Post: #2
Title: Re: متر فى الجنة للبيع
Author: عبدالحفيظ ابوسن
Date: 03-22-2018, 09:38 AM
Parent: #1
الا خطة اسكانية جديدة يا ايمن
زماااان وزعوها الجماعة !
ملحوظة
زمان تعني قبل 1989
زماااان عد الالفات ! ونقصها من 1989
|
Post: #3
Title: Re: متر فى الجنة للبيع
Author: أيمن نواى على
Date: 03-22-2018, 11:26 AM
Parent: #2
سلام الاستاذ عبدالحفيظ
انا واحد من المتابعين بوستاتك بى استمرار .... بتعكس الواقع الحقيقى ....عموما البوست مستوحى من تداخل الاستاذ حاتم ابراهيم فى بوست فلنكات .
|
Post: #4
Title: Re: متر فى الجنة للبيع
Author: أيمن نواى على
Date: 03-22-2018, 12:42 PM
Parent: #3
الواحد حقيقا مستغرب لماذا تم توقيف بيع الاراضى ومفتاح الجنة ؟...... علما بان الجنة غير محدودة ... الحاصل شنوا .... السمسار توقف من البيع بسبب الكساد ام امر اللهى ؟
|
Post: #5
Title: Re: متر فى الجنة للبيع
Author: عبدالحفيظ ابوسن
Date: 03-22-2018, 02:22 PM
Parent: #4
تسلم ايمن
وكتر خيرك
في الجزيرة ابا زعماء قيادة الانصار كانوا بطلبو من الانصار يكبرو الشدر من الجزيرة ابا ولاحقا ردمو النيل الابيض حتي يكون جسر للدخول للجزيرة ردموه بنقل التراب بالقفف لاستقبال جمال عبدالناصر في الجزيرة ابا
تنضف متر من الشدر تاخد متر في الجنة
|
Post: #6
Title: Re: متر فى الجنة للبيع
Author: حسن ادم محمد العالم
Date: 03-22-2018, 03:21 PM
Parent: #5
ا
سلام صاحب البوست
المشكلة انو التجارة دي قديمة جدا ولها سوق رائج في بلادنا منذ ميلاد الدولة السودانية ولكن الجميل ان اهل المشروع الحضاري قدموا خدمة كبيره للشعب السوداني
اذ ادركنا جمعيا ان هذه التجارة خاسرة وهي بمثابة الربأ ولن ياتي احد بعد اليوم ليبشرنا بها باي باي
لذا حبيبنا ايمن جئت متاخرا شوف مشروع تاني
|
Post: #7
Title: Re: متر فى الجنة للبيع
Author: أيمن نواى على
Date: 03-23-2018, 09:45 AM
Parent: #6
سلام عبدالحفيظ
هههههه
ضحكت لمن دموعى سالن بللان خديا ...منظر تراجيدى مضحك..... نظامهم دا كان مقاولة ولا مقطوعية ..... السمسار او الوكيل الموزع الارضى فى الجنة هو كان جادى وعندوا دليل من القران ولا دى رسالة تانية لا علم لنا بها .
رغم علمنا المتواضع فى الدين نسال من اين وجدت هذه الفتوى هل من القران او السنة ؟
وهل يجوز الصلاة خلف سمسار ارضى الجنة او تنصيبه قائد للامة؟
|
Post: #8
Title: Re: متر فى الجنة للبيع
Author: أيمن نواى على
Date: 03-23-2018, 10:20 AM
Parent: #7
سلام الاخ حسن
بعد ما كبرتوا الشجر ونضفتوا المكان .... قالوا كل الارضى دى ملكهم و حقكم السقف بس .....الحمد لله ما قالوا اراضى السودان كلها هسى كان نكون بدون او على اقل تقدير تابعين .... اتنازلوا ليكم من اراضى الجنة مقابل الاراضى فى الارض .... انتوا تانى دايراين اكتر من كدا شنوا ؟
الجنة فى زول يرفضها .
هذه هى العقلية التى ورثت الانجليز ..... وما زلت تصر على قيادة السودان سوى كانت فى المعارضة او فى الحكومة .
لا يضيرنا تخلف هذه القيادة التى اقعدت البلاد عن التقدم و التطور ... على قدر ما يحزننى أن تسير خلفهم كوكبة من المثقفين.
|
Post: #9
Title: Re: متر فى الجنة للبيع
Author: حاتم إبراهيم
Date: 03-23-2018, 10:49 AM
Parent: #1
هههههه
نواي كيفك؟
موضوع الفلنكات دا أثارته تجارة من نوع آخر، بيع الذنوب
دا كان مشروع طموح بتاع عيال مورتا، ضاربين فوق شديد،
واحد اسمو (ولد النيني) داير يفتح بورصة شنقيط لتجارة الذنوب
شفت كيف!
Re: فتوى تثير الجدل: يجوز بيع الذنوبRe: فتوى تثير الجدل: يجوز بيع الذنوب
+++
المهم، ولدنا (الإمام) كان بتاع إقطاعيات
قال اقطعوا الغابات وأنشروها فلنكات
ومنها العائد مشى للمقاول أبو كرامات
فاتبنت الدائرة واتملت حواصل وحصالات
وانزرع القطن وشغلهم آلات وحصادات
قال ما تعلموا أولادكم المدارس بواظات
ناوي يستغل أولادهم الحيبقوا فارات
شوف كيف الدين يرفع ويحط الدرجات
لكن،
لسة التجارة شغالة!
بتلحق كان داير بعكس كلام أخونا حسن الفوق دا
الحصل إنو الثقة انفقدت في المقاول الوطني، بقى ما مؤهل
لكن هاك دي المشاريع الجديدة بإدارة متعددة الجنسيات
1- مشروع اليمن السعيد
2- مشروع دوكو سلام
3- مشروع باعش
ومشاريع أخرى نعلن عنها في حينها!
دا غير المشروع الدائم، مش قاعد تحج وتعمر وترمي الجمرات؟
وطيب!
___
ما هي تجارة برضك، بل أم التجارات.
|
Post: #10
Title: Re: متر فى الجنة للبيع
Author: أيمن نواى على
Date: 03-23-2018, 12:46 PM
Parent: #9
مدد يا شيخنا حاتم تلحقنا وتنجدنا بالمشاريع الجديدة ....اصول البيع والشراء .... لو مديتنا بطريقة الحصول على فتيات صغار السن من الزريبة البشر مربيات لى اطفالنا واحفادنا بى شرط لا يتزوجوا لمن يدخلوا القبر .... ويكون بى رضاهم عشان ما تلاحقنا حقوق الانسان ... انت عارف انحنا ناس ديمقراطيين وكدا ..... معليش انحنا اثقلنا عليك .... اتحملنا بس شوف لينا الدبارة.
|
|