Post: #2
Title: Re: المهندس حاتم ابراهيم في ضيافة قناة العربي
Author: محمد البشرى الخضر
Date: 03-27-2018, 06:39 AM
Parent: #1
جيتو جارين قايلنو اب زمبارة مش!
خخخخخخخ
|
Post: #3
Title: Re: المهندس حاتم ابراهيم في ضيافة قناة العربي
Author: walid taha
Date: 03-27-2018, 06:48 AM
Parent: #2
ود البشرى الرجاء عدم تعمد الإثارة ;)كان ممكن تقول " مهندس سوداني فى ضيافة قناة العربية (فيديو) "
|
Post: #4
Title: Re: المهندس حاتم ابراهيم في ضيافة قناة العربي
Author: walid taha
Date: 03-27-2018, 06:49 AM
Parent: #3
قناة
|
Post: #5
Title: Re: المهندس حاتم ابراهيم في ضيافة قناة العربي
Author: ابراهيم عبد الوهاب
Date: 03-27-2018, 06:50 AM
Parent: #2
هههههههه
بقيت بتاع كمره خفية
لكن
ما بعيد يكون هو
|
Post: #6
Title: Re: المهندس حاتم ابراهيم في ضيافة قناة العربي
Author: محمد البشرى الخضر
Date: 03-27-2018, 06:59 AM
Parent: #5
رجاءك عزيز يا وليد لكن للأسف غير مقبول
شوية اثارة مع البورد العدم الآكشن دا ما بطالة , ولاّ شنو
بعدين العنوان تيكنيكالي صحيح وصادق ومافيه حرف واحد كذب ودا المهم :)
شفت كيف يا ابو نضّارة
جات زابطة مش
|
Post: #7
Title: Re: المهندس حاتم ابراهيم في ضيافة قناة العربي
Author: أحمد محمد عمر
Date: 03-27-2018, 07:00 AM
Parent: #6
بركة الحرقتها من أول مداخلة لأنه كان حأبقى أطرش في الزفة ومغلي بالشمار لحدي الساعة 5
|
Post: #8
Title: Re: المهندس حاتم ابراهيم في ضيافة قناة العربي
Author: محمد البشرى الخضر
Date: 03-27-2018, 07:13 AM
Parent: #7
هههه لا حاول اخد بريك ولاّ حاجة, لأن الموضوع يهمّك
الحديث عن "انترنت بدون انترنت", مشروع شركة بريطانية لتقديم محتوى النت عبر الهاتف العادي الجيل الأول و التاني باستخدام الخدمات الصوتية و الـ SMS بتكلفة نص دولار شهريا
|
Post: #9
Title: Re: المهندس حاتم ابراهيم في ضيافة قناة العربي
Author: أحمد محمد عمر
Date: 03-27-2018, 07:18 AM
Parent: #8
أريت أكان بجيبها البريك
عندي إعفاء قسري من اليوتيوب يومياً من الصباح حتى الخامسة مساء
|
Post: #10
Title: Re: المهندس حاتم ابراهيم في ضيافة قناة العربي
Author: محمد أبوالعزائم أبوالريش
Date: 03-27-2018, 07:28 AM
Parent: #8
بعدين الزول ده إسمو مهندس حاتم إبراهيم ....
يعني ده بتاع شهادة كرتونية ساكت :)
|
Post: #11
Title: Re: المهندس حاتم ابراهيم في ضيافة قناة العربي
Author: محمد الأمين موسى
Date: 03-27-2018, 07:55 AM
Parent: #10
| Quote: جيتو جارين قايلنو اب زمبارة مش! |
وما أدراك أنه ليس أب زمبارة؟ يعني عشان ما لابس نضارة؟
|
Post: #12
Title: Re: المهندس حاتم ابراهيم في ضيافة قناة العربي
Author: طلحة عبدالله
Date: 03-27-2018, 09:29 AM
Parent: #11
Quote: العنوان تيكنيكالي صحيح وصادق ومافيه حرف واحد كذب ودا المهم
|
الكتابة في البورد بالنيات
ثم انو عمليتك دي زي عملية بتاعت المنقة اللى بقنطر
المنقة السمحة بى فوق الكرتونة وتحت كلها بايظة ويبيعا للزبون .
اتقوا الله يا عباد الله .
.................
