عجباً، حتي النمل لم يسلم من الظلم!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #3 Title: Re: تصدقوا نمل السكر في السودان يأكل 450 شوال س� Author: زهير عثمان حمد Date: 03-25-2018, 09:14 PM Parent: #2
أخي علي تحياتي بالفعل ديل ظلموا كل شيء علي الارض لكين دوام الحال من المحال ونحن شغالين وبكرة قريبه ما بعيدة لك ودي
Post: #4 Title: Re: تصدقوا نمل السكر في السودان يأكل 450 شوال س� Author: محمد فضل الله المكى Date: 03-26-2018, 06:06 AM Parent: #3
.يعيش النمل في ممالك ، ولكل مملكة ملِكة ، كان هنالك مستودع سكر أُقيم في ارض المملكة دون علم الملكة، فقررت الإنتقام من المعتدين على أراضيها .
حسب آخر تعداد أجري في المملكة فإن عدد النمل بها كان 100 ألف نملة . 60 % منهم من الإناث محزحزات الخصور، و40% من الذكور .أصدرت الملكة (نمولة) وهذا هو اسمها الذي لا يجرؤ احد في المملكة على مناداتها به مجرداً .أصدرت مرسوماً ملكياً بمصادرة السكر ونقله إلى مخازن المملكة على ان تضاف الكمية للمخزونالإستراتيجي.اجتمع مجلس الشغل بالمملكة برئاسة ( فحل النمل) وشرح خطته لوضع المرسوم الملكي موضع التنفيذ ، وقد جاءت الخطة كما يلي:
* تتكون القوة الناقلة من جميع سكان المملكة دون استثناء. * المسافة من مستودع السكر وحتى مستودعات المخزون الإستراتيجي في باطن الأرض تقطعهاالنملة في ثلاث دقائق للذهاب ومثلها للإياب.. وعليه فإن كل نملة تنقل 10 حبات سكر في الساعة. * وبما أن القوة الناقلة 100 ألف نملة فإن جملة المسحوب في ساعة واحدة يبلغ مليون حبة سكر.كانت الروح المعنوية للنمل عالية جدا أثناء العمل ، وكان الجميع يغنون بصوت واحد ( قالواقطعة سُكر... قلنا أحلى وأنضر). * بما أن شوال السكر زنة 50 كيلو فيه نصف مليون حبة سكر ، فإن نمل المملكة يستطيع نقل 48 جوال في اليوم بمعدل شوالين في الساعة، بطريقة ( دخلت نملة وأخذت حبة وخرجت ). * في خلال 9 أيام استطاع النمل نقل 432 جوال سكر وفي اليوم العاشر بدات عملية تشطيب مخزن (الهُبُل) في السادسة صباحاً كالمعتاد ، فلم يتبق سوى 18 جوالاً .. وفي الثالثة بعد الظهر كانت هنالك كيمان من السكر داخل مستودع النمل تحت الأرض.. وهنالك كمية من الجوالات الفارغة فيالمستودع الذي هو فوق الأرض ... وشكيتكم لى الله يوم العرض.
Post: #5 Title: Re: تصدقوا نمل السكر في السودان يأكل 450 شوال س� Author: muntasir Date: 03-26-2018, 06:38 AM Parent: #3
ليه ما أصدق إذا فئران أكلوا كبري البمنع النمل ما يأكل ٤٥٠ شوال شنو
Post: #6 Title: Re: تصدقوا نمل السكر في السودان يأكل 450 شوال س� Author: Jamal Mustafa Date: 03-26-2018, 06:46 AM Parent: #5
ده نمل ماركة إنقاذية بلع طائرات سودانير وبواخر هيئة المواني البحرية كتيرة عليه 450 شوال سكر !!!!!!
Post: #7 Title: Re: تصدقوا نمل السكر في السودان يأكل 450 شوال س� Author: MOHAMMED ELSHEIKH Date: 03-26-2018, 10:45 AM Parent: #6
عادي جدا يصبح النيل ناشف ويكون السمك امبارح بالليل عطش وشربو
يا مستنير يوم حوبتك جا أول بالتبادي نملة السكر سعة كم والشوال سعة كم وكم نمله دخلت شالت حبه ومرقت وكم نملة نحتاج للحس ٤٥٠ شوال يمكنك الإستعانة بعمر 😂
Post: #9 Title: Re: تصدقوا نمل السكر في السودان يأكل 450 شوال س� Author: محمد فضل الله المكى Date: 03-27-2018, 04:53 AM Parent: #8
............ نمل السكر نمل السكر بالغت ما خايف من يوم الآخره يا نمل السكر بالغت ياخ تسرِق ليك شُحنةْ باخره تسرق سكر زولاً مسكين وعينك في الفلل الفاخْره
يا نمل السكر قول لينا هل بعت السكر للتجار؟ وشحنوهو كمان في كم دفار؟ يا نمل السكر يا حقار لا بتخاف إنك تمرض ولا بتخافوا عذا النار
يا نمل السكر شِلتو متين؟ والحراس نايمين بي وين؟ والعتاله حِسابُم كاش؟ ولا تبرع ولا بالدين؟ وهل عتالتك نمِل اب ريش؟ ولا النوع الراسو متين؟ وهل السكر كان مستورد؟ ولا كنانه ولا من وين؟
مافي أمانه ومافي أمان خزن خزن نمل السكر وبيع بالكاش كِده في رمضان وارفع سِعرو وأوعى تجامِل لا ناس الحِله ولا الجيران لا مسكيناً باين فقرو لا مُحتاجاً لا عدمان خزن ما ترحم والديك خزن ما ترحم انسان وحق الناس ما بضيع عندالله رافع السما واضع الميزان ................................. منقول
Post: #10 Title: Re: تصدقوا نمل السكر في السودان يأكل 450 شوال س� Author: ابراهيم عبد الوهاب Date: 03-27-2018, 06:09 AM Parent: #1
450 جوال يعني 450000 جنية عاملين الجوطه دي كلها وماسكين في حاجة فارغة شوفوا البترول والدهب والالماس البلحسوا فيهو دا بالمليارات
Post: #11 Title: Re: تصدقوا نمل السكر في السودان يأكل 450 شوال س� Author: محمد فضل الله المكى Date: 03-27-2018, 06:46 AM Parent: #10
إبراهيم مليون سلام
البترول الدهب السارق بين والمسروق بين . بس في الحالة دي السارق هو النمل ! وهنا موضع الإندهاش! أنا شخصياً عندي مزاج احضر يوم المحكمة.
