Post: #1
Title: الرودس بالنيل الأبيض
Author: أبوبكر عباس
Date: 03-09-2018, 07:45 PM
Parent: #0
06:45 PM March, 09 2018 سودانيز اون لاين
أبوبكر عباس-الإمارات
مكتبتى
رابط مختصر تحديداً المثلث الحدودي بين ولاية الخرطوم، الجزيرة والنيل الأبيض.
تحديداً أكثر الجزء الجنوبي الشرقي من مشروع سندس.
منذ ٢٠١٦ تم انقاذ مشروع سندس الماسورة بزراعة علف الرودس النقدي في ارض سندس شديدة الملوحة.
المشكلة وين يا مستنير؟
المشكلة توالد الباعوض بصورة مخيفة منعت سكان أكثر من عشرة قرى حول المشروع من ممارسة حياتهم الطبيعية مما يهدد بقيام مشكلة كبيرة جداً بين الأهالي والمشروع.
توالد مخيف للبعوض لا يمكن معه الجلوس خارج الغرف بالليل لمدة دقيقة.
السبب شنو ي مستنير؟
الرودس نبات معمر تتم سقايته طول السنة مما يجعل توفر المياه لتوالد البعوض طول السنة دون انقطاع.
طيب ما ها دي الشمالية زارعاهو وما في مشكلة باعوض؟
الشمالية ونهر النيل زارعنو بالري المحوري وسندس تزرعه بالري الانسيابي منا يجعل ركود بالماء بالقنوات الفرعية طول العام وهو بئية ممتازة لتوالد الباعوض.
الحل شنو؟
في المستقبل القريب لا يوجد حل
وسوف تحصل مواجهة عنيفة سوف تحصل
المستنير في زيارة عرضية للنيل الأبيض
مارس ٢٠١٨
|
Post: #2
Title: Re: الرودس بالنيل الأبيض
Author: السيد المسلمي
Date: 03-10-2018, 06:05 AM
Parent: #1
الردوس دا حرم أول مرة نسمع بيهو
لكن طالما علف زيو وزي البرسيم واب سبعين ممكن عادي الحكومة تضحي بيهو ..
ياخ الحكومة ضحت بي الترابي زااااتو .. فارق معاها ردوس ولا عيش ريف 😁
.....
كنت عايز اقول ليك ضحت بالجنوب كلو بس أتذكرت إنهم هم الإختارو كدا
هو الإختار دنيتو وهو المخير في إختيارو .. اللحن دا مهداء الي أخ العروبة الجدبد ( دينق ) 😃😃
|
Post: #3
Title: Re: الرودس بالنيل الأبيض
Author: Biraima M Adam
Date: 03-10-2018, 06:18 AM
Parent: #2
مرحب بول أبا السيد المسلمي
| Quote: اللحن دا مهداء الي أخ العروبة الجدبد ( دينق ) |
وألف سلام علي روح الغائب الحاضر شيخ العرب المرحوم عوض المسلمي ..
بريمة
|
Post: #4
Title: Re: الرودس بالنيل الأبيض
Author: السيد المسلمي
Date: 03-10-2018, 06:28 AM
أخونا و حبيبنا ول أبا بريمة عساكم بخير
واخونا ول ابا كبر ذلكم السد المنيع الذي تتحطم تحته كل الاباطيل
والله مشتاقين ليكم ولي كتاباتكم الجميلة .
نسأل الله ان يرحم العوض واخونا الحاضر في القلب دائما كباشي الصافي
جعل الله قبريهما روضة من رياض الجنة
|
|