المعط

10:20 AM March, 19 2018

سودانيز اون لاين
درديري كباشي-
مكتبتى
رابط مختصر

المعط
هو مصطلح سوداني قديم وكان يعني به شد الشعر بقوة لدرجة الخلع من فروة الرأس وبصفة خاصة يطلق على شعر الرأس لأنه حتى خلع الشعر في باقي الجسم اسمه النتف. وبما أنه النساء هن صاحبات الشعر الطويل والانعم والأهم. فعملية معط الشعر تمثل واجهة من الصراع النسوي البحت. يعني عندما يتشاكل النساء فيما بينهن تحاول كل واحدة منهن مسك شعر الثانية حتى تمعطه. ولأنه عملية معط الشعر مؤلمة جدا جسديا ومعنويا فهي في الغالب تعتبر من الأسلحة المحرمة في الصراع النسوي. الا من اضطرت منهن مثلا واحدة تعرضت للخنق من أخرى أقوى بدنيا فهذه يتاح الا أن تمسكها من شعرها وتمعطه حتى تخارج نفسها قبل أن تكتكم تلك أنفاسها.
ثم مع تطور التكنلوجيا وسائل التواصل الاجتماعي واختلط الحابل بالنابل. وجاطت الحكاية بعض المصطلحات الخاصة أصبحت سمة من لغات هذه الوسائط. ومنها المعط فأصبح يطلق على مضغ فكرة معينة أو حدث .. وكل واحد يتفنن في ربطها بشئ معين .. الغريبة اصبح المعط مثل الإدمان .. بمعنى رغم أنك متضايق منه لكنه تأتيك رغبة عارمة لتدخله في موضوع ما.
ولكن أكاد اجزم أنه ما من تجمعات أو قروبات بلغة العصر تمارس المعط مثل القروبات السودانية. والتي هي شغالة بحدث اليوم باليوم. على وزن رزق اليوم باليوم. ولا يكاد يمر أسبوع كامل تسود فيه معطة ما والا تلحقها أخرى تستلم الجو لمدة أسبوع .. والغريبة أصبحت منافذنا الإعلامية تلفزيون صحف نت إذاعة كلها مصادر ثرية جدا للمعط. لا يخلو خبر من تصريح اشتر لمسؤول ما. مثال ما ذكر قبل يومين من تصريح مسؤول الحياة البرية والذي صرح أن الطيور التي اصطادها الأجانب هي طيور مهاجرة ليست سودانية. كأنه أصدر جنسيات للطيور السودانية.
لم تنطفئ هذه المعطة الا بعد حفل الأستاذ محمد الأمين وتصريحه بعد قطع الأغنية بعبارة (يا تغنوا أنتو يا أغني أنا) لتستلم تلك الحادثة الجو والتي خف من حدتها خروج الهلال ولا ندري ماذا يحدث بعد يومين .
السؤال هنا .. ما هو سبب هذا المعط أي ما هو سبب مضغ الخبر المعين بأسلوب (التريقة ) والسخرية .هل هي حالة نفسية جماعية ناجمة عن حالة يأس واحباط . لو تناولت الناس الخبر كما هو وأشبعوه بالتحليل والرأي والتصويب أعتقد هذا شيء جميل ولا يسمى معط .. مثلا حادثة أبو اللمين لو بحثنا عن جوانبها الإيجابية رغم عنفها واستثقالها على النفس .. لكنها مفيدة للجمهور والفنانين الشباب الذين تعودوا أن يمدوا المايك في تجاه الجمهور بدعوة المشاركة فتخرج الأصوات النشاز وتشوه الأداء كما تشوش على المستمتعين بمزاج.
لكن المعط هو في تحويل العبارات المعنية الى سخرية وادخالها في كل شيء وربطها بحوادث ليست لها علاقة. كمثال هنالك فيديو أوكراني أو لا أدري جنسيته تحديدا قد تم اشباعه بإعادة الترجمة مع كل معطة جديدة.
على كل حال حتى ظهور معطة جديدة أعتقد أن من أستلف هذا المصطلح من شكل البنات ووصف به هذه الحالة اختياره كان موفق جدا ويستحق عليه الشكر .. فعلا هي تشد الشعر وتوجع الرأس تماما .

السلام عليكم ورحمة الله وبركاته
معاااط ومرات تقال زعااااط
صفة للبراي الماسك في موضوع واحد وقادي به الناس
تحياتي

** الفيديو اسباني

وين يا أبو الدر
مشتاقين ياخ
عاين لي جاي
معطك الكتير دا انا ما قريتو وكان بقرا قدر دا كان جيت اللول
علا لاحظت لروحي بقيت معاط معط جد ولو ما لقيت زول امعطو بمعط روحي براي والله جد
حرم مرات براي بقيت اونس روحي باي قصة ول حكاية ول عنز بعامية ول جدادة رقبانية
لانو كلامو ذاتو بقوا ناس الزمن ديل ما بفهوا وانا ذاتو مرات احتار فيهو دا كلام شنو دا
يا ربي بكون خرفت ول صيفت ؟

المعطه الجديده يا فنان نص دستة هلال التبلدي في الكونفدراليه
علي اولمبيك استارز ...
رغم ي
اليقين بان الناتج النهائي صفر كبير للكرة السودانيه
:
:
:
:
:
مع التحيات لله الزاكيات

المعطه الجديده يا فنان نص دستة هلال التبلدي في الكونفدراليه
علي اولمبيك استارز ...
رغم ي
اليقين بان الناتج النهائي صفر كبير للكرة السودانيه
:
:
:
:
*************************
تمام يا ود الحسين دي معطة بحقها والله مافي كلام ينقال

