Post: #1
Title: رآبطة مُعجبي المُونساتيّة ...
Author: معاوية المدير
Date: 03-19-2018, 09:42 AM
09:42 AM March, 19 2018 سودانيز اون لاين
معاوية المدير-بكندا محافظة البرتا
مكتبتى
رابط مختصر شعار الرآبطة،
إن عجبناكم فقولوا لنا وإن لم نعجبكم أكِسروا حنك
بس ...
|
Post: #2
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 09:44 AM
Parent: #1
المونساتية،
هل هُم خصم علي المنبر ؟
هل هُم إضافة للمنبر ؟
هل بتضايقوا منهم ؟
هل بتتكيفو ليهم ؟
رايكم شنو لو تركوا المنبر ؟
...
|
Post: #3
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 09:48 AM
Parent: #2
مبدئياً كِدا لجنة الرآبطة،
دينق، رئيس
الكنزي، نائب رئيس
عادل أمين، سكرتير عام
إسماعيل عبد الله سكرتير سغافي
إبراهيم عبد الوهاب، عضو لجنة
المستنير، إسبير تروبر
الباب مفتوح لمزيد من الترشيحات ...
|
Post: #5
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 09:50 AM
Parent: #3
حفلآت الرآبطة ستقام بنادي الظباط
دا لو في حفلآت ...
|
Post: #9
Title: Re: رآبطة مُعجبي المُونساتيّة ...
Author: علي عبدالوهاب عثمان
Date: 03-19-2018, 09:53 AM
Parent: #3
حبيبنا المدير .. مودتي
أحب قراءة ومتابعة بوستات المؤانسة ..
لا أستطيع المشاركة فيها لأنني لا أجيد العامية ودهاليزها
شرط المؤاسنة وبوستات المواجهات ( إجاة العامية السودانية .. حكم .. أمثال .. تورية .. إلخ)
لغتنا العربية لغة مدارس فقط
بالنسبة لي أجمل البوستات ..
واصلوا ..
|
Post: #4
Title: Re: رآبطة مُعجبي المُونساتيّة ...
Author: Hassan Makkawi
Date: 03-19-2018, 09:50 AM
Parent: #2
Quote:
المونساتية،
هل هُم خصم علي المنبر ؟
هل هُم إضافة للمنبر ؟
هل بتضايقوا منهم ؟
هل بتتكيفو ليهم ؟
رايكم شنو لو تركوا المنبر ؟
...
|
دقيقة دقيقة.....أول شى
هم منو؟
عشان نبدا صاح..........
|
Post: #7
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 09:53 AM
Parent: #4
Quote: دقيقة دقيقة.....أول شى
هم منو؟ |
دي متروكة لفطنة القارئي ...
|
Post: #6
Title: Re: رآبطة مُعجبي المُونساتيّة ...
Author: زهير عثمان حمد
Date: 03-19-2018, 09:51 AM
Parent: #2
ود المدير تحياتي
هي خلاص قامت ولا تحت التأسيس ما فهمتك أنا
بالله في الشعار خت صورة الحبيب الصادق المهدي رمزا للكلام منقطع النظير
وبعدين العضوية خلي جلجل يحلل الاعضاء ويحسم أبو حسين بمقولة طويلة عن خرمجة البوستات والخور الجميل
لك ودي
و معكم حتي ينفضي العمر وناسة
|
Post: #8
Title: Re: رآبطة مُعجبي المُونساتيّة ...
Author: زهير عثمان حمد
Date: 03-19-2018, 09:53 AM
Parent: #6
هم أضافة من سخف السياسية وكابة الصراعات
وسخف التصحيح وأدعاء المعرفة المطلقة
بالجد أضافة
أشتغاوا انتو بس
|
Post: #10
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 09:55 AM
Parent: #8
الذوق الرفيع ديدننا،
العايز يتسافه يمشي بوست الطاحونة .
في ناس تقولهم الطاحونة يمشو الطابونة !،
لله في خلقه شئوّن !!!...
|
Post: #11
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 10:03 AM
Parent: #10
Quote: بالنسبة لي أجمل البوستات ..
