Post: #2
Title: Re: عمل يستحق الإشادة و يمتع النفس والروح. الت
Author: عبداللطيف حسن علي
Date: 03-03-2018, 01:01 PM
Parent: #1
كما وصفته تماما ، عمل محترم بحق 
شكرا عزيزي الأمين عبد الرحمن عيسى الان لدينا مزيدا من الزاد نحاول ان نجعل به الوطن ممكنا
|
Post: #3
Title: Re: عمل يستحق الإشادة و يمتع النفس والروح. الت
Author: جمال ود القوز
Date: 03-03-2018, 02:05 PM
Parent: #2
عمل جميل وفيه مجهود ومتعوب فيه .؟.
فالتهنئة لجهود هؤلاء الشباب ..
وشكرا نبيلا حبيبنا الامين عبد الرحمن عيسى ..
وانت تستشف وتستشرف مواطن الابداع والجمال ..
ويا الله على هذا البلد الرائع المتفرد المترع والمتخم بالجمال ..
يا الله للسودان الذي تكالب عليه من اضاع كل مافيه ..
وجعله بلد كمالة عدد ونافلة بين البلدان ..
هل من قومة تاني ياربي للسودان ده ؟؟!! ..
ما أظن يأخ ..
دي مئات السنين تم طمرها هكذا في غياهب النسيان ..
وتم ايداعها اضابير الذكرى ومواطن الشجن والوجع ..
حليل السكة حديد .. والمشاريع ..
حليل البواخر وسودان لاين ..
حليل المؤاني المعروض تحت الجرس وفي انتظار من يدفع ليشيل ..
حليل سودانير وخطوطنا الكانت ملء السمع والبصر ...
الله الله ..
تم حشد الفيديو بكل ما هو فاني فاوجعنا وادمى قلوبنا ..
لكن ... واقفين نحن ومنتظرين فربما ..
مابين غمضة عين وانتباهتها ..
يغير الله الدنيا من حال إلى حال ..
فتعود لينا أيام الفرح .. وتخضر المشاريع ..
وتعود الواقفة تسوق وتملا السوق ..
وتدفق لامن تشبّع ناس بره ..
والراجي الله ظنه ما بخيب .....
|
Post: #4
Title: Re: عمل يستحق الإشادة و يمتع النفس والروح. الت
Author: معاوية الزبير
Date: 03-03-2018, 02:15 PM
Parent: #3
شكرا يا الأمين لإيراد هذا الجمال
و.. انت كمان يا ود القوز أوجزت بــ"كل ما هو فاني" دي
|
|