لا يساورني اي شك في هذه اللحظة "التاريخية" في أنني المقصود بكلمات هذه الأغنية. نعم سموني "عقيد القوم" ولم لا؟ فمن منهم افضل مني؟ الحكاية ما بالطول ولا ببياض الجلابية وطول العصا، بل هي قناعة تنبع من اعماق هذا القلب الشاهق الذي تلفه سحابات كونتها ابخرة الايثانول وربما بعض الميثانول فمن يدري كيف تصنع اولئك النسوة مشروباتهن "الروحية" ذات القوى السحرية التي تجعلك عقيدا للقوم هكذا دون حاجة الى اي اعتراف من القوم او بيعة يقدمونها لك. قد يقول قائل أني اعرض برة الدارة. لهذا ولمثله اقول بل أن الدارة هي التي تعرض خارجي اللول اللول.
Post: #2 Title: Re: يا السموك عقيد القوم! Author: معاوية الزبير Date: 03-26-2018, 02:57 AM Parent: #1
مالك يا زول.. إن في الألحان لسحرا
Post: #3 Title: Re: يا السموك عقيد القوم! Author: عبداللطيف حسن علي Date: 03-26-2018, 07:24 AM Parent: #2
الدارة هي التي تعرض خارجي
ـــــــــــــــــــ تاني شنو ليك
Post: #4 Title: Re: يا السموك عقيد القوم! Author: محمد البشرى الخضر Date: 03-26-2018, 07:37 AM Parent: #2
دي قراية جميلة ومختلفة يا دكتور مر علي المقطع وما وقفت فيه بطريقتك دي, يمكن لفت انتباهي اكتر الطمبور البتعزف بالكيبورد دا أكتر لكن تاني التصبر لي المقاطع الزي دي! بحاول اتقمّص روح البطل واقراها بطريقتك بس الله يستر ما أقع لي في حاجة ما ياها بعيد عنّك في مقاطع عجيبة مرّات :)
Post: #5 Title: Re: يا السموك عقيد القوم! Author: سيف النصر محي الدين Date: 03-26-2018, 01:47 PM Parent: #4
سلامات يا معاوية شكلك من "مكاتيل" إيقاع السيرة زينا.. هيييع. 😊
Post: #6 Title: Re: يا السموك عقيد القوم! Author: سيف النصر محي الدين Date: 03-26-2018, 01:50 PM Parent: #5
سلامات يا عبد اللطيف بالله شفت المعلم ده مبسوط وطاير في السما كيف؟
Post: #7 Title: Re: يا السموك عقيد القوم! Author: سيف النصر محي الدين Date: 03-26-2018, 01:58 PM Parent: #6
سلامات يا ود البشرى تعرف تابعت تعليقات الناس على المقطع في عدة قروبات واتساب وصفحات فيسبوك وعلى اليوتيوب وكلها اجمعت على محبة خالصة للزول ده وخلت من اي ادانة او نبرة تهكم. جماهيرنا طبعا مزاجية وتكيل بزي الف مكيال كده، واخد بال حضرتك 😀
على كـيفي ... أرقع جبتي أولا أرقعها.. أطرزها من اللالوب .. ألبسها على المقلوب. أخلعها .. على كـيفي . أنا لم أنتخب أحدا... وما بايعت بعد محمد رجلا . ولا صفقت للزيـــف .. لماذا أعلنوا صوري؟ لماذا صادروا سيفي..؟ أنا ما قلت شيئا بعد حتى الآن .. حتى الآن أسلك أضعف الايمان.. ما أعلنت ما أسررت ما جاوزت في الأوبــات .. سرعة زورة الطيـــف أهرول بين تحقيقين أصمت عن خراب الدار .. عن غيظ مراجله تفك مراجل الجــوف سئمت هشاشة الترميز ما بعد الزبى يا سيل من شيء .. لمن يا طبل والخرطوم غائبة و أمدرمان والنيلان يختلفان .. والأطفال في الخيران والحرب الدمار الجوع كيف الحال ؟ لا تسأل عن الكيف .. حبيبي أنت يا وطن النجوم الزهر .. سلهم كيف ؟ سل عني .. لماذا لم يخلوني على كيفي ..؟ أنا والله ضد نخاسة الأحرار باسم الذين .. ضد الضد والضدين ... ضد جهاز خوف الأمن .. ضد الأمن بالخوف .. أنا في هذه الدنيا على كيفي .. إلى أن تكمل الأشراط دورتها . بمهدي حقيقي لينقذنا من الدجال والتمثال . والإشراك والحيـف سأبقى ما حييت أنا على كــــــيفي إلى أن تطهر الدنيا وينزل سيدي عـــيسى لأن طريقتي في الحب يا وطني على كـيفي
الكتيابي