واصلوا .. |
أُستاذنا علي عبد الوهاب تُشكر يا مُعجب، وبما إنّك اوّل من ابدى
إعجابه فقد قررنا إختيارك الأب الروحي للرآبطة ...
|
Post: #13
Title: Re: رآبطة مُعجبي المُونساتيّة ...
Author: معاوية المدير
Date: 03-19-2018, 10:12 AM
Parent: #11
Quote: ود المدير تحياتي
هي خلاص قامت ولا تحت التأسيس ما فهمتك أنا
بالله في الشعار خت صورة الحبيب الصادق المهدي رمزا للكلام منقطع النظير
وبعدين العضوية خلي جلجل يحلل الاعضاء ويحسم أبو حسين بمقولة طويلة عن خرمجة البوستات والخور الجميل
لك ودي
و معكم حتي ينفضي العمر وناسة |
حياك الغمام يا ابو الزهرا .
الرآبطة تحت الإنشاء والتعمير واللجنة المُنتخبة لجنة تمهيدية لحين
إنعقاد الجمعية العمومية، وللأعضاء حق الطعن فيها أو في أحد
أعضاءها . فكرة وضع الأيقونة الصادق في الشعار سوف نطرحها
للجنة للتداول بشأنها ومن وجهة نظري أرى أنها لفتة بارعة تستحق
النظر إليها بعين الإعتبار .
جلال لو ما حسم ابو حسين فايدة مافي .
مع تمنياتي لكم بالتوفيق والسداد ...
|
Post: #12
Title: Re: رآبطة مُعجبي المُونساتيّة ...
Author: عمر أبوعاقلة
Date: 03-19-2018, 10:06 AM
Parent: #10
بالله ما تزحموا لينا البندويث حق المنبر دا يا قول منو داك
هو المنبر ناقص 
|
Post: #14
Title: Re: رآبطة مُعجبي المُونساتيّة ...
Author: محمد المسلمي
Date: 03-19-2018, 10:14 AM
Parent: #12
ودالمدير سلامات
اها زول مشجع ساهي ينفع ولا التشجيع مو معاكم
|
Post: #15
Title: Re: رآبطة مُعجبي المُونساتيّة ...
Author: زهير عثمان حمد
Date: 03-19-2018, 10:32 AM
Parent: #14
ود المسلمي
أزيك مشجع شنو تجي تقعد يوم كامل تعمل تلات بوستات وناسة نضيفة جدا
وتكون من المؤسسين
تحياتي ليك والاسرة الكريمة
|
Post: #16
Title: Re: رآبطة مُعجبي المُونساتيّة ...
Author: علي عبدالوهاب عثمان
Date: 03-19-2018, 05:26 PM
Parent: #15
أُستاذنا علي عبد الوهاب تُشكر يا مُعجب، وبما إنّك اوّل من ابدى
إعجابه فقد قررنا إختيارك الأب الروحي للرآبطة ...
=============
حبيبنا ود المدير .. مودتي ..
صدقني نحن من الهوامش زي ما قال قريبي وردي من ضواحي الدنيا
كيف أكون أب روحي .. وأنا ما فاهم 70% من لغتكم ..
لكن بصراحة إنتو ناس جميلين حتى في حالات الخلاف ..
بعدين أنا بقيت احب الشكلة عشان أعرف معنى الكثير من المفردات العامية
مثال مداخلة قريمان في بوست :
(( ما تعملوا الحنابر قنابر .. فما هى الحنابر و ما هى القنابر ..
الحنابر جمع و مفردها .. حنبرة .. على الارجح .. و اما القنابر .. فجمع و الفردة منها قنبرة .. !!))
أقسم لك ما فاهم ( حنبرة .. قنبرة ) بالله ده كلام .. هجاء أم مدح
مجموعة رائعة جداً ( أبوسن ، أبوحسين ، المدير ، جلالدونا ، هيثم ، المسلمي .. وغيرهم )
واصلوا وأنا متابع فقط ..
|
Post: #17
Title: Re: رآبطة مُعجبي المُونساتيّة ...
