يا سلام يا محمد .. في بوست معاوية عبيد .. كنت أقرأ مسلسل رحمة .. وفجأة وجدت مداخلة بإسمك : (( يا مواطن شامي فيك ريحة صحبي ود مهدي صديق البيشبه ناس البرقيق ))
إحتمال كبير يكون الاخ محمد من البرقيق .. لأنني من سكان البرقيق .. رحلنا من جزيرة أرتقاشا المجاورة إلى البرقيق وتقريباً نحن أول من سكن البرقيق .. كبيوت خاصة غير حكومية لظروف عمل الوالد يرحمه الله وهناك كثير من الاخوة في سودانيز هم جيران لنا .. علاء سيدأحمد وعبدالاله زمراوي شاعرنا الجميل وخالد حاكم سقدان هم كثر قلبت كل الاسماء .. هل تكون من أبناء مشروع البرقيق .. أو من كرمة البلد أو كرمة النزل أو أرقو حتى دنقلا يشرفني كثير أن أعرفك .. ولكن ربما أصابني النسيان لأن العمر بلغ بنا ما بلغ .. وصديق المهدي أخ عزيز أتمنى أن يكون أحد منا .. لأن كلنا نشبه بعضنا .. صورة وشكلاً .. وموضوعاً نفس الحبوبة والحوش والراكوبة وضل الضحى فطور الفول وشاي العصر ونفس اللبس وطريقة التفكير نفس بيت العزاء وبيت العرس والسماية والعقد والزواج نحن متشابهين في كل شيء .. مودتي لك الحبيب محمد .. وكل الود للحبيب صديق مهدي وأتشرف أن يكون من أبناء البرقيق
Post: #2 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-26-2018, 04:35 PM Parent: #1
حبيبنا محمد الشيخ .. مودتي .. معليش الزهايمر .. كان المفروض اذهب إلى البروفايل قبل البوست وجدت أنك من مواليد الباوقة .. حفظك وحفظ عائلتك وأبناءك وفكرت ربما عمل في البرقيق ضمن الوظائف الحكومية أو ربما والده عمل بالمنطقة نظراً لكثرة الدوائر الحكومية .. لك التحية .. معليش شغلتك شوية لأنك أشرت للبرقيق وهي منطقة غير مشهورة عبر الوطن
Post: #3 Title: Re: حبيبنا MOHAMMED ELSHIEKH إنت من وين في البرقيق Author: معاوية عبيد الصائم Date: 02-26-2018, 05:39 PM Parent: #2
تحياتى استاذى العزيز على عبد الوهاب نعلك عافية ي حبيب ياخ وصف وين فى الشمال انا بصلك ودى الذى تعلم محمد الشيخ من هامش اتبرا نفس منطقة ود الباوقة فلنكات بس الفرق كبير ود الشيخ من بواسل كوبر والخلبوص لهطنجى بلع بس
Post: #4 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-26-2018, 05:59 PM Parent: #3
حبيبنا معاوية مودتي يا جميل .. تعرف حبيبنا معاوية في دوري كأس سودان قبل فترة كان فريقنا قاشا ممثل الشمالية وفريق الباوقة ممثل ولاية النيل فاز فريقنا على الباوقة .. ولكنه خسر أمام الخرطوم الوطني بستة أهداف وقالوا ده فريق الاستخبارات وفي البرقيق يومياً تأتي شاحنات دينا من شندي إلى سوق البرقيق في الصيف خاصة لأن بطيخ شندي معروف في أسواقنا .. يبدو أنني فهمت مضمون المداخلة ( فلنكات هو حبيبنا ودالباوقة ) يعني واحد معارض والثاني متوالي لكن يا معاوية رغم إختلافكم أنا أحب مداخلاتك مع ودالباوقة .. ( فلنكات ، خلبوص ، لهطنجي ) أنا مشكلتي يا معاوية ما عارف النجر صح لأن العامية صعبة بالنسبة لي .. مع التحية للحبيب ودالشيخ وأهل الباوقة أهل وأحباب كلنا و احد رغم إختلاف بسيط في اللغة
Post: #5 Title: Re: حبيبنا MOHAMMED ELSHIEKH إنت من وين في البرقيق Author: جلالدونا Date: 02-26-2018, 06:13 PM Parent: #4
لا هذا و لا ذاكيا شيخ على الاخ محمد الشيخ دروشابى على رأسه بيرق و يشهد على ذلك انى اعرفه لحماَ و شخماَ دماَ و عظماَ و لو قال غير ذلك سوف ادردره
