ود كوستي وصديقي عبدالقادر السني الشهير ب كتو وبالمناسبة هو عضو بورد قديم كتب هذا المنشور ونشره بالفيس واعجبني فهو يتجاوز كونه رسالة إلي لوشي فقط
Post: #2 Title: Re: رسالة إلي لوشي Author: عبدالحفيظ ابوسن Date: 03-01-2018, 09:06 AM Parent: #1
الى الاء المبارك (لوشى) .. يجدها بخير .. اما بعد .. كتب الشاعر الفذ/ محمد يوسف موسى .. صاحب الاغنية الاشهر : (كلمة) والذى تقلد منصب رئيس اتحاد شعراء الاغنية السودانية ردح من الزمن .. كتب وتغنى الفنان الاسطورة سيد خليفة :
ياصوتها لما سرى عبر الاثير معطرا مثل الحرير نعومه ونداوه وتكسرا مثل الصباح طلاقة رشاقة وتخطرا وهمى حنينا حالما وصبابة وتاثرا وتدفقت كلماتها دفئا نديا اخضرا عبقا يضوء براءة شذى يفوح تخترا سكرا ولا كأساً ترى ياصوتها يا روعة لحنا طبيعيا سرى ماج الكنار مغردا والناي ناح تحسرا والعندليب اذا حكى شوقا تدفق ابحرا ماذا يكون وصوتها صوت السماء من الثرى ..
اتعلمين فيمن كتب هذه الكلمات ؟! كتبها فى المذيعة والاعلامية الايقونة ليلى المغربي حين سمع صوتها لأول مرة عبر الاثير (الراديو).. ولم يراها وقتها ، رغما ان ملامحها تفوق وسامة وطلاوة معظم مذيعات اليوم ولكن أسره سحر الصوت .. فقد كان مفتاح ليلى للقلوب هو صوتها وثقافتها الثرة وليس شَعَرها بل شِعِرْها .. اكاد اجزم ان الانقاذ انتقت البعض خاوى المضمون ليمثل بالشعب فى شاشاته وصفحاته واعلامه .. رغم انك لست المتهم الوحيد فى تغييب ثلاثة اجيال لا تعرف عن الثقافة والحقوق والاعلام الا بمقدار ما تمدونه له عبر شاشاتكم الخاوية واعلامكم المزيف .. فنرى بطء وتثاقل حركة التغيير والحقوق بوضوح لا يخفى الا من اعمى البصيرة .. - نرجع لى ليلى يا لوشى .. انتى عارفة ، الزولة دى مترعة بالجمال والانسانية والثقافه لو اخدتى من ثقافتها عشرة فى المية بس تكونى ماقصرتى .. تعالى نوريك الاغنية دى كتبتها ليلى وغناها وردى ومصطفى سيداحمد والموصلى اتخيلى؟! 😃 " شوفى مذيعاتنا زمان كانوا كيف بالله" .. فى الظروف الصعبة والمجاعة كانوا فى خندق واحد مع هموم شعبهم .. كتبت : انا طفل الاعانات انا جيل المعاناة و يومى ماله بعد و عمرى ما له وعد فكيف ترونها تبدو بداياتى نهاياتى و ارضع من شكياتى خيام الريح ابياتى و احجارى اثاثاتى اردم الرمل لابنى به بيتا لا حلامى و لكنى افتش عن فتات الاغاثاتى فصوغوا وقع موسياكم المحزون من وجع اثتغاثاتى و قرص الخبز قرص الشمس يناى عن بحث اشتاتى وراء سرابه الموؤود لهفاتى و لهثاتى فمن جوع الى ثقم و من ثقم الى جهل تداول دورة الايام نقماتى و ماساتى و هذا القحط على لا يترك سوى حزمات عيدان اخبى نايها من ترعتى الفجعاء فى اسماك اردانى فانفث فيه اشجانى لكى اجتر نفثاتى اطفلا بدوت ام كهلا فعمرى شق من عمر القاساة و ماساتى فلا لغوا ولا لهوا ولا ركب ولا ارض و لا جمع اشتاتى و تسرق بغضة الاهوال اقراص براءاتى اديروا الة التصوير فى انحاء ماساتى تروا اثار متعبتى و تذكارات متربتى و تعجزكم مواساتى