Author: عبدالحفيظ ابوسن
Date: 03-19-2018, 05:57 PM
Parent: #16
هوي يا علي ما تحشرني مع الرجرجة والدهماء وما اكل السبع
انا زول جادي ياخ
|
Post: #21
Title: Re: رآبطة مُعجبي المُونساتيّة ...
Author: دفع الله ود الأصيل
Date: 03-19-2018, 08:16 PM
Parent: #16
| Quote: .. Re: رآبطة مُعجبي المُونساتيّة ... (Re: معاوية المدير)مبدئياً كِدا لجنة الرآبطة،دينق، رئيسالكنزي، نائب رئيسعادل أمين، سكرتير عامإسماعيل عبد الله سكرتير سغافيإبراهيم عبد الوهاب، عضو لجنةالمستنير، إسبير تروبر الباب مفتوح لمزيد من الترشيحات ... |
® مساگ الله بگل مساءات خير نافحات أخونا معاوية،،،
[}> بالله تسمح لنا ي ود المدير ببعض التصويبات اللي لا بد منها لأخطاء ( آيديولوجية) فادحة وقعت فيها برصدگم للظاهرة.
[}> فأولن بالتبادي عندگ هنا عميل مزدوج ، ألا و هو حبيبنا اللدود الودود/ إسماعيل عبد الله؛ بالله تجرو لينا من أضانو تمرقو برة التشگيلة دي. دا ما ينفع شغيل جمعية عمومية، ناهيگ عن أمين سر سخافي للجنة المرگزية ل(گرملن) المونساتية. لأنو عندو بالذات حساسية مفرطة لكل مونساتي، خاتو معانا قرض عديييل كدا. ياخي دا معانا الشحمة و النار ، لدرجة مصنفنا مجرد {جلابة و حارقي بخور د} ، ليس إلا). و نحنا بدورنا مدنو تصنيف گا مناسب جدن، بس أرقى شوية من گدا (هو عارفو براو.
[}> عمومن ملاحظين هو و قبيله من خصومنا يگثرون من استخدام ألفاظا لا ندرگ معانيها من قبيل قولهم: ( ود أم زقدة)؛ بينما نربأ بألسنتنا عن عبارات {تراثية} موغلة گذلگ، مثال قول قائل من أهلها:(ود أم گنفوس) و ما شابه، گوننا لا نجد تفسيرا محددا لمقاصدها، اللهم إلا
بالسبر عميقا في مغاصات العم غوغل.
[}> ثم ، من قال لگم إن المونساتية لا يفقهون شيئا في سياسة(العصيان بالنظر)، من ساس{يسوس البغال و الحمير} ، فهو سائس و أكبر واحد {مسوس}. لا، بل إنما نمارسها و لكن نتعاطاها شذرا، كما أفيون الشعوب، و طبعن على طريقتنا الخاصة جدن.
|
Post: #18
Title: Re: رآبطة مُعجبي المُونساتيّة ...
Author: محمد المسلمي
Date: 03-19-2018, 06:15 PM
Parent: #1
| Quote: ود المسلمي أزيك مشجع شنو تجي تقعد يوم كامل تعمل تلات بوستات وناسة نضيفة جدا وتكون من المؤسسين تحياتي ليك والاسرة الكريمة |
ابو الزهور ياصديقي الشوق كميات ومن تشرفت بمعرفته معرفة حقيقية ليك مليون سلام وربنا يرد غربتك ياصديقي
|
Post: #19
Title: Re: رآبطة مُعجبي المُونساتيّة ...
Author: Ali Alkanzi
Date: 03-19-2018, 07:03 PM
Parent: #18
الاخ معاوية المدير
تحياتي
اراك قد قررت غيابياً ومارست سطلتك الدكتاتورية بتعيني نائباً للرئيس
يا زول انت ما عارف ان من قرية لها مواريث وثقافات وخبرات في رئاسة الجمعيات الطوعية.
