السودان يحصل على (قرض سلعي) تركي بملياري دولار

السودان يحصل على (قرض سلعي) تركي بملياري دولار


03-10-2018, 06:48 AM


  » http://sudaneseonline.com/cgi-bin/sdb/2bb.cgi?seq=msg&board=499&msg=1520660907&rn=0


Post: #1
Title: السودان يحصل على (قرض سلعي) تركي بملياري دولار
Author: زهير عثمان حمد
Date: 03-10-2018, 06:48 AM

05:48 AM March, 09 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم 8 مارس 2018- وقع السودان مع شركة تركية الخميس على قرض سلعي بقيمة ملياري دولار لاستيراد مواد بترولية وقمح.

وقال محافظ بنك السودان المركزي حازم عبد القادر إن الاتفاق الذي تم توقيعه مع شركة (أوزتورك) التركية نص على أن " تستورد الشركة مواد بترولية وقمح للمخزون الاستراتيجي بقيمة ملياري دولار".

وأشار إلى اتفاق مرتقب مع ذات الشركة، لتوفير سيولة لبنك السودان.

وتوقع أن "تصل المبالغ المتفق عليها إلى خزينة المركزي خلال إسبوعين، لإعانة البلاد في الاحتياجات السلعية الأخرى".

وأضاف عبد القادر أن "الاتفاق يمتاز بعمله على تسهيل الاستيراد عبر قرض سلعي ميسر، يتم سداده على مدى فترات زمنية".

ونوه إلى أن الاتفاق يشتمل على أن تورد (أوزتورك)، ثلاث شحنات من الجازولين شهرياً وأربع شحنات من الغاز، إلى جانب تأمين القمح للمخزون الاستراتيجي بجانب مدخلات إنتاج زراعية.

من جهته قال رئيس اللجنة التنفيذية للتعاون السوداني – التركي، عوض الجاز، عقب توقيع الاتفاق، إن "تطور العلاقات بين البلدين فتح الباب واسعاً أمام الشركات التركية الراغبة في الاستثمار في البلاد".

ووقَّعت الشركة التركية عدداً من الاتفاقيات الأخرى مع شركات (جياد، زادنا وأرياب).

وأعلنت السفارة التركية في الخرطوم، الإثنين الماضي عن زيارة مرتقبة لوفد استثماري يمثل كبريات الشركات التركية للسودان.

وتوقع السفير التركي بالخرطوم عرفان اوغلو، ان تكون الزيارة فتحا اقتصاديا كبيرا، وأشار الى ان الوفد يضم كبريات الشركات التركية في المجالات الزراعية والمعدنية والبترولية، اضافة إلى الموانئ والمناطق الحرة، بما يخدم المصالح المشتركة بين البلدين.

Post: #2
Title: Re: السودان يحصل على (قرض سلعي) تركي بملياري د�
Author: محمد على طه الملك
Date: 03-10-2018, 07:37 AM
Parent: #1

شركة ؟ يا حليل زمن كنا بنسمع وقعت الحكومة مع البنك العالمي الفلاني أو الصندوق العلاني أو الحكومة الفلتكاني!!!

Post: #3
Title: Re: السودان يحصل على (قرض سلعي) تركي بملياري د�
Author: Nasser Amin
Date: 03-10-2018, 10:10 AM
Parent: #2