مما نطيت في الفيس بنكتة عمرها مية سنة قنعت من خيرا فيك .
|
Post: #13
Title: Re: المهندس حاتم ابراهيم في ضيافة قناة العربي
Author: Abureesh
Date: 03-27-2018, 09:50 AM
Parent: #12
ما عارف المشكلة شنو.. لو الاسماء متطابقة وهذا يحصل كل يوم توضيح فى جملة واحدة يكفى.. ولمن يسال ان المهندس حاتم ليس هو زميلنا فى المنبر.. وانتهى الموضوع.
نجى للموضوع زاتو
اولا حركة يدى المهندس حاتم التى لم تتوانى ولم تتوقف ولو للحظة بعثرت الإهتمام والتركيز على ما قاله. ساحتاج أفرغ الفيديو فى ملف صوتى فقط ثم استمع اليه.
نصيحة للباشمهندس لعروضه المستقبلية:
1. قلل من حركة اليد.
2. لا توجه راحة اليد اليك ابدا.. وانما وجهها للمشاهد. فإن توجيه راحة اليد الى النفس وظهرها للمشاهد يعنى الأنانية وحب الذات, وانك المركز وليس المشاهد.
3. العنوان غير دقيق ولا يعبر عن اى حقيقة. ما فى انترنت بدون انترنت. ممكن تكون الانترنت بالتلفون بالدى اتش ال.. اى حاجة.. لكن لو اساس ما فى انترنت فما حتكون فرصة تتصل على انترنت حتى لو على ظهر حمار.
|
Post: #14
Title: Re: المهندس حاتم ابراهيم في ضيافة قناة العربي
Author: Nasser Amin
Date: 03-27-2018, 11:14 AM
Parent: #13
حصري دي ظبطًت الموضوع
زي بوستر فيلم مكتوب فيهو اثارة , عنف , مطارادات
تحضر الفيلم , كف واحد مافيهو
احباط شديد
|
Post: #15
Title: Re: المهندس حاتم ابراهيم في ضيافة قناة العربي
Author: أحمد محمد عمر
Date: 03-27-2018, 11:31 AM
Quote: زي بوستر فيلم مكتوب فيهو اثارة , عنف , مطارادات
تحضر الفيلم , كف واحد مافيهو |
قبل فترة واحد صاحبي طبق فيني جنس نظرية :)
هو معلم بتاع أفلام .. راجل ذواق جداً
عندنا قروب في الواتساب رفع لي فيه صورة فيلم وقال لي عليك الله أجضم الفيلم دة وأديني فيه رأيك
يا مؤمن يا مصدق نزلت الفيلم وبديت احضر فيه .. بااااااايخ بياخة .. قدر ما أحاول اندمج فيه ما أقدر
رتاااابة وملل خليهو ساي
كل مرة أوقفه وامشي اشرب لي شاي ولا قهوة ولا أي مصيبة زمان وأجي أواصل عشان اعرف المعلم دة رشح لي الفيلم ليه
لحدي ما وصلت موسيقى النهاية ما لقيت غير البياخة
طوالي فتحت القروب ونزلت فيه نبز دة شنو دة يا وهم! انت جلست وذوقك بقى واطة .. طلعت روحي بالملل الحضرتني ليه دة
رد لي ببروووود : يعني الفيلم بايخ وما بستاهل يتحضر؟
واصلت كواريك : دة مرض عدييييييل كدة
قال لي : لا كان كدة خلاص .. أنا أساساً كنت متردد أحضره ولا ما أضيع فيه زمني قلت اخليك تحضرو انت وتوريني بستاهل يتحضر ولا لأ
طبعاً ردودي السبعتاشر على عبارته دي غير صالحات للنشر
|
Post: #16
Title: Re: المهندس حاتم ابراهيم في ضيافة قناة العربي
Author: Nasser Amin
Date: 03-27-2018, 11:52 AM
Parent: #15
صاحبك تحفة , خلاك تشتغل (ذوًاق)
بعدين انا جاييك في موضوع (العريانة و حاضنه سمكة)
بنكت البوست و بجيبو
|
Post: #17
Title: Re: المهندس حاتم ابراهيم في ضيافة قناة العربي
Author: محمد محمود محمد
Date: 03-27-2018, 02:43 PM
Parent: #16
| Quote: جيتو جارين قايلنو اب زمبارة مش! |
عرفتوا كيف ما أب زمبارة ي محمد البشرى؟ 😊
|
Post: #18
Title: Re: المهندس حاتم ابراهيم في ضيافة قناة العربي
Author: Gaafar Ismail
Date: 03-28-2018, 03:15 AM
Parent: #17
الأخ الحبيب ود البشرى وضيوفه الكرام
شكرا جزيلا على عرض هذا الفيديو التنويري الهام .
