الناس اللي بتسأل .. بنت د. التيجاني سيسي دقوها في السودان .. لية جات تكورك في لندن .. نحب نذكر المتسألين لهذا السؤال .. اولا اذا كانت العيشة والأقامة في لندن نستهم .. أن السودان منذ ١٩٨٩ م أصبح بلد للدق فقط .. وممنوع فية الكوراك .. ونحب نذكرهم ايضآ ان الكوراك بيحصل لما الزول بيكون مغبون ومقهور ومغلوب علي أمره .. وعاوز يأخد حقة لكن مش طايل ولا حياة لمن تنادي .. وزي ما قلنا ونحب ثانيا نذكرهم ان السودان بقي للدق فقط .. وليس هناك حقوق تأخذ ولكن هناك كرامة تهان وحق يسلب .. ومم من .. من كبار المسئولين والساسة وذوي المناصب الحساسة والعليا .. وبنت د. التيجاني سيسي التي يعاب عليها انها اندقت في السودان وجات لندن تكورك .. نحب نذكركم ثالثا بأن هذة البنت متربية وعايشة في لندن منذ نعومة اظافرها واتمت تعليمها حتي المرحلة الجامعية فيها .. اذن لندن هي بلدها الاول وليس الثاني وعاصمة البلد التي تحمل جنسيتها .. أذن من حقها بل من حق حقها .. عندما اندقت في السودان ولم تجد الحماية القانونية اللازمة بل وجدت خرق رهيب ومهول للقانون وتنفيذه علي يد اقرب الناس إليها والموكل الوحيد بحمايتها .. مما ادخل الرعب والخوف في قلبها وبحسها علمت وعرفت بان القانون ومجراة مسفوح ومذبوح في السودان علي يد حاكمينه ومنهم ابوها .. لاذلال محكومينه .. فكان لابد من لجوئها الي بلد العدل والانصاف .. البلد التي نشأت بها وترعرعت فيها .. لتأخذ حريتها في الكوراك .. وهي متأكدة كل التأكد بأن حقها محفوظ والعدل موجود ولا احد فوق القانون .. هانحن قد وضحنا لماذا اندقت بنت د. التيجاني سيسي في السودان وجات لندن لتكورك .. ولكن يبقي عندنا سؤال لماذا تندق الناس في السودان وتأتي لندن للكوراك ؟ .. حسب قوانين اللجوء السياسي .. اي لاجئ سوداني لابد وان يكون اندق في السودان واتي لندن للكوراك .. فلو كانت بلدك انصفتك واعطتك حياة حرة كريمة لتعيش بين اهلك واحبابك واصحابك في بلد حر كريم .. مرفوع الرأس والجبين ما ظنيت تجئ لندن لتقيف في طابور طالبي اللجوء .. فلا بد من تقديم عريضة طويلة وعريضة ايضا .. بها ما بها .. لتوضيح ما فعل بك في بلدك ولماذا ابيت العيش فية كوطن ومواطن .. اذن فقد تم الدق في السودان .. وكان الدق معتبر .. ولذلك كان الكوراك في لندن وكمان باعلا صوت .. واظن بأن لندن قد انصفت واعطت اللجوء للعيش بين جنباتها معززين مكرمين .
