ده تصرف غير حميد من زول فنان كبير يسكن قلوب الملايين عشقا بلا حدود.. هذا ليس سلوك هذا الهرم الموسيقي الكبير..
يلزمك يا أستاذ اعتذار كبير جدا يليق بحجم الجرح الكبير والصدمة العنيفة التي سددتها للملايين من محبيك!! اعتذار يليق بمكانتك ويليق بقامتك الفنية..
Post: #3 Title: Re: [ ود الامين ينهر جمهوره والعازفين ] Author: أحمد محمد عمر Date: 03-17-2018, 07:46 AM Parent: #1
حقيقة مسألة ثقيلة شديد غناء الجمهور مع الفنان الحاجة دي بتضايقني شديد لمن احضر حفلة عامة وفعلاً بكون عاوز اصرخ في الجمبي يا اخوانا أنا جاي عشان اسمع الفنان ما اسمعكم الجمهور عادة بكمل للفنان لمن يديهم المايك يعني بشيلو معاهو في مقاطع معينة
لكن بالاتجاه التاني ود الأمين اسلوبه كعب .. المفروض يسعى لكسب ود الجمهور ويعتبر غناهم معاهو جزء من محبتهم مفروض يحافظ عليه شوف سلين ديون هنا زعلت كيف لما الجمهور ما غنى معاها تابع من الدقيقة 4:57
Post: #4 Title: Re: [ ود الامين ينهر جمهوره والعازفين ] Author: علي دفع الله Date: 03-17-2018, 08:00 AM Parent: #3
والله يا احمد عمر حتة غناء الجمهور مع الفنان دي مفروض تكون امتع لحظة للفنان ود الامين زول جاف وثقيل شفت الفيديو علي الحلف لوكنت حاضر الحفل كان عملت راي عام وسحبت الجمهور كلو واتمنى الناس تقاطع ود الامين لانو اسلوبو فيه فظاظة وتعالي وجلافى
ابو حميد اخوي يومكـ سعيد باذن الله ، الجمهور يستاهل يمكن لانو ما بادر بمغادرة القاعه مباشرة بعد التصرف المشين دا لكن حقيقة صدمت من تصرف واهانة ود الامين للعازفين خاصة (اسماعيل ) زول خلوق ومهذب
الأستاذ محمد الأمين و يبدو أن وصفه ب"الأستاذ" قد طغى في فهمه لدورِه و رسالته كفنان و مغني. نجاح الفنان في اي حفلة يقاس بمقدار ما أدخله من فرح و سرور على جمهوره الذي يعبر عن ذلك بتفاعله مع الغناء. تصرف محمد الأمين يدل على أن محور إهتمامه يدور حول إرضاء نفسه بالأداء دون أي إعتبار لإحساس المتلقين. تبريره لتصرفه بأنه ما بقدر يؤدي كويس تبرير غاية في الركاكة، فالهدف من الحفل ليس كواسة أداءك بقدر ما هو إمتاع جمهور الحفلة و رضائهم. سوف اواصل الإستماع لتسجيلات محمد الأمين في الإستديوهات المغلقة، أما حفلاته العامة فدا طرفي منها.
Post: #9 Title: Re: [ ود الامين ينهر جمهوره والعازفين ] Author: أحمد محمد عمر Date: 03-17-2018, 08:42 AM Parent: #6
ود الأمين ياها طبيعته يا علي وعوض .. زول نيرفز جداً بس وسائط التواصل بتسلط الضوء على الجوانب المخفية حكى لي صاحبي زمان جابوهو في حفلة عرس في صالة والناس على الترابيز وبتونسوا وهو شغال .. لما الموضوع سخن معاهو جدع المايك في تربيزة قال ليهم تسمعوني ولا اسمعكم ؟
على الجانب الآخر برضو التغطية على صوت الفنان ما حبابها .. آخر حفلات حضرتها لود الأمين اتعرفت على شلة جميلة شديد بقعدوا في ركن براهم وبكونوا محاطين بناس الاستماع .. كلهم بكونوا رافعين الهدفونات وبسجلوا لما تجي تقعد قريب منهم بقولوا ليك لو سمحت هنا دة مكان الصحفيين فقط ناس الاستماع لو داير تغني ولا تكورك ابدعت يا استاذ عليك الله شوف ليك مكان تاني نحن عاوزين نسجل صوت الفنان براهو
Quote: تبريره لتصرفه بأنه ما بقدر يؤدي كويس تبرير غاية في الركاكة،
أخيّر أكان سكت من تبريرو دا .
Quote: حكى لي صاحبي زمان جابوهو في حفلة عرس في صالة والناس على الترابيز وبتونسوا وهو شغال .. لما الموضوع سخن معاهو جدع المايك في تربيزة قال ليهم تسمعوني ولا اسمعكم ؟
الزول دا أصلو سغيّل، مرّة كبس لود أُختي دين عشان حاول يصورو، والوآد سغيّر، ؤ برضو شخخت لناس سودانيز اونلآين وانا كنت حاضر ...
سغيل و يجعّر !! انتو بتتكلموا عن طه سلسيمان ولا انصاف وين كدا؟ دا ابو اللمين في مصر عندهم فنانين ومطربين ومغنواتية ورقاصات وعندهم عب وهاب واحد والست واحدة وحليم واحد! كذلك عندنا عشرات الفنانين و مئات المغنين وآلاف المؤدين لكن عندنا أبو اللمين واحد ووردي واحد وأبو السيد واحد حوت واحد الايقونات دي ما بنقول عليها سغيل و بجعّر ياخي حتى نهيره بي فن, كدي اسمعوا "ماهو يا تغنوا انتو يا أغنّي أنا" برواقة وشوفوا كان ما انطربتوا أبو اللميييين ياااااخ! أو كما صرخ بها أحدهم بعد ان قال ابو اللمين آميييين في الصلاة خلف الإمام كما ورد في النكتة!
ثم بتاع الفيديو الاستعدل وكتب عنوان للفيديو "نهور ود الامين" مالو ما سجل باقي الكلام ولا ذاكرته اصغر من حفظ باقي التسجيل - فيها مجاز و تورية قصة ذاكرته الأصغر دي هنا باقي حديث أبو اللمين, كدي شوفو الجكهور تفاعل معه كيف الجمهور الرفع ذوقه و النجني على احساسه على اسنة الرماح
قال يجعّر قال.. الجعري الـ ...
Post: #12 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-17-2018, 09:20 AM Parent: #9
Quote: والله يا احمد عمر حتة غناء الجمهور مع الفنان دي مفروض تكون امتع لحظة للفنان ود الامين زول جاف وثقيل شفت الفيديو علي الحلف لوكنت حاضر الحفل كان عملت راي عام وسحبت الجمهور كلوواتمنى الناس تقاطع ود الامين لانو اسلوبو فيه فظاظة وتعالي وجلافى
[} يا علي ولدي مالك على شغل المديدة حرقتني.الراجل عمگ و عارفو بتاع (مزاچ) و دي شغلتو الگابي فيها عرق عمرو.بالله خت في محللو طبيب و لا نجار و لا حتى سواق رگشة: ماسگ مشارطو شغال في عملية؛ و لا ماسگ فارتو و منشارو يصمم ليگ في فترينة ؛ و لا موديگ مشوار . و أنت بكل شلاقة مديت يدينگ تهابش معاه. بس تصور براگ گيف ح تگون ردة فعلو؟!!
[} بالموناسبة ظاهرة تذمر الفنانين دي منتشرة و ليس ود الأمبن فيها بدعا من البشر . سمعنا بالفرعون الراحل/وردي گان برضو بتنرفز لامن يضايق.
[} يحضرني موقف لأبو عرگي في تلفزيون الجزيرة مع المذيع القامة/ حسن عبد الوهاب، و بحضور ود اللمين. فأثناء ما أبو عرگي بغني (تحفة حواء)؛ يلا و قالو گدي العازفين قعدو يطاقشو مع الگمنجات، عبارة بس عن مصنع نسيج. فقام عمنا حسن علق بما يبدي شفقته عليهم. فطوالي أبو عرگي خت المايك و جاء انشبك ليك فيه، قاللو: يعني تقصد إنو أنا إحساسي معقد، و لا شنو؟!! لامن قام ود اللمين ياااا الله حجزم و هدأ الموقف و طيب الخواطر . فياخي بتحصل في أرقى المسارح ما سوو من الحبة قبة.
