Post: #1
Title: شاعر أغنية”الخالات”ومحمد بشير يتعرضان للإنذار من قبل إتحاد المهن الموسيقية
Author: زهير عثمان حمد
Date: 03-11-2018, 06:09 AM
Parent: #0
05:09 AM March, 10 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر بعد إنذاره بأيام قليله هو والمطرب محمد بشير من قبل إتحاد المهن الموسيقية عاد الشاعر والملحن مهدي مصطفى لإثارة الجدل مجدداً من خلال أغنيته الجديده (الخالات) والتي تم طرحها مؤخراً بصوت الفنان الشاب عبدخالق الدولي
وكما ذكر في صحيفة الأهرام يتوقع المتابعون أن تستدعي اللجنه مهدي مصطفى مره ثانية خلال أقل من شهر .
رابط الاغنية
https://www.youtube.com/watch؟v=MCpyJ3TJABkhttps://www.youtube.com/watch؟v=MCpyJ3TJABk
|
Post: #2
Title: Re: شاعر أغنية”الخالات”ومحمد بشير يتعرضان ل
Author: عبد العزيز محمد عمر
Date: 03-11-2018, 08:29 AM
Parent: #1
الحضيض .... والفراغ .... وقلة الحياء
|
Post: #3
Title: Re: شاعر أغنية”الخالات”ومحمد بشير يتعرضان ل
Author: Osman Mahmoud
Date: 03-11-2018, 01:28 PM
Parent: #1
للما بيعرف انو في انحطاط بعد الانحطاط المعروف ..
وانو للقاع في كمان قاع اكثر قعوعية منو ..
ياخ قرف ما بعده قرف ..
بعد تدمير النسيج الاجتماعي في السودان قبلتو على الأسرة الواحدة في البيت الواحد ..
وعلى المصطلحات المقدسة التحسسك بأنو انت موجود وقت تسمعا او يسمعوها منك ..
حتى لو ما انت يا شاعر السجم او فنان الاسجم منو، حتى لو ما انتو الاخترعتو مصطلح
الخالات كدا انتو اكتر من روج ليهو .. بي اغنية عدييييل كدا .. ياخي حرام والله ..
ياخي الشيئ الولدتكم دي اسمها "ام" .. بي بسيط من الخيال "لو ما لقيتوها في الحياة"
الخالة دي اختها وتقديسها من تقديس الوالدة .. واضح انو مافي زول او زولة حا تقول
ليك: الاغنية دي شنو ياولدي ..
اكيد لو خاتين حسابات سئوال زي دا ما كان غنيتوها ..
----------------
يعني الواحد بعد دا يستخدم كلمة الوالدة مع الخالة .. لأنو عادي ممكن لو قلت ليها الخالة
ترد ليك بدل يا حبيب القسا = يخلخل ضروسك .. او كمان لو مرحة شوية: بعد دا فضل
فيها خالة يا ولدي انا اكبر من امك بي عشرة سنة ..
.
|
Post: #4
Title: Re: شاعر أغنية”الخالات”ومحمد بشير يتعرضان ل
Author: Asim Ali
Date: 03-11-2018, 02:33 PM
Parent: #3
المصطلح الهابط دا تم الترويج ليهو من خلال تسميه صفحات ومجموعات على الفيس بوك من اكثر من 3 سنه.
وحكايات تسمعها من ان لاخر عن كارثه هذا النوع من الانحراف الاخلاقى .....تدعو الى ضرورة الانتباه والسعى للوقوف ضد حاله الانهيار التى تضرب الشباب فى عقله وقيمه.
|
Post: #5
Title: Re: شاعر أغنية”الخالات”ومحمد بشير يتعرضان ل
Author: Osman Mahmoud
Date: 03-11-2018, 03:02 PM
Parent: #4
الموضوع عندو ابعاد اكتر من مجرد انحراف قيمي لو صح التعبير ..
الموضوع يؤسس لمفهوم يقزم الامتداد الاسري في الذاكرة الاجتماعية ..
يؤسس لثقافة التعامل بسبهللية وبرود، تعامل يفتقر لأدنى روح مع اهم المصطلحات ..
والاخطر بعد ان يفقد المصطلح قيمته الثابتة يمكن ان يفقد الاحساس بالصلة نفسها التي ما بين الابن وخالته
او عمته او العكس البنت وخالها وعمها ..
يعني اتخيل ينعدم الاحساس بصلة قرابة الخالة ..
مستحيل يكون وراء الموضوع مجموعة تتعامل بسبهللية كدا مع المصطلحات، او فلهوة شباب خرق اغبياء كدا ..
احتمال يكون وراء الموضوع حاقدين دايرين يسممو المجتمع مع سابق الاصرار والترصد ..