Post: #2 Title: Re: لماذا دقوها بنت د. التيجاني سيسي في السودا Author: محمد البشرى الخضر Date: 03-05-2018, 05:40 PM Parent: #1
وعليكم السلام ورحمه الله مرحب بيك في المنبر وان شا الله يرحب... إلخ إلخ
Post: #3 Title: Re: لماذا دقوها بنت د. التيجاني سيسي في السودا Author: أيمن الفاضل Date: 03-05-2018, 06:02 PM Parent: #2
مرحب بيك مريم في المنبر هل في سودانيين في بريطانيا احتجوا على جية الزولة دي لي لندن للكوراك؟
Post: #4 Title: Re: لماذا دقوها بنت د. التيجاني سيسي في السودا Author: Ali Alkanzi Date: 03-05-2018, 06:04 PM Parent: #2
انحنا نشأنا علي ثقافة العنف من طفولتنا وختان البنات هو اكبر ظاهرة للعنف يمارس حتى اليوم فشيخ الخلوة يضرب واستاذ الابتدائي يضرب وكذا الاوسط والثانوي والاب يضرب والاخ يضرب واحيانا الام تضرب وبكل اسف صار الدين مظهراً لحية كثيفة وعلامة السجود وقصر الثوب (الجلابية) والمرأة المتدينة عند هي التي تلبس طالبان ونسوا هؤلاء الناس وصية الرسول صلى الله عليه وآله وسلم في حجة الوداع عن النساء ونسوا ان رسول الله قال ان الله يحب الرفق في كل شئ فاين الرفق الذي وجدته بنت السيسي في وطن جذورها فحاجة الانسان هي العدل والامن اولاً والسودان بكل اسف يفقد الصفتان وعن حالتنا التي نعيشها عبر عنها الشاعر هشام الجخ
Post: #5 Title: Re: لماذا دقوها بنت د. التيجاني سيسي في السودا Author: Dr Salah Al Bander Date: 03-05-2018, 06:07 PM Parent: #2
شكراً للأخت فضيل للتساؤل والتوضيح....
وأحب ان اؤكد ان دكتور التجاني السيسي جاء الى بريطانيا هارباً من دق السودان... ومشكورة جلالة الملكة اليزابيث الثانية التي وفرت له الحماية وأعطته الفرصة عشان يكورك من لندن.. وكمان انعمت عليه بجواز عنابي يحمية حول العالم...
المؤسف ان هنالك محامي خريج قانون ويعيش لآجيء في كندا كان مستغرب لماذا جات بت التجاني تكورك في لندن؟ ونسى هو انو هو هرب الى براري كندا عشان يكورك زي ما عايز....
Post: #7 Title: Re: لماذا دقوها بنت د. التيجاني سيسي في السودا Author: Dr Salah Al Bander Date: 03-05-2018, 06:11 PM Parent: #5
والمؤسف ايضاً ان عجز دكتور السيسي عن حماية ابنته من الاعتداء عليها، بل واستغلال نفوذه لمنع الشرطة من أداء دورها... وعدم اهتمامه بالحادثة إلا في اطار محاولاته للإحتوائها ...
من يعجز عن حماية أبنته غير قادر على حماية أهل دارفور !!
Post: #6 Title: Re: لماذا دقوها بنت د. التيجاني سيسي في السودا Author: احمد حمودى Date: 03-05-2018, 06:09 PM Parent: #2
الف مرحب بالاستاذة مريم فضيل شرفت الممبر نعم السودان حتى المحامين والقضاء بندقوا السودان بلد حقوق المواطن وحريبته منزوووعة
Post: #8 Title: Re: لماذا دقوها بنت د. التيجاني سيسي في السودا Author: Deng Date: 03-05-2018, 06:23 PM Parent: #6
الاخ كمال عباس.
فعلا يبدوا أنني قرأت الموضوع بتسرع، شكرا للتنبيه
مع تحياتي لصاحبة البوست مريم فضيل.
Post: #9 Title: Re: لماذا دقوها بنت د. التيجاني سيسي في السودا Author: كمال عباس Date: 03-05-2018, 06:36 PM Parent: #8
Post: #10 Title: Re: لماذا دقوها بنت د. التيجاني سيسي في السودا Author: جمال ود القوز Date: 03-05-2018, 08:52 PM Parent: #9
العدالة شنو الحتتحصل عليها بالكوراك في لندن !! .. اذا كان المتهمة ذات نفسها قاعدة في السودان ؟ .. والبلاغ مفتوح في الخرطوم حيقدموا منو للعدالة المنشودة ؟.. وهل حيقبضوا على المتهمة أون لاين ؟ .. البنت غرضها واضح التشهّير بأبوها لوقوفه مع مرته .. دكتور البندر اسفين لو اثقلنا عليك يأخ .. ومرحبتين بالاخت الجديدة الداخلة ع الحامي .. ياربي تكوني اشتركتي مخصوص عشان الموضوع ده !! .. نرجو ماتكون زيارة منبرية فوق العادة لموضوع واحد ..
