رسالة عاجلة إلى وزير الداخلية... السيدة ايمان الجيلي كدومه (زوجة دكتور التجاني السيسي) تنهال بالضرب علي ابنته وتسبب لها الأذى الجسيم.... اتصلت الإبنة بالسفارة البريطانية في الخرطوم (التي تحمل جنسيتها) لحمايتها بعد تكرار الضرب من زوجة ابيها، وفشل التجاني السيسي والدها في حمايتها وردع أذى زوجته عنها. االسفارة البريطانية نصحت ابنة التجاني السيسي بإبلاغ الشرطة والاستعانة بالمحامي المعروف وناشط حقوق الإنسان نبيل اديب للقيام بالإجراءات القانونية. وبمساعدة المحامية الأستاذة منال عوض خوجلي. تم فتح بلاغ ضد ايمان الجيلي كدومه - بلاغ رقم 565/ 2018 قسم شرطة بحري شرق. و بعد التحقق من التقارير الطبية التي تؤكد اصابة الإبنة بالاذي الجسيم. قامت الشرطة بإصدار أمر بالقبض على "إيمان الجيلي كدومة" زوجة الدستوري التجاني السيسي. وعند ذهاب الشرطي لتنفيذ أمر القبض واحضار المتهمة تدخل التجاني السيسي لتعطيل سير القانون لحماية زوجته. وقام التجاني السيسي بردع الشرطي و تهديده، مما أدى إلى انصراف الشرطي دون تنفيذ أمر القبض. التفت التجاني السيسي لابنته قائلاً لها: "قايله نفسك في لندن حينفذوا القانون، احنا هنا في السودان. أهو هسع الشرطة جو عملو شنو؟ والبلاغ ده انا حاشطبو"... أحست الإبنة بعدم الأمان في بلد لا ينفذ فيها القانون بأمر من المسؤولين واصحاب المناصب الذين هم فوق القانون. وقامت الإبنة بالعودة إلى لندن وتواصلت مع السلطات البريطانية لأخذ حقوقها القانونية التي هضمت في السودان علي يد أبيها المسؤول النافذ والدستوري الآمر الناهي....
السؤال موجه لسعادة وزير الداخلية الموقر: هل سوف تتم محاسبة شرطة قسم كافوري/ بحري شرق عن عدم تنفيذ أمر القبض الذي صدر بناء على البلاغ رقم 565 / 2018 قسم شرطة بحري شرق؟ و لماذا لم تقوم الشرطة بتنفيذ أمر القبض على إيمان الجيلي كدومه زوجة التجاني السيسي؟ وذلك حتي يشعر الجميع بما فيهم الإبنه ان المسؤولين واصحاب المناصب العليا في السودان ليس فوق القانون... وان سيادة القانون تحترم و تنفذ في السودان كما هو الحال في لندن..
Post: #2 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-24-2018, 00:58 AM Parent: #1
انت كده دايما مبارى اسرار الاسر قبحك الله فى الدارين
Post: #3 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-24-2018, 01:32 AM Parent: #2
اذا انت بترضى لاختك او امك او زوجتك الحصل دا ..
انا يا جبان ما برضى واذا انت ممكن تصمت امام استغلال النفوذ وارهاب العدالة انا ما برضى
وكل اناء بما فيه ينضح
Post: #4 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-24-2018, 01:35 AM Parent: #3
يا صاحب الحوش ... الباشمهندس بكري الرجاء ارفع البوست دا خلينا نقطع دابر العنف دا... الاعتداء جريمة وارهاب العدالة واستغلال النفوذ جريمة ابشع
Post: #5 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-24-2018, 01:50 AM Parent: #4
غايتو زول بليد زيك عمرى ما لاقانى طبعا ما ح اشرح ليك لانك اغبى من ان تفهم قال بكرى قال عامل كده زى عوّارة الط.... لا تقدر تحكها و لا تقدر توريها الناس
Post: #6 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-24-2018, 01:53 AM Parent: #5
يا بكرى عليك الله ترفع البوست ده فوق عشان الهكلة ده يعرف حاجة هو و صاحبتو ام رسن
Post: #7 Title: Re: رسالة عاجلة إلى وزير الداخلية... من كيمبرد� Author: Asim Fageary Date: 02-24-2018, 03:50 AM Parent: #6
الدكتور صلاح البندر .. تحايا طيبة
فعلاً شيء مؤسف أن يكون هذا حال السودان في القرن الحادي والعشرين
وكمان من مسؤولين في مستوى التجاني السيسي طبعاً أعني مستواه التعليمي الأكاديمي الذي لم يخدم وعيه!
شكراً دكتور البندر للعمل الإنساني ومتابعة الحقوق المدنية
مع تحياتي،،،
عاصم فقيري
Post: #8 Title: Re: رسالة عاجلة إلى وزير الداخلية... من كيمبرد� Author: adil amin Date: 02-24-2018, 04:31 AM Parent: #7
الصووووات جلادونا اب شريحيتن... