اولاد بلد .. فيرانا للعين تملى
شوالنا الغليد عادي بتقومبو النملة
اصلا ما بعيد باكر تجينا القملة
بتسف الدقيق وتشن علينا الحملة
...
يا نمل البلد .. ورينا وين السكر
خليت الالم جوة الضلوع يتحكر
الخلاني اتامل كمان واتفكر
الشوال دا كيف بتسفو نملة سكر
...
اربعمية قالو وزادو فوقن حبة
شولات معباة واقفة زي الصبة
يا اخوانا النمل معروف بياخد حبة
شوال ذاتو كيف جو الجحور يتخبى
...
السكر قطع .. لا شاي ولا بسبوسة
والجبنات خلاص سبناها ما بنكوسا
باغات الزيوت بكرة البجينا يدوسا
اوعي تقولو ليا .. و اسألو الناموسة
..
اشعار ود المجذوب