عموما مرحبا بك ونورتي الساحة ..
Post: #12 Title: Re: لماذا دقوها بنت د. التيجاني سيسي في السودا Author: Dr Salah Al Bander Date: 03-05-2018, 09:12 PM Parent: #10
يا شيخ جمال ود القوز دكتور السيسي بريطاني وزوجته المعتدية تحضر الى بريطانيا بإنتظام... والبلاغ تم فتحه في كافوري وتم فتح بلاغ آخر لدي البوليس البريطاني برضو... واؤكد لك اذا حضر دكتور السيسي أو زوجته لبريطانيا ناس الاسكتلنديارد في انتظارهم.... ]blue] لكن موضوع السودان دا سيتابع على الرغم من الاستغلال المستمر للسلطة في الافلات من العدالة... وفي حالة السيسي تخيل زول ما قدر يحرص على تحقيق العدالة وحماية بنتو بقدر يقدم حاجة لأهلو في دارفور ناهيك عن السودان؟ جاوب لي على السؤال دا اذا سمحت...
Post: #11 Title: Re: لماذا دقوها بنت د. التيجاني سيسي في السودا Author: Amira Hussien Date: 03-05-2018, 09:12 PM Parent: #1
غريبة انو ناس يقولوا تربوا على العنف انا كنت بفتكر السودان اكتر بلد أهلو حنان يمكن الدق يكون شى خفيف للأطفال الأشقياء لكن شابة اكملت الجامعة ده شى غريب لان الأب وآلام بعد أولادهم يكبرو والكتوف تتلاحق ما بكون فى دق فى حوار ونقاش بل قد يستلم الأبناء والبنات زمام كل الأمور فى الاسرة
Post: #13 Title: Re: لماذا دقوها بنت د. التيجاني سيسي في السودا Author: عادل البراري Date: 03-05-2018, 09:57 PM Parent: #11
لكِ التحية أستاذة مريم
Post: #14 Title: Re: لماذا دقوها بنت د. التيجاني سيسي في السودا Author: أيمن الفاضل Date: 03-05-2018, 10:37 PM Parent: #13
Quote: غريبة انو ناس يقولوا تربوا على العنف انا كنت بفتكر السودان اكتر بلد أهلو حنان يمكن الدق يكون شى خفيف للأطفال الأشقياء لكن شابة اكملت الجامعة ده شى غريب لان الأب وآلام بعد أولادهم يكبرو والكتوف تتلاحق ما بكون فى دق فى حوار ونقاش بل قد يستلم الأبناء والبنات زمام كل الأمور فى الاسرة
يا اميرة بعد قصة قاسم بدري انا اكتشفت انو التعامل داخل البيوت عند السودانيين ما واحد القوانين الما بتحترم النساء دي جات من نوع التربية دي الناس كانو برددو عبارة الطيب صالح (من اين اتى هؤلاء) باعتبارهم ما ممكن يكونو من هنا نحن في السودان ما بنعرف بعض
Post: #15 Title: Re: لماذا دقوها بنت د. التيجاني سيسي في السودا Author: جمال ود القوز Date: 03-05-2018, 11:01 PM Parent: #11
Quote: زول ما قدر يحرص على تحقيق العدالة وحماية بنتو بقدر يقدم حاجة لأهلو في دارفور ناهيك عن السودان؟
تسلم دكتور البندر وشاكر التفاتك لما كتبت ..
