واحد معلق على اغنية ست البيت بصوت الراحل سيدنا مبارك حسن بركات يدعو له بالجنة ...
كتب ربنا يجعل ( مسواك ) الجنه مع الصديقين والشهدا ء؟
مسواك ؟ عدييييل كده ...
العربي الحصل في شنو في البلد ؟
مرة واحدة كتبت ما ( حرحمني ) .... اكتشفت انها قاصده ما ( حيرحمني ) ... حرف العلة راح شمار في مرقة ...
Post: #2 Title: Re: ربنا يجعل ( مسواك ) الجنه مع الصديقين والشه Author: سيف النصر محي الدين Date: 03-22-2018, 02:12 AM Parent: #1
الجنة ما فيها "مساويك" وللا شنو يا هندسة؟ المسواك واحد من اهم مكونات عدة الشغل بتاعت المطاوعة :).
Post: #3 Title: Re: ربنا يجعل ( مسواك ) الجنه مع الصديقين والشه Author: يحي قباني Date: 03-22-2018, 04:30 AM Parent: #2
Quote: الجنة ما فيها "مساويك" وللا شنو يا هندسة؟ المسواك واحد من اهم مكونات عدة الشغل بتاعت المطاوعة :).
بس ياهو يا دكتور ...😉
اما العدة ... تلقى بعضهم خاتيو جنبا الى جنب مع قلم الحبر السائل الفاخر ...
Post: #4 Title: Re: ربنا يجعل ( مسواك ) الجنه مع الصديقين والشه Author: محمد أبوالعزائم أبوالريش Date: 03-22-2018, 07:04 AM Parent: #3
ما تدقق شديد ياخ،
وسائل التواصل الجديدة دي أظهرت عجب وفضحت كتيرين.
في الأول كنت بتضرس ... واندهش .... هسي بطّلت.
Post: #5 Title: Re: ربنا يجعل ( مسواك ) الجنه مع الصديقين والشه Author: عبدالحفيظ ابوسن Date: 03-22-2018, 07:19 AM Parent: #4
يا قبة دة خليهو المعلم الانتقد الامتحان قال معترفين ويقصد محترفين الثقافة السماعية مع سؤ النطق
Post: #6 Title: Re: ربنا يجعل ( مسواك ) الجنه مع الصديقين والشه Author: عبدالله عثمان Date: 03-22-2018, 08:18 AM Parent: #5
رمَقتْهُ يجلو بالأراكة ثغره قالت بلا وعي : أريد أراكا
فرمى لها عود السواك فغمغمت خجلا وقالت : لا أريد سواكا !
هذا كثير يا باش ولكن هو مما يقال فيه اللهم بـ"ـغـ"ـلبه لا بلسانه مما يحكى من الطريف أن رجلا من أهلنا الرطانة في حاشية الملك عبدالله لا يفتأ يقول له يا عبدالله يا عبدالله أستشاط أحد كساري الثلج غضبا وقال له كيف تنادي خادم الحرمين الشريفين عبدالله!! عبدالله!! هو أخوك؟! قالوا هو نفسو قاللي قوللي عبدالله كنت بقولو هادم الهرمين الشريفين!!
ضحك كسار التلج وقال له واصل!! واصل!! عبدالله عبدالله
سلام يا قباني صراحة في ناس كتابتهم توجع القلب الاخطاء الإملائية ممكن تتفوت الكارثة في ناس ما بتفهم علامات الترقيم مرة حصل سوء تفاهم كبير بيني وواحد خريج هندسة عاوز يجي يعمل دراسات عليا في اوربا في نفس الجامعة بتاعتي. انا وريته طريقة التقديم بالنت و الراجل قدم بعد كم شهر في الواتساب كتبت ليهو (ناس الجامعة قبلوك؟) الزول اعتبر انو دة خبر بأنو قبلوهو في الجامعة وجهز شنطة السفر وودع ناس الحلة
Post: #14 Title: Re: ربنا يجعل ( مسواك ) الجنه مع الصديقين والشه Author: محمد المرتضى حامد Date: 03-23-2018, 00:06 AM
سلامات يا هندسه.. مسواك هينه.. لكن لا (حولة) دي بتعمل انفصال في الشبكيه.. أما محمد المرتض(ي) فرغم أنها لم تعد تحرك فيَ ساكنا لكن صاحبي محمد البشر(ي) الخضر بيبلع ليها أنتيهيستامين عدييييل.. ههههه...