Post: #6 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-26-2018, 06:33 PM Parent: #5
حبيبنا جلالدونا .. مودتي .. فقدناك في المنبر لمدة أيام تبدو طويلة .. يا سلام أنا عندي ثلاث إخوات في الدروشاب هي دنقلا مصغرة أنا ثقافتي زيرو في الخرطوم .. لا أعرف الكثير عن المدن والحياة فيها .. كنا معلمين في أقاصي الشمال ومنها إلى السعودية حتى تاريخه .. قلنا باقي العمر نقضيه في البلد في ضواحي الدنيا .. تعرف أنا فتحت البوست لأن ودالشيخ ذكر إسم البرقيق وقلت يمكن الزول من إندينا وأنا ما جايب خبر شكراً الجميل جلالدونا .. ما نسيت كمان ( نقنتود ) أرجوك أرجع كما كنت في بوستات الاخوانيات ..
مع التحية الحبيب جلالدونا ..
Post: #7 Title: Re: حبيبنا MOHAMMED ELSHIEKH إنت من وين في البرقيق Author: Osman Musa Date: 02-26-2018, 07:47 PM Parent: #6
أخونا علي والله السلام ربط ربط غايتو صاحبك ود الشيخ ده . ريحتو زي الكان يركب معانا في ديك السنين نفس القطار . وريحتو زي الكان بيسمع معانا أغنية ( قالوا شالا قطار الاحد أسال الله في الكاسنجر يرقد خرد . شكلو أتكندك معانا بي نفس التراب شكلو لهط نفس الطاعمية الحلوة في ديك الساعة . وشكلو صره عينو لحظة مرور المفتش . وشكلو ضحك ساعة السمحة عاينت علي الناس العالمين دوشة . ... له التحية مطبوقة والله
Post: #8 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 07:39 AM Parent: #7
أخونا علي والله السلام ربط ربط غايتو صاحبك ود الشيخ ده . ريحتو زي الكان يركب معانا في ديك السنين نفس القطار . وريحتو زي الكان بيسمع معانا أغنية ( قالوا شالا قطار الاحد أسال الله في الكاسنجر يرقد خرد . شكلو أتكندك معانا بي نفس التراب شكلو لهط نفس الطاعمية الحلوة في ديك الساعة . وشكلو صره عينو لحظة مرور المفتش . وشكلو ضحك ساعة السمحة عاينت علي الناس العالمين دوشة . ====================== حبيبنا عثمان موسى .. تحياتي .. يا عثمان .. أنا زول تربال ما عندي عمق في العامية (ههه ) يمكن عشان ما عايشت حياة المدن وتجمعات الحضرية .. ( عربي مدارس ) ما فهمت أي حاجة من المداخلة .. ولكنك أثرت شجوني بسيرة قطار الاحد .. الكاسنجر ( رجعت بذكرياتي إلى أهلنا الشايقية ) أنا عملت مدرس في نوري الغويبة في بداية السبيعينات في مرحلة الثانوية العامة .. قطر الاحد .. يرقد خرد ( أهلنا الشايقية ديل دعواتهم مستجابة ما شاء الله ) نعم القطر رقد خرد وكل السكة حديد أيام أنا في المدرسة كنت ( مرشد الفصل ) في طالب طلع المسرح وغنى بلحن جميل : كت مسافر جيت أسألا قالوا قامت لي دنقلا الجلاء القام بالحلا واصل الرحلة بأكملا أسأل الباري اللفي العلا المدارس دي يفقلا عندما أنتهى الطالب من الغناء وطبعاً بصوت جميل وعزف رائع للطنبور ( أحلى ناس أهلنا الشايقية) قلت لمدير المدرسة ( الله يكون في عون دنقلا الثانوية بنات ) يا سلام يا عثمان موسى .. كثر خير حبيبنا ودالشيخ خلاني أفتح البوست ده .. وأرجع لذكريات الزمن الجميل أيام الراتب 32 جنيه ، والعتوت 70 قرش ، القزازة 25 قرش ، وميز المدرسين مولع .. ( اللهم أغفر لنا وسامحنا ) غايتو يا عثمان نحن جيلنا ده إلا كل شهر عمرة وكل سنة حج .. مليون شكر عثمان الحبيب .. أخذتني إلى أجمل بقاع الأرض .. وأحلى الذكريات .. والتحية للحبيب ودالشيخ ..