أنا ما موافق على المقارنة التي اجريتها لاتساع هوة الفارق بين المقارَنيين .. لكن كدي خليني ابدأ اجابتي بتساؤل هل انت حاسب زوجة الأب من الأسرة !! .. لانه في حالة حاسببها فرد من الاسرة حتنتفي حتة عجز الأب عن حماية بنته .. لان الطرف الاخر كمان فرد من الاسرة فما شرط في الحالة دي .. الا العدالة تتحقق عبر فتح بلاغ وقانون ممكن عادي تتم عبر الأسرة .. فلو افسحت الابنة المجال للاب لانصقها بلا شك !! .. فربما تسرعت باللجوء للقانون دون استنفاذ الحلول الأسرية .. فتخلت بمحض ارادتها عن حماية الأب باحثة عن ادانة الأب نفسه .. .. هل ممكن يكون لغيرة الابنة دور ؟ .. لانه على ما اعتقد زوجة الأب ليس من مصلحتها افتعال المشاكل .. لحرصها على استدامة حياتها الزوجية عكس الابنة .. ليس دفاع عن الزوجة لكن درجت العادة انه اغلب المشاكل .. من ناحية زوجة الاب بتكون عبارة عن ردود افعال او دفاع عن نفسها .. لانها بتكون مجبرة على الاتيان برد الفعل .. لوقوعها تحت ضغط الاستفزاز المستمر .. عموما لا ارى تجاني سيسي عجز عن الدفاع عن بنته .. ولا ارى بمنطقية المقارنة التي عقدتها يادكتور البندر .. بلاغ كافور ده ما ظنيتو ذا جدوى والا لكانت الابنة واصلت فيه .. يبقى بلاغ لندن حتثبتوا التهمة كيفن ؟ .. مش ممكن الزوجة تنكر وتبقى القضية في حكم العدم .. بل ممكن تنقلب الآية عليكم في حال عدم تمكنكم من اثبات واقعة الضرب .. ويطالبوكم بتعويض لاشانة سمعة مواطن بريطاني وزوجته .. انا كنت متوفع السؤال ده لانه معروف تجاني سيسي بريطاني .. واكيد حيجي لندن مع زوجته لكن انا قفزت لصعوبة الاثبات في لندن حال انكار الزوجة ودعم الزوج لها .. الم يكن من الافضل تنتظروهم لامن يجوكم لندن .. ومن سكات تحركوا بلاغكم ! .. نمش ونجي وانا عند رأيي الهدف المنشود تم خلاص .. وهو تشوبه سمعة تجاني سيسي .. اتوقعه يجي يفتح فيكم بلاغ يابندر لانكم بهدلتوا سمعته خالص .. شنو يعني شكلة نسوان في اسرة ينطق ليها طار قدر ده !! ... شاكرين سعة صدرك دكتور البندر .. وانقل تحياتي وتقديري للاخت ابنة تجاني سيسي .. وربنا يوفقها لكن كان من الممكن افضل مما هو كائن .. عادي افراد الاسرة بيتشاكلوا وبيرجعوا يتصافوا .. وهكذا تمضي عجلة الحياة .. من منا من لم تحدث شكلة نسوان زي دي داخل اسرته .. أأأأأأيه ربنا يصلح الحال ...
عندي ملاحظة انت ذاكرتك قوية ومتابع جيد للمنبر .. كده بس ......
Post: #16 Title: Re: لماذا دقوها بنت د. التيجاني سيسي في السودا Author: Kabar Date: 03-06-2018, 03:00 AM Parent: #15
كتب صلاح البندر:
Quote: المؤسف ان هنالك محامي خريج قانون ويعيش لآجيء في كندا كان مستغرب لماذا جات بت التجاني تكورك في لندن؟ ونسى هو انو هو هرب الى براري كندا عشان يكورك زي ما عايز....
يا دكتور صلاح البندر..حبابك يا صديق
اتخيل لي اخير تمشي الضل..!