سلآمات يا عوض، معليش يأخ بصراحة أنا لآمِن إتذكر الأُستاز دا عِندو غنوة إسِما الجريدة بيُغمى عليّ ...
Post: #16 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-17-2018, 10:03 AM Parent: #15
( ... مع البسمات كتمت دموع و بگيت من غير تحس بيا) [} ياخي الجريدة براها و لا ( بتتعلم) و أخواتها؟!يا جماعة قدرو بس إنو الناس دي بقت ليگم ياها شوية الضوء الباقي.
[} بينحتو في عصارة دمهم في سبيل يفرو البسمة على شلاضيمكم المقرهبات ديل. [} و معاناتم الله عالم بها. ياخي مرة الراحل(الفقيد) بدر الدين عجاج مفرطق لو جيتار فوق صلعة عمنا ود اللمين دا ظاطو. فيا ريت نفوت لهم بعض الهنات العابرة زي دي. [} و بصراحة أبگتني سماحة الجمهور و العازفين لامن قبلو الاعتذار في حينه ، و بكل أريحية رضوا حتى بعرض الأستاذ الدگتور للعدول عن الأغنية القنبلة و استبدالها بأخرى، فخيرها في غيرها.
دي - و العهدة على الراوي - نعليق احد حضور الحفل! سامع يا بتاع كندا حضور الحف حضوووور مش على بعد 14 ساعة طيران وجاس يقول يطنقع الطنقعة الـ ...
Quote: انا من جمهور محمد الامين وكنتا حضور في الحفلة والان بسمع في تسجيل الحفلة .. التصرف الحصل دا حصل بين فنان وجمهورو .. كل فنان عندو غنا معين بقدمو وعندو جمهور معين بستمع لغناهو دا .. اها اي زول بحضر حفلات لود الامين عارف انو كل حفلة بغير في التوزيع الموسيقي وبضيف وبحذف وبتحس انو انت اول مره تسمع الغنية دي.. وطبعا لمن الناس تردد معاو بتجبرو يغني علي حسب التسجيل الحافظنو فما بقدر يغير او يضيف او يحذف .. ودا بخلي الحفلة تفقد طعمه لانو ماحيكون عندها فرق من اي تسجيل قديم .. وغنية زاد الشجون دي تحديدا غنية استماع .. وانا واحد من الجمهور كنت متضايق من الترديد دا لاني خاشي الحفلة عشان اسمع ود الامين ماجاي اسمع الزول القاعد جمبي في المدرج .. عموما ود الامين وضح في الفاصل انو في اغاني مابتتحمل الجمهور يردد معاهو فيها وانو في اغاني تانية بقول بيت والجمهور بقول بيت تاني .. الجمهور اتقبل كلامو دا بصدر رحب جدا وتمو الحفلة بمزاج عالي .. وغنينا اخر 3 اغاني بالترديد معاو لامن فترنا لانها اغاني هجيج .. واسي مرقنا من الحفلة وبنسمع في التسجيلات السجلناها من الحفلة مبسوطين للاخر ..
محمد الأمين و وقبله وردي هما الغناء في السودان يمكننا ان نقبل منهما كل ( ما نحسبه) تجاوز عندما يكونا في المسرح يؤديان ما هما عباقرة فيه Having said that يبقى الجمهور هو المستهدف بهذا الغناء اي إساءة او تقليل من شأن هؤلاء ( السمعية ) يكون امر جلل وفي إعتقادي ان الاستاذ أتى بأمر جلل وغلطاته عندنا مغفورة
التواضع شيمة العظماء من علماء وفنانين ، وأول صفات الفنان الأدب والذوق ، ما تجوا تقول الفنان مجنون. والخ زول سلوكو ما مهذب ده ما فنان ، انا غايتو جنى وجن الفنان شين الخلقة والأخلاق واللفتات والسكنات ، لكن نقول الدنيا حظوظ
علي دفع الله لكن كمان يا علي ما معقولة صوت الجمهور يكون اعلى من صوت الفنان،،،، وكما قال محمد البشرى نحن في السودان عندنا ود الامين واحد وعندنا وردي واحد وعندنا حمد الريح واحد ،،، مع وافر التقدير والاحترام
محمد البشرى اجزم صادقة انك فنان وتتذوق الفن الرفيع....وشكرا كتير ،،،والله كلامك ريحني راحة شديدة،، مع وافر التقدير والاحترام والامتنان
بالغ ود الأمين مع الجمهور .!! .. معقوله ! .. والله زعلني شديد .. الجمهور ده بحبه جدا .. لو ما كده ماكان جا وردد وراهو .. كان يترك ليهم مساحة يرددو وراهو .. وممكن يلفت انتباههم بلطافة .. حكاية ياتغنوا انتو يا أغنى انا .. دي ماجاية خالص .. حضرت ليهو حفلات كتيرة .. عامة أسلوبه جاف جدا .. وفي حفلات اعراس حضرتها .. مشى من نص الحفلة .. لاسباب تافهة جدا .. في حفلة اتنين اتشاكلوا شكلة هايفة .. الناس حجزوهم وقعدوا .. لكن ود الامين أصر إلا يمش .. وفات خلى الفرقة متحيرة .. وخلى العريس والعروس .. خشمهم ملح ملح .. وبوظ العرس على أهله .. دي فظاظة مبالغة .. من فنان في قامة محمد الامين ..
يا امنثال ولا فنّان ولا حاجة ولا بسمع غنا كتير لكن الحاجة المميزة بتفرض نفسها عليك وتتذوّقها دون شك ود الأمين واحد ووردي واحد لكن حمد الريّح في منه صلاح للي ولا ولّي كدا ما ماعارف
ابو اللمين زول بيغني ليهو طُرشُمية سنة ما قادر يتعامل مع الجمهور لليلة !...
Post: #27 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-17-2018, 11:14 AM Parent: #23
Quote: ... دا واحد من الاسباب التي جعلتني افضل ( مريم دردوق ) عليه
في الاعجاب
وشكرا4د
[} حتى إتا كمان يا ود الباوقة، تبق ليك إن شاء الله( الهلموتة) في شلاليفگ؛ و ترا ماني ختيان عليك. بالله تلعب بعيد من الأيقونات دي؛ و ظنيتك ياخوي خالت بين ود اللمينو (أبصلعة) بتاعكم داگ البتعرفو براگ .
[} يعني گأنو ود اللمين ما ناقصو علا معجب واحد بس اللي هو شخصگم الظريف. علا فعلن، ياكا شبه ناس(عوضية ردحي و حنان سگليب). [} عمومن، معليش للدخول الخشن ، بس عشان لأول مرة. هذا و إن عدتم عدنا.
ود الأمين قال ليهم يا تغنو انتو يا انا طيب الكلام ده فيه حاجة لما نلقى فنان يطالب الجمهور تستمع ليه وتخليه يبدع وهم يعبروا عن اعجابم بطريقة معقولة الكلام ده المفروض ننبسط منه خاصة في زمن الاستماع بالرجليين العلينا ده زي ما قال الأستاذ محمد سليمان ود الأمين يظل ياهو ود الأمين مبدع معتز بفنه وما يقدمه للساحة الفنية السودانية الجمهور اتفاعل مع ود الأمين وفهم انه قاصد شنو بالضبط واي فنان انا في رايي غير ود الأمين ما ممكن يتصرف التصرف ده يبقى الفنان ما عشان يغني لينا وانحنا ننعرط ونتمرصع ويمد لينا المايك ونردد وراهو زي الببغاوات وبس الفنان والفن رسالة وقيمة وواجب الفنان الواعي يرتقي بذوق معحبيه في الاستماع وأدب الاستماع والتعبير عن الإعجاب شكرا ود الأمين يا ود الباوقة أنصاف مدني كيف معاك
Post: #30 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-17-2018, 11:57 AM Parent: #28
Quote: ...
دا شنو دا !، عامل راسك الكبير دا . زولكم دا إنت ؤ ود الأصيل بقدر ما هو مشهوّر بقدر ما هو سغيّل .
Quote: فارتو
البيطنقع علي الجمهور دا أكبر فارة ...
إتا عارف يا ود المدير أنا فوق ما رديت عليگ ليه؟!! طبعن عطفا عليگ و إگرامن لأبوك المدير .عشان عين نگرم ميت عين ؛ و نحن قوم نعطف على صغارنا و نوقر گبارنا و عمنا ود اللمين عصب عنگ واحد من أگابرنا بگل المقاييس يا عديم الذوق.
∆ مسمار: يخسي عليگ، يعني ما لقيت لك حاجة علا تسيب محور القضية و تمسك في شعري ؟!!
الجماعة ديل لما يكبرو اغلبهم تركيزهم بيقل بحتاجو مجهود عشان يكرزوا مع الموسيقى والكلمات، فى تكريم ابن البادية فى قاعة الصداقة ايضا وقف الغنا وقال ليهم يا جماعة ما تطلعوا تبشروا ما بقدر اركز بس كان اقل حدة ، وردى علية الرحمة كان بياشر بى ايدو لما الجمهور يلتف حولو بمعنى أبعدو وده ظاهر فى حفلتو الاخيرة . فى احتفال بذكرى اكتوبر فى إستاد الهلال وردى غنا اصبح الصبح وعندما بدا ، محمد الامين جه مسرع ومسك ليهو مايك وهاك يا كواريك غطت على صوت وردى بى كورسو مما اضطر وردى الذى كان جالسا ان يقف ويحاول تعلية صوتو مجاراة لود الأمين والزهج باين فى وشو
Quote: إتا عارف يا ود المدير أنا فوق ما رديت عليگ ليه؟!! طبعن عطفا عليگ و إگرامن لأبوك المدير .عشان عين نگرم ميت عين ؛ و نحن قوم نعطف على صغارنا و نوقر گبارنا و عمنا ود اللمين عصب عنگ واحد من أگابرنا بگل المقاييس يا عديم الذوق.
∆ مسمار: يخسي عليگ، يعني ما لقيت لك حاجة علا تسيب محور القضية و تمسك في شعري ؟!!
بارك الله فيك يا أصيّل يا ود الأصيّل . يا زول اب راس كبير دا ود البشرى، ثم يأخي نحن لا نعرف نتواصل مع بعضنا البعض لا الغناي بيعرف يتواصل مع الجمهور لا الجمهور بيعرف يتواصل مع الغناي لا الغناي بيعرف يتواصل مع الفرقة، هسّع شوّف عمّك ابو اللمين دا قطعو ناشف مع الجمهور ؤ قبّل علي الفرقة قطعو أنشف معاهم، والجمهور قابل سخفو دا بالتصفيق والفرقة عزفت معاهو لنهاية الحفلة !!!، وحيات ديني نحن بلد العجايب زاتا .
صورتك اللبيض وأسود دي حرّم تاني الخُلآل عِلآ تختو في جيبك ...
ليه ياجماعة الناس بقت كدة so picky...,[وجارين جري ماسكين في خيط ميت عشان هفوة بسيطة مرتجلة من نجم في قامة ابو اللمين يعتقد انه اثري وجدان الناس علي مدي 50 عام او يزيد . كان ممكن يفتري ويدلع ويقول انه ما بعمل حفلات شعبية في نادي الضباط للشباب ب 30 ج...ويسعر نفسه في العالي والعايزو بيمشي ليهو.
ولو في حاجة استفزت الجمهور في كلامو والا تقديرهم ليهو اهتز كان ترك ليهو المسرح ...لكن دة ما حصل .
كل واحد جاي عايش قصة او وهمة او متخيلها يرفع صوتو ويغني ويخرب مزاج الناس في اغاني الاستماع زي زاد الشجون ...حرام كدة .
جمهور مزعج ... لم يفهم اللحظة ... و لا يفهم معنى الاستماع كما اعتب عليه انه كفنان مبدع كان عليه قراءة نوعية الحضور و الغناء له بأغاني خفيفة فقط ... ( كفاهم كان يا معاين من الشباك )
حينما غنى محمد الامين في شمبات و نحن طلبة في جامعة الخرطوم كنّا نردد معه الاغنيات الثورية و هو منفعل معنا ... ثم نستمع و هو يردد غناء الاستماع و نطرب لنشوته... محمد الامين ينجذب اثناء الأداء الاستماعي و يخرج بإبداعات خارج النص الموسيقي كما الممثل البارع على المسرح لذا من الصعب ان يصل لتلك المرحلة و أمامه مثل تلك الفوضى ...
رجاء خاص ... عدم استخدام الكلمات المسيئة في حقه ... لان هذه الكتابات ستظل للتاريخ من حق الجميع رفض الموقف ... و لكن كيل الاساءات لا يليق بعملاق مثله ...
السوداني مسكين وطيب يهينه الرئيس ويقتله عديل كدة وتهينه الحكومة ومنسوبيها وود الامين النيرفز معقولا ياخ ناس داخلة بحقها تستمتع بالطريقة التي تراها ليس للفرح طريقة كل يعبر بطريقته....
الزول دا إنقاذي صغير ليس الا، انه زمن الإنقاذ انه زمن السقوط .............. بكرة نفرح كلنا بطريقتنا ونغني لي الليل بالصباح؛ نفرح بلا رقيب ولا حسيب ولا مراقب؛ ............
أولن آسف جدن يا معاوية,,,للخشونة معاك لأنك بس هبشت أيقونة مو ساهل أبدن رغم انفعاله ربما ما كان في محله.و لكن يكفي رفضه دون المساس برصيد صاحبه الطويل و عريض. فلگل فرس كبوة و لكل سيف نبوة.
[} گفاية ياخي عوض شكسبير من شويةقعد يتهابل و يطنظ على أبو عركي لامن فتحعلى نفسو خشم التنين و قوم عليها الدنيا و لم يقعدها. فيا ريت تخلونا محاضرخير مغاليق شر . [} ثم مالا صورتي اللبيض و أسود. أقللو حقتي براي ، ما زي مارتن لوثر گنج ؛ و شتان بينها و بين( الفتى الأبنوسي) ذاگ العاشق لأتبرا . و أنا "مالو أعياه طال بي النضال بدني و ىوحي لبه لبع مشتهية ود مدني""""
عجبي منك يا (قبة) انت اساءت لدين الله وترجو من الناس ما يسئوا لود الامين؟ وهذا قولك بالاحمر: رجاء خاص ... عدم استخدام الكلمات المسيئة في حقه ... لان هذه الكتابات ستظل للتاريخ وانت كلامك بمشي مذبلة التاريخ ام التاريخ؟ #### هل قرأت ما قاله جلال الدين الاسيوطي شعراً: مامن كاتب إلا سيفنى ويبقي الدهر ماكتبت يداه فلا تكتب بكفك غير شيئ يسرك في القيامة ان تراه #### اما مداخلة معاوية المدير جاء فيها ما يسرك ويغضب الرب وهو ينقل قائلاً: الزول دا أصلو سغيّل، مرّة كبس لود أُختي دين عشان حاول يصورو، والوآد سغيّر، ؤ برضو شخخت لناس سودانيز اونلآين وانا كنت حاضر ...
باختصار اللخص القصة وقال ده ما فنان ده غناى أصاب كبد الحقيقة ، ود اللمين زمااان شاكل العازفين قاموا قاطعوهو و بقى يعزف ليهو عجاج الله يرحمو وشاكل عجاج لما خلاهو اتطاول على وبقت مضاربة ودق
باختصار اللخص القصة وقال ده ما فنان ده غناى أصاب كبد الحقيقة ، ود اللمين زمااان شاكل العازفين قاموا قاطعوهو و بقى يعزف ليهو عجاج الله يرحمو وشاكل عجاج لما خلاهو اتطاول على وبقت مضاربة ودق
عجبي منك يا (قبة) انت اساءت لدين الله وترجو من الناس ما يسئوا لود الامين؟ بقت مساككة يعني ...
سمح ...
Post: #42 Title: Re: [ ود الامين ينهر جمهوره والعازفين ] Author: عبد العزيز محمد عمر Date: 03-17-2018, 01:26 PM Parent: #37
لو كانت أي أغنية غير ذات الشجون لكانت مقبولة عند ود اللمين...
