Post: #2 Title: Re: سمحة وسمرية (توحد حالة وله) Author: علي دفع الله Date: 02-27-2018, 07:13 AM Parent: #1
برغم كل القرف الحاصل والضيق الحاصل الما عندنا فيه ناقة ولا بعير ينهبوا اموال الشعب يعكوا يعوسوا يلخوا يطلعوا زيت الشعب وبعد كل عشرة سنين يجيبو منقذ للانقاذ في تسعينيات القرن الماضي تمت المفاصلة الجنرال يشوت الشيخ وقال نحن اولاد النهار دا ريسين غرقوا المركب اها بعض من الناس استبشروا فات الشيخ وجاء الجنرال والعشرة الكرام .. نواصل
Post: #3 Title: Re: سمحة وسمرية (توحد حالة وله) Author: علي دفع الله Date: 02-27-2018, 08:43 AM Parent: #2
Quote: برغم كل القرف الحاصل برضو حا نغني
سمحة وسمرية !!!!!
فات الشيخ وجاء الجنرال ونفس الوجع اتجدد تاني
برجع
Post: #4 Title: Re: سمحة وسمرية (توحد حالة وله) Author: Haytham Ghaly Date: 02-27-2018, 08:58 AM Parent: #3
ﻳﺎ ﺧﻮﻓها ﻋﻠﻲَ ﻋﻘﻞ ﻭﺛﺒﺎﺕ ﻣﺎﻫﺎ ﺍﻟﻮﻟﻮﺍﻟﺔ
النوعية دي يا علي عجيبة خلاس
عندنا في سودانا دا موجودة لكن نادرة جداً
انداح يا صاحبي
من اجمل الابتسامات تلك التي تأتي مصحوبة بدموع الالم
Post: #5 Title: Re: سمحة وسمرية (توحد حالة وله) Author: عبدالحفيظ ابوسن Date: 02-27-2018, 10:21 AM Parent: #4
وناديتك اقيفي معاي نشيل كتف الغنا الميل و يا جابداني برفق عليا يا علي وهيثم والله نحب حب نحن صناع الحياة ياخ اعداء الموت بكل معانيه و ستبقي الارض لافتة لنا ولأعداء العصافير نحب حب اسكت ساي ولا بنلونو بي قصة المرأة الوطن ولا غير .. حب الراجل لي المرة اتبشتن واتنهد
Post: #6 Title: Re: سمحة وسمرية (توحد حالة توهان ) Author: Osman Awoda Date: 02-27-2018, 12:00 PM Parent: #1
فات الشيخ وجاء الجنرال ونفس الوجع اتجدد تاني ،،،،،،، علوب ياخي دي بداية قصيدة كاربة تمها ياخ وينوبك ثواب عليك رب الجمال تمها،،ولا زح لي منها
Post: #7 Title: Re: سمحة وسمرية (توحد حالة توهان ) Author: علي دفع الله Date: 02-27-2018, 02:11 PM Parent: #6
هيثم ابسن عووضة سلام ما يغشاكم شر اما بعد !!!
Post: #8 Title: Re: سمحة وسمرية (توحد حالة توهان ) Author: علي دفع الله Date: 02-27-2018, 02:31 PM
تتصورو يا اصحابي ما كان عندية اي نية لكتابة اي بوست بطني طامة وروحي مشحتفاني وما عندي استعداد لبذل اي مجهود لانو قدر الطاقة العندي بلاوي بيها في معاش الدنيا البقى اصعب من الصعب. عندي مداخلة علي مداخلة اخونا كبر في بوست كدة نسيت اسمو اها لقيت بكري سيد الحوش شاتها بعدا حاولت اتداخل رفضت المداخلة تمشي افووو قلت الريس وقفني قمت فتحت خانة كتابة بوست فتحت معاي قمت عملت بوست في شكل test عنونتو بي سمحة وسمرية قام ظبط بعد شوية عدلت العنوان وقلت اصنع منو حاجة افك بيها قرفتي دا الموضوع
وحا اواصل ما بعد فترة الجنرال انفرد بالسلطة ابقوا قراب
Post: #10 Title: Re: سمحة وسمرية (توحد حالة توهان ) Author: علي دفع الله Date: 02-27-2018, 02:58 PM Parent: #8
بعد المفاصلة نفس البشريات للناس التعابة لاحت في الافق قالوا كدة ظابط عملا بمقولة ريسين غرقوا المركب وهاج الجنرال ارغى وازبد ووعد وبهرج والجماهير السع مصدقا القبة تحتا فكي صدقوا. جاء البترول وهاك يا خم وهاك يا لهط والعمارات والمدن الاسمنتية اتمددت والهجرة من الارياف ازدادت وظهر العشرة الكرام علي عصمان ونافع والمتعافي وعبد الرحيم وقوش وبقية اصحاب المذكرة ولخوا وجاطوا وفصلوا الجنوب واوقدوا دارفور نارا لن تنطفي خرج البترول من الميزانية فبانت عورتهم وانكشف فسادهم. واتعرى الجنرال للناس القبيل كانوا مسنبشرين بعزل الشيخ .