كبر
Post: #17 Title: Re: لماذا دقوها بنت د. التيجاني سيسي في السودا Author: عبدالحفيظ ابوسن Date: 03-06-2018, 06:04 AM Parent: #16
مرحب بيك في المنبر تكوريك دي ما وقعت لي !؟ فيها استهانة بقضية البنت البت بت ضرتها .. والامر لي كسوداني مفهوم في اطار الضر . تحيز الاب مفهوم برضو مع زيجات الاثرياء الجدد لإرضاء الزوجات اللائي في اعمار بناتهم القضية الاسياسية في تقديري استغلال النفوذ لتعويق العدالة . وهو صفة لازمة لهذه السلطة واهلها
Post: #18 Title: Re: لماذا دقوها بنت د. التيجاني سيسي في السودا Author: Omer Abdalla Omer Date: 03-06-2018, 06:09 AM Parent: #17
وفي حالة السيسي تخيل زول ما قدر يحرص على تحقيق العدالة وحماية بنتو بقدر يقدم حاجة لأهلو في دارفور ناهيك عن السودان؟ _______________________________________________________________________________--
كلا
Post: #19 Title: Re: لماذا دقوها بنت د. التيجاني سيسي في السودا Author: الطيب رحمه قريمان Date: 03-06-2018, 06:44 AM Parent: #18
مرحب بالاستاذة مريم فى المنبر العام ..
اعتقد ان الامر اسرى و خاص .. و بالتالى تناوله فى المنبر العام .. امر غير ضرورى و لا يهمنا فى شئ لا من بعيد و لا من قريب ..
هذا ليست شأن عام .. !!
Post: #20 Title: Re: لماذا دقوها بنت د. التيجاني سيسي في السودا Author: محمد بدرالدين Date: 03-06-2018, 07:27 AM Parent: #19
التحايا و التقدير للجميع البوست الاول للموضوع دة ...قريناه .. و قلنا النفوس ستهدا تانى جينا لقينا بوست اخر .. حباب الجميع .. و حباب الدفاع عن الحق ايا كان و منكم جميعا نستفيد .... اذا قلنا دخل السيسى بريطانيا بجواز سفره الديلوماسى .. هل تستطيع الشرطة البريطانية استجوابه او اعتقاله ؟ و اذا دخل بجوازه البريطانى اكيد سيعتقل من المطار زى ما عرفنا .. و سيقدم لمحاكمة و ستقف لنته فلذة كبده امامه ف المحكمة و يحيا العدل .. ... دة انجليزى يا مرسى يا سيسى .. و لا نحصد الا ما زرعناه .. .... و هناك حديث يقول .. انت و مالك لابيك .. و قد انقاد سيدنا اسماعيل لطلب ابيه بذبحه .. ... و لعاداتنا و تقالدينا السودانية الف سلام .. و كوالد و اب اجزم بان لا احد منا جميعا يحب هذه الابنة اكثر من ابيه السيسى ... و اللهم استر عوارتنا جميعا و لا تفضحنا ...
Post: #21 Title: Re: لماذا دقوها بنت د. التيجاني سيسي في السودا Author: أيمن محمود Date: 03-06-2018, 08:40 AM Parent: #19
Quote: شنو يعني شكلة نسوان في اسرة ينطق ليها طار قدر ده
Post: #22 Title: Re: لماذا دقوها بنت د. التيجاني سيسي في السودا Author: Gaafar Ismail Date: 03-06-2018, 02:05 PM Parent: #21
أعتقد نقل موضوعات ومشكلات أسرية إلى المنبر اتجاه غير سليم
Post: #23 Title: Re: لماذا دقوها بنت د. التيجاني سيسي في السودا Author: باسط المكي Date: 03-06-2018, 02:42 PM Parent: #22
مرحبا بك في المنبر
Post: #24 Title: Re: لماذا دقوها بنت د. التيجاني سيسي في السودا Author: Biraima M Adam Date: 03-06-2018, 02:58 PM Parent: #22
رجال السرور !! .. شمارات ساكت ..