ماقلت ليك مترعة ؟! خرافية عديل .. لو شلتى خمسة فى المية (بدل العشرة الفوق دى) تبقى انتى زولة استثنائية .. اقول ليك ليه ؟ لانو برضو كانت عاطفية ومنغمسة فى هموم المحبين والعشاق .. تواسيهم وتآسيهم وتطبطب على المشوكشين واصحاب الآمال العراض فى الحياة بكتابات تقويهم وتسند العواطف وشيل التقيلة وكفكفة دمعه المظلوم .. غنى لها محمود تاور احداها: بسأل نفسي من بدري .. أنا في يوم القى الهنا ... أشيل معاي فرح الأماسي الضاويه... عشان أقابلك ده المنى... أكون سعيد زي الفراش وقت الدعاش حاضن الندى... بسأل كمان : ليه يازمان الحيره دايماً في القلوب ساكنه في مكان ما حقها.. انحنا ناس حلوين حنان... دنيانا أياماً جميله.. جميله.. نعزها... عايزين نعيشها فرح جميل... ويعيش معانا الناس كمان ونودها.. عمر الزمان سر اكتشفتو.. همس الزهر .. روح العطر.. موسم مطر.. وربيع حياتي العشتو عشتو.. صدق اللي قال.. ودع أساك.. وانسى النساك.. وبالغ كمان..
يازولة اقول ليك حاجة ؟! قررت انى انزل النسبه ل واحد فى المية لو وصلتيها تكونى ابدعتى .. الزولة دى مابتتلحق .. وحالتو دى ما القاضية .. ولا كتابتها للعمق العاشر ..هههه لا لا لا .. دى صعبة عديل .. عمق عاشر شنو البعرفوه كل اعلاميي واعلاميات الغفلة 😅 .. * قلت للاستاذ احمد شاويش : انت محظوظ حضرت زمن ليلى المغربى وكمان شلت منها شعر وغنيتو .. قال لى : موش كدة ؟! دى لا يلقاها الا ذو حظٍ عظيم .. فغنى : انا ماجاييك
أنا ما جاييك شايل أفراح تملا الدنيا أجمل منية عطر الريحان شوق الحبان واجمل غينة
جاييك فرحان الخطوة تسابق في الخطوة والبسمة تغازل في النسمة والكملة تناغم في الكلمة والدنيا قمر نوّر دنيا
ما الريد بقى عمقي ووجداني حدّثو تاني ما العمق العاشر بباشر ناير وجدانو على الآخر حدّثو تاني ما بهم المدّلّي ولا السادر عشنا صبابة محنة حبابا كمان وربابة
قول للعاشقين نحن الأحلى نبض الشريان نحلف صادقين عندنا أعلى وارواحنا طيور يا دوبا خدور الكون تملا رغبة وعشرة هز الوجدان وافرح كلك نادي الحبان وانشر ضلك واهدي اليامسين عطرك وفلك
ايوة دى كلها اشعار وكلمات مذيعه واعلامية اتخيلى ؟! لاحظتى للمفردات واللغة ؟! لاحظتى للثقافة والاطلاع ؟! طيب لاحظتى انها كانت جميلة(شكلا) قدر شنو ؟! اخر كلامى معاك : الانسان بصمة 🙂
#kato
Post: #3 Title: Re: رسالة إلي لوشي Author: Khalid Abbas Date: 03-01-2018, 09:12 AM Parent: #1
صاحبك يستحق الاعدام فى ميدان عام معقولة الاستاذة ليلى المغربى والتانية دى فى موضوع واحد
Post: #4 Title: Re: رسالة إلي لوشي Author: معاوية المدير Date: 03-01-2018, 09:34 AM Parent: #3
Post: #5 Title: Re: رسالة إلي لوشي Author: Haytham Ghaly Date: 03-01-2018, 09:47 AM Parent: #4