تحاياي طويلة التيلة
Post: #15 Title: Re: ربنا يجعل ( مسواك ) الجنه مع الصديقين والشه Author: يحي قباني Date: 03-23-2018, 04:36 AM Parent: #14
تحياتي باشمهندس وضيوفك الأكارم، تحياتي يا نصر يا جميل ...
و الله بئس ( المسوى ) ... ههه
Post: #16 Title: Re: ربنا يجعل ( مسواك ) الجنه مع الصديقين والشه Author: Mohammed Alhasan Mohammed Date: 03-24-2018, 07:46 AM Parent: #15
Quote: كتب ربنا يجعل ( مسواك ) الجنه مع الصديقين والشهدا ء؟
مسواك ؟ عدييييل كده ...
العربي الحصل في شنو في البلد ؟
بالمناسبة المسواك دا فى السنوات الاخيرة حائم فى كل قروبات الواتس اب والفيس بوك السودانية فى معظم اخبار الوفيات .....
.والبيبيعو فيه ..قصدى البكتبو كلهم .....شهادات جامعية ....
سلام يا قباني صراحة في ناس كتابتهم توجع القلب الاخطاء الإملائية ممكن تتفوت الكارثة في ناس ما بتفهم علامات الترقيم مرة حصل سوء تفاهم كبير بيني وواحد خريج هندسة عاوز يجي يعمل دراسات عليا في اوربا في نفس الجامعة بتاعتي. انا وريته طريقة التقديم بالنت و الراجل قدم بعد كم شهر في الواتساب كتبت ليهو (ناس الجامعة قبلوك؟) الزول اعتبر انو دة خبر بأنو قبلوهو في الجامعة وجهز شنطة السفر وودع ناس الحلة
ايمن يا جميل ...
واحد كمان علق على اغنية عثمان حسين و صلاح احمد محمد صالح يا عيوني اسكبي دمع الحنين ...
كتب منتشياً بعض ابيات من القصيدة :
( فندبى وبكى ) على مر السنين الله يرحمك ي عملاق
و هو يقصد ( فاندبي و ابكي ) ...
يعني الكتابة حسب السمع ...
الله يستر بس ...
Post: #18 Title: Re: ربنا يجعل ( مسواك ) الجنه مع الصديقين والشه Author: يحي قباني Date: 03-26-2018, 04:00 AM Parent: #17
Quote: سلامات يا هندسه.. مسواك هينه.. لكن لا (حولة) دي بتعمل انفصال في الشبكيه.. أما محمد المرتض(ي) فرغم أنها لم تعد تحرك فيَ ساكنا لكن صاحبي محمد البشر(ي) الخضر بيبلع ليها أنتيهيستامين عدييييل.. ههههه...
تحاياي طويلة التيلة
حمد الله على السلامة و ان شاء الله خليت البي وراك بألف خير ...
تعرف يا مولانا بمناسبة مرتضي و مرتضى ...
انا في الكتاب كتبت اسمي يحي ... و زول سألني ما في ...
لما بلغت رشداً كده بديت اقرأ لإحسان عبد القدوس و نجيب محفوظ و ( يحي ) حقي ... لقيت يحي حقي بكتبها كده ...
من وقتها و انا خلاص لا يحيى لا يحى و لا من يحزنون ... بس زي حقة الكتاب ديك ...