الباشمهندس حاتم الطاهر إبراهيم مهندس ذو خبرة ثرة في مجال الاتصالات ومتمكن في مجاله
ويشرف كل من عرفه عن كثب .
أتمنى له دوام التوفيق وكمال الصحة .
تحياتي ووافر احترامي
|
Post: #19
Title: Re: المهندس حاتم ابراهيم في ضيافة قناة العربي
Author: محمد البشرى الخضر
Date: 03-28-2018, 08:46 AM
Parent: #18
هلا يالشباب هلا هلا
دخلت موقع شركة ONEm ولقيت بروفايلات طاقم الادارة, المهندس حاتم ابراهيم في الفيديو هو الـ COO للشركة يعني عب كبير فيها وعارف بتكلم عن شنو
ومكتوب في بروفايله انه خلفيته الاكاديمية مهندس معماري, يعني يا دكتور محمد الأمين و محمد محمود دا سبب اضافي يخليني اقول انه ليس حاتم ابو زمبارة بتاعنا
تنظير انت الجابك لقائمة الأصدقاء في الفيس شنو؟ لا اذكر اني اضفتك
بقيت تهكر كمان عرفنا التنظير
مافي مشكلة يا ابوالريش, ومرحب بيك في ابوظبي بالمناسبة السعيدة, عادي تشابه الأسماء و العنوان غيه حركة في شكل وردة كدا
اليوتيوب معنون بي انترنت دون انترنت مأخوذة من تقرير القناة هم عنونو الفقر كذا وهي بالطبع ليست دقيقة لكنّها تقرّب الفكرة, فالوصول لمحتوى يحتاج خدمة بيانات عن طريق خدمة الصوت و الرسائل النصية فقط تقريبا يشبه الفكرة
يا ناصر انا زاتي ما عارف اخترت ايقونة حصري دي كيف, بأمانة بكرهها هي وعاجل و مربوطات عندي بالطربدة و الكذب و النضال الكيبوردي عموما !
تحياتي عمّنا جعغر
من بروفايل المهندس لقيتو درس و اشتغل في اليابان فترة شكلو معرفتك بيه شخصية
سلّم لينا عليه وقول ليه ناس السودان كان شغّلتوا ليهن الواتساب بالخدمة دي كفاية ما دايرين شي تاني ههه
|
Post: #20
Title: Re: المهندس حاتم ابراهيم في ضيافة قناة العربي
Author: Gaafar Ismail
Date: 03-28-2018, 12:40 PM
Parent: #19
(بروفايل المهندس لقيتو درس و اشتغل في اليابان فترة شكلو معرفتك بيه شخصية
سلّم لينا عليه وقول ليه ناس السودان كان شغّلتوا ليهن الواتساب بالخدمة دي كفاية ما دايرين شي تاني ههه)
الحبيب محمد البشرى
نعم معرفتي به شخصية فهو صهري وهو رجل خلوق ولطيف للغاية .
تحياتي ووافر احترامي
|
Post: #21
Title: Re: المهندس حاتم ابراهيم في ضيافة قناة العربي
Author: حاتم إبراهيم
Date: 05-31-2018, 07:24 AM
Parent: #1
وبعدين أنا ذاتي ما مهندس!
انتهز الفرصة دي وأودعكم لفترة شهر، عندي زراعة في الخلاء.
زارع شوك!
- الجماعة أبان غباين يصروها لمن أجي.
- وأبان مواضيع جادة نشيفكم بعد شهر واحد أحد.
- والمتابعين لحلقات مسلسل بنانا اتمنى ليكم قضاء عيد سعيد.
فلو ما رجعت أوصيكم بدق الفلول، ما تدوهم الفرصة، محلي مافيهو انترنت أنفورشنيتلي.
بوستاتي ما ترفعوها، في ناس بيقوم عليهم الأندشيش من يشوفوا الزمبارة
هانذا أغادر، ولا نامت أعين الجبناء.
___
تحياتي ود البشرى.
|
Post: #22
Title: Re: المهندس حاتم ابراهيم في ضيافة قناة العربي
Author: MOHAMMED ELSHEIKH
Date: 05-31-2018, 07:41 AM
Parent: #21
حولااااااااااااااااااااااااااااا
دا نكتوا من وين يا حاتم المامهندس؟
|
|