ومن القصص المتداولة في رئاسة الجمعيات الطوعية في قريتي وكانت هذه اللجان ظاهرة في عهد مايو كانت تقوم حسب الضرورة
وكانت من اكبر مهام هذه اللجان جمع الاموال لهذا تدعو الاثرياء من اعيان القرية.
وكان لنا عم عزيز لا اريد ذكر اسمه من اغنى اعيان القرية
وعندما دعي للاجتماع وضح الاخ المرحوم خليل فرج الله اسباب الاجتماع ووضح انهم في طور اعداد لجنة تسير مؤقته
وبدأ الاجتماع فوراً وبدأت التبرعات وعندما وصل الدور لعمنا الثري قال:
أنا اتبرع بنفسي رئيساً لهذه الجنة
وانا اقتداءً بعمنا هذا وارثنا القروي فقد تبرعت أن اعمل انقلاب على دينق واتبرع بأن اكون رئيساً لهذه اللجنة .
وارجو اذاعة البيان الاول بعد نجاح الانقلاب على الاخ دينف
واذا نجح الانقلاب كذلك نطلب من الاخ بكري ابوبكر ايداع الاخ دينق في سجون سودانيزاونلاين حتى يستقر امر الرئاسة للكنزي
ولا نامت عين من يرفض رئاستي خاصة ناس فلان وعلان واحد كاتلو البرد والتاني ضارباهو السخانة
|
Post: #20
Title: Re: رآبطة مُعجبي المُونساتيّة ...
Author: جلالدونا
Date: 03-19-2018, 07:07 PM
Parent: #19
الترشيحات الفوق دى تحتاج لى عضو ثقيل
ارشح عووضه
لو دايرين السيره الذاتية بجيبا ليكم
|
Post: #22
Title: Re: رآبطة مُعجبي المُونساتيّة ...
Author: حمد عبد الغفار عمر
Date: 03-19-2018, 08:21 PM
Parent: #20
بوسن ، أبوحسين ، المدير ، جلالدونا ، هيثم ، المسلمي .
لا حولاااااا
نسى محمد البشرى وطلحة واحمد محمد عمر وحافظ بشير
|
Post: #23
Title: Re: رآبطة مُعجبي المُونساتيّة ...
Author: ABUHUSSEIN
Date: 03-20-2018, 06:40 AM
Parent: #22
الفائدة الوحيدة في سودانيز دي إنو الواحد نايم يشخر و عداد حسناتو رامي ماشي زايد....
و في الغالب عداد السيئات ماشي بالـMinus لأنو كتيرين يخربهم ما عندهم حسنات و بالتالي بشيلو من سيئاتك و يردمو العواليق...
يعني أبو حسين المسكين زول في حالو و الناس تجيب في سيرتو ......
.......
رجاءاً عدم زج إسمي مع هذه الشرذمة ....
ما ممكن أنا كل همي و كل عمري ابني لي نفسي في سيرة طيبة بين البشر و أجي أهدم كل شي عشان ناس لا قيمة لهم ....
فرجاءاً عدم ربط إسمي بهذه الفئة الضالة المُضللة ....
أبو الزهور ياخ إنت عارف مكانتك عندي ف ما تبوظها بي سبب إنسان لا شعر له .....
| Quote: جلال لو ما حسم ابو حسين فايدة مافي . |
و إنت مالك صغير و ل جاهل ....؟؟؟؟
و عشان ما تتعبوا نفسكم أهودا طرفي منكم ......
مبروك عليكم
و على قول ود الصايم الما كضاب (( أرعــــو )) ........
|
Post: #24
Title: Re: رآبطة مُعجبي المُونساتيّة ...
Author: معاوية المدير
Date: 03-21-2018, 11:21 AM
Parent: #23
Quote: بالله ما تزحموا لينا البندويث حق المنبر دا يا قول منو داك
هو المنبر ناقص |
نحن بنعرف نزحم القطر، نزحم الدفار، زحمة في الفرن،
زحمة في الجزارة، لكن المحيرني البِتاع دا بيزحمو كيفِن !؟...
|
Post: #25
Title: Re: رآبطة مُعجبي المُونساتيّة ...