حتى بطاقة اتحاد الكورة مكتوبة يحى ... _____________________________________________
اليوم يا مولانا احد الاخوة بردد مع العميري في اليوتيوب في ( بطاقة و زاد ) ...
كتب منطرحا :
( ذي ) ما الدنيا كده بتدور
و غالبا بكون معتقد اني كاتب بطاقة و ( زاد ) غلط ...
و يلا ... خلينا في ( ذات ) الشجون يا مولانا ...
Post: #19 Title: Re: ربنا يجعل ( مسواك ) الجنه مع الصديقين والشه Author: Abureesh Date: 03-26-2018, 04:33 AM Parent: #18
يحيى سلام
انتو الجنة دى ما قالوا فيها شجر اراك.. و تيب!
Post: #20 Title: Re: ربنا يجعل ( مسواك ) الجنه مع الصديقين والشه Author: Kabar Date: 03-26-2018, 07:02 AM Parent: #19
عارف يا صديقي ، اصلا مداخلتين واقفات في لي حدق الدهشة ، قلت اجدعهن في نص الويك اند واتخارج ، لأني بقيت كلما اشوف المنبر بكون مادي بوزي مترين..وهاك يا تلحة لمن الواحد يحتار في بت ام روحو..!..
لكن النفس الأمارة بالمحبة والجمال بتقوم مرات تغلبك واحد صفر وتقول خلاص اها ديك كورنه (زاوية) مضيئة ممكن تمشي عليها.. فتلقى روحك سرحت مع الأرواح..زي الجماعة في غنية ابراهيم عوض (البكوا بالجملة) والحكامة اندهشت:ككيف يعني الرجال الكبار ديل يبكوا قدر ده..!! فخرجت بحكمة: لا تؤجل اعمال الويك اند..والإ ح تبرد..!
في البداية قلت اخير نلوم الكمبيوتر والتلفونات الذكية (يعني جاهز في جاهز) لكني تطرفت وقلت:اللغة حاجة في الدم ، وضرب الماكدونالد وبقايا الجنك فودز (اكل التفاتيف) مرات بكتل الحاجات الفي الدم ، زي المثيولوجيا الزمان البتقول الفول المدمس بيخلي المخ تخين وكده..وربي قد ظلموا المدمس ..! فشنو..دخول من زاوية ضيقة..(مثواك) و(مسواك) وبعد داك ليك حق تقرير المصير..!
الأولانية..
(مثواك)
لمن مشيت امسودان سنة 2015 ، كنت بسمع الغنية دي في ركن في البلد (الخرطوم ، امدرمان ، كوستي ، الأبيض ، الدلنج)..موسم التخريج في الدلنج يبدا بثها من الساعة سبعة صباحا لغاية سبة مساءا..تلاميذ المدارس بيغنوها في الطابور الصباحي..وهكذا..وحتى اللحظة ما قادر افهم سرها شنو..!
(مسواك)..
اها ، هنا الشغلانة اخدت بعد صوفي..واكتر من كده بروفة (الحور العين)..!!!!
يتبع .. كبر
Post: #21 Title: Re: ربنا يجعل ( مسواك ) الجنه مع الصديقين والشه Author: Kabar Date: 03-26-2018, 07:18 AM Parent: #20
التانية.. (مثواك)..
ياخي اهلنا ..مافي داعي للإندياح..(اخير نقطم ونحذف مدة البوز شوية)..!!
(مسواك)..
فكرة الوادي (طوى) ..وشوف عيني الحوض كان فيهو سرب البلوم..لكنو شكلو اتضاير شوية..اما الجبل..الجبل..!!..كدت ان اقول (يا يحى الجبل..!!)..
ابيض واحمر..!!! وانا مع المريد والطار..!!..شفتنا حاجاتنا لمن تنضاف عليها مسحة صوفية؟!!!
ومعاوية الزبير شابكنا (حنبكة)..!!
وبالطبع لك حق تقرير المصير بين (مثواك) و(مسواك)..!