Post: #9 Title: Re: حبيبنا MOHAMMED ELSHIEKH إنت من وين في البرقيق Author: امتثال عبدالله Date: 02-27-2018, 07:59 AM Parent: #8
بعد تعليقاتك الروعةدي يا استاذنا علي عبد الوهاب والتعليقات اللماحة الذكية لضيوفك الكرام، صاحب الشان محمد الشيخ لييه ما ظهر حتى الان عشان يضع النقاط فوق الحروف ..ووالله اشتقنا لبوستاتك الثقافية والمعرفية عن قرى ومدن الشمالية والثقافة النوبية،،اصل حضارة الانسان كما قرانا في المدارس والجامعات ومشاهداتنا عن الاثار النوبية في متاحف نيويورك وتورنتو وباريس ،،، مع وافر التقدير والاحترام
Post: #10 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 08:16 AM
التحية للابنة إمتثال .. والتحية لباقي الاميرات .. لقد جمعت كل كتاباتي في المنتديات النوبية عموماً واصبح سفر ضخم .. ومازال تحت المراجعة من طرف بعض الشباب لمراجعة الاخطاء الاملائية وغيرها .. وهم من قاموا بجمع المواضيع حتى البعض منها قد نسيتها بفعل الزمن .. الشباب ما قصروا وسوف أرسل نسخة من الكتاب فور صدوره .. إن شاء الله .. وستتولى رابطة دنقلا الكبرى ( بمدينة جدة ) بطباعة الكتاب وسوف يتم إنزاله مجاناً بي دي إف .. لأن الأمر متعلق يحكاوي التراث النوبي لتعم الفائدة .. والغرض ليس ربحي ..
مع التحية للاميرات ..
Post: #11 Title: Re: حبيبنا MOHAMMED ELSHIEKH إنت من وين في البرقيق Author: MOHAMMED ELSHEIKH Date: 02-27-2018, 08:26 AM Parent: #10
الله الله بوست باسم ود زليخة شخصيا ؟؟؟ وكمان من نبي المنبر على عبد الوهاب. لازم نحتفل.
طبعا الشكر لكل من تداخل والحمد لله لهذا الحوش الذي جمعني بهؤلاء السمحين . بظبط القهوة واجيكم
Post: #12 Title: Re: حبيبنا MOHAMMED ELSHIEKH إنت من وين في البرقيق Author: MOHAMMED ELSHEIKH Date: 02-27-2018, 08:35 AM Parent: #11
من الباوقة الجميلة وبالظبط قرية فتوار (واقدة في النار ومن لهيب الشوق ببكي ليل ونهار) وتربطني بالبرقيق صداقتي للجميل المعز محمد الحاج. وزي ما ذكر الطوربيد بربار انا من اقرب الناس للشاطح عمر الباوقة.
ابنتنا واختنا الصغرى امتثال لك تحية خاصة من اهل عطبرة وفتوار والبرقيق وبيسألوا عن صحة بنتهم بسمات.