وللذين لا يعرفونها ، فهي التي قال عنها ود اللمين : ( تم تلحينها عام 1968 ، وانتظرت ثلاث سنوات حتى تتخرج أول دفعة من معهد الموسيقى حتى يؤدونها كما ينبغي)
المشكلة الما حا يفهمها ود الامين هي: لو عندو اي تغير في الغنية يمش يشوف ليه حتا تانية .. الجمهور خشا للغنية ذاتها وبنفس الطريقة الغناها بيها اول مرة او الاعتاد عليها .. ثم ما الذي يدريه يمكن تغيراتو دي ما حا تعجب المستمعين ..
حكاية تصنيف ثابت للأغاني بإنها أغاني إستماع دي وهمة بتاعة ناس متسلطين ساي. أي أغنية تتغنى ممكن تصلح لأي شي:استماع، هجيج، زنق،،، كلو ممكن. الجمهور هو البيحدد شكل تفاعلو مع الأغاني بدون أي وصاية. تصرف محمد الأمين دا فيهو مصادرة لحق الجمهور في التعبير عن طربهم و تفاعلهم مع الأغنية. و ما عندو أي حق يفرض على الجمهور التلقي بطريقة معينة. و حكاية إنو ما يقدر يغني مع الجمهور دي قصور منو كفنان و ليست ميزة تحسب له بأي حال. اما حكاية داير يغير و يبدع في الأداء دي فالمفروض أن يولي اهمية اكبرلإسعاد الجمهور بالطريقة التي يختارها الجمهور لو أنه يحترم جمهوره.
حصلت في آخر حفلة جماهيرية لعبد الحليم حافظ وهو يغني قارئة الفنجان،،الجمهور لم يملك نفسه من التصفيق والصفير طوال زمن الاغنية،،اوقف الأغنية وقال للجمهور : أنا برضو بعرف أزعق وبعرف أصفر وأطلق ممتعضاً صافرة طويلة وواصل في أداء الأغنية،،الجمهور بادله العداء في لحظتها وقالوها له جهرةً : دي هوشة ياحليم ،،
مافعله محمد اللمين قسوة على جمهور يحبه ويردد أغانيه التي يحفظها عن ظهر قلب،، الجمهور ردة فعله كانت خايبة جداً وكان الرد المناسب أن يتركوا له الصالة ليغني وهي خاوية ليسمع صدى صوته دون غيره،،
Quote: السوداني مسكين وطيب يهينه الرئيس ويقتله عديل كدة وتهينه الحكومة ومنسوبيها وود الامين النيرفز معقولا ياخ ناس داخلة بحقها تستمتع بالطريقة التي تراها ليس للفرح طريقة كل يعبر بطريقته....
ودي الشعب السوداني بقا يلقاها تقريبا من اي زول عندو حاجة .. يعني عادي تلقى بتاع البقالة يتنرفز في الزبون الجاي بي حقو وتلقى الطبيب ينفرز في المريض .. وتلقى الموظف والشرطي وبتاع المرور .. تقريبا اي زول وقفو ليهو في صف .. لكن اخر حاجة كنا نتوقعها ممكن تجي من فنان، وخاصة قامة زي ود الامين .. عادي زي دا والله اعلم يتلقي ما يفرق بين الاعجاب والحب، والتقديس ..
بتقول يا (قبة) انت عارف قبة دي اسم رائع صورة طبق الاصل لانو القبب الفي السودان كلهاما تحتا فكي يقولو ليك الشيخ فلان حلم فلان بانو ظهر في الحتة الفلانية تاني يوم تقوم قبة في الحتة الفلانية @@@@@@ وانظر لقولك بالاحمر: عجبي منك يا (قبة) انت اساءت لدين الله وترجو من الناس ما يسئوا لود الامين؟ بقت مساككة يعني ... سمح ..... @@@@ اساكك ليه؟ بس اعمل حسابك كلام زي القتلو عن ود الامين ما تكررو تاني . فاهم ولو عملتا كدا ما بتكون في اي مساككا مني تكرر زي الكلام دا تاني في المنبر دا طوالي انط ليك في حلقومك إلا ما اقراهو فاهم يا قبة؟
Quote: ما ضر ود الأمين ما فعل وما سيفعل بعد إبداعاته الرائعة... ..ود الأمين يا خي .... الفن ذوق وأداء رفيع مش هرجلة وكواريك...
تقريبا حفل ودالامين اقل ما يقال عنه تفاعلي جدا .. يعني الحفلات ابدا ما مكان للاستماع الهادي ابدا .. كنت ما بفوت ليه حفلة، وخاصة في نادي الضباط، وخاصة حفلات رأس السنة .. واستغربت فعلا من رد فعلو الفي فيديو موضوع البوست، لأنه اول واخر من يعلم "بصخب" حفلات ود الامين هو نفسه ود الامين .. والموضوع هو اكبر بكثير من مجرد يوزن اغنية بطريقة ممكن تكون جديدة، او فيها اضافات"ول يقولو شنو اهل الفن" الموضوع المهم هو طريقة التفاعل نفسها التي تضايق منها ود الامين، انا بتكلم عن الاغلبية الساحقة في المسرح دائما ما يطربون بطريقة الترديد معه، " شخصيا اكثر شيئ كان يعجبني في حفلات ود الامين هو تفاعل الجمهور معه بهذه الطريقة" وكل الحفلات الحضرتها شفت فيها تفاعل ايجابي من ود الامين، والله كل ملاحظاتي فيه كنت بشوفو لدرجة يتعجب جدا بترديد الناس معاهو .. وفي اغاني يمد في وقتها وفي اغاني تتكرر، المهم في تقديري ممكن يغفر له الناس، ولكن فقط علينا ان نعلم ونحس بفداحة خطأه، يغتفر او لا دا موضوع تاني ..
تحياتي واحترامي ..
.
Post: #53 Title: Re: [ ود الامين ينهر جمهوره والعازفين ] Author: حمد عبد الغفار عمر Date: 03-17-2018, 03:04 PM Parent: #49
جاءنا زمان نستهزآ فيه بمحمد الامين ،،، جمهور مزعج ... لم يفهم اللحظة ... و لا يفهم معنى الاستماع كما اعتب عليه انه كفنان مبدع كان عليه قراءة نوعية الحضور و الغناء له بأغاني خفيفة فقط ... ( كفاهم كان يا معاين من الشباك ) حينما غنى محمد الامين في شمبات و نحن طلبة في جامعة الخرطوم كنّا نردد معه الاغنيات الثورية و هو منفعل معنا ... ثم نستمع و هو يردد غناء الاستماع و نطرب لنشوته... محمد الامين ينجذب اثناء الأداء الاستماعي و يخرج بإبداعات خارج النص الموسيقي كما الممثل البارع على المسرح لذا من الصعب ان يصل لتلك المرحلة و أمامه مثل تلك الفوضى ... رجاء خاص ... عدم استخدام الكلمات المسيئة في حقه ... لان هذه الكتابات ستظل
شكرا يا قباني ياخ
انا ما عارف وين المهانة للجمهور في الحصل دا وخصوصا بعد ما وضح وجهة نظره (امكن شوية صرامة زايدة شوية وضرورية ) اغنية زمنها صعب وعايزة تركيز عشان تتغنى ما يسمعوا بس زي ما كان بعملوا المصريين مع أم كلثوم طول ما هي بتغني مافي زول حتى بصفق لحدي ما تنتهي من الكوبليه والله رائحة ليكم كرامة ساي
شوفوها ضاعت وين ومنو الضيعها
الجمهور يغني زاد الشجون؟ ياخ الباشكاتب نفسو بيعاني عشان يغنيها
واحد في الفيسبوك كاتب تخيل دكتور بعمل ليك في عملية وانت قمت قابضتا المقصات والمباضع بتاعتو
التجلة لك يا حمد. ياهي نافي داعي للمشاوير. اعتبرني أنا اللافحا. بس حبيت أقول ليگ نحنو هنا. و يمكن في سبب تاني ، إنو الاسم مطابق تقريبا لزميل (حنتوبابي) گان فنان لامع و لعله من شادلي أو مريود أيام العازفين ناس فرح حمد (تنوب) و الهادي صادق (طابت)الجزيرة.
أعتقد في الحفلات الجماهيرية الفنان من حقه يمنع التسجيل والتصوير الذي ممكن يخرج مشوها ويسئ للأداء لكن طالما هي حفل جماهيري مفتوح ومدفوع الثمن ما من حقه ينفعل بهذه الصورة وثانيا لو في اغنية لها ميزات خاصة وطلبت منه قبل أن يبدأ فيها ممكن يطلب من الجمهور برجاء خاص طالبا منهم الصمت والاصغاء في هذه الاغنية تحديدا .. طالما هو لم يبتدر بهذه الخطوة كان عليه ـأن يكملها بأي صورة وبصخب و صفير وترديد أو جوطة .
اساكك ليه؟ بس اعمل حسابك كلام زي القتلو عن ود الامين ما تكررو تاني . فاهم ولو عملتا كدا ما بتكون في اي مساككا مني تكرر زي الكلام دا تاني في المنبر دا طوالي انط ليك في حلقومك إلا ما اقراهو فاهم يا قبة؟
فاهم يا قبة كمان ؟
انت زول بليد ليس الا ...
احترم سنك ... حقيقي رجل اهبل ... و عديم فهم ...
قال 6000 كتاب قال ...
كالحمار يحمل اسفارا ...
Post: #60 Title: Re: [ ود الامين ينهر جمهوره والعازفين ] Author: حمد عبد الغفار عمر Date: 03-17-2018, 04:49 PM Parent: #58
يا حافظ طبعا بنص بنج لو بنج كامل ما بتشوف مقصات بجبوك كاضم
يا دفع الله ود الأصيل انت داير ليك قعدة خاصة خارج البوست دا ما دام بتذكر فرح حمد والصادق
شوف لجمال الصدف أمس شفت كورال معهد الموسيقى زمن الكوريين وفيهو فرح حمد مع قادة الكورال وهو بعزف في العود شفتا كيف
قلتها زمان هنا الزول ده من ما قعد فن بيت حمد الريح مع بشّة رئيس على الكنزى مرق من نفسى اهو هسى بقى يطربق طربقة البشير و الكنزى فاضل ليهو يبقى عضو فى سودانيز قلتها فى قروب و اقولا هنا يمين الله لو كنت من ضمن الحضور كانت طلعت المسرح و قلعت قروش التذكرة منّو و معاها حق الزمن الضيعتو معاهو و اشيل المايك كمان
Post: #62 Title: Re: [ ود الامين ينهر جمهوره والعازفين ] Author: Osman Musa Date: 03-17-2018, 08:50 PM Parent: #61
بعد 22 سنة من متابعات الحفلات المفتوحة للفنانين الكبار دخلت حفلة الأستاذ محمد الأمين بنادي الضباط في العمارات . دخلت الحفل بي دعوة كريمة من الأخوان أولاد المكي بمناسبة عودة عبدالعزيز المكي الي أمريكا . حقيقة كانت سهرة جميلة خرج منها الجمهور شاكر للفنان الضخم ود الامين . و حقيقة لاملاحظ أنو محمد الامين عمل تعديلات جديدة و جميلة في موسيقتو ودخل شغل رهيب بالعود . والاملاحظ الجمهور حافظ حتي الموسيقي الجديدة , ومتابع شديد و خاصة الناس البتدخل الصفوف القدامية . تسمعها تغني معاو وتتحرك و ترقص . الأستاذ محمد الامين فنان متفرد و جد مدهش وداير الناس تسمع . وأكيد جمهور محمد الامين ما ح ياخد حاجة في كلام الأستاذ ولا الفرقة الموسيقية . أرجو ذلك
يغيظنى الزول البستحم ويقشر ويتريح من العصر عشان يمشى يستمع لحفلة فنان ، فيقوم يمشى يغنى بدل الفنان ويقد اضان المستمع القاعد جنبه بصوته النشاذ الممجوج وزمنه الفارق .. 😬😬 مفروض الزول البغنى مع الفنان ده ويستلم الاغنية على حسابه يقدر مشاعر الناس القاطعة تذاكر عشان تسمع الفنان وليس ليهو هو 😶
Quote: يا دفع الله ود الأصيل انت داير ليك قعدة خاصة خارج البوست دا ما دام بتذكر فرح حمد والصادق
شوف لجمال الصدف أمس شفت كورال معهد الموسيقى زمن الكوريين وفيهو فرح حمد مع قادة الكورال وهو بعزف في العود شفتا كيف
يا سلام يا دفع الله وحمد..كتر خيركم كتير ياخي.. والتحية لأستاذنا وصديقنا فرح حمد اينما كان ..
تحياتي لصاحب البوست وكل الصديقات والأصدقاء..
وعلى قول الخواجات نسأل: Is customer always right؟
كبر
Post: #69 Title: Re: [ ود الامين ينهر جمهوره والعازفين ] Author: السنجك عثمان Date: 03-18-2018, 03:39 AM Parent: #68
والله الجمهور زاتو ما عندو اى عقليه فى لحظته كان كلو يطلع بره ويتركه للعازفين بتاعنو دي وهو زاتو فاكر نفسو شنو يعنى وهل صوتو ده صوت يطرب غايتو بس لله فى خلقه شؤون
يعني الملحمة طلعتوها اي كلام ... ؟؟؟ و بتتعلم من الايام راحت شمار في مرقه ...؟؟؟ و عويناتك ضاعت تحت الكرعين .... ؟؟؟؟ و الجريدة و قلنا ما ممكن تسافر و حيات ابتسامتك و زاد الشجون كمان ... .... ... الراجل فنان و ملحن و موسيقاروجردتوه من ديل كلهن ابو الامين ما محتاج لي تزكية منكم لأنو اعمالو بتزكيه لكن طلعتو شعب يجيد اغتيال الشخصية كنا مفتكرين ناس لالا هم وحدهم من يجيدونها و هي ماركة مسجلة بي اسمهم لكن طلع غالبية الشعب السوداني يجيدها و ببراعة تغتالون اي شخصية دون حياء او رحمة
ود اللمين قال للناس إنو قاعد يرتجل أثناء الغنا ويعمل حاجات جديدة بينما الجمهور بغني الأغنية باللحن والأداء بتاعنها المحفوظات طق طرق مما يضطراهو يجامل الجمهور ويترك الارتجال المبدع ما قال ليهم ما تنطربوا والكلام ده منطقي جدا وين المشكلة؟!
Post: #72 Title: Re: [ ود الامين ينهر جمهوره والعازفين ] Author: عثمان الأمام Date: 03-18-2018, 05:51 AM Parent: #71
في حفلة رأس السنة 2010 أعتقد بنادي الضباط بعد ود الأمين خش في الكوبليه التاني من أغنية ذاد الشجون فجأة وقف الغنا لنفس السبب و أدى الجمهور محاضرة زي عشرة دقائق عن انهم مفروض يسمعوا بس وما يشوشروا عليهو وعلى العازفين لأنو الحفلات دي بتتصور وما عاوز ينزل ليهو تسجيل فيهو شوشرة . جزو من الجمهور شاف الأستاذ عندو حق وجزو شافا طنقعة وعدم زوق من الأستاذ. الحفلات الجماهيرية أعتقد غناء الجمهور بديها طابع جميل عكس تسجيلات الاستوديوهات وجلسات الاستماع واغلب المغنيين في الحفلات الجماهيرية ما بلتزموا بكل اللزمات الموسيقية ويرتجلوا أحيانا حسب تفاعل الجمهور .
Post: #73 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-18-2018, 06:56 AM Parent: #72
كتب حمد عبد الغفار عمر: يا دفع الله ود الأصيل انت داير ليك قعدة خاصة خارج البوست دا ما دام بتذكر فرح حمد والصادق شوف لجمال الصدف أمس شفت كورال معهد الموسيقى زمن الكوريين وفيهو فرح حمد مع قادة الكورال وهو بعزف في العود شفتا كيف تحياتنا تاني
# و من عجائب الصدف برضو يا حمد إني قبال شهر تقريباًجابني الدرب ماري بقرية تنوب(مسقط رأس أخونا فرح حمد)، فتزاحمت في دماغي أرتال من الذكرياتالعتيقة. و الأغرب من كدا كمان مرة بشاهد في رحيق الأمكنة على قناة الشروق منقولاً من حنتوبنا الجميلة حيث استضافت مذيعتنا المحتشمة الخلوقة / إيمانن بركية فيما من استضفات أستاذنا الديناصور / الطيب علي و من قدممته على أنه الدكتور/ فرح حمد.فهل كان هو هو فرحنا، أم أن البقر تشابه علي لا أدري .