Quote: ما بهم المدّلّي ولا السادر
بالله يا حفيظ اسع زي الجملة .. القصة الفي المقتبس دي
هل ممكن زي ناس لوشي وكل اللوايشة يعرفو معناها والبعد الشاسع الفي مضمونها.؟؟
Post: #6 Title: Re: رسالة إلي لوشي Author: محمد البشرى الخضر Date: 03-01-2018, 09:51 AM Parent: #3
Quote: اكاد اجزم ان الانقاذ انتقت البعض خاوى المضمون ليمثل بالشعب فى شاشاته وصفحاته واعلامه
برضو الإنقاذ!! اصلو الشعب و التطور وتغيّر الزمن و الاهتمامات و ثقافات الأجيال بل حتى الوسائط ليس لها دور أو يد فيما جري ويجري؟ اها ايه رايو صاحبك دا انه ايّام ليلى المغربي وهيام وسهام غالبا يكون هناك شاعرا ما ارسل لهن رسالة يقارنهن بعائشة الفلاتية وكيف ما كان توبها بنزل من راسها ولا ترتدي البرمودا وكيف انهن انحططن بذوق المشاهد السوداني في ذلك الوقت ...إلخ إلخ
جمهور لوشي اليوم لا يهتم بشاعريتها أو ثقافتها بقدر اهتمامه بحجم الـ - مش عارف ايه - مثلا ! لا العيب في لوشي ولا في جمهورها ولا في الأنقاذ! بل لايوجد عيب اساسا ! اللهم إلّا لو عايزين نعيب على القمصان الـ slim أنّها أخذت مكان الـ تحرمني منّك! المسالة اختلاف اذواق و تطوّرها - لا فرق نحو الأعلى أوالأسفل - فا المسألة هنا نسبية
Post: #7 Title: Re: رسالة إلي لوشي Author: أحمد محمد عمر Date: 03-01-2018, 11:41 AM Parent: #6
يا اخوانا انتو القال ليكم منو لوشي أيقونة لأي حاجة غير الجمال ؟ بصراحة كدة ما مطلوب منها تكون أي حاجة غير بت جميلة وتعدل لينا في اطلالاتها كل مرة انتو قايلين الناس دي شغالة بي برامجها ولا أفكارها !!
رسالتك دي تنفع للمذيعة الطارحة نفسها مثقفة موش الطارحة نفسها حلوة في اختلاف مخل جداً في الاختصاصات هنا
Post: #8 Title: Re: رسالة إلي لوشي Author: سفيان بشير نابرى Date: 03-01-2018, 11:49 AM Parent: #7
يا حفيظ ابو سن قول لي كتو سفيان قال ليك قوم لف ههههههههه
____ كتو ملك النجرات و الخستكة ههههه
Post: #9 Title: Re: رسالة إلي لوشي Author: محمد عوض الله علي حسين Date: 03-01-2018, 11:57 AM Parent: #1
اغلبية الشعب السوداني بقو لوايشه سااااي
Post: #10 Title: Re: رسالة إلي لوشي Author: Asim Fageary Date: 03-01-2018, 12:00 PM Parent: #9
المفروض البوست دا يكون فيهو حياد وعدم تهميش .. وين صورة لوشي هسه هنا؟
جيبو صورتها أو فيديو ليها بعدين نجي ندلي برأينا
في انتظار الصور
Post: #11 Title: Re: رسالة إلي لوشي Author: Yousif A Abusinina Date: 03-01-2018, 12:46 PM Parent: #10
ود السن بقى من اللواشة عديل
اصبر لى بجيهك بهناك وعارف وين هناك دى
Post: #12 Title: Re: رسالة إلي لوشي Author: محمد أبوالعزائم أبوالريش Date: 03-01-2018, 12:58 PM Parent: #11
إنتو يا جماعة لوشي دي منو/ شنو؟
في حاجة مهمة فاتت علينا؟
