العوض المسلمي .. عشا البايتات ومقنع الكاشفات

08:06 AM March, 07 2018

سودانيز اون لاين
السيد المسلمي-الخرطوم
مكتبتى
رابط مختصر

حين كنت طالبا ادرس لنيل الشهادة السودانية ونحن علي بعد شهرين من الجلوس للإمتحان .. توفيت والدتنا عليها رحمة الله فكان الحزن عميقا والفقد كبيرا وكنت متأثرا جدا إذ أنني كنت صغيرها المدلل فأخصتني بحب شديد كنت أحسه في كل لحظة من لحظات حياتها القصيرة معنا .. كان العوض عليه رحمة الله كبيرها وكبيرنا .. كان احزننا عليها لكنه يتجلد امامنا حتي لا نجزع .. يصبرنا وهو أحوج لذلك .. مرت الأيام وعدت السنين وتوفي بعدها الوالد الي رحمة الله فكان العوض هو العوض لم يحوجنا لشي بعده رايه كان سديدا ورؤيته كانت ثاقبة كنا نسلم بأشيائه لثقتنا فيه وفي حكنته ورجاحة عقله .. هي حال الدنيا يامحمد أخوي أخذت أحبابنا واحدا تلو الأخر نسأل الله لهم الرحمة والمغفرة
..
يتبع

السيد المسلمى
رحم الله موتانا و موتاكم و موتى المسلمين
و شملهم بغفرانه اجمعين
___
سلام يا زول

السيد المسلمي
لك ودي
وتحياتي
وافقيدنا الرحمة العوض المسلمي
لا أود أنكأ جرحا غائر بالفؤاد لقد أخي وصديقي وبهجة ديناي له الرحمة لازالت أبكيه بحرقة
صبرنا المولي علي فقده وأسكنه الجنان أنه سميع مجيب

ربنا يرحمه ويغفر له ويتولاه برحمته --

ويجعل الجنة مثواه..

كل الرحمة والمغفرة للعوض المسلمي.

الأخ دينق سلامات
لازلت أتذكر تفاصيل أول محادثة تلفونية لك مع المرحوم وحتي الطرفة والمقلب :)
لك في قلب المرحوم معزة خاصة فقد كان عليه رحمة الله لا يخلط بين العلاقات الإنسانية والمواقف السياسية .
خالص التحايا يادينق .

وعليك السلام ورحمة الله ياشيخ احمدونا
نسال الله ألا يريكم مكروها .. وان يتقبل منكم الدعاء وأن يرحم موتانا وموتاكم

زهير ياحبيبنا هو جرح لن يندمل لكن لانقول إلا مايرضي الله حسبنا هو ونعم الوكيل .



......
ثم نرجو ان يمتد التواصل فقد فقدناك ممن فقدناهم مع اصدقاء المرحوم
بره ببرنا وسوف نبره ببرك .. فهو عزيز بصحبتكم وخوتكم له

اللهم آمين ياجلادونا
حفظكم الله وكل الاهل يازول ياطيب


......
بجيك بي رواقة ياجلو عندي معاك كلام دقاق :)

اللهم أرحمه و أغفر له و أجعل مثواه الجنة
كان نعم الأخ و الصديق الصدوق ...

يا للفقد الكبير أخي السيد المسلمي

كان زول آخره ما عمل وما قال الا لها

عليه رحمة الله ورضوانه
والبركه في عياله وفيكم اخوته محمد والسيد

ربنا يرحم العوض المسلمي و يحمله برحمته
و الله يا محمد العوض فقد عظيم ، كان اكتر من أخ

اخى محمد نسأل الله لك و لنا الصبر ..

و نسأل الله لهم أجمعين الرحمة و المغفرة و الجنات العلى ..

اللهم ارحمهم و ارحم امواتنا و اموات كل المسلمين ..

يوم وفاته رحمه الله كنت معه في المحل توانسنا وتشاورنا في امور شتي .. كان يخصني أو هكذا خيل الي بمشورة حول عموده اليومي ( ثوابت ومتغيرات ) بصحيفة الجريدة .. قصدت قول ( خيل الي ) إذ أنه يبعث فيك الاهمية ويشعرك بإيجابية رأيك عنده .. العوض كان دائما مايخاطب الدواخل تجد نفسك معه دونما إستئذان .. تفاكرنا وضحكنا وشربنا الشاي السادة والقهوة .. وفارقته كالعادة
كان ذلك نهارا .. بعدها عاود هو الاتصال بي عند السابعة مساء في مكالمة استمرت اكثر من نصف ساعة تحدثنا فيها عن كل شي .. الوضع السياسي الراهن ، ناس الحلة ، اللجنة الشعبية ، فريق الكورة ، الدولار ، السوق ، كان يخبرني بكل شي يعلنه .. وانا أعلم انه يخفي الكثير الكثير من افعال الخير .. اظنه يخاف ان يفسد افصاحه عنها الأجر .. وهو محق في ذلك ..ففي ذات عيد ضحية اتصل بي حمزة الضباح عن وجهة الخروفين وإنه تاه عن العنوان ! .. قلت ليهو .. يازول قول بسم الله خروفين شنو العوض دا ضبح صحيتو قبيييل . أستدرك حمزة سريعا وقال لي برجع ليك يا سيد ..برجع ليك :)
اظنه رجع للحاج عليه الرحمة وعرفه وجهته التي ضل عنها ..
بعد تلكم المكالمة الطويلة رجعت الي بيتي وقبل ان تمتد يدي الي صينية الغدا التي امامي هاتفتني شقيقتي .. كان صوتها لم يكن هو وكانت كمن كان يظنك نعرف أمرا فوجدك خالي ذهن عنه ... سالتني بكل لطف ( كيف العوض اخوي ؟؟ )
قلت ليها تماام والله كنت بتكلم معاهو قبل شوية ...
سكتت لبرهة ثم قالت لي بخجل وجبن احسسته من نبراتها ( قالو عيان شوية وهسب جايبنو البراحة ) قلت ليها دا منو ؟
قالت لي العوض أخوي !! ...

