Post: #2
Title: Re: صورة للوفاء..
Author: معاوية الزبير
Date: 03-22-2018, 02:46 PM
Parent: #1
الآن نرسل المرتزقة السودانيين ليقتلوا أهل اليمن
مقابل دريهمات تدخل جيوب الفاسدين المتسلطين على بلادنا
|
Post: #3
Title: Re: صورة للوفاء..
Author: عمر أبوعاقلة
Date: 03-22-2018, 03:50 PM
Parent: #2
دريهمات بس يا معاوية
يمين الله البدون ضاحكين فينا
واليمن زعلانين مننا
والمصريين شمتانين علينا
ومنو ديلاك مستغلننا
والتانين شايفين روحهم أحسن مننا .. وبي حقهم والله
وليهم حق .. مادام سهل علينا الهوان
جابت ليها نووي كمان
ازيك يا مستشار وحباب ضيفك
|
Post: #5
Title: Re: صورة للوفاء..
Author: محمد المرتضى حامد
Date: 03-22-2018, 04:03 PM
Parent: #2
ما زلنا كزملاء في الأهلية الثانوية العامة (جوار منزل الأزهري) بمعية المبادرين
الأماجد ممن جايلتهم في تلك المدرسة و مدرسة محمد حسين الثانوية نحتفي بالأحياء
من معلمينا حتى اليوم ونشارك في صيانة تلك المدارس ، لكن ما فعله أهلنا في عمان
شيء نادر.
بالله شوف يا معاويه الجهد الذي بذله أولئك الأفاضل ليأتوا بذلك المعلم من منطقة
العسيلات إلى سلطنة عمان ليكرموه بهذه الطريقه ،
ياخ الخبر منشور في إحدى أكبر الصحف العمانيه وعند اطلاعي عليه اختلطت في
خاطري مشاعر لا أعرف كيف أصفها مستصحبا صور مضت وأخرى ماثلة
في زمن غيهب قل فيه الوفاء..
( ما أَجْملَ العُمـرَ في بِرّ الوفاءِ وما أَحْلـى أَمانيـه تقديـراً وتفعيـلا)
|
Post: #4
Title: Re: صورة للوفاء..
Author: Osman Musa
Date: 03-22-2018, 03:52 PM
Parent: #1
الناس ديل هم جد أهل وفاء يا جنا حامد .
والديار ديك من حدها لي حدها ديار وفاء وديار نشمية .
واكيد السوداني البار ود شيخ إدريس قدر ده الوفاء .
في ناس أصلهم كدي . زي ود شيخ إدريس ده . ربنا يديهم محبة الناس بالكوم
محبة صافية . يا سلام علي ود الشيخ إدريس المتمم كيفي . ويا سلام علي أهل الوفاء
أحرار السلطنة .
وتحياتي اخ محمد
|
Post: #6
Title: Re: صورة للوفاء..
Author: محمد المرتضى حامد
Date: 03-22-2018, 04:49 PM
Parent: #4
(والتانين شايفين روحهم أحسن مننا .. وبي حقهم والله وليهم حق .. مادام سهل علينا الهوان)
ولسه يا عمر..
29 عاما يا كتاب (الأسى) وما زلنا في الصفحة الأولى..
|
Post: #7
Title: Re: صورة للوفاء..
Author: محمد المرتضى حامد
Date: 03-22-2018, 11:08 PM
Parent: #6
( في ناس أصلهم كدي . زي ود شيخ إدريس ده . ربنا يديهم محبة الناس بالكوم
محبة صافية . يا سلام علي ود الشيخ إدريس المتمم كيفي . ويا سلام علي أهل الوفاء
أحرار السلطنة .)
عارف يا عثمان، السلف من السودانيين الذين عملوا في هذا البلد الطيب
، وتحديدا في حقل العلم، تركوا إرثا وسمعة كالماس. لم ينكفئوا على أنفسهم بل تفاعلوا مع
مع المجتمع العماني في جميع تفاصيله واحتضنهم العمانيون وما زالوا يحكوا لنا كيف
كان أستاذ فلان والمدير فلان ، العلم والبساطة والجدية والصدق والصرامه والأريحيه
والإنضباط والطيبه. يمدحون السودانيين صادقين بلا مجامله. لامن شيّلونا الهم.. هَم
أن نكون بحجم السلف العماليق.
لايمكنني أن أرسم لك صورة شهدتها في نادي عمان الثقافي يوم زارهم الطيب صالح..
يا حليلنا فيها الزايله..
|
|