Post: #13 Title: Re: رسالة إلي لوشي Author: أحمد محمد عمر Date: 03-01-2018, 01:11 PM Parent: #12
Post: #14 Title: Re: رسالة إلي لوشي Author: أحمد محمد عمر Date: 03-01-2018, 01:43 PM Parent: #13
دة جانب من التعليقات على التويتة أعلاه :
- ليه حسبتو ليهو الكيلو بي كم😂😂😂😂💔 - الحمد لله اخيرا" السودان بقه يصدر بضاعة تجيب لينا عمله صعبه 🤣🤣🤣🤣👌 - اتقلي شويه و قولي المبلغ بسييط - يخ انا برقد ليك بي ربع السعر ده انت بس قول خير - تمها 30 وشيل شريف الفحيل معاها - هوي ال 25 مليون دي حق البشير فيها ولا دا حقت لوشي براها لانو ما عندنا حاجة بتطلع بدون جمارك - البشير و35 وزير يشعرون بالانوثه - اها وح تنباع ولا كيف اسي 😂😂🌚 - 😂😂😂😂 فهد عاد هذولي الخرفان طايحين على الجسم لا اكثر ولا أقل... - هي لوشي بتلعب ياتو خانه - كانت دفاع هسي بقت هجوم - هجوم وشايل تقيل تقول سواريز - ليه بتاعها ناصيه..؟ - هههههههه هو مش وقفو تصدير الإناث - ههههههههههه نحن اهل لوشي الدفعتوا فيها 25 مليون - اقول 25 قليلة، ترا والله هذي سواكني طال عمرك - حتي السعوديين دايرين يتلاوشو .. بس لواشتم غير النصيحه - الآلاف من خرفان لوشي يشعرون بالقص - زمان بجي المغترب بقص لي اولاد الحلة هسي جاكم الكفيل زاتو 😂😂😂 - الشغلة #ماديات يلا يا شباب همتكم معانة #شيرنغ نوصل المبلغ 25مليون #دولار #وجنية ونديها لي جغارم 😀 #لالوب_بلدنا ولا #تمر_الخليج😊 - حنك بيش مستحيل توافق اكيد بنات بلدناااا ليسوووو للبيع بس للباع للخرفان يعني 🤣🤣🤣كككككككك - 25 مليون دولار ..!؟ $ دا لوشي مجنون اقسم بالله - ألذ شي جابو صورة بالحجاب.. نظام البت قطحانية معانا... - خروج #لوشي من السودان باثر اقتصاديا علي البلد 😅😅 - موافقة شنو حتى لو وافقتي نحنا م موافقين - لي اصلوو بتستحمي ب زئبق ؟؟؟ استغفر الله العظيم 😥 - وزير المالية السوداني يؤكد التزام لوشي بدفع قيمة الشرط الجزائي في حال الرغبة بالاحتراف في الحظائر السعودية😂😂😂 - بقينا نصدر لدول العالم ووصلنا العالمية 😂😂😂 - 😁😁😁😁 بكده الكفيل حسم الفوضى - المبلغ ما مناسب زوود شوية دي الوحيدة اللي حيلتنا💔😂 - اصبح لدا السودان صادرات بدل الارتزاق من الحروب - السودان جاب قون وحنععمل استثناء لقرار تصدير الاناث - ولوشياااااااااااااه شرشحوك وبوظوا خلقتك 😂😂😂😂 - لاااااااااا لوشي ولا بي ٥٢٠ مليون دولار ما بنبيعها
Post: #15 Title: Re: رسالة إلي لوشي Author: Awad Omer Date: 03-01-2018, 02:25 PM Parent: #14
سلام اخ ابوسن وضيوفه ..
بس شوف... لوشى صنعتها الميديا والسيوشال بلاتفورمز .. لكني اعتقد انها تستاهل يحتفي بها ..وكونها ما عندها مساهمة شعرية /ثقافية عشان نعترف بشهرتها كلام ما عادل ..ولا يقلل الاحتفاء الطاغي بها في المجال الذي احتفيت به... وازيدك من الشعر ..كمان عنها اعتراف عالمي يستحق الاشارة والاحتفاء..
هاك...
