22 مارس/ 2018 وقعت الخرطوم مع شركة تركية اتفاقية لتشييد مطار الخرطوم الجديد بنظام البوت، وتبلغ التكلفة الكلية لتشييد المطار مليار ومائة خمسين مليون دولار، تبلغ تكلفة المرحلة الأولى 800 مليون دولار
الشركة تعهدت بإكمال المرحلة الأولى في 30 شهرا بدلاً من 36 شهراً الفترة المحددة في زمن الاتفاقية ------ كم كده/ 2006 اتفاقيات وقروض بملايين الضولارات مع شركات كويتية وماليزية وإماراتية وهلمجرا المشروع سيخلص مطلع 2010
موضوع البوست ليس عن اللغف والفساد، إنما عن أصل وحكاية المثل بتاع "حجوة أم ضبيبينة" والسؤال موجه لناس الضهاري ع دفع الله أبو عمة وشاكلته ناس مين كده مكي يمتنعون
Post: #2 Title: Re: مطار أم ضبيبينة الجديد Author: حمد عبد الغفار عمر Date: 03-23-2018, 09:45 AM Parent: #1
سلام يا شاب
ياخ ما تحبطنا عندنا أرض مورطين فيها في المندرة خليها تغلى تعوضنا عن غربتنا دي
انا حكاية المطار دي ما مخوفني منها إلا يقوموا يوزعوا أرض المطار القديم بيناتهم
دي أغلى أرض في العالم
Post: #3 Title: Re: مطار أم ضبيبينة الجديد Author: عبدالحفيظ ابوسن Date: 03-23-2018, 09:57 AM Parent: #2
عمن لينا الشر برة وبعيد كان ساكن معانا في البيت واسرتو في البلد في الصالون وكنت احد سكان الصالون آنذاك في بداية سكنتي به ! اها عمنا دة بنعرفو ماشي البلد من يجي ينوم تلقا يدو جوة سروالو وتسمع لط لط الصباح بقول مسافر البلد .. مالك ان شاء الله خير ؟ ما جيت ما تميت اسبوعين . سفر ساي يوم كامل لو ما بيت في الطريق يقول ليك كلمو وقالوا ليهو الحيطة وقعت . ولازم يمشي براهو . شغلتك لو ما وقفت عليها براك ما بتخلص اها حيطتو وانا صغير كنت مصدقو ومستغرب . حيطتو طوالي واقعة شتا صيف وهو شغال يبني فيها . ما كان بجي في راسي الا حيطة الصين العظيمة عمنا دة لامن مات ببني فيها نرجا علي دفع الله
Post: #4 Title: Re: مطار أم ضبيبينة الجديد Author: معاوية عبيد الصائم Date: 03-23-2018, 10:10 AM Parent: #3
المواطن معاوية الطيب تجدنى اسف جدا فى ما يختص بعدم التزامى فى ما يختص ب المدعو ابوبكر عباس اكرر اغتذارى
اسف
Post: #5 Title: Re: مطار أم ضبيبينة الجديد Author: محمد المرتضى حامد Date: 03-23-2018, 10:32 AM Parent: #3
أتمنى ألا يُنشأ أي صرح في زمن اللنغاز يا معاويه فكفانا ما أهدر من أموال انتهت إلى جيوب الفاسدين وانهارت بسبب (الجقور) وبقيت على الأكتاف الديون وانطوت في القلب حسرات.
جانب من مطار مسقط الجديد حيث تتبدى إرادة قادة لايكذبون ولا يخلفون ما وعدوا، شيد بكل شفافية بواسطة أرقى الشركات العالمية في صمت وهدوء بعيدا عن الهتافات الفارغة والوعود السراب .. .
Post: #6 Title: Re: مطار أم ضبيبينة الجديد Author: معاوية الزبير Date: 03-23-2018, 01:17 PM Parent: #5
Quote: شيد بكل شفافية بواسطة أرقى الشركات العالمية في صمت وهدوء بعيدا عن الهتافات الفارغة
ياخ its ok الينجزوهو plus الهتافات الفارغة ما عندنا مانع.. أو فليصمتوا و لا ينجزوا
قال ليك الضبيبينة -تحقير ضبانة- (شوف ليك تحقير فوق تحقير من السودانيون الحقارون ديل بالله) تقعد طنننن طنننن طنننن تحميك الرقدة بدون ما تنجز أي ي ي حاجة لا تَرٍك ترتاح لا تاكل ليها حاجة من باقي الصحن لا أي شيء.. بس طننن.
في انتظار ع دفع الله أبو عمة كما اشتهر مؤخرا -----
يا ود المرتضى أنا راجيك للبوست داك ياخ، أصلو أحمد القرشي وأحمد الأمين قلِبُم قوي ما بحنّوا زيك للمنبر ده
متذكر! "الكسرات في الغنا السوداني" غير المعلومات، عندي أصلا مشكلة في تنزيل المواد من النت
Post: #7 Title: Re: مطار أم ضبيبينة الجديد Author: معاوية الزبير Date: 03-23-2018, 01:20 PM Parent: #6
Quote: عمن لينا
ما يكون بتاع الطاحونة البوست ده عايزنو يمشي شوية ياخ، وشايف المفتش حايم
Post: #8 Title: Re: مطار أم ضبيبينة الجديد Author: معاوية الزبير Date: 03-23-2018, 01:36 PM Parent: #7
Quote: تجدنى اسف جدا فى ما يختص بعدم التزامى فى ما يختص ب المدعو ابوبكر عباس
قصدك عدم التزامك سابغا ولّ لاحغا عادي يا عمك صاحب المنبر زاتو عندو سياسة في حذف البوستات ما بتراعي التطورات الحاصلة فيهو، البوست كان ماشي ينتهي على خير
بس يقولوا ليهو في بوست بتاع هناي، يجي يكسحو طوالي تقول أحمد هارون قريبو
Post: #9 Title: Re: مطار أم ضبيبينة الجديد Author: معاوية الزبير Date: 03-23-2018, 01:42 PM Parent: #8
Quote: ياخ ما تحبطنا عندنا أرض مورطين فيها في المندرة خليها تغلى تعوضنا عن غربتنا دي
بالعكسي يا حمد قال ليك الضبيبينة دي بهيجوها مخصوص كل مرة عشان يرفعوا الأسعار
Post: #10 Title: Re: مطار أم ضبيبينة الجديد Author: معاوية الزبير Date: 03-23-2018, 01:47 PM Parent: #9
Quote: انا حكاية المطار دي ما مخوفني منها إلا يقوموا يوزعوا أرض المطار القديم بيناتهم
أنا خايف يغلّوا أرض ده عشان يبيعوها ياخ الناس دي باعت بيع في التلاتين سنة دي لا حولاااا شفقانين قايلننا ح نقلبها ليهم في سنتين تلاته
Post: #11 Title: Re: مطار أم ضبيبينة الجديد Author: محمد البشرى الخضر Date: 03-23-2018, 01:52 PM Parent: #9
سلامات ود الزبير نظريا موضوع البوت دا كويس و بحل المشكلة لكن السؤال مطار فيه اقل حركة طيران في المنطقة ولاغ يوجد ناقثل وطني يعمله محطة تحويل عالمية ولا تهبط فيه الا عدد قليل من الخطوط لا تتجاةز اصابع اليدين الشركة التركية ح ترجغ راسمالها متين؟ خليك من تربح
Post: #12 Title: Re: مطار أم ضبيبينة الجديد Author: عبدالحفيظ ابوسن Date: 03-23-2018, 04:07 PM Parent: #11
يا معاوية الفكرة انو عندهم حيطة ببنو فيها وما حتتم لكن نطمنك شايف اولادهم ماسكين درب الحيطة برضو
Post: #13 Title: Re: مطار أم ضبيبينة الجديد Author: عبدالحفيظ ابوسن Date: 03-23-2018, 04:07 PM Parent: #11
يا معاوية الفكرة انو عندهم حيطة ببنو فيها وما حتتم لكن نطمنك شايف اولادهم ماسكين درب الحيطة برضو
Post: #14 Title: Re: مطار أم ضبيبينة الجديد Author: محمد أبوالعزائم أبوالريش Date: 03-23-2018, 04:14 PM Parent: #13
يا ناس ... خلّونا نركّز معاكم ....
الموضوع المطار الجديد ... والا أصل حجوة أم ضبيبينة؟
وين أبوعمّة؟
Post: #15 Title: Re: مطار أم ضبيبينة الجديد Author: معاوية الزبير Date: 03-23-2018, 04:18 PM Parent: #13
فهمتك يا حفيظ لكن قلت اتماسخ معاك
Post: #16 Title: Re: مطار أم ضبيبينة الجديد Author: علي دفع الله Date: 03-23-2018, 07:32 PM Parent: #15
هلا ود الزبير حباب ابسن
شفت في تلاتة مستحيلات انهم يتم انجازهم موية بورتسودان والمطار الجديد ومشروع الجزيرة يرجع تاني