جراب الجنرال لسع ملان مناورات اها قوم يا جنرال فرتق العشرة الكرام
" "سمحة وسمرية" الله يسامحك يا علي مالك علينا ياخِ!! محبتي
Post: #11 Title: Re: سمحة وسمرية (توحد حالة توهان ) Author: علي دفع الله Date: 02-27-2018, 03:56 PM Parent: #9
الفاتح ميرغني يا جميل شكرنننن للفيديو والله فعلا نغم بدخل جوة من غير اي حواجز مودتي يا صديقي
Post: #12 Title: Re: سمحة وسمرية (توحد حالة توهان ) Author: علي دفع الله Date: 02-27-2018, 05:09 PM Parent: #11
بعد اللت والعجن واللخ واهدار المال والارض ورهن سياستنا الخارجية لمن يدفع . وبعد ابعاد قادة العشرة الكرام علي عصمان نافع قوش جات مرحلة كانس الفساد ومدوزن عصب السياسة سعادة الفريق بكري حسن صالح النايب الاول رءيس الوزراء الذي سيملاء الارض عدلا بعد ان ملأت فسادا . بكري جاء بكري مرق بكري صرح بكري وعيييك يا اعلام كسارين التلج وبكري دخل القش وما قال كش وفي نص الهيلمانة يظهر ليه طه وما ادراك ما طه مصحوب بظهور نجم حميدتي و كحشوات وجرعات تخدير ظهرت حاجة كدة اسمها الحمار اقصد الحوار الوطني ومخرجاته.. بكري اتكنكش واتلبش وراح ليه الدرب في الموية واصبح بكري زي ابل السقى افل نجم بكري وتململ الجنرال يسوي شنوووووو يسوي شنووو اكيد الجنرال عندو مخرج تعالوا نشوفو
Post: #13 Title: Re: سمحة وسمرية (توحد حالة توهان ) Author: علي دفع الله Date: 02-28-2018, 06:16 PM Parent: #12
Up ساي
Post: #14 Title: Re: سمحة وسمرية (توحد حالة توهان ) Author: علي دفع الله Date: 03-02-2018, 08:04 PM Parent: #13
Quote: افل نجم بكري وتململ الجنرال
الدبارة شنوووو لازمن واحد سيدا و مقددا وبلعب بالبيضة والحجر طيب يكون منوووو ايون يا جنرال دا قوووووش ااي قوش الواحد دا الكان داير يقلبا بينا قوش شفاتي وعارف الرصة اوكي خلاص نجيبو بس قبل ما نجيبو نعمل warm up للهندي وضياء وبقية الكسارات عشان يشتغلوا وعنوانهم الوايد هو #قوش يحارب الفساد_ زي بتاعة بن سلمان اها الجماعة اشتغلوا ولا يخلو مجلس من مجالس الريف والحضر لم يذكر فيه اسم قوش ..
ههههههههههههه كان قبلك اشطر من ابراهيم شمس الدين لكن بيني وبينكم الجنرال دا ما هين . حا نستقراء ما بعد قوش
علي الحلف حا اواصل ولي في دوك طراوة اجمل مثل
Post: #15 Title: Re: سمحة وسمرية (توحد حالة توهان ) Author: علي دفع الله Date: 03-27-2018, 10:09 PM Parent: #14
اها قوش جاب التايهة ولا لقى دقارات!!!!
Post: #16 Title: Re: سمحة وسمرية (توحد حالة توهان ) Author: محمد أبوالعزائم أبوالريش Date: 03-27-2018, 10:17 PM Parent: #15
Quote: يسوي شنوووووو
يا زول هوي ....
ما بيتحيّر ... بين الفوق وبين الناس التحتانية .. إلاّ مغيّر والا عقوق والا كفيف الإنسانية.