Post: #1
Title: روايحى و فاكهتى و خمرى
Author: أبوذر بابكر
Date: 03-08-2018, 05:42 PM
Parent: #0
04:42 PM March, 08 2018 سودانيز اون لاين
أبوذر بابكر-
مكتبتى
رابط مختصر ده البديع الساحر ابو صلاح
فى القطعة العبقرية
قسم بى محيك البدرى
وكالعادة طبعا عند صالح العبقرى
خلق صور مدهشة وغير مسبوفة إطلاقا
و تاسيس اوصاف غير متوقعة بتاتا
فى كل قصائده البديعة
لكن فى محيك البدرى جات اوصاف ونعوت ما عادية
وقبل ثلاثية روايحى و فاكهتى و خمرى
كان فى ثلاثية قبلها فى نفس القصيدة
حياتي ونعمتي ويسري
وبعدها بجى ل
حمام الأيك والقمــري
يصيح ينبيــــك عــن أمـــــــــري
وبين عواسلك السمري
روايحي وفاكهتي وخمــــــــــري
ابو صلاح ملك الصور المدهشة والاوصاف الغير عادية بلا منازع
صحبة لغة و مفردات عالية و عميقة و باستخدام جديد متفرد
دى محاولة للغوص فى كتاب ابو صلاح الابداعى، الشاعرية الباذخة واللغة العالية والبلاغة الصميمة بكل تنويعاتها من تشبيه و جناس وطباق واقتباس الخ
يتبع
كان الله هون
|
Post: #2
Title: Re: روايحى و فاكهتى و خمرى
Author: أبوذر بابكر
Date: 03-08-2018, 05:54 PM
قبل المتابعة فى تجليات صالح
يحكى فى ماثور الحكى
انه وفى زيارة للشاعر المصرى على الجارم ربما فى ثلاثينات او اربعينيات القرن الفات
وفى غمرة الاحتفاء و الضيافة بالشاعر الزائر، يروى أنه سمع من ضمن ما سمع اغنية محمد البشير عتيق، الاوصفوك
واستوقفه الشطر البقول
يبرق سناك فى غيهب الليل الحلوك
وهو كان مهيئ سمعه لاغنية او قصيدة عامية بالدارجة السودانية، لكن سمع مفردات يمكن حتى فى شعره هو او ربما عند شوقى او حافظ ما تكون وردت
يبرق، سناك، غيهب، حلوك
سال الجارم صاحب القصيدة عتيق وقال ليهو ما معناه
من اين لك هذه الفصاحة ؟
عتيق قال ليهو
انا حافظ لاحزاء عديدة من القران الكريم، اضافة لحفظ الف بيت من الشعر الجاهلى
وقال ليهو كمان ما معناه
انا هين خلينى، لكين عندى شيخى واستاذى اسمو ابو صلاح
على الاقل بكون حافظ عشرة الف بيت شعر من كل الانواع
اضافة للقران الكريم
الحكاية ربما تصلح دلالة على غنى وعمق وحجم لغة ابوصلاح
والاهم من كده عبقرية استخدام الحصيلة دى بشكل مبدع
|
Post: #3
Title: Re: روايحى و فاكهتى و خمرى
Author: Osman Musa
Date: 03-10-2018, 00:05 AM
Parent: #2
سلامات يا صاحب .
ديل ناس قمم في الفصاحة .
وفي مواصلات عاصمتنا و في آخر الزمن وفي عز الحر الشديد تسمع أغنيات
من نوع : تبش تبش بالشطة .. و ما بديك حتة .
أغنيات زمن الدفاع بالنظر هههههها
|
Post: #4
Title: Re: روايحى و فاكهتى و خمرى
Author: أبوذر بابكر
Date: 03-10-2018, 07:45 AM
Parent: #3
ازيك يا ابو عفان
اسكت ساى بس
والله فى نوع اغانى ممكن اعمل ليك جلطة عديل
عليك الله اسمع جوهر صدر المحافل
شوف الكلام الفيها كيف
ابو صلاح لو بس فى عمره كله قال
بحر الشوق ما ليهو ساحل
كان بكون كفاية
فى خمسة كلمات بس كتب كتاب كامل
خليها على الله
اخبارك شنو ؟
|
|