بريمة
Post: #25 Title: Re: لماذا دقوها بنت د. التيجاني سيسي في السودا Author: nour tawir Date: 03-07-2018, 02:49 PM Parent: #24
القضية ليست اسرية و خاصة كما كتب البعض هنا.. الموضوع اجتماعى بحت.. و هو اذلال المرأة وضربها و اهانتها... خاصة فى زمن الانقاذ.. تضرب النساء فى الشوارع العامة و الكل يتفرج.. وهو نظام اذلال و ليس عقوبة الضرب فقط.. علما بأن الضرب يتم على احد طرفى التسيب الاخلاقى.. و لا يضرب الرجل فى الشوارع العامة.. وهذا معناه أن خاصية الضرب هى للمرأة و لا احد غيرها.. لا يهم فى من ضربت أن تكون ابنة التيجانى سيسى.. أو ابنه (الكبرو ليه الدرب))... المهم ان من ضربت امرأة.. و المهم هو مبدأ الضرب والعنف الممارس فى زمن الانقاذ.. حتى اصبح الارهاب يمشى على رجلين فى السودان.. و المهم ايضا سن القوانين و التشريعات التى تمنع الضرب لآى سبب من الاسباب..
Post: #26 Title: Re: لماذا دقوها بنت د. التيجاني سيسي في السودا Author: nour tawir Date: 03-07-2018, 02:51 PM
نسيت ان ارحب بالابنة او الاخت مريم فضيل.. مشت وين من ساعة ما فتحت البوست و ما رجعت تانى..
Post: #27 Title: Re: لماذا دقوها بنت د. التيجاني سيسي في السودا Author: Sediq Hamad Date: 03-07-2018, 09:59 PM Parent: #1
حبابك عشرة في المنبر هي فائتة باقي البنات بي شنو ؟ هل انتي اهلك زمان ما ضربوك؟
Post: #28 Title: Re: لماذا دقوها بنت د. التيجاني سيسي في السودا Author: Dr Salah Al Bander Date: 03-08-2018, 01:47 AM Parent: #27
الموضوع اعقد من خيال البعض هنا... اللجوء للبوليس تم بعد التهديد المستمر الذي تعرضت له الابنة والاعتداء الجسدي المهين والضرب المؤذي والخوف على الحياة ... فقد كان هنالك سلاح (نعم سلاح) بالمناسبة في قصر التجاني السيسي في كافوري فخشيت البنت على حياتها... والمحامي نبيل أديب سجل واقعة الاعتداء ويتابعها مع الشرطة السودانية ... لا سبيل لنكران الواقعة فقد سجل تقرير الطبيب في السودان وفي بريطانيا آثار الاعتداء الجسيم... التجاني السيسي مواطن بريطاني ومرحب به في بريطانيا لمعالجة المشكلة في النطاق الذي يريد (قانونيا أو أسريا) ... وصلت المشكلة الى البوليس نتيجة لانحياز السيسي لزوجتة التي في عمر اولاده .... (الناس دي بتجيب الشجاعة دي من وين؟ رجل في السبعين يتزوج واحدة في عمر أطفاله)... واصراره على عدم استمرار البوليس في التحري (استغلال النفوذ)...
التجاني السيسي أصبح في غفلة من الزمان من أثرياء الانقاذ ... ويستطيع كموليونير رفع قضية اشانة سمعة في بريطانيا لرد الاعتبار لشخصه ... فمرحباً به...
الموضوع تجاوز الاطار الأسري واصبح بعد تسجيله في الشرطة (بريطانيا والسودان) حق عام... اذا حضرت زوجة السيسي الى لندن ستخضع لتحريات البوليس البريطاني... وهو موضوع لا يسقط بالتقادم...
النائب البرلماني البريطاني لابنتة السيسي في لندن على علم بتطورات الوقائع... وزارة الخارجية البريطانية والسفارة البريطانية في الخرطوم لديهم سجل بالحادثة ... وبالتأكيد كليهما سيتابعان الملف...