Author: معاوية المدير
Date: 03-21-2018, 11:23 AM
Parent: #24
داير لي زوّل أمين أمسِكو البوست دا علي بآل
ما ختفت كُراعي أمريكا ؤ جيّت .
ابو حسين لا ...
|
Post: #26
Title: Re: رآبطة مُعجبي المُونساتيّة ...
Author: ABUHUSSEIN
Date: 03-21-2018, 02:25 PM
Parent: #25
Quote: داير لي زوّل أمين أمسِكو البوست دا علي بآل
ما ختفت كُراعي أمريكا ؤ جيّت .
ابو حسين لا ... |
بوست هو و ل طربيزة قمار...؟؟؟
و ل تكون دافن فيه قريشات عايز ليه زول امين ...؟؟؟
و ل فاكر نفسك صديق مهدي خايف يجي واحد يسرق البوست كمان ...؟؟؟؟
الحمد لله الاعترفت بي اني زول امين ...
اسمع ....
قوم لف
|
Post: #28
Title: Re: رآبطة مُعجبي المُونساتيّة ...
Author: Salah Zubeir
Date: 03-21-2018, 02:57 PM
Parent: #26
داير لي زوّل أمين أمسِكو البوست دا علي بآل
ما ختفت كُراعي أمريكا ؤ جيّت .
ابو حسين لا ...
الحمد لله الاعترفت بي اني زول امين ...
هههههه قرايت الإضنين ...
علي بآل ما ختفت كُراعي أمريكا ؤ جيّت
بعدين قريبي دا ماشي امريكا ولا قنيفيطه ...
|
Post: #27
Title: Re: رآبطة مُعجبي المُونساتيّة ...
Author: ابراهيم عبد الوهاب
Date: 03-21-2018, 02:56 PM
Parent: #1
ان تحمل عليه يلهث او تتركه يلهث
|
Post: #29
Title: Re: رآبطة مُعجبي المُونساتيّة ...
Author: Nasser Amin
Date: 03-21-2018, 03:00 PM
Parent: #27
جاااااكم ابو نضارة
|
Post: #30
Title: Re: رآبطة مُعجبي المُونساتيّة ...
Author: ABUHUSSEIN
Date: 03-21-2018, 04:31 PM
Parent: #29
| Quote: هههههه قرايت الإضنين ... |
قول ما فهمت بنشرح ليك ...
لكن تقرا بي ركبتك يا بتاع الكبانية و داير تشلت ...؟؟؟
دا العيب زاتو
العربي الوهم دا قال داير زول امين ...
و بعد كدا قال ابو حسين لا ....
يعني ابو حسين مستثنى من الامينين ...
و لو كان ابو حسين ما امين كان اكتفى بي زول امين ....
فهمت يا حاج الطيب ....؟؟؟؟؟؟
|
Post: #31
Title: Re: رآبطة مُعجبي المُونساتيّة ...
Author: معاوية المدير
Date: 03-21-2018, 10:40 PM
Parent: #30
| Quote: ان تحمل عليه يلهث او تتركه يلهث |
عِرِفتو، دا الكديّس .
يا هِيما ياخ خليّك فرايحي ؤ رجّع الصورة
ما تبقى كعب ياخ .
كعب عالي !...
|
Post: #32
Title: Re: رآبطة مُعجبي المُونساتيّة ...
Author: ابراهيم عبد الوهاب
Date: 03-22-2018, 11:01 AM
Parent: #29
جاااااكم ابو نضارة
خلاص نجهتني وادتني عين
الصورة زاتها راحت
ومن امبارح عيان
قل اعوذ برب الناس
|
Post: #33
Title: Re: رآبطة مُعجبي المُونساتيّة ...
Author: Nasser Amin
Date: 03-22-2018, 01:54 PM
Parent: #32
ما تشوف شر يا ابراهومة
انا عيني باااردة
امكن ناس تانين
|
|