.
|
Post: #6
Title: Re: شاعر أغنية”الخالات”ومحمد بشير يتعرضان ل
Author: Asim Ali
Date: 03-11-2018, 03:52 PM
Parent: #5
مستحيل يكون وراء الموضوع مجموعة تتعامل بسبهللية كدا مع المصطلحات، او فلهوة شباب خرق اغبياء كدا .. احتمال يكون وراء الموضوع حاقدين دايرين يسممو المجتمع مع سابق الاصرار والترصد ..
.
مايظهر فعلا انو الحكايه مرحله لاشاعه نوع من السلوك والعلاقات الشاذه فى المجتمع التى تهدم مفهوم الاسره .
ودا اصبح منتشر عالميا من خلال المواقع الاباحيه وفى المنطقه العربيه انتشرت مواقع ومنتديات تروج لهذه الثقافه .وفى غرب افريقيا انتشر مصطلح مشابه ايضا .
بقت مشكله فعلا انو الواحد لازم يعمل حسابو مابقول كلمه عاديه وازمن دا بقا عندها معانى ومعانى
|
Post: #7
Title: Re: شاعر أغنية”الخالات”ومحمد بشير يتعرضان ل
Author: محمد أبوالعزائم أبوالريش
Date: 03-11-2018, 06:21 PM
Parent: #6
ممكن تفهمونا الحاصل؟
ما قدرت أسمع الأغنية ...
لكن واضح من المداخلات إنو كلمة (خالة) تعني شئ غير البنعرفو ....
الحاصل شنو؟
|
Post: #8
Title: Re: شاعر أغنية”الخالات”ومحمد بشير يتعرضان ل
Author: muntasir
Date: 03-11-2018, 08:41 PM
Parent: #7
سلام أبوالعزائم الخالات هنا هُن المقابل للرجل الكبير البسك البنات الصغار فهن نساء بصاحبوا أولاد أصغر منهم وغالبا يكن مقتدرات مالياً
|
Post: #9
Title: Re: شاعر أغنية”الخالات”ومحمد بشير يتعرضان ل
Author: muntasir
Date: 03-11-2018, 08:44 PM
Parent: #8
زمان زمن ناس عمو قباني وعووضة وأب سن كان بسموهم الشدر الكبار ده عشان تفرزهم من لفظة الخالات في الخليج
|
Post: #10
Title: Re: شاعر أغنية”الخالات”ومحمد بشير يتعرضان ل
Author: أحمد سيداحمد عثمان
Date: 03-11-2018, 09:21 PM
Parent: #9
https://gulfupload.com/xfqdo01njc33
|
Post: #11
Title: Re: شاعر أغنية”الخالات”ومحمد بشير يتعرضان ل
Author: محمد أبوالعزائم أبوالريش
Date: 03-11-2018, 09:32 PM
Parent: #10
شكراً يا منتصر على التوضيح،
الحقيقة هجمتكم وغضبتكم خلتني أفكر في الأسوأ ....
بس إدراجها في الأغاني أكيد ما مقبول .... زي أغنية (إنشا الله راجل مرا)
|
Post: #12
Title: Re: شاعر أغنية”الخالات”ومحمد بشير يتعرضان ل
Author: جمال ود القوز
Date: 03-11-2018, 09:57 PM
Parent: #11
الفن مرآة المجتمع ويعبر عنه تماما ..
بلا أي تزويق كما نريد ان نفعل الآن ..
فان كان هؤلاء سيئين فنحن كذلك ..
إنحطاطهم يعبر عنا فليستقم عودنا أول ..
نشوف كان نلقى لي ضلو اعوجاج ...
بلد بها كل الرزايا والأحن ..
دي بتذكر الواحد بي حكاية الفسيخ والشربات ..
المصطلح ده كان متداول ..
قبل سنوات قليلة بي فهم مقبول ..
لكن نفس الجيل ده كبر شوية ..
واستخدم صفة الخالات ..
لي حاجة تانية خالص ..
أكيد انا ماقاصد الخالة أخت الام ....
القبح حاصرنا من كل اتجاه فأين المفر؟ ..
ـــــــــــــــــــــــــــــــــــــــــــــــــــــــــــــــ
ياهو الفهم الشين ذاتو يا ابوالريش ..
راجل المرا مهما كان مقصود بيهو علاقة في النهاية شرعية ..
لكن دي علاقة صحوبية بين شباب صغار ونسا كبار ..
انت ماتابعت التوصيف الجيهة والنضافة والذي منو . ..
نقل صفة الخالة بالطريقة دي شي مخجل وغير محترم ..