Post: #12 Title: Re: تصدقوا نمل السكر في السودان يأكل 450 شوال س� Author: محمد فضل الله المكى Date: 03-27-2018, 06:46 AM Parent: #10
...........قالوا نملة سكر.
قالوا نملة سكر قلنا أحلى وأنضر كيف يكون المنظر والنمل مُستنفَر
غفيرو نايم يشخُر حالتو ما بتشكر النملة كانت أشطر في السرقة ما بتتعثر
Post: #13 Title: Re: تصدقوا نمل السكر في السودان يأكل 450 شوال س� Author: ابراهيم عبد الوهاب Date: 03-27-2018, 06:52 AM Parent: #12
محكمة للنمل
Post: #14 Title: Re: تصدقوا نمل السكر في السودان يأكل 450 شوال س� Author: محمد فضل الله المكى Date: 03-27-2018, 08:19 AM Parent: #13
. تعرف يا ابراهيم عبدالوهاب اخوي قالوا واحد من أساطين الصحافة ، يعني صحفيين زمان .. جابوا ليهو فراوده كده تحت التمرين ، وكلفهم بمتابعة الأخبار وكِده ... واحد مشى على السوق العربي لقط ليهو خبر وجا فرحان .. والخبر كان ( صباح اليوم عض كلب مواطن بالسوق العربي ) .. الأستاذ شرط الورق وقال ليهو دا ما بيعتبر خبر... يكون خبر لو المواطن عض الكلب !! يعني الخبر مايكون عادي لازم فيهو غرابة وإدهاش !!!
عشان كده بنفتش لنمل سرق كم طن سكر! شركت تنقيب عن الذهب تغمض تفتح تلقاها مافي ! حاجات زي دي وكده
Post: #15 Title: Re: تصدقوا نمل السكر في السودان يأكل 450 شوال س� Author: Gaafar Ismail Date: 03-28-2018, 03:55 AM Parent: #14
أمكن دا النمل ابريش لأنه بطير البعيد شنو عالم بطالة (كما يقول مجيدو )
Post: #16 Title: Re: تصدقوا نمل السكر في السودان يأكل 450 شوال س� Author: Osama Mohammed Date: 03-28-2018, 04:05 AM Parent: #15
Quote: تعرف يا ابراهيم عبدالوهاب اخوي قالوا واحد من أساطين الصحافة ، يعني صحفيين زمان .. جابوا ليهو فراوده كده تحت التمرين ، وكلفهم بمتابعة الأخبار وكِده ... واحد مشى على السوق العربي لقط ليهو خبر وجا فرحان .. والخبر كان ( صباح اليوم عض كلب مواطن بالسوق العربي ) .. الأستاذ شرط الورق وقال ليهو دا ما بيعتبر خبر... يكون خبر لو المواطن عض الكلب !! يعني الخبر مايكون عادي لازم فيهو غرابة وإدهاش !!!
عشان كده بنفتش لنمل سرق كم طن سكر! شركت تنقيب عن الذهب تغمض تفتح تلقاها مافي ! حاجات زي دي وكده
اسم الصحفي البريطاني صاحب المقولة دي Alfred Harmsworth (1865–1922
Post: #17 Title: Re: تصدقوا نمل السكر في السودان يأكل 450 شوال س� Author: Hafiz Bashir Date: 03-28-2018, 07:10 AM Parent: #16
Post: #18 Title: Re: تصدقوا نمل السكر في السودان يأكل 450 شوال س� Author: Mohamed Adam Date: 03-28-2018, 08:39 AM Parent: #17
Quote: تصدقوا نمل السكر في السودان يأكل 450 شوال سكر..
"الإخوان خازوق رباني"
Post: #19 Title: Re: تصدقوا نمل السكر في السودان يأكل 450 شوال س� Author: عبدالله عثمان Date: 03-28-2018, 12:45 PM Parent: #18
بحسب محمد فضل الله المكي فإن هناك
Quote: كمية من الجوالات الفارغة في المستودع الذي هو فوق الأرض
الحمدلله الإتلقت الشوالات الفاضية ما تبقى عليهم قصة الأدروب سمع بالليل في ساحات الفداء انو الجماعة محاصرين في الدمازين وأكلهم نفد والملايكة نجدتهم بدقيق قوم يا أدروب بيع الدقيق بيييي شوالاتو وين يا أدروب الدقيق والله ملايكة الليل كلو تنقل للدمازين
الحمدلله الشوالات الفاضية اتلقت
Post: #20 Title: Re: تصدقوا نمل السكر في السودان يأكل 450 شوال س� Author: عبدالله محمد أحمد Date: 03-29-2018, 08:35 AM Parent: #1
صديق لي، قال ان زوجته سالته (عرفنا النمل اكل السكر، الشوالات الفاضية راحت وين؟). قال لم استطيع الاجابة.