Post: #11 Title: Re: يا السموك عقيد القوم! Author: عمر السلمة Date: 03-26-2018, 03:04 PM Parent: #1
سبحان الله قبل دقائق بس كنت لافي في اليوتيوب بشاهد فيه تقريباً يومي بشاهده الزول دا نعم في البداية اترتح لكن تاني ظبط عرضة زي العرضة وكمان قسسسم لينا من قلبه ههههههههههه
تحياتي للجميع
Post: #12 Title: Re: يا السموك عقيد القوم! Author: عمر أبوعاقلة Date: 03-26-2018, 03:44 PM Parent: #11
تصدق يا سيف ومصداقاً لكلامك دا وكل ما أمر على هذا المقطع أستلف عراقيه الشربان دا وعصاته وأعرض زيييييييين .. فقط ينقصني الميثا أو الايثا (أيهما يأتي أولاً)
والعجيب برغم الأبخرة في رأسه إلا أن الريثم حقو ظابط صاح وكمان بقسم في الكيمان .. عجيب ياخ
ما اظن في واحد سعد وانطرب زيو وتحول في تلك اللحظة لعقيد القوم شكرا سيف شكرا معاوية ان جعلت رؤية المشهد ممكنا
Post: #14 Title: Re: يا السموك عقيد القوم! Author: سيف النصر محي الدين Date: 03-26-2018, 04:32 PM Parent: #13
مش بالله يا سفيان، ثم سلامات ياخي.
Post: #15 Title: Re: يا السموك عقيد القوم! Author: سيف النصر محي الدين Date: 03-26-2018, 04:34 PM Parent: #14
سلامات يا باسط كلنا ذلك الرجل 😀
Post: #16 Title: Re: يا السموك عقيد القوم! Author: سيف النصر محي الدين Date: 03-26-2018, 04:41 PM Parent: #15
سلامات يا منتصر فعلا لسان حال صاحبنا ده يردد: على كيفي.
Post: #17 Title: Re: يا السموك عقيد القوم! Author: سيف النصر محي الدين Date: 03-26-2018, 09:51 PM Parent: #16
سلام يا عمر السلمة في البداية صاحبنا شكلو كان عايز يعمل حركات خطيرة هههه لكنه بعدها أتصرف حسب وضعه الراهن و إيقاعه انتظم خالص.
Post: #18 Title: Re: يا السموك عقيد القوم! Author: محمد المرتضى حامد Date: 03-27-2018, 00:03 AM Parent: #17
(فقط ينقصني الميثا أو الايثا (أيهما يأتي أولاً)) لأنسج على نفس النول ..
سلام يا سيف يغشاك وضيفك..
Post: #19 Title: Re: يا السموك عقيد القوم! Author: سيف النصر محي الدين Date: 03-27-2018, 02:15 AM
سلامات يا ابو عاقلة ((وكمان بقسم في الكيمان .. عجيب ياخ)) عشرين كوم كان ما عاجبك، عارف زولك ممكن كمان يكون مقتنع انو بت ام روابة دي بتكون قاصداهو بي "انا بريد الزول" :)
Post: #20 Title: Re: يا السموك عقيد القوم! Author: محمد البشرى الخضر Date: 03-27-2018, 07:51 AM Parent: #19
Quote: أن الدارة هي التي تعرض خارجي
يا ابو السيوف العبارة دي معلّقة معاي من اول البوست لدرجة انه تاورتني رغبة ان تكون هي إمّا عنوان او ثيمة رئيسة في أول عمل ادبي لي بعد أصل الخمسين ان شاء الله فا اسمح لي بها و ليك علي اهدي ليك العمل - من ضمن آخرين بالطبع
Post: #21 Title: Re: يا السموك عقيد القوم! Author: عمر مصطفى مضوي Date: 03-27-2018, 09:55 AM Parent: #20
تحياتي اخ سيف ..
حكى لي احد الاصدقاء انه وآخر من الاغنياء جدا في بلدهم كانوا عائدين الى البلد ذات عيد . وعلى مشارفها رأوا شخصا من الذين يعاقرون بنت باخوس والمشهورين بها ،، يغط في نوم عميق ا تحت ظل شجرة لا يغطي سوأته اي ورق ... فما كان من صاحبه الا أن قال له اريتني كان زي الزول ده ،،، ثم انشد للفيتوري : دنيا لا يملكها من يملكها أغنى اهليلها سادتها الفقراء .
Post: #22 Title: Re: يا السموك عقيد القوم! Author: سفيان بشير نابرى Date: 03-27-2018, 10:48 AM Parent: #21
اها ما جامكم واحد من (السلاحدة*) اتلح البوست وقال:- انكم تشيعون الفاحشة!؟