تحياتي لكم وعلى راسكم ود عبد الوهاب
Post: #13 Title: Re: حبيبنا MOHAMMED ELSHIEKH إنت من وين في البرقيق Author: علي الكرار هاشم Date: 02-27-2018, 08:46 AM Parent: #12
اخونا علي عبد الوهاب لك التحية بالعربي والرطانه
صاحبك ود الشيخ وابن عمه ود الباوقه ديل (ناس غرب) بالنسبه لينا نحن الساكنين مع خط السكه حديد والمحطات والقطاره والجماعه ديل نحن نعتبرهم قرويين وكدا
علي فكره معاويه الصايم برضو ( زول غرب) عطبره تحياتي لكل الاحباب من اهلكم القلوباب
Post: #15 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 09:00 AM Parent: #13
حبيبنا علي الكرار .. تحياتي .. الحبيب علي .. ودالباوقة أختلفنا أو إتفقنا معه .. له معزة خاصة وقد كررت عدة مرات .. بوستات الاخوانيات ( ودالباوقة ، معاوية ، دينق ) لها طعم خاص لدي تخيل عندما غاب ودالباوقة لفترة قصيرة عن المنبر فقده الجميع ( المختلف والمتفق ) هذا المنبر جماله يا علي .. فيه كل السودان بطعمه وشكله وتنوعه .. صدقني أنا زعلان من أجل إيقاف صديق الغالي وبغياب فرانكلي والجميل أبوروضة وغيرهم نعتبر المنبر سياحة وإستراحة من وعثاء ضغط العمل والغربة ومترتباتها ( أقامة وكفيل ورسوم .. إلخ) المنبر وطننا في الغربة .. شكراً الكرار علي .. مودتي يا جميل ..
Post: #16 Title: Re: حبيبنا MOHAMMED ELSHIEKH إنت من وين في البرقيق Author: yousif saeed ali Date: 02-27-2018, 09:04 AM Parent: #13
استاذ علي عبدالوهاب انا متابع جيد لتوثيقاتك انا برضه من البرقيق لكن استقرينا في الخرطوم من بدري بتذكر كويس الطريق النازل لكرمة النزل لمن نمشي السوق ونوقف الكريسيدا الفارهه في الكارة وسوق الاربعاء في البرقيق والثلاثاء تقريبا سوق السير وزيارة المرضى بمستشفى البرقيق والرطانه شغاله قرش ونص يا سلام وكمان حفلات الاعراس وكرامات المغتربين الجايين للاجازات ومسجل الناشيونال وكرتونة بطاريات افريدي ديك والقسيبه والفطور كان عادة يا قراصة بالسمن او فطير وفول بالشمار والسمن وزخرفة البيوت في الزمن داك الحمام كان في غرفة النوم يا سلام ناس راقين
Post: #18 Title: Re: حبيبنا MOHAMMED ELSHIEKH إنت من وين في البرقيق Author: Hassan Farah Date: 02-27-2018, 09:15 AM Parent: #13
ديل (ناس غرب) بالنسبه لينا نحن الساكنين مع خط السكه حديد ----------------------------------------------------------------------------------- على الكرار هاشم لك التحية يا خوى دحين انت مش من ناس غرب مقرات؟؟؟
Post: #20 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 09:43 AM Parent: #18
حبيبنا حسن فرح .. تحياتي حبيبنا الكرار علي .. لابد من حضورك للرد على سؤال حبيبنا حسن
مودتي
Post: #14 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 08:54 AM Parent: #12
حبيبنا ودالشيخ .. مع التحية والتقدير .. أنا إفتكرت إنك من ناس البرقيق .. حسب عبارتك (( صيق مهدي يشبه ناس البرقيق )) جلست أتأمل في هذه العبارة كثيراً .. لماذا البرقيق رغم إنها قرية في أقاصي الشمال .. وغير معروفة ليضرب بها المثل وأتشرف كثيراً بالاخ صديق مهدي ويرفع من قدر البرقيق أن يكون من أبنائه .. مودتي ودالشيخ ..
Post: #17 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 09:13 AM Parent: #14
استاذ علي عبدالوهاب انا متابع جيد لتوثيقاتك انا برضه من البرقيق لكن استقرينا في الخرطوم من بدري بتذكر كويس الطريق النازل لكرمة النزل لمن نمشي السوق ونوقف الكريسيدا الفارهه في الكارة وسوق الاربعاء في البرقيق والثلاثاء تقريبا سوق السير وزيارة المرضى بمستشفى البرقيق والرطانه شغاله قرش ونص يا سلام وكمان حفلات الاعراس وكرامات المغتربين الجايين للاجازات ومسجل الناشيونال وكرتونة بطاريات افريدي ديك والقسيبه والفطور كان عادة يا قراصة بالسمن او فطير وفول بالشمار والسمن وزخرفة البيوت في الزمن داك الحمام كان في غرفة النوم يا سلام ناس راقين
======================= حبيبنا يوسف .. يا سلام عليك يا جميل .. الطريق النازل لكرمة النزل أصبح إسفلت شريان المحس المحاذي للنيل والبرقيق أسسها خواجة إسمه مسترلانق إستكلندي وجمالها أنها وسط ما بين الناطقين بالدنقلاوية والمحسية لذلك نحن وأهل كرمة البلد نجيد النوبية كاملاً .. ذكرياتك جميلة اليوم البرقيق توسعت وإرتفع عدد سكانها شكراً حبيبنا يوسف .. أأدخل في القوقل عبارة (( مستشفى البرقيق )) سوف تجد ذكرياتنا هناك
Post: #19 Title: Re: حبيبنا MOHAMMED ELSHIEKH إنت من وين في البرقيق Author: معاوية المدير Date: 02-27-2018, 09:39 AM Parent: #17
Quote: على الكرار هاشم لك التحية يا خوى دحين انت مش من ناس غرب مقرات؟؟؟
ألحق عمّك، السِلُوّك إتشابكت ...
Post: #21 Title: Re: حبيبنا MOHAMMED ELSHIEKH إنت من وين في البرقيق Author: MOHAMMED ELSHEIKH Date: 02-27-2018, 10:13 AM Parent: #19
علي الكرار الشهير بعلي هاشم ود اهلنا ناس باردة كيفنك ومشتاقين نلاقيك في رياض الخير.
شنو يا يوسف وود المدير مابتسلموا على العريس.
Post: #22 Title: Re: حبيبنا MOHAMMED ELSHIEKH إنت من وين في البرقيق Author: معاوية عبيد الصائم Date: 02-27-2018, 01:38 PM Parent: #21
الصورة الفشنك القالوا الخلبوص الكهنة متصور فى هجليج وطلعت مصور تحت كبرى النيل الازرق جنب شدر النبق يا استاذى العزيز وعزيز جدا على عبد الوهاب .ود الباوقة كان معروف بيبع التمر المسوس البلقطو ملح من نخيل الباوقة وكان عندو عجلة رالى ..يشيل بيها االتمر شان يبيعو فى انادى عطبرة ويملح ليهو قزازة ملح وطوالى يمشى على فول الدبل الشهير فى اتبرا ..يلهط 2 فول مع سبع عيشات براهو هذا البطينى الخلبوص
Post: #23 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 01:52 PM Parent: #22
ود الباوقة كان معروف بيبع التمر المسوس البلقطو ملح من نخيل الباوقة وكان عندو عجلة رالى ..يشيل بيها االتمر شان يبيعو فى انادى عطبرة ويملح ليهو قزازة ملح وطوالى يمشى على فول الدبل الشهير فى اتبرا ..يلهط 2 فول مع سبع عيشات براهو هذا البطينى الخلبوص
======================
حبيبنا معاوية .. نورت البوست .. أول مرة أفتح بوست من النوع ده خطير يا معاوية معلومات عن ودالباوقة حبيبنا معاوية .. لكن ظاهر في الصورة رشيق عكس الكاركتير يا سلام يا معاوية تدوم الاخوة .. رغم الاختلاف
في إنتظار حبيبنا ودالباوقة ..
Post: #24 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 01:52 PM Parent: #22
ود الباوقة كان معروف بيبع التمر المسوس البلقطو ملح من نخيل الباوقة وكان عندو عجلة رالى ..يشيل بيها االتمر شان يبيعو فى انادى عطبرة ويملح ليهو قزازة ملح وطوالى يمشى على فول الدبل الشهير فى اتبرا ..يلهط 2 فول مع سبع عيشات براهو هذا البطينى الخلبوص
======================
حبيبنا معاوية .. نورت البوست .. أول مرة أفتح بوست من النوع ده خطير يا معاوية معلومات عن ودالباوقة حبيبنا معاوية .. لكن ظاهر في الصورة رشيق عكس الكاركتير يا سلام يا معاوية تدوم الاخوة .. رغم الاختلاف
في إنتظار حبيبنا ودالباوقة ..
Post: #25 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-27-2018, 02:04 PM Parent: #24
أول مرة أفتح بوست من النوع ده ما شاء الله كل نجوم المنبر حاضرين الاحباب : معاوية ، جلالدونا ، عثمان ، يوسف ، حسن فرح ودالمدير ، الكرار علي . في مداخلات ما فهمت شيئ منها .. سوف ادخل دورة في إجادة اللغة العامية .. في ناس جميلين في قهوة كسلا في الهنداوية عندهم قفشات ونكات جميلة جداً ... بس نحن نضحك بعد الشرح والتوضيح مثال : (( مداخلة حبيبنا ودالمدير ما فهمت منها أي حاجة )) مودتي للاحباب ..
Post: #26 Title: Re: حبيبنا MOHAMMED ELSHIEKH إنت من وين في البرقيق Author: yousif saeed ali Date: 02-27-2018, 11:44 PM Parent: #21
حبيبنا محمد الشيخ لك التحيه مثنى و ثلاث ورباع شغلتنا ذكريات البرقيق اخر مرة زرتها في عام 1975 وحينها كان عمري 11 عاما وما زالت ذكراها عالقه وامني النفس بزيارتها وتزوجت شايقيه حرمتني من زيارة البرقيق وعاشرت الانجليز تبلد الاحساس عندي لك التحية يا عريس واستاذنا علي
Post: #27 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-28-2018, 07:20 AM Parent: #26
خر مرة زرتها في عام 1975 وحينها كان عمري 11 عاما وما زالت ذكراها عالقه وامني النفس بزيارتها وتزوجت شايقيه حرمتني من زيارة البرقيق وعاشرت الانجليز تبلد الاحساس عندي لك التحية يا عريس واستاذنا علي
=================== حبيبنا يوسف تحياتي .. ما شاء الله عليك شباب لسع 11 سنة في 1975م في الفترة دي أنا معلم في منطقة شايقية مدرسة نوري الغويبة الثانوية العامة .. والتحية لإبنتنا الشايقية .. ديل أحلى ناس وبلدهم حلوة جداً وشعراء وفنانين وإحساسهم عالي جداً .. أتمنى لكم حياة سعيدة .. ======================= الحبيب يوسف .. سوف أحول البوست إلى ذكريات البرقيق .. نبدأ هذه الخواطر
جنوب الأسبتاليه وحتى كبرى البياره كان هناك ارض الأدارسة وجنينة الحكومة وكانت مسورة وبها كل انواع الفواكه وخاصة الموالح وكانت هذه الجنينة لا تسلم من غاراتنا النهارية عندما ينام الغفير وقت القيلولة وهذه الجنائن انشأها الانجليز ايام الاستعمار وذلك من اجل توفير التغذية للسكان ( الفيتامينات ) وهي كانت منتشرة عبر مشروع البرقيق ومجانية .. لأن الفاكهة اذا كانت متوفرة يمكن ان تحصل عليها حتى بطرق ملتوية المهم ان يأكل السكان الفواكه ليقل الصرف على النواحي الصحية والعلاجية ( خواجات ضيعناك وضعنا وراك يا استعمار) واسعه شويه؟... ثم استراحة مستر لانق الاسكتلندي وكانت الاستراحة في السابق مليئة بأشجار الصنوبر والزان وهي اشجار ذات سيقان بيضاء وطويلة وبدون فروع كان منظرها في غاية الجمال والاستراحة مصممة على غرار استراحات كينيا في منطقة ( سفاري ) لتوفير التهوية من كل الجهات ثم منزل ناظر الزراعة وكان المنزل يبدو لنا بمثابة القصر المنيف في ذلك الزمان وعربته الكومر امام المنزل وكان هؤلاء يمثلون الطبقة الاستقراطية من المجتمع ثم منازل العمال وقبله منزل الخبير .. ثم بيوت العمال في حلة الزراعة وهم من مختلف مناطق السودان وكانوا يمثلون الطبقة اللامعة من المجتمع مقارنة باهلنا فكانوا على مستوى من الاناقة ونساءهم جميلات نسبياً لمعرفتهن بأدوات الاناقة وطريقة اللبس .. وكانت الاغنية ايضاً: (كومر الزراعه - الشالت النعناعه - تنكسر ضراعه - ياناس الله لى والليله ) وكان سواق المكتبيه قصدى الكومر هو عمنا عبد المنطلب والد خيرى ومأمون ومدثر. وكان هناك اصطبل خيول من العهد الاستعماري وكانت بقاياه موجودة حتى زمن قريب .. وكذلك عصارة زيوت بالقرب من مكتب الزراعة ووجدناها مهجورة وربما آثارها باقية الى اليوم .. ساحة مكتب الزراعة وبتشجيرها الجميل بأشجار المهوقني واشجار التمر هندي والمسكيت ( تمر ابونا ) وكنا نأكل من ثمارها .. كانت هذه الساحة قبلة للسياسين عند زيارتهم للمنطقة لأنهم كانوا يقيمون بالاستراحة حتى الرؤساء ( حليل زمان ) ابتداءاً من اسماعيل الازهري في الخمسينات كما قيل لنا وفي بداية الستينات السيد / محمد احمد عروة ( وزير الاستعلامات والعمل في حكومة عبود ) وكانت الزيارة الكبرى هي زيارة الرئيس جعفر نميرى..
Post: #28 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-28-2018, 07:22 AM Parent: #27
حبيبنا يوسف سوف آتي بالمزيد كلما وجدت الفرصة وجهزت الموضوع .. خليك معانا .. أنا حولت البوست هدية لك .. مودتي ..
Post: #29 Title: Re: حبيبنا MOHAMMED ELSHIEKH إنت من وين في البرقيق Author: فيصل محمد خليل Date: 02-28-2018, 10:27 AM Parent: #28
قريبي علي عبدالوهاب عثمان محمد الشيخ ماهو الفافنوس ماهو الغليد البوص
Post: #30 Title: Re: حبيبنا MOHAMMED ELSHIEKH إنت من وين في البرقيق Author: yousif saeed ali Date: 02-28-2018, 11:00 AM Parent: #28
اجمل هدية تشكر عليها استاذنا الفاضل وتلك المنطقه والتي يطلق عليها حلة العرب كدركه واظنها متاخمه للبرقيق بها اشجار البسكيت كنا نذهب اليها مع ابناء يوسف والصايغ وادريس ابراهيم ومحمود مدني و قائمة طويله وكنا نلعب الكرة مع الجدول وبالقرب من منزل ناس يوسف واذكر ايضا عبدالمجيد صمد من الشايقيه الذين كانوا يسكنون في المشروع كان كريما جدا
Post: #31 Title: Re: حبيبنا MOHAMMED ELSHIEKH إنت من وين في البرقيق Author: MOHAMMED ELSHEIKH Date: 02-28-2018, 11:23 AM Parent: #30
يلا يا ولاد البرقيق انداحوا مع الذكريات والنوستالجيا
Post: #32 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 02-28-2018, 03:09 PM Parent: #31
قريبي علي عبدالوهاب عثمان محمد الشيخ ماهو الفافنوس ماهو الغليد البوص =============== قريبي فيسل .. إلو أننقا .. تعرف يا فيصل هذه الاغاني بالنسبة لي صعبة الفهم لكن الفنان الجميل الكابلي أطال الله عمره سمعت له شرح بالتفصيل .. نفس ناس إمرؤ القيس والجماعة نحن وأهلنا الشايقية غناءنا فيها شوية جرسة وحب شديد وسفر ..مودتي فيسل أشري
Post: #33 Title: Re: حبيبنا MOHAMMED ELSHIEKH إنت من وين في البرقيق Author: yousif saeed ali Date: 02-28-2018, 11:53 PM Parent: #32
يا فيسل هليل اظهر وبان استاذنا علي عثمان منتظرنك تنداح زي ما قال الباشمهندس محمد الشيخ
Post: #34 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 03-01-2018, 07:59 AM Parent: #33
اجمل هدية تشكر عليها استاذنا الفاضل وتلك المنطقه والتي يطلق عليها حلة العرب كدركه واظنها متاخمه للبرقيق بها اشجار البسكيت كنا نذهب اليها مع ابناء يوسف والصايغ وادريس ابراهيم ومحمود مدني و قائمة طويله وكنا نلعب الكرة مع الجدول وبالقرب من منزل ناس يوسف واذكر ايضا عبدالمجيد صمد من الشايقيه الذين كانوا يسكنون في المشروع كان كريما جدا
======================= حبيبنا الجميل يوسف ..
منطقة كدركة جنوب أرقو .. وهي منطقة كانت بها غابات السنط .. وجزء منها بركة الملوك ( كانت أملاك ناس زميل البورد أخونا محمد طه الملك ) وهي قرية سكانها من أهلنا العرب ويتحدثون بالعربية فقط .. اشجار المسكيت جلبها الخواجة متسر لانق إلى البرقيق لإمتصاص مياه ( النز ) أو (الطفح) وهي مشكلة حالية في البرقيق تمت إزالتها وبكل غباء فأصبح المياه الجوفية النز يهدد البرقيق اليوم .. حلة العرب في منطقة بين كرمة البلد وكرمة النزل وهي الجزء الشمالي من وادي خليل قبل كبري كتشنر باشا .. عمنا عبدالمجيد من أهلنا الشايقية حضروا إلى البرقيق مع المشروع في الاربعينيات .. وكان رجل معروف وزعيم ، يسكن الحارة الثالثة من المشروع .. وفي زيارة للمرحوم جعفر نميري للبرقيق عام 1970م قال جملته المشهورة وهو يتحدث بحماس قال : (المشروع ده من زمن الخواجة مستر لانق الله يرحمه ويغفر ليه ) مما جعل النميري يستغرق في الضحك لأن الخواجة كان محبوب وطيب .. شكراً الحبيب يوسف .. قلت أحاول أن أرسم لك الواقع هناك .. مودتي ياجميل .. شكراً على وفاءك لتلك البلاد الجميلة .. أصيل ..
Post: #35 Title: Re: حبيبنا MOHAMMED ELSHIEKH إنت من وين في البرقيق Author: معاوية عبيد الصائم Date: 03-01-2018, 08:39 AM Parent: #34
اين اللمعنجى بق بق فلنكات والله ي استاذ على انا متاكد البشير لو كتبو ليهو تحاميل ك مخفض حرارة بق بق ممكن ياحدن
تحياتى
Post: #36 Title: Re: حبيبنا MOHAMMED ELSHIEKH إنت من وين في البرقيق Author: علي عبدالوهاب عثمان Date: 03-01-2018, 09:28 AM Parent: #35
الحبيب معاوية .. تحياتي .. حبيبنا ودالباوقة مختفي هذه الايام صدقني وحشتونا بإخوانياتكم الجميلة .. رغم إختلافكم .. بوستاتكم جميلة .. كثيرين من متابعيكم من غير أعضاء المنبر ينتظروا بوستاتكم تحياتي معاوية تدوم الاخوة