لي قدام جايننا بي شنو الله اعلم ..
|
Post: #13
Title: Re: شاعر أغنية”الخالات”ومحمد بشير يتعرضان ل
Author: Asim Ali
Date: 03-11-2018, 11:15 PM
Parent: #11
الاخ ابو الريش - سلامات
اكيد لوكان المقصود زواج نساء كبار السن ماكان يطلق عليهن الخالات
والسائد بين الشباب وواضح اكثر من خلال التداول فى صفحات على الفيس بوك - تجمل ضمن عناوينها هذا المصطلح- هو المعنى السىء وماخفى اعظم ..للاسف.
|
Post: #14
Title: Re: شاعر أغنية”الخالات”ومحمد بشير يتعرضان ل
Author: muntasir
Date: 03-11-2018, 11:36 PM
Parent: #13
يا ابوالريش انا ما حبيت أفصل أكتر خفت أجيب كفوة وعنوان ما رأي الجمهوريون في قصة الخالات وفسخ وجلخ
|
Post: #15
Title: Re: شاعر أغنية”الخالات”ومحمد بشير يتعرضان ل
Author: قسم الفضيل مضوي محمد
Date: 03-12-2018, 00:34 AM
Parent: #14
.
في إحدى كليات الدراسات العليا في السودان ...
أحد الدكاترة وكان صغير في السن واثناء المحاضر سأل سؤال للطلاب والطاليات وكانت احدى طالباته في عمره امه تقريبا...
وهي مربية جليلة وعملت في حقل التعليم المدرسي بي عمره تقريبا ...
فقام سأل سؤال ، الاستاذة رفعت يدها لتجاوب فقام قال ليها ايوا اتفضلي يا (خالة) ...
.
.
فما كان من الاستاذة الا الانخراط في نوبة من البكاء ...
الدكتور أدرك خطاءه وقعد يعتذر وقال ليها أنا متأسف جدا يا (أستاذة) ...
ولكن طبعا الكلمة الجارحة من الصعب جدا محو أثرها من الخاطر ...
.
.
|
Post: #16
Title: Re: شاعر أغنية”الخالات”ومحمد بشير يتعرضان ل
Author: Osman Mahmoud
Date: 03-12-2018, 12:43 PM
Parent: #1
تحياتي الاخ جمال ود القوز
Quote:
الفن مرآة المجتمع ويعبر عنه تماما ..
بلا أي تزويق كما نريد ان نفعل الآن ..
فان كان هؤلاء سيئين فنحن كذلك ..
إنحطاطهم يعبر عنا فليستقم عودنا أول ..
نشوف كان نلقى لي ضلو اعوجاج ...
بلد بها كل الرزايا والأحن ..
دي بتذكر الواحد بي حكاية الفسيخ والشربات ..
المصطلح ده كان متداول ..
قبل سنوات قليلة بي فهم مقبول ..
لكن نفس الجيل ده كبر شوية ..
واستخدم صفة الخالات ..
لي حاجة تانية خالص ..
أكيد انا ماقاصد الخالة أخت الام ....
القبح حاصرنا من كل اتجاه فأين المفر؟ .. |
متفق معاك تماما في كل كلامك لو اتكلمنا في المواضيع بالمطلق ..
وبختلف معاك، ومع كل الاحترام لوجهة نظرك لو اتكلمنا بالتفصيل، وخاصة في الحالة التي امامنا ..
الأغنية في تقديري ترويج للمصطلح .. وليس عكس لمفهوم او قيم محددة .. لماذا؟ لسبب بسيط وهو :
لم يصل الامر الى الان لثقافة عامة، ولم يسمع به الناس او يعرفوه بعد .. فقط من يتداوله هم قلة من الشواذ
ومن الافضل ان لا يتحمل احد عبئ الترويج للمصطلح ..
والان سيجد المصطلح اوسع طريق للانتشار .. طريق اغاني الحفلات .. وكلنا شاهد على اﻻنتشار المبالغ فيه
ﻻغنية راجل المرا، و بتدقا، وغيرها الكثير من الاغاني ..
زي اغنية راجل المرا فيها ايحائات ما ياها واتجاوزت الكثير من الخطوط الحمراء، ممكن الناس يمشوها
ويتعايشوا معاها، من غير اي تدخل في اختيارات واذواق الناس، لكن زي الغنية دي اتجاوزت كل الخطوط
ولازم الناس تواجها بكل قوة وتحاول تخمدها من قبل ما تولع اكثر .. نعم بالطرق السليمة ..
وعلى اي حال اتحاد المهن الموسيقية لن يجيز لهم الاغنية، ولن تجد طريقها للتلفزيون والاذاعة ..
نعم لا يملك احد حق منعها من الانترنت .. المهم هو ان يتم منع تداولها في الحفلات كخطوة اولى ..
الخطوة الثانية والاهم ان يتعامل الاعلام بحذر مع الأخبار المتعلقة بالاغنية واصحابها، لأن تداولها
وتداول الاخبار عن اصحاب الاغنية في الصحف وفي بعض البرامج الاذاعية، قد يعرضها للنقد او يعرض
اصحابها لأنتقاد واسع، مما سيلفت لها النظر ويساهم في ترويجها وبالمجان ..
.
|
|