@ عمومن أنا جاهز للمة دكاكينية كاربة معاك،حيثما تكون؛ و يا ريت ينضم لينا أخونا (KABAR) كما تفضل بتعريف نفسه هنا و يا ريتا كمان يتداعى غإى قصعتنا كول الحنتوباب الهنا و الهناك على صعيدٍ واحدٍ.
الأخوة : abdlaziz eisa hafiz bashir معاوية المدير ود الباقة محمد البشرى الخضر فرح الطاهر ابوروضة دفع الله ود الاصيل امتثال عبدالله جمال ود القوز zakaria fadel amira hussien ali alkanzi hani arabi mohamed osman mahmoud عبدالمنعم الطيب حسن عبدالعزيز محمد عمر يحي قباني عبداللطيف بكري احمد حمد عبدالغفار درديري كباشي جلالدونا قسم الفضيل مضوي محمد munir kabar السنجك عثمان معاوية الزبير عثمان الامام ــــــــــــــــــــــــ الاستاذ - لا شكـ أخطأ في حق محبيه وفرقته الموسيقية واعتذاره المطول جاء بعد الفاصل وتنبيه الفرقة له على فعلته ما جعله يقدم تبريراته . ويظل ود الامين هو الموسيقار والفنان
Post: #81 Title: Re: [ ود الامين ينهر جمهوره والعازفين ] Author: دفع الله ود الأصيل Date: 03-18-2018, 09:33 AM Parent: #75
Quote: لأخوة :abdlaziz eisahafiz bashir معاوية المديرود الباقة محمد البشرى الخضر فرح الطاهر ابوروضةدفع الله ود الاصيل امتثال عبدالله جمال ود القوز zakaria fadelamira hussien ali alkanzihani arabi mohamedosman mahmoud عبدالمنعم الطيب حسن عبدالعزيز محمد عمر يحي قباني عبد اللطيف بكري احمد حمد عبدالغفار درديري كباشي جلالدونا قسم الفضيل مضوي محمد munirkabar السنجك عثمان معاوية الزبير عثمان الامام ــــــــــــــــــــــــ الاستاذ - لا شكـ أخطأ في حق محبيه وفرقته الموسيقية واعتذاره المطول جاء بعد الفاصل وتنبيه الفرقة له على فعلتهما جعله يقدم تبريراته .ويظل ود الامين هو الموسيقار والفنان.
@ تشكراتنا لك ود جاه الرسول لحسن نوايا صنيعك بنا أن وضعت مبضعك على موطن أذىً فينا كمبدعين و كمجهور على حدٍ سواءٍ (على الاقل كما أرها).حادثة يستعصي تفويتها لِتمر على عواهنها هكذاكما السادة الكرام .
# كما لا يفوتنا أن نتوجه بالشكر أجزله لكل من أدلو ا بأشطان دلائهم هنا، على توافقهم بالحد الأدنى على الإلقاء باللائمة ع لى الأستاذ ، نظراً لمخاشنته غير الموفقة لجمهورٍ يعشقه بعفويةٍ خرافيةٍ لا يُحسَدُونَ عليها، لدجة (ألَّا يُحْسِنُوا ) الإصغاءَ إليه.
# كذلك و جب علينا الوقوفُ قياماً تجلةً لهذا الجمهور المُعلم لنوفه (التبجيلا) و هم يربؤون بذوائقهم الرفيعة عن معاباةِ رجلٍ كهلٍ (شاطرٍ) على غلطة لا يمكن تفويتها لِتَمُر مر السحاب لا ريثٍ ولا عجلٍ و هي إنما تُحْسَبُ عليه بعشرِ أمثالِها. دونما أدنى مجال للمغالطة. احتراماتي
Post: #77 Title: Re: [ ود الامين ينهر جمهوره والعازفين ] Author: Kamal Karrar Date: 03-18-2018, 07:45 AM Parent: #72
السلام عليكم جميعا...ود اللمين فنان ما في شك...تصرفه ما كان لائق أكيد (على الأقل كما أرى).الجمهور غلطان وما غلطان...دي كيف ما عارف بس حاسي بالحاجة دي كده..بس المزعلني صديق خليجي أول من أرسل لي المقطع ( تفتكروا عايز يقول لي شنو؟)أنا غايتو قطعتها في مصاريني لأنو قطعا الزاوية الرسل منها الصديق غير زاويانا كلنا...فشنو ود اللمين كان يتحمل... لأنو فنان والفنان صاحب رسالة واصحاب الرسالات.. لابد لهم من التحمل والعزم. وبعدين ود اللمين لازم يعرف أن الميديا هي سيدة الموقف وما في شيء بدسّ ... هسه أنا في المصيبة إنو غير السودانيين الطوالي نمطوا التصرف بأنه بعض من حمق طالما وسمونا به أقول زورا وبهتانا... كسرة...في تقديري ليس لدينا ثقافة الأستماع للأغاني... نحن شعب يهزمنا قرع الطبول ومع أول لازمة غنائية نتمايل... فهمنا أم لم نفهم... وده من العلينا...يعني مدسترين بسبب الضغوط وما إلى ذلك...جلسات الاستماع الراقية ما بتشبه واقعنا..معليش مع محبتي لكم جميعا
لا اعتقد أن الخلل في ود الأمين لوحده ولكن ايضا فيمن يبرر له مثل هذا الفعل ، كلنا نستمتع بسماع اغاني ود الأمين ولكن ان يتعامل مع الجمهور بهذه الطريقة المهينة ويتقبل جمهوره ذلك بهذه السهولة ويتفنن في ابداء المبررات لسلوكه هذه شيء محيرجدا. شكر خاص لمن اورد فيديوهات ل سيلين ديون واستيفي وندر و مطربة فرنسية اخري .. الحقيقة المقارنة بين هؤلاء وود الأمين مقارنة بين الشمس والأرض، فهؤلا يطربون وينتشون لتفاعل الجمهور معهم ويشعرهم ذلك بقيمة فنهم ، ويعرفون جيدا أن حفلات المسارح " كونسرت " هي لتطريب وامتعاع الجمهور ويستمتع المؤدي لاستمتاعهم أما التسجيل فيتم في الاستديوهات المغلقة. عموما أعتقد ان هناك خلل ما يجعل الخلود الى الأرض والرضاء بالقليل وعدم التغيير للافضل سمة مميزة لنا كشعب في كثير من المجالات.
لسلام عليكم جميعا...ود اللمين فنان ما في شك...تصرفه ما كان لائق أكيد (على الأقل كما أرى). الجمهور غلطان وما غلطان...دي كيف ما عارف بس حاسي بالحاجة دي كده.. بس المزعلني صديق خليجي أول من أرسل لي المقطع ( تفتكروا عايز يقول لي شنو؟) أنا غايتو قطعتها في مصاريني لأنو قطعا الزاوية الرسل منها الصديق غير زاويانا كلنا...فشنو ود اللمين كان يتحمل... لأنو فنان والفنان صاحب رسالة واصحاب الرسالات.. لابد لهم من التحمل والعزم. وبعدين ود اللمين لازم يعرف أن الميديا هي سيدة الموقف وما في شيء بدسّ ... هسه أنا في المصيبة إنو غير السودانيين الطوالي نمطوا التصرف بأنه بعض من حمق طالما وسمونا به أقول زورا وبهتانا. .. كسرة...في تقديري ليس لدينا ثقافة الأستماع للأغاني... نحن شعب يهزمنا قرع الطبول ومع أول لازمة غنائية نتمايل ... فهمنا أم لم نفهم... وده من العلينا...يعني مدسترين بسبب الضغوط وما إلى ذلك.. .جلسات الاستماع الراقية ما بتشبه واقعنا..معليش مع محبتي لكم جميعا (عدل بواسطة Kamal Karrar on 18-03-2018, 07:48 AM) ــــــــــــــــــــــــــــــــ سلامات Kamal Karrar
الخليجي عايز يوصل ليك انكم يا سوادنه على قولتهم خلقكم ضيق حتى على مستوى الفنانييييييين والمبدعيييييين هههههههههه
Post: #79 Title: Re: [ ود الامين ينهر جمهوره والعازفين ] Author: Mohammed Alhasan Mohammed Date: 03-18-2018, 08:11 AM Parent: #76
Quote: جمهور مزعج ... لم يفهم اللحظة ... و لا يفهم معنى الاستماع كما اعتب عليه انه كفنان مبدع كان عليه قراءة نوعية الحضور و الغناء له بأغاني خفيفة فقط ... ( كفاهم كان يا معاين من الشباك )
لو كان الفنانون من الشباب (الجيل الجديد) الذين عودو الجمهور على الترديد خلفهم يملكون القدرة على انتاج مؤلفات موسيقية وانتاج موسيقي مثلما انتج ود الأمين وصحبه وأبناء جيله ومن كان قبله ساعتها كان يحق لكم انتقاد ود الأمين ولومه. أما أن تلزموا ود الأمين بما أحدثه من جاء بعده ليغطوا به على ضعف مقدراتهم الموسيقية فهذا والله ظلم وحقارة راسها عديل واستخفاف برجل بذل وقدم للموسيقى والغناء ما لم يقدم الجيل الحالي عشره ولا خمسه .