الكلام المعاطين بلا نتائج ديل

وين يا أبو الدر
مشتاقين ياخ
عاين لي جاي
معطك الكتير دا انا ما قريتو وكان بقرا قدر دا كان جيت اللول
علا لاحظت لروحي بقيت معاط معط جد ولو ما لقيت زول امعطو بمعط روحي براي والله جد
حرم مرات براي بقيت اونس روحي باي قصة ول حكاية ول عنز بعامية ول جدادة رقبانية
لانو كلامو ذاتو بقوا ناس الزمن ديل ما بفهوا وانا ذاتو مرات احتار فيهو دا كلام شنو دا
يا ربي بكون خرفت ول صيفت ؟
---------------------------------------------
حاشاك يا شيخ القبيلة ماك الوليد المعاط

حا يجوا يوم يكوسوا كنوزك دي وما يلقوها

زي ندمنا هسع على عدم حضور برنامج الطيب محمد الطيب صور شعبية وغيرها

السلام عليكم ورحمة الله وبركاته
معاااط ومرات تقال زعااااط
صفة للبراي الماسك في موضوع واحد وقادي به الناس
تحياتي

** الفيديو اسباني
-------------------------------------
تسلم يا سلمة

الظعط يخيل لي تقال للريش وليس للشعر لذلك تستخدم في سوق الجداد اكثر أي الدجاج

المعط كان زمان
هسة المصطلح زعاط
واحد من حلتنا زعاط خلاس لامن تخلي ليهو الشارع
بدقا ليك مسمارين في قدمك مع الواطة . ولو جنب عمود ولا حيطة بخت ليك واحد في جبهتك
كرنبنة جد . مافي سكة

المعط كان زمان
هسة المصطلح زعاط
واحد من حلتنا زعاط خلاس لامن تخلي ليهو الشارع
بدقا ليك مسمارين في قدمك مع الواطة . ولو جنب عمود ولا حيطة بخت ليك واحد في جبهتك
كرنبنة جد . مافي سكة
**********************
هههههههههههههههه
زمان يا و د ابسن كان في زعيط ومعيط يضربوا بيهم الأمثال .. وهم شخصيات وهمية أو افتراضية وتعني كل من اهتم أو التم في حدث ما ليس له قيمة هم من نوع زعيط ومعيط هم شيالين التقيلة لكن تقيلة وزن وخفيفة قيمة

ود البشرى وضعو شنو فى البوست ده
___
يا دريدى كيفك ياخ

ود البشرى وضعو شنو فى البوست ده
___
يا دريدى كيفك ياخ
*************************
هلا يا جلة
دي على وزن اطلعاك معاي البوست داك هههههههههههههههه

ذكرتني في اتنين في كسلا فتوة وبتاعين حديد وعضلات ومشاكل ومتصاحبين .. لكن عندهم هواية غريبة تكون في حفلة يحضروها لازم يتشاكلوا ويكسروا الكراسي ويفرتقوها والصباح يرجعوا اصحاب زي ما حصل شي

أصبح من أولويات أصحاب العرس قبل ما يتفقوا مع الفنانين يحاولوا يشوفوا ليهم طريقة للاتنين ديل يصالحوهم يعشوهم يفرقوهم من بعض بحيث كل واحد يكون في حفلة مختلفة المهم هو لو اتلاقوقا بيلاقوا مليون سبب يتشاكلوا به .

دحين قبل ما يجي ود البشرى طلباتكم شنو اجيب ليكم كنتاكي لو عايزين هههههههههههههه

هو أنت كنت ناوي تعمل شنو ؟؟
هذه أحر عبارة سودانية نعزى بها شخص وقع في مصيبة .وموجودة عندنا بكثرة ..
مثلا واحد حاول يعمل حركة بهلوانية في تمرين كرة القدم وقع كسر يدو . في قمة الألم ساقط على الأرض .. يجي واحد يقيف في رأسه يقول ( هو أنت كنت ناوي تعمل شنو بالظبط ؟)😵😵😵😵😵😡😡😡😡.
أو واحد يعافر في عربية عطلانة فجأة تدور والمروحة تعوقه. في قمة النزف والألم يجي من يقول لك أنت تعمل في شنو ؟🤔🤔😭😭
ووا حد تاني طالع في رأس بيتهم يصلح في أريل التلفزيون أو يفتح السبلوكات للمطر فجأة يننهار السقف ويسقط به . و من بين مفتح ومغمض يسمع من المنقذين من يوجه له السؤال القاتل .انت اصلا طالع رأس البيت تعمل شنو ؟؟

كذلك عبارة ( ما قلنا ليك )
أخوانا المغتربين العائدين الى الوطن حاتسمعوها كثير في الفترة الجاية .

ما قلنا ليك ما تجي راجع أنت الجابك راجع شنو 😵😵😵
ماقلنا ليك السمسار دا ما تديه قروش في يده هسع أها خم وصر 😡😡
😡
ما قلنا ليك الحتة دي ما تشتري فيها دا مجرى سيول هسع قطعتك دي الا تعمل فيها مزرعة سمك 😭😭😭😭😭
يا ريت لو كانوا قالوا ليك فعلا كان تقول معهم حق أنا الغلطان . لكنها عبارة مثل الدباجة تأتي بعد ما الفأس يقع في الرأس وتحمل روح الشماتة أكثر من العزاء .

معا نحو نهج قويم للتخلص من المعط السوداني 😎😎😎😎😎