نسال الله له الرحمه والمغفرة واعلى الفردوس في الجنه
انا لله وانا اليه راجعون ...
رحمه الله كان يدخل القلب دون استئذان
تعرفت علية من خلال الموقع وتواصلنا عبر محادثات بالهاتف والفيس ...
في الاجازة كانت بيننا محادثات هاتفية ولاكن لم نلتقي فقد كان هو في عمل خارج الخرطوم في الخلاء
وتواعدنا بان نلتقي في زياراته المتكررة الي مكة والمدينة ...
ولاكن لم يكتب الله لنا ذلك .... . رحمك الله وتغمدك بواسع رحمته وادخلك فسيح جناته .....

اللهم أنزل شآبيب رحمتك على قبر أخينا العوض
وأغسله بالماء والبرد والثلج ونقه من الخطايا والذنوب كما ينقى الثوب الأبيض من الدنس
اللهم لا تحرمنا أجره ولا تفتنا بعده
إنا لله وإنا إليه راجعون

ليصبركم الله ويصبرنا جميعاً أخي محمد على فقد هذا الإنسان الوضئ
فما زال جرحه غائراً لم يندمل في قلوب كل من عرفه أو التقاه..

ربنا يحفظ أبنائه ويلهمكم الصبر وحسن العزاء

ولك أخي السيد المسلمي.. فكلاكما يحملان ذات جينات وملامح الفقيد العزيز..

نسأل الله له الرحمة والغفران فقد كان اخو اخوان.

يا محمد والله امس كنت بفكر فيك واختفائك من البورد منذ فترة

ربنا يرحمه ويغفر له ويتولاه برحمته --

ويجعل الجنة مثواه..

ربنا يرحمه ويغفر له ويتولاه برحمته --

ويجعل الجنة مثواه..

رحم الله الحاج الشقيق رفيق الدرب والعمر الذي مازال صوته في اخر مكالمة يتردد في مسامعي
لا استطيع ان اعبر عن فقدي له فقد كان لي كل شي كنت بعيد خارج السودان ولكن التواصل
كاننا في مكان واحد في يوم رحيله اتصل علي وكما اتصل علي الشقيق الأكبر طه والحبيب
السيد ..شخصية حاج العوض فريدة ولايمكن ان تكرر مواقف إنسانية واحترام للكل حتي الذي
يعلم انه غير اهل لذلك .اشياء لو كتبت هنا لوصفه الجميع بانه رسول الانسانية او اعلي من
ذلك شاكر الجميع الذي شارك هنا الاخوة الاكارم دون فرز سفيان نابري والطيب رحمة والطيب
عثمان والمهندس محمد الشيخ ربنا يتقبل الدعاء منكم وهي حال الدنيا والأقدار والاجال المكتوبة
ولا نقول الا مايرضي الله الحمدلله علي قدره

------
الشقيق الحبيب السيد المسلمي حمدلله علي سلامة العودة ونسال الله لنا ولكم الصبر في المصيبة

الاخ علي عبدالله بشير
نسال الله ان يرحمه ويغفر له وان يجعل حبكم وخوتكم له شفاعة له عند رحيم روؤف
وان يرحم موتانا موتي المسلمين جميعا
بارك الله فيك

الأخ السيد المسلمي
كما يقول أهلنا
حاج العوض من يومو زول آخرة
وإن شاء الله حاج العوض ما مات
تركك إنت ومحمد وترك ذرية صالحة
وزوجة قادرة على القيام بأعباء المسؤولية
نترحم دوماً على الأخ العوض وندعو له بالمغفرة والرحمة
____
الحليلة

اللهم أرحمه وأغفر له ..
نسأل الله ان يجعل سيرته العطره هذه ..
زادا له يوم القيامه ..

