Post: #1
Title: السياحة في أكتر المدن الأمريكية المسكونة بالجن
Author: Osman Musa
Date: 03-07-2018, 06:04 PM
Parent: #0
05:04 PM March, 07 2018 سودانيز اون لاين
Osman Musa-
مكتبتى
رابط مختصر
في ناس عندهم هوايات عجيبة هوايات مرعبة بي الجد .
بعرف ناس في بلدنا الوأحد فيهم لو كان ماشي الحج يكون خايف . سيبك من زيارة زي دي المكانات .
عندنا زمان جيران في نيويورك جنهن يحكوليك حكايات عن أماكن تخوف . وقدر ما تحاول تجر الحكايات
لي الفوت بول والمصارعة تاني يرجعوا ليك لي سيرة الانسان أبوراسين . و متاوقات الحمارة العاملة أحمر شفايف .
. وأصوات الكواريك . أماكن مختلفة في ولايات مختلفة
الشباب ديل مشوها وسجلوا عنها حكايات ما تقدر تسمعها والا أنت دأرع ليك حجاب مجلد 6 كيلو .
|
Post: #2
Title: Re: السياحة في أكتر المدن الأمريكية المسكونة
Author: Asim Ali
Date: 03-07-2018, 07:22 PM
Parent: #1
طيب لومشيت المغرب تقول شنو ؟؟؟
حافله بحكايات الجن حيث يعتقد ان بعض جماعات الجن اللى كان يخدم سيدنا سليمان (عليه السلام ) عاشت هناك وحتى الان .
|
Post: #3
Title: Re: السياحة في أكتر المدن الأمريكية المسكونة
Author: منتصر عبد الباسط
Date: 03-07-2018, 08:25 PM
Parent: #2
بمناسبة الجن الذي كان يخدم سليمان عليه السلام
فهناك ما يدل على أنه ربما هناك من الجن حبيسا
بسجون سليمان عليه السلام إلى الأن!
جاء في تاريخ ابن كثير البداية والنهاية
روى الحافظ ابن عساكر: أن عمر بن عبد العزيز سأل موسى بن نصير حين قدم دمشق أيام الوليد عن أعجب شيء رأيت في البحر، فقال: انتهينا مرة إلى جزيرة فيها ست عشرة جرة مختومة بخاتم سليمان بن داود عليهما السلام، قال: فأمرت بأربعة منها فأخرجت، وأمرت بواحدة منها فنقبت فإذا قد خرج منها شيطان ينفض رأسه ويقول: والذي أكرمك بالنبوة لا أعود بعدها أفسد في الأرض، قال: ثم إن ذلك الشيطان نظر فقال: إني لا أرى بهاء سليمان وملكه، فانساخ في الأرض فذهب، قال: فأمرت بالثلاث البواقي فرددن إلى مكانهن.
|
Post: #5
Title: Re: السياحة في أكتر المدن الأمريكية المسكونة
Author: Osman Musa
Date: 03-08-2018, 02:53 AM
Parent: #3
الأخ العزيز منتصر سلامات
وبسم الله الرحمن الرحيم . خليك قريب يا منتصر . تعال شوف عجايب المدن المسكونة .
|
Post: #4
Title: Re: السياحة في أكتر المدن الأمريكية المسكونة
Author: Osman Musa
Date: 03-07-2018, 09:28 PM
Parent: #2
الأخ العزيز عصام علي سلامات
والنقول بسم الله الرحمن الرحيم قبال نخش في سيرة الجن .
عارف يا عصام أهلنا الأمريكان ديل زينا في كتير من الاعتقادات . يحكوا قريب لي حكاياتنا
ويخافوا زي خوفنا من طرق شجر العشر و كشكشة الفروع بالليل . بس هنا مافي عشر . وفيهم البزيد ويدي تخيلات الخوف كوزين .
وفيهم البقول ليك دخل ديسكو الجن البجنن .
|
Post: #6
Title: Re: السياحة في أكتر المدن الأمريكية المسكونة
Author: Elsanosi Badr
Date: 03-08-2018, 05:04 AM
Parent: #4
هلا يا عثمان
تعرف آآ ودعمي ان اكثر مكان فيهو الجن هو الصحراء الكبري
زمان كان اهلك البرارة سايقين ليهم (دبوقة) البل وهم في نص الصحراء يعني مسيرة ايام علي وجود انسان او كائن حي ، جاهم واحد جاري وبيكورك : الله قادر والرئيس نميري!!! لامن البل جفلن تتخيل!!!
الرواعية قالوا رجلينو ما بيختهم في الارض وجروا وراهو واختفي!!
قصة عقبة ود مانقير والخبير اب حمادة الموثقة بابيات:
يا ود باقير ما قلتا خبير
وين السلمة و درب البير
يا شيخنا كمان الشفقة تطير
هداك الوادي ودرب أم جير
يا أم ضمير ظعنك شده
وختم أب زليق بلد العمده
بكوا الصابراب و جفوا الغمده
النار في قريد همدت همده
يقول عمنا ود عكام خبير نواحي الصحراء والذي كان لي الشرف بالسفر معه والاستماع الي حكمه ان ود باقير لم يكن الخبير بل الخبير اب حمادة ويستطرد عمنا ود عكام ان بعض الجن قد شرب موية (القرب) بالليل ودفقوا الباقي علي الرمال انتقاما من الرعاة لانهم اخذوا بعض الحطب من قبب الفقراء علي نواحي دنقلا العرضي قبل الانطلاق الي جهة الصحراء ومرض الخبير وتولي ود باقير زمام الطريق.
|
Post: #8
Title: Re: السياحة في أكتر المدن الأمريكية المسكونة
Author: Osman Musa
Date: 03-08-2018, 03:22 PM
Parent: #6
عزيزنا السنوسي سلام
نعم . حكايات كتيرة عن زوالات المراعي في الوديان و في الصحراء و سفر التجارة في درب الاربعين .
حكايات ما ليها حد و لا عد يحكوها عن ضبايح و دخاخين مشاوي لي أعراس جن ودلاليك وعرضة و رقيص و هيصة ليها ضل في الصحراء .
لكن يا السنوسي يا أخوي الكويس أنو شقاقين دروب الصحاري متعودين علي ديك الصور , و أكثرهم متحصنين و متوكلين علي الخالق .
|
Post: #7
Title: Re: السياحة في أكتر المدن الأمريكية المسكونة
Author: الطيب عباس
Date: 03-08-2018, 05:15 AM
Parent: #1
سلامات عثمان والضيوف الكرام .. متابع
انصح بمراجعه اكتاب ا(كام المرجان في اخبار الجان) للشبلي كتاب فيه كل شارد ووارده عن عالم الجن ..
تحياتي
|
Post: #9
Title: Re: السياحة في أكتر المدن الأمريكية المسكونة
Author: منتصر عبد الباسط
Date: 03-08-2018, 10:05 PM
Parent: #7
| Quote: الأخ العزيز منتصر سلاماتوبسم الله الرحمن الرحيم . خليك قريب يا منتصر . تعال شوف عجايب المدن المسكونة . |
الله يسلمك يا أخونا عثمان
مناظرين وكلنا شقف .
|
Post: #10
Title: Re: السياحة في أكتر المدن الأمريكية المسكونة
Author: أحمد الشايقي
Date: 03-09-2018, 09:18 PM
Parent: #9
النضم السمح
كلنا استماع
|
|