000 ( فتح جديد للسودان./.:الف مبروووك للاستاذة ...وللواشة-)
نقلا عن صحيفة Daily mail #البريطانية •• الحسناء السودانية آلاء المبارك ( #لوشي ) ؛ ضمن قائمة #اجمل( 50 ) #امرأة علي مر #العصور . فيما حلت عارضة الازياء و المغنية و نجمة #بوليود الشهيرة #بريانكا شوبرا في المركز #الثاني خلفا البرازيلية #مادونا التي حلت في المرتبة #الأولي! الجدير بالذكر أن #لوشي اجمل بنت في السودان _ حسب مجلة #نواعم _ #العربية الوحيدة بجانب #هيفاء وهبي .. كما ضمت القائمة اسماء #لامعة في مجال #الفاشون ك #انجلينا جولي و كيم #كارديشان و ارينا #شايك و ماريا #شاربوفا ! ° ° □□ الف #مبرووووووك #للواشه 🤝
Post: #16 Title: Re: رسالة إلي لوشي Author: سفيان بشير نابرى Date: 03-01-2018, 02:57 PM Parent: #15
بعدين اقول ليك حاجة كتو دا حاقد ساااي عامل وشو المعفص زي وشي دا.
Post: #17 Title: Re: رسالة إلي لوشي Author: جلالدونا Date: 03-01-2018, 04:00 PM Parent: #16
كتب المدعو ود البشرى
Quote: برضو الإنقاذ!! اصلو الشعب و التطور وتغيّر الزمن و الاهتمامات و ثقافات الأجيال بل حتى الوسائط ليس لها دور أو يد فيما جري ويجري؟ اها ايه رايو صاحبك دا انه ايّام ليلى المغربي وهيام وسهام غالبا يكون هناك شاعرا ما ارسل لهن رسالة يقارنهن بعائشة الفلاتية وكيف ما كان توبها بنزل من راسها ولا ترتدي البرمودا وكيف انهن انحططن بذوق المشاهد السوداني في ذلك الوقت ...إلخ إلخ جمهور لوشي اليوم لا يهتم بشاعريتها أو ثقافتها بقدر اهتمامه بحجم الـ - مش عارف ايه - مثلا ! لا العيب في لوشي ولا في جمهورها ولا في الأنقاذ! بل لايوجد عيب اساسا ! اللهم إلّا لو عايزين نعيب على القمصان الـ slim أنّها أخذت مكان الـ تحرمني منّك! المسالة اختلاف اذواق و تطوّرها - لا فرق نحو الأعلى أوالأسفل - فا المسألة هنا نسبية
و كتب الجمهور بحسب ما نقل اخونا احمد
Quote: - ليه حسبتو ليهو الكيلو بي كم - الحمد لله اخيرا" السودان بقه يصدر بضاعة تجيب لينا عمله صعبه - اتقلي شويه و قولي المبلغ بسييط - يخ انا برقد ليك بي ربع السعر ده انت بس قول خير - تمها 30 وشيل شريف الفحيل معاها - هوي ال 25 مليون دي حق البشير فيها ولا دا حقت لوشي براها لانو ما عندنا حاجة بتطلع بدون جمارك - البشير و35 وزير يشعرون بالانوثه - اها وح تنباع ولا كيف اسي - فهد عاد هذولي الخرفان طايحين على الجسم لا اكثر ولا أقل... - هي لوشي بتلعب ياتو خانه - كانت دفاع هسي بقت هجوم - هجوم وشايل تقيل تقول سواريز - ليه بتاعها ناصيه..؟ - هههههههه هو مش وقفو تصدير الإناث - ههههههههههه نحن اهل لوشي الدفعتوا فيها 25 مليون - اقول 25 قليلة، ترا والله هذي سواكني طال عمرك - حتي السعوديين دايرين يتلاوشو .. بس لواشتم غير النصيحه - الآلاف من خرفان لوشي يشعرون بالقص - زمان بجي المغترب بقص لي اولاد الحلة هسي جاكم الكفيل زاتو - الشغلة #ماديات يلا يا شباب همتكم معانة #شيرنغ نوصل المبلغ 25مليون #دولار #وجنية ونديها لي جغارم #لالوب_بلدنا ولا #تمر_الخليج - حنك بيش مستحيل توافق اكيد بنات بلدناااا ليسوووو للبيع بس للباع للخرفان يعني. كككككككك - 25 مليون دولار ..!؟ $ دا لوشي مجنون اقسم بالله - ألذ شي جابو صورة بالحجاب.. نظام البت قطحانية معانا... - خروج #لوشي من السودان باثر اقتصاديا علي البلد - موافقة شنو حتى لو وافقتي نحنا م موافقين - لي اصلوو بتستحمي ب زئبق ؟؟؟ استغفر الله العظيم - وزير المالية السوداني يؤكد التزام لوشي بدفع قيمة الشرط الجزائي في حال الرغبة بالاحتراف في الحظائر السعودية - بقينا نصدر لدول العالم ووصلنا العالمية - بكده الكفيل حسم الفوضى - المبلغ ما مناسب زوود شوية دي الوحيدة اللي حيلتنا - اصبح لدا السودان صادرات بدل الارتزاق من الحروب - السودان جاب قون وحنععمل استثناء لقرار تصدير الاناث - ولوشياااااااااااااه شرشحوك وبوظوا خلقتك - لاااااااااا لوشي ولا بي ٥٢٠ مليون دولار ما بنبيعها
يوجد عيب و الحمد لله اتعرف وين هو باللهِ الفحيل حصّل 5 مليون !!! طيب الفحل بى كم ؟؟
Post: #18 Title: Re: رسالة إلي لوشي Author: Elmoiz Abunura Date: 03-01-2018, 04:07 PM Parent: #16
سلامات ياود ابوسن والله انا زى اخوى الكاشف, ود ابو العزائم . ماسمعت بلوشى الا من خلال فديو عبيط عاملاه عن التظاهرات الاخيره. صاحبك غلطان فى مقارنته بين المرحومه ليلى المغربى ولوشى. المقارنه معدومه بين دميه جميله و مذيعه ممتلئه بالحضور والانسانيه والوعى. مع ودى
Post: #19 Title: Re: رسالة إلي لوشي Author: محمد البشرى الخضر Date: 03-01-2018, 08:26 PM Parent: #18
Quote: المدعو
هياااا دا !! هو عشان جيت راجع مسردب وما سالناك عايز نعمل العشرة بقرش! دقيقة يا حبّة, انت قلت كان بكري ما طرد ووقف وفعل وترك ما ح ترجع تاني, الحصل شنو؟ ما شايف اي توقيف أو طرد اوعى تكون نطّيت من كلمتك عايز تعمل فيها مستنير مش! أو بالعدم أديب خخخخخخ
Post: #20 Title: Re: رسالة إلي لوشي Author: Dr. Ahmed Amin Date: 03-01-2018, 08:34 PM Parent: #19
لوسي دي منو ؟ ولا لوشي ؟
ما عرفتهــا .. زوله مشهورة لمن يفتحوا ليها بوست ؟!!!
شكلي كده بره الفورما أنا ...
غايتو ....
تحياتي عبدالحفيظ ... والكرام
Post: #21 Title: Re: رسالة إلي لوشي Author: عبدالحفيظ ابوسن Date: 03-01-2018, 09:10 PM Parent: #20
تحياتي للجميع بدون فرز معرفتي بي لوشي لا تتعدي كتابات الشباب عنها وصرعتهم بها وقالوا دايرة تترشح لرئاسة الجمهورية حسب ما قريت غير كدة والله لا شفت صورتها ولا بعرف عنها حاجة كتو زول فنان تشكيلي وكتاب .. لا يخلو من نزق ويعرف الكثير عن حياة المشاهير معرفة لصيقة المهم فكرتي مش لوشي .. ولكن ضحالة وجهل كثير من المذيعين يظهر ذلك في ادارتهم للحوار اكيد المذيع المثقف والذكي بفيد المستمع بقدرته علي استخراج افضل ماعند الضيف دى الفكرة ما اكتر كتو اجاد المقارنة والتي لا تمثلها ليلي وحدها . بل معظم المذيعين والمذيعات كانوا جيدين . ارتفعوا بذوق وثقافة المشاهد والمستمع أكيد في شباب كثر مؤهلين من الجنسين ليصبحو مذيعين ولكن لا يملكون شروط المنافسة والتي الكفاءة ليست شرطا لازما لها اما عن السماحة كصفة وحيدة يتيمة يكفي المثل السوداني سماحة جمل الطين