له الرحمة والمغفرة
والبركة فيكم اخي السيد وجميع اخوته وابناؤه

اللهم اغفر له وارحمه واجعل الجنة مثواه
ربط الله على قلوبكم بالصبر الجميل

و الله إنا لفراقك لمحزونون يا شيخ العوض و الله لا زلت أذكر اول مرة تقابلنا فيها كانت في القاهرة وهو الذي سعى و بحث و سأل عني و منها صار من أحب الأشخاص الذين تعرفت عليهم ، كذلك كان مركز مشورتي و كانت دوماً أشعر أنني أخيه وصديقه الأوحد و اعلم علم اليقين أن كل من عرفه شعر بذات الشعور.

رحمة الله تغشاك يا صاحبي و الصبر لنا جميعاً

رحم الله حاج العوض ويوسده الباردة

في حاجات كدا مابتتحكي ولولا انني كنت شاهدا عليها صراحة ماكنت لأصدقها .. الحاج عليه رحمة الله كان شخصية فريدة جدا جدا . مرة من المرات سطا احدهم علي بيت حاج العوض نهارا في يوم كان هو والعيال خارج المنزل .. طبعا ولله الحمد كل قسم الشرطة اصحابو .. أظنه لا يطأ موطأ حتي يخرج وقد سلبهم قلوبهم جميعا .. هكذا كان .. عليه الرحمة .. ناس الشرطة سريع سريع جو وناس مسرح الجريمة والمختصين والفنيين وناس المباحث .. كان المفقود غوايش وسلاسل ذات قيمة عالية .. لم يكن متوترا ولا قلقا .. كان متيقنا لحظة كنت فيها انا أكاد انفجر غيظا من تلكم الفعلة الجبانة التي تجرأ فاعلها نهارا .كنت انا متابع مع ناس المباحث .. بعد يومين بس اتصلوا علي قالوا تقريبا عرفو الحرامي وتلفون الحاج مابجي معاهم .. دورت عربيتي ومشيت للحاج في بيته الكبير .. جينا القسم دخل هو معاهم براهو ..مسافة كدا جاني طالع قال لي يا السيد انسي الموضوع دا .. كيف ياحاج أنساهو ؟؟!!قال لي ياسيد انا مصدع وماعندي طريقة اتكلم في الموضوع اكتر من كدا .. رجعني البيت .. رجعتو البيت بعد ماحكيت ليهو كم نكتة لأخرجه من الحالة التي كان عليها .. نزل هو وانا وعدته ان ارجع بيتي طوالي .. صراحة شكل قفلتو لي كانت حارة .. رجعت القسم طوالي .. ياسميع ويا ابراهيم .. الحاصل شنو ؟ قالو لي الحاصل وريناهو العوض ..قلت ليهم العوض وراني اي شي لكن ليه ما تقبضوهو براكم .. ؟!
بعد ان استمر حواري معهم اكتشفت انا الحاج قد فعل الصواب ..
رحمك الله ياحاج وسترك الله يوم القيامة وهو الذي لا يخلف الميعاد
...........
أصدقاء المرحوم واحبابنا سعيد انا بتداخلكم وبدعواتكم الطيبات سوف اعود لكم واحدا واحدا .. نسأل الله ان يرحم الحاج و ألا يريكم مكروها في عزيز لديكم .

تحياتي آل المسلمي
وضيوفهم
فليكن هذا البوست توثيقا وتاريخا لشخص احبه الناس
لا أعزيكم فتلك حياة تغري المرء ان يكون مثله

الف رحمة ونور تنزل على قبرك اخي وشقيقي العوض المسلمي
حزنك المقيم لم يفارق قلبك اخي محمد في فقدكم الغالي
ولكن لا نقول الا ما يرضي الله
انا لله وانا اليه راجعون

Quote: ؟ قالو لي الحاصل وريناهو العوض ..قلت ليهم العوض وراني اي شي لكن ليه ما تقبضوهو براكم .. ؟!

الحبيب الشقيق السيد المسلمي دي قصة بعد النظر والعفو عند الحاجة فيها شي الا عند الصالحين يكون فكر في قصة رفت الحرامي من عمله .. شفت الانسانية كيف ..بس كرامة الحاج ونيته وجرح اليد ثبتوا الحقيقية الغائبة ياخ دي قصة تسع مجلدات وتصطحب معها حاجات كتيرة خلاص العوض رحمه الله أمة كاملة بدون منازع

الاخ الكريم ابن السودان الاصيل خالد العبيد
شاكر مرورك ودعواتك الكريمة ونسال الله الصبر لنا ولكم في فقد الحاج العوض رحمه الله

ربنا يتولاه بواسع رحمته ومغفرته
ويصبرك على الم الفراق بذكراه الطيبه

اللهم ارحمه واغفر له واجعل الجنة متقلبه ومثواه

كان اخا كريما شهما

مجاملا

انا لله وانا اليه راجعون

جبر الله كسركم وصبركم على فقده

الله وحده يعلم أنني افتقد شيخ العوض في اليوم خمس مرات و أكثر.
ربنا يتقبلك و يشملك برحمته

اللهم اغفر له وارحمه واجعل مثواه الجنة