Quote: الهادي بورتسودان

الشاب الوقع مع بنك السودان أمس قرض بي 2 مليار وحا يطعمنا بإذن الله خلال السنتين الجاية ويشتري لينا غاز الطبخ والجازولين ..
إسمو يوسف أوزتورك مواليد 1973.مهندس كهرباء. عندو شركة عائلية إسمها " أوزتورك القابضة " ومقرها دبي ما عندها علاقة بتركيا ،
متخصصة في المقاولات حول العالم .. لاحظ .مقاول حا يطعمنا قمح .. قال في الصحافة التركية عندو علاقات بجيب تمويل من الشرق
الأقصى وبيصرفوا في افريقيا وعندوعلاقات بآل مكتوم ، وأسرة الأمير سلطان بن عبد العزيز الله يرحمه .
قال شغال في دول كتيرة ،الواضح عنو حسب موقع الشركة إنو مقاول لا ليه علاقة بالقمح لا بالبترول ، قبل سنتين وقع عقد لإنشاء
طريق في ياوندي الكميرون،
بي 740 .." و وقع لبناء 10 ألف وحدة سكنية هناك .. وقال شغال مطار في جزر المالديف بي 800 مليون دولار قال شغال
في تنزانيا وغينيا وزامبيا وأنغولا وقال زار 33 دولة أفريقية وله علاقات مع كتير من الرؤساء والمسؤولين ،
وقال ركب محطة كهرباء متنقلة في السودان
الأهم في حديثه للإكونمست قال أفريقيا اهم شي تاخد ضمان قوي يعزز موقفك وضرب مثل حقوق إستخدام مناجم ومعادن
لمدة 100 سنة وغيرها .. في نفس اليوم الوقع فيهو مع بنك السودان.. وقعّ مع شركة ارياب بتاعت الدهب .. أنت واخد بالك ؟
وضع مزري ومحبط جداً .. والبلد دي مع البشير في طريق مسدود فعلاً والله ... إنت ما عندك أي Access لتمويل نظامي محترم
من جهة معروفة أو من مؤسسة تمويل دولية أو أقليمية .. تمشي مضطر نتحصل على تمويل من مضاربين ومرابيين وغاسلي
أموال وأكيد بفوائد أضعاف الوضع الطبيعي . وأريته عشان تعمل مشاريع وللا بنية تحتية .. ده عشان تاكل قمح
وتشتري وقود .. انت واصل مرحلة مذرية من الفلس ..
وبعد ده تسمع معاً لترشيح البشير 2020 .. حسبي الله عليكم ربنا ينتقم منكم
المهم دي الأسماء والكلمات الدالة في البحث للناس البعرفوا الفرنسي والتركي كان يلقوا زيت عنو زيادة خاصة
في الكمرون والمالديف ينزولها لينا في التعليقات
Yusuf Öztürk Öztürk Holding Ozturk holding


Post: #4
Title: Re: السودان يحصل على (قرض سلعي) تركي بملياري د�
Author: Abdullah Idrees
Date: 03-10-2018, 11:36 AM
Parent: #3

واضح انو خاشوقجي جديد
فتش عن قوش والجاز ..
ااهاا والسداد كيف ، ده قمح وبترول مش سلاح بتسدد بعقود طويلة الاجل

Post: #5
Title: Re: السودان يحصل على (قرض سلعي) تركي بملياري د�
Author: يحي قباني
Date: 03-10-2018, 06:28 PM
Parent: #4

الاتفاق الذي تم توقيعه مع شركة (أوزتورك) التركية نص على أن " تستورد الشركة مواد بترولية وقمح للمخزون الاستراتيجي بقيمة ملياري دولار".

يعني البلد قاعدة ميطي ...

خبر خطير يا ود بعشر ...

Post: #6
Title: Re: السودان يحصل على (قرض سلعي) تركي بملياري د�
Author: Hassan Farah
Date: 03-10-2018, 07:37 PM
Parent: #4

ااهاا والسداد كيف ، ده قمح وبترول مش سلاح بتسدد بعقود طويلة الاجل
-------------------------------------------------------------------------
الاخ عبدالله ادريس سؤالك وجيه.....السداد هكذا:
((الأهم في حديثه للإكونمست قال أفريقيا اهم شي تاخد ضمان قوي يعزز موقفك وضرب مثل حقوق إستخدام مناجم ومعادن لمدة 100 سنة وغيرها .. في نفس اليوم الوقع فيهو مع بنك السودان.. وقعّ مع شركة ارياب بتاعت الدهب .. أنت واخد بالك ؟ ))

Post: #7
Title: Re: السودان يحصل على (قرض سلعي) تركي بملياري د�
Author: جمال ود القوز
Date: 03-10-2018, 08:50 PM
Parent: #1

Quote:
من جهته قال رئيس اللجنة التنفيذية للتعاون السوداني – التركي، عوض الجاز

رئيس اللجنة - الجاز .. .. طيب ..
أخير الناس تقنع من هسه لانه ده جراب مقدود ..
والقرض السلعي حيتم تسييله في سوق الله أكبر ..
وحيتقلب لي شنط دولارات مستفة بي أبو الجورج ..