ود الامين ليس "أكبر" من الاعتذار ولن "يعفيه" تاريخه وابداعه من تقديم اعتذار لمحبيه ومستمعيه ولن يجدي ايجاد مبررات لتصرفه
المسالة ليست في صحة او خطا ترديد الاغاني مع الفنان وتاثيرها على اداء الاغنية وانسياب الحانها ولكن في الاسلوب والتصرف الاحمق الفج وسوء اللادب مع مستمعيه
وتماما كما قال الزميل قسم الفضيل تصرفه يشبه تماما تصرف بروف قاسم تجاه احدى طالباته مع الاختلاف في التفاصيل ولكن الفكرة هى نفسها...خصوصا لمن يحاولون ايجاد مبررات ياخ لا يوجد مبرر لسوء الادب والحمق...تحت اي بند او باب
يا هوّاري سوء الأدب و الحمق وين؟ هل رمى العود وطلع ورفض مواصلة الحفل ام شتم المستمعين ام ضربهم كما فعل قاسم بدري الراجل انزعج وعجز عن تكملة الأعنية وسط نهيق الجمهور فتوقف عن الغناء وخاطبهم يا تغنوا انتو ا يا اغنّي أنا وبعد الفصل وضّح ليهم سبب تصرفه
اسلوبه وكلماته للجمهور واخراسهم عن الترديد معه تعتبر في نظري سوء ادب تجاه مستمعيه ومعجبيه هناك الف طريق لتوصيل طلبه للجمهور بكل ادب وذوق ودون فظاظه ودون اعتبار وتفهم لمشاعرهم طولة البال مهمه انت تتعامل مع جمهور ولازم تضبط كلماتك وتصرفاتك ول كمان لا تغني في مسارح واماكن عام واكتتفي فقط باتسجيلات والاستديوهات المقفولة
يا ود البشرى لازم ودالامين يعرف انو الكلمة الاولى والاخيرة هى للجمهور...ودي العلاقة "الطبيعية" بين كل فنان وجمهوره
غير كده
يبقى واحد "متسلط" فقط على الجماهير باسم الفن والابداع
تحياتي هواري بدل تستخدم لفظ اخراسه للجمهور ممكن تقول طلب منهم عدم الترديد معاه و الاستماع! ما كان شايل ليه مسدس أو خرطوش ليخرس به أحد الشي التاني كيف تكون الكلمة الولى و الأخيرة للجمهور؟ ود الامين مافي مسابقة ذا فويس عشان يستجدي اصوات الجمهور ولايكاتهم هو يقدم ابداع هنا زيو وزي الطيب صالح في رواياته او شكسبير في مسرحياته عليه ان يجوّد عمله و ابداعه كما يراه هو أولا آخر كلمة هي كلمة الجمهور, عجبه كان بها ما عجبه يشوف محل يعجبه وين استغرب في الالفاظ التي وصف بها ود الأمين من أمس فمن بجعّر لكوز أخيرا بقى متسلط!! هل صرنا نحمل ذاكرة ذبابة كلنا, هل فقر وجداننا و جف احساسنا للدرجة دي!
الرجل لم يفعل أي تصرف خاطىء وما فعله يدل على أنه يحترم فنه وأنه رجل صريح ومخلص لفنه ولا يريد شراء إرضاء مستمعيه بأي ثمن وهذا موقف يحمد له . من حقه اسكات الجمهور طالما هو يرى أن هذا الفعل يضر بأدائه وهناك من يسعد بمشاركة الجمهور فمن سمح سمح لحاجته لذلك ومن منع منع لذات السبب والسماح والمنع غايتهما واحدة لدى من منع أو سمح. والحقيقة الرجل لم يسىء لجمهوره ولكن يبدو أن هناك من هو حريص أن يبني مواقفه بحسب حبه وأو بغضه أو فرض ما يراه على غيره . لكل صاحب فن ما يناسبه وما يخدم أدائه لكنها دكتاتورية البعض في فرض ما يرونه على غيرهم أو رفض أي كلام يقول لهم: هذا خطأ هناك من يعتبر أن تقول لفرد أو جماعة هذا خطأ شتيمة وسب أكبر مشكلة أقعدتنا كسودانيبن هي رفضنا وبغضنا لمن يقول لنا أن هذا خطأ وهذا صواب إن أكثرنا تجده مبغضا للصراحة وهو ما يعبر عنه البعض هنا.
شكرا يا علاء على الفيديو.... الكبير دائما كبير ....ود الأمين فنان عظمة وقامة في الفن الراقي ..وما عندنا غير ود الأمين واحد وهو فنان يغني بإحساسه زي ما قال هو بنفسه... .وشوفو الجمهور اتجاوب بإيجابية كيفن مع اعتذاره .... ..ود الأمين يا خي مع وافر التقدير والاحترام والامتنان
في حفلة رأس السنة 2010 أعتقد بنادي الضباط بعد ود الأمين خش في الكوبليه التاني من أغنية ذاد الشجون فجأة وقف الغنا لنفس السبب و أدى الجمهور محاضرة زي عشرة دقائق عن انهم مفروض يسمعوا بس وما يشوشروا عليهو وعلى العازفين لأنو الحفلات دي بتتصور وما عاوز ينزل ليهو تسجيل فيهو شوشرة . جزو من الجمهور شاف الأستاذ عندو حق وجزو شافا طنقعة وعدم زوق من الأستاذ. الحفلات الجماهيرية أعتقد غناء الجمهور بديها طابع جميل عكس تسجيلات الاستوديوهات وجلسات الاستماع واغلب المغنيين في الحفلات الجماهيرية ما بلتزموا بكل اللزمات الموسيقية ويرتجلوا أحيانا حسب تفاعل الجمهور . كلام فى عين الحقيقه
يبدو أن تضارب الآراء ناتج عن اختلاف مفاهيم الناس على معنى التجاوب والانفعال بالفن.. فهناك من يرى أن التفاعل والاعجاب يتمثل فى الغناء مع الفنان والهجيج والهيجان، بينما هناك من يرى أن الاعجاب بالفن يتمثل فى الانصات والاستماع بصمت .. وذلك سببه اختلاف الأنفاس مابين نارية ومائية ☺.. وأكرر وأقول لييه الزول القطع تذكرة لحضور الحفل ده يفرض صوته الأجش على المستمع الذى قطع تذكرة لسماع الفنان وموسيقاه؟ وعموماً، فإن بدعة الغناء مع الفنان دى بدعة سيئة فى نظرى .. هزة راس محمدالأمين بعصبية قبل أن يقول كلامه تنم عن أنه وصل مرحلة قصوى من الضجر والضيق قبل أن ينفجر ..
السلام عليكم رغم أني لم أك من الحاضرين في هذا الحفل في نادي الضباط في أبوظبي، إلا أنني أرى أنه لم يتفرس في وجوه الحضور، فهؤلاء أجيال جديدة تربت مشاركة للنصري ومحمود عبدالعزيز تشاركه الأداء، ومحمد الأمين ظن أنه يغني لأجيال تستمع وتستمتع بألحانه وتقاسيم عوده. لا أدري إن كان فنانو الزمن الجميل يعون هذه التغييرات أم لا!
السلام عليكم رغم أني لم أك من الحاضرين في هذا الحفل في نادي الضباط في أبوظبي، ـــــــــــــــــــــــــــــــــــــــــــــــــــــــ هلا يا عبدالرحمن الحلاوي وعليكم السلام . لكـ التحية اينما كنت ابواللمين قامة فنية وما أظن تتكرر لكن ما بدر منه يدل على عدم احترامه لجمهوره العريض وعازفيه الأكفاء
مجدي مصطفى الجزيرة: 18/ 3/ 20018م تستدعي واقعة المطرب السوداني المخضرم محمد الأمين مع جمهوره في حفلته الغنائية الأخيرة الانتباه إلى الغناء والطرب السوداني طبيعة وتميزا وواقعا وكلمات وألحانا، بدلا من أسر تلك الواقعة في دائرة الخفة والتندر والمزاح. وسائل التواصل الاجتماعي جعلت من الواقعة بين المطرب المخضرم وجمهوره الذين يحلو لهم تسميته بـ"ود الأمين" حادثة عابرة للسودان وحدوده الواسعة لتجذب اهتماما عربيا لكنه لا يتعدى دائرة المزاح العابر الضيقة. تماهى الجمهور مع كلمات أغنية "زاد الشجون" التي كان يشدو بها خلال حفل أقيم على مسرح نادي الضباط بالخرطوم، إلى حد التوحد معه لكن المطرب العريق لم تعجبه تلك الحالة التي وجدها غير لائقة مع الكلمات واللحن فتوقف فجأة معاتبا جمهوره ومخيره بين أن يستمر هو في غنائه أم يكتفي هو بغنائهم قائلا "يا تغنوا أنتوا يا أغني أنا". تلقائية السودانيين لم يشذ ود الأمين في غضبه وعتابه ولم يشذ جمهوره ومحبوه عن السمة المميزة للشعب السوداني وهي التلقائية في التعبير عن الرأي بسرعة ومن دون حسابات، حيث بدا الاثنان شديدي الوفاء لتلك السمة. التلقائية إذن كانت القاسم المشترك بين المطرب السوداني وجمهوره رغم واقعة الحفل التي ظهر فيها المطرب محتدا على جمهوره لكنها حدة المحبة والوفاء للجمهور واللحن والكلمات والأداء. المطرب محمد الأمين (73 عاما) ينتمي إلى جيل، وغالبية الجمهور الذين احتد عليهم معاتبا ومتوقفا عن الغناء ينتمي إلى جيل آخر. فالجيل الذي ينتمي إليه يضفي حرمة على الغناء ومسرحه تجعل تدخلات الجمهور لكلماته اضطرابا وإخراجا له من الحالة الطربية التي يعيشها خصوصا مع هذا النوع من الألحان والكلمات والأداء الذي لم تصبه فوضى الأداء الغربي التي وصلت إلى غير مكان في عالمنا العربي. زاد الشجون ويبدو أن ود الأمين حديث عهد بهذا الجيل من جمهور الغناء في السودان الذي لم يشذ عن غيره في غير مكان من عالمنا العربي حيث يردد الجمهور والمغنون كلمات أغانيهم معا. لكن مطرب السودان يرى أن هذا لا يتلاءم مع لحن وكلمات "زاد الشجون" حيث يرى أنه يضيف في كل مرة يغنيها تفاصيل لحنية وإحساس بالكلمة ويقر في الوقت نفسه -متصالحا مع جمهوره- بأنه لا يمانع من ترديد الجمهور كلمات أغانيه في أغاني أخرى ليست "زاد الشجون منها". ومع اختلاف في التفاصيل والسياق تذكر واقعة عتاب ود الأمين لجمهوره باشتباك المطرب المصري الراحل عبد الحليم حافظ مع أفراد من جمهوره خلال حفل أغنية "قارئة الفنجان" في منتصف سبعينيات القرن الماضي. فوجئ عبد الحليم خلال تقديمه الأغنية بعدد من الجمهور يستخدم صفارات بلاستيكية فطلب منهم الكف عما يفعلونه لكنهم لم يستجيبوا لطلبه فما كان منه إلا مخاطبتهم قائلا "على فكرة أنا بعرف أصقف، وبعرف أتكلم وبعرف أزعق ثم قام بإطلاق صافرات باستخدام يده". أصوات وطنية وتتطلب استدعاء حادثة عبد الحليم حافظ مع جمهوره وحادثة ود الأمين مع جمهوره التذكير بأن الاثنين عاشا قضايا وطنية في مراحل مفصلية من تاريخ بلديهما لا يزال وقع كلماتها حاضرا إلى اليوم كلمات ولحنا. ود الأمين غنى لثورة أكتوبر/تشرين الأول الشعبية عام 1964 واشتهر بنشيد الملحمة، كما غنى لثورة مايو/أيار 1969 في بدايتها. أعمال وألحان وأغاني ود الأمين حاضرة في مسيرته الفنية المتواصلة التي بدأت مبكرا تحمل جزءا منها ملامح لتاريخ وواقع السودان السياسي والاجتماعي والثقافي. واصل محمد الأمين إبداعه المنطلق من ارتباط صميم بوطنه بظهوره بعدد من الأناشيد الوطنية والثورية ارتبطت بنضالات قومية مما قاد لاعتقاله وزميله الفنان محمد وردي في العام 1971م عقب اندلاع الثورة التصحيحية التي قادها الرائد هاشم العطا ليزجا في المعتقل إبان قبضة الأمن المايوي المنحل، ومن هذه الأعمال نشيد "المبادئ" لفضل الله محمد: مبدأ الحرية أول لن يحور..لن يؤوّل والنظام سكة حياتنا مهما درب السكة طول إلى ذلك قدم "السودان الوطن الواحد، تحية أكتوبر ومساجينك" للشاعر محجوب شريف: مساجينك.. مساجينك نغرد في زنازينك.. عصافير مجرحة بسكاكينك.. نغني ونحن في أسرك.. وترجف أنت في قصرك.. ولما تهب عواصفنا.. ما حيلة قوانينك.. مجدي مصطفى الجزيرة: 18/ 3/ 20018م الغناء السوداني.. حدود الإعجاب والعتاب بين المطرب وجمهوره http://aja.me/typfyhttp://aja.me/typfy
شوفو ردة فعل عبد الحليم حافظ في الفيديو https://youtu.be/OaAK7Opi1Qshttps://youtu.be/OaAK7Opi1Qs[/redhttps://youtu.be/OaAK7Opi1Qshttps://youtu.be/OaAK7Opi1Qs[/red]
استمع اليه من الدقيقة 4.19 حيث يقول : حليم طلع المسرح بدأ الجمهور يصفر وبدأ يكلمهم الاغنية دى صعبة الاغنية دى عايزة سمع الاغنية دى ماعايزة تهريج .. وقف الاغنية وقال للجمهور انتوا حكايتكو ايه .. لو بتعرفو تصفروا انا كمان اقدر اصفر
Quote: ود الامين قامة فنية بلا شك لكن تصرفه امام الجمهور كان تصرفا سخيفا وفي منتهى قلة الادب
قلة أدب عديل!! يا ساتر غايتو ما مصدق أنك تعتبر ود الأمين قامة فنية بعد سطرك التاني أو أنك عندك حساسية مفرطة ضد الصراحة من حقه أن يغضب وهل الغضب قلة أدب بالضرورة ! حتى لو شتم الجمهور عديل كان ممكن نقول أي كلام غير كلمة قلة أدب على الأقل وكل الجمهور إما في سن أولاده أو أحفاده ثم هذا السلوك وهو المشاركة في الأداء تعودها الجمهور من فنانين كان أمثالهم في السابق ربما لا يجازوا لعدم امتلاكهم لإنتاج فني موسيقي معتبر تريدون من الصبيان قهر الشيوخ! الفلم دا شامي فيهو ريحة كيزان هدم الفنون والترويج للفن الهابط مسعى كيزاني بامتياز لخلق شباب هش سهل الإنقياد والتحكم فيه اضعاف مستوى الفن والترويج للفن الهابط هو الحاضر والمشاهد شاهدوا قناة ساهور الفضائية التي يرعاها الكيزان لهدم وتشويه وتمييع صورة المديح النبوي وصورة التصوف فنان الملحمة مستهدف ممن يبغض الحرية ويبغض الفن الراقي من دعاة الفن الرسالي وفي الحقيقة مافي حتى رسالة واحدة بيها نتصبر شوية .