Post: #29 Title: Re: لماذا دقوها بنت د. التيجاني سيسي في السودا Author: مرتضي عبد الجليل Date: 03-08-2018, 02:01 PM Parent: #28
q هي فائتة باقي البنات بي شنو ؟ هل انتي اهلك زمان ما ضربوك؟q معقولة فى القرن الواحد وعشرين فى ناس لساا بتفكر كدا !؟ صحى من اين اتى هؤلولاء! --------------------------------- صاحبة البوست لم تتوفق فى استخدام كلمة كوارك ذات المضمون السلبى فى سياق القضية. تحياتى
Post: #30 Title: Re: لماذا دقوها بنت د. التيجاني سيسي في السودا Author: Sediq Hamad Date: 03-09-2018, 01:44 AM Parent: #29
رحم الله أديبنا الراحل الروائي العظيم الطيب صالح والذي قال في الإنقاذ ((من أين جاء هؤلاء)))😂😂😂😂
الحبيب مرتضي عبدالجليل قال ( القرن الواحد وعشرين)
انا بقول نحن سودانيز اولاين 😂😂😂😂😂
تحياتي
Post: #31 Title: Re: لماذا دقوها بنت د. التيجاني سيسي في السودا Author: Biraima M Adam Date: 03-09-2018, 12:57 PM Parent: #30
ما فهمت حاجة ..
Quote: انا بقول نحن سودانيز اولاين
الأخ صديق، الكلام دا بعني شنو؟
بريمة
Post: #32 Title: Re: لماذا دقوها بنت د. التيجاني سيسي في السودا Author: محمد بدرالدين Date: 03-09-2018, 07:04 PM Parent: #31
التحايا و التقدير للجميع الاستاذة الغالية نور ..اعتقد ان المشكلة هنا خاصة و ليست عامة ضد المراة ... و ايضا من اعتقد ذلك من المتداخلين .... ضرة او زوجة اب تعدت بالضرب علي ابنة زوجها ... يعني امراة ضربت امراة .. و السبب عندنا مجهول ..و هل اتت الابنة بما يوجب ضربها و تاديبها .. ام ان هذه الزوجة مفترية و تريد ضربها و اذلالها بدون سبب .. و ربما لابعادها عن بيت والدها لتنفرد بالسيسي كما انفرد سيسي مصر بالحكم ......مسالة اسرية و كعالدتنا السودانية كان يجب ان تعالج داخل الاسرة الصغيرة او الكبيرة .. و ان تتجه البنت لاعمامها او خيلانها .. و لكنه ربما تربيتها ف بلاد الفرنجة علمها ان تذهب للشرطة مباشرة ... ربما ...لان لاحد هنا يعرف التفاصيل سواء انها تقدمت بشكوي للشرطة و اباها استغل نفوذه و عطل الاجراءات .......و اوكد مرة اخري ان لا احد يحب ابنائه مثل والديهم ...
و الامر عند الشرطة ....خلوا القضاء يقول كلمته .... و سؤالي للعزيز بريمة بحكم وجوده ف بلاد الفرنجة .. سمعت الاتي و ارجو تصحيحها لي : سمعت حكاوي عن احد الابناء و قد بلغ سن الرشد ..دخل البيت و هو ثمل جدا .. ابوه كورك معاه و كدة .. و كرر الامر مرتين تلاتة ..و ف في مرة جاب معاه صديقته .. الوالد هنا جن و نزل ضرب ف ولده .. و الصديقة ما كضبت اتصل بالشرطة و الشرطة جات و تحقيقات .. المهم قالوا الاب كتب اقرار و تعهد انو ما حيضرب ولده تاني ... و برضو قالو ف بت مرة جابت صديقها ف البيت .. برضو ابوها زعل و زعق ... و تكرر و الاب ضربها و برضو الشرطة جات و كدة .. حبيبنا بريمة او العارفين القوانين .. ممكن الحاجات دي تحصل ؟ و اكرر تقديري و احترامي للجميع و تضامني مع كل افراد اسرة السيسي دون فرز و عائلته ..و ان يجمعهم اللهم ع المحبة و المودة .. و كل اسرنا السودانية
Post: #33 Title: Re: لماذا دقوها بنت د. التيجاني سيسي في السودا Author: Sediq Hamad Date: 03-10-2018, 01:07 AM Parent: #31
حبابك الف يا الناظر بريمة
سودانيز اولاين ﻣﻘﺼﻮﺩ ﺑﻴﻬﻮ البيت السوداني تغييره صعب يا الناظر بريمة
عشان ما ينطو لي ناس يتفلفسو لي، القرن 21 عاوزنا ننزل السباحة مع بناتنا وأخواتنا ولا شنو ؟