الحكومة تتراجع عن سحب الجنسيات من ذوي الاصول الجنوب سودانية

05:02 AM February, 25 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

الحكومة تتراجع عن
التغيير : الخرطوم

تراجعت الحكومة السودانية عن قراراها بحرمان الالاف من أصول من جنوب السودان من الجنسية السودانية بعد ضغوط مورست عليها.

وقرر مجلس الوزراء السوداني الاحد ازالة مادة من قانون الجنسية السوداني كانت تقف عائقا امام منح السودانيين من اباء من جنوب السودان وأمهات من السودان الجنسية السودانية.

وأشار المتحدث باسم المجلس خلال تصريحات صحافية ان الخطوة جاءت لتعارض المادة المعنية مع دستور البلاد.

وكان البرلمان السوداني، وبناءا علي توجيهات رئاسة الجمهورية ، قد عدل من قانون الجنسية السودانية بعد ايام من انفصال جنوب السودان في العام 2011 ومنع بموجبها منح الاطفال الذين يولدون لأب من جنوب السودان وأم سودانية حق الجنسية ، كما تم نزع الجنسية من المئات من الأشخاص الذين اصولهم من جنوب السودان ومن بينهم عائلة البطل السوداني المعروف علي عبد اللطيف الذي ناهض الاستعمار.

ووصف احد احفاد البطل السوداني، عادل برعي القرار ” بالتاريخي والمنصف” مشيرا الي انه تاخر كثيرا.

وقال “للتغيير الالكترونية” انهم سعداء بهذا القرار ” نحن الان نعيش حياة جديدة بعد سنوات من المعاناة والضرر بعد ان سحبت منا الجنسية وفقدنا الفرصة في العمل والتعليم والعلاج”.

وتقدم عادل ببلاغ الي المحاكم السودانية حتي وصل المحكمة الدستورية بعد انتزعت الجنسية السودانية منه ومن أسرته. وحكمت كل المحاكم التي لجأ اليه ببطلان الخطوة التي اتخذتها الحكومة السودانية بحقه لكن السلطات ممثلة في وزارة الداخلية رفضت تنفيذ الحكم.

وكانت منظمات حقوقية قادت حملات مكثفة شملت ندوات ولقاءات مفتوحة من بينها حملة اطلق عليها اسم “انا سوداني” ضد قرار نزع الجنسية عن السودانيين من أصول من جنوب السودان. والتقت بممثلين عن البرلمان السوداني ومنظمات دولية معنية بالأمر.

وطبقا لهذه المنظمات فان عدد الأشخاص المتضررين من القرار الحكومي وصل الي نحو 150 الف شخص.

سحب الجنسيات من ذوي الاصول الجنوب سودانية

واحد من جيران شقيقنا في ام درمان اسمو مين كدى كدى كدى
في الآخر دينق
جدو الرابع ما شاف الجنوب.
ذهب لتسجيل ابنه في المدرسة بالعباسية بعد الأنفصال وعندما عاد سألناهو : اها " حصل شنو؟ ".

قال: " والله الجماعة رفضوا يسجلوا الولد لانو لقو (دقداق) كدى في آخر الأسم"

لولا الاحتجاجات والضغوط لما رضخ نظام الإنقاذ..

كان مفروض من البداية أن ينحازوا إلي جانب الصواب والحق بدلا ما يعرضوا أنفسهم لي ضغوطات ويستجيبوا,,, لو شغلوا عقلهم كان في كوادر جنوبية كتيرة ممكن يتوعبوهم في الشمال ويستفيدوا من خبراتهم,,,, في الأخير ضغطوهم يمشوا الجنوب لا الجنوب إستفاد منهم ولا الشمال ..

إعطاء الجنسية أو الحرمان عنها
على أساس إثني شيء قبيح ومخجل.
الفروض كل جنوبي ولد في الشمال
وعاش في الشمال عدد كذا من السنوات
تحدد عدد السنوات بعدد لا يتجاوز 10 سنوات
أو 15 عام .
يعني المفروض الجنسية تمنح على أساس جغرافي
وليس إثني
الكيزان نادر الندرة بت أعم العدم
أن يكونو صاح في حاجة
أما أن يحدث ما حدث مع أبناء وأحفاد
علي عبد اللطيف
هذه كانت عار حدث من قبل من لم يخلق
الله في قلبه ووجهه الحياء
المفروض لو كان أحفاد على عبد اللطيف يعيشون
في جوبا ورضوا أن يكونوا مواطنين تابيعين للسودان
يمنحو بكل سرور الجنسية.
لكن نقول هكذا كان الكيزان !
وهكذا كانت وطنيتهم وهكذا كان
تقديرهم وإحترامهم وإحتفائهم
بتاريخ السودان وصانعيه!
لكن نقول الله الحمد الله انهم
صبروا حتى أخذوا حقهم بعد
طول عناء .

( وأشار المتحدث باسم المجلس خلال تصريحات صحافية ان الخطوة جاءت لتعارض المادة المعنية مع دستور البلاد.

وكان البرلمان السوداني، وبناءا علي توجيهات رئاسة الجمهورية ، قد عدل من قانون الجنسية السودانية بعد ايام من انفصال جنوب السودان في العام 2011 ومنع بموجبها منح الاطفال الذين يولدون لأب من جنوب السودان وأم سودانية حق الجنسية ، ) ))

**
قانون يتعارض مع الدستور ومع هذا يظل ساريا لأكثر من خمسة أعوام!
* البشير يخرق الدستور!
والمجلس الوطني يطبخ قانون ظالم ومعيب وذلك إرضاء لرئيس الجمهورية!

اصلا جدل عقيم زي ده مفروض كان يكون اتحسم من الفترة التي تلي انفصال الجنوب مباشرة واتوضع له قانون ونظام مبني على أسس ومعايير لادخل فيه للارتجال وردود الافعال والاهواء لانه أمر يمس أجيال وأسر ..

الحقوق معروفة
الجنسية بالتجنس يحق للحكومة سحبها وفق ضوابط معينة كلها تصب فى خانة (الإدانة) وليس الاتهام فقط.. بإرتكاب جريمة يعاقب عليها القانون .ِ. وللمتهم الحق فى الاستئناف.
اما الجنسية بالميلاد فلا يحق حتى لرئيس الجمهورية ولا البرلمان لن يسحبها.
وأى قانون فى هذا الاتجاه يعتبر غير دستورى.. وأى محاولة لتعديل الدستور لسلب الحقوق الأساسية .. كما حدث ابان حل الحزب ااشيوهث, فهى محاولة للتاسيس للحكم المطلق والدكتاتورية.
لذلك العبارة:
"وقرر مجلس الوزراء السوداني الاحد ازالة مادة من قانون الجنسية السوداني كانت تقف عائقا امام منح السودانيين من اباء من جنوب السودان وأمهات من السودان الجنسية السودانية"
هى ايضا غير غير واضحة.. ما المقصود بعبارة اباء من جنوب السودان؟

Quote: وقرر مجلس الوزراء السوداني الاحد ازالة مادة من قانون الجنسية السوداني كانت تقف عائقا امام منح السودانيين من اباء من جنوب السودان وأمهات من السودان الجنسية السودانية. وأشار المتحدث باسم المجلس خلال تصريحات صحافية ان الخطوة جاءت لتعارض المادة المعنية مع دستور البلاد. وكان البرلمان السوداني، وبناءا علي توجيهات رئاسة الجمهورية ، قد عدل من قانون الجنسية السودانية بعد ايام من انفصال جنوب السودان في العام 2011 ومنع بموجبها منح الاطفال الذين يولدون لأب من جنوب السودان وأم سودانية حق الجنسية ، كما تم نزع الجنسية من المئات من الأشخاص الذين اصولهم من جنوب السودان ومن بينهم عائلة البطل السوداني المعروف علي عبد اللطيف الذي ناهض الاستعمار.

بالله واحد يشرح لينا .... كيف قانون يضعه البرلمان ويلغيه مجلس الوزراء؟
هل البرلمان هو من يضع القوانين؟
وهل يملك مجلس الوزراء سلطة (إزالة مادة) من قانون ... أي قانون؟

يا ابو الريش انت صدقت سلطات البرلمان فى التشريع؟
ياخ ديل ناس اكل عيش ساى.. الحكومة جزاها الله خير بدل يشيلوا
حالهم ويدوهن مصاريف لوجه الله قامت ادتهم كراسى يقعدوا
فيها والمصاربف سموها ليهم مرتبات

المفروض حكومة الشمال تدى كل الجنوبيين جنسية السودان الشمالى بما فيهم سلفاكير ,,
وحكومة الجنوب تفعل نفس الشيء تدى اى شمالى الجنسية
وبعد داك كل واحد حر يعيش فى البقعة ال بتريحو ,, بس فى استثناء:
دينق حقنا ده لا ديل يدوهو جنسية ولا ديل يدوهو جنسية عشان يلوص
ما يعرف يقبل وين:)

Quote: يا ابو الريش انت صدقت سلطات البرلمان فى التشريع؟

لكن كده بقينا ما عارفين منو السلطة التشريعية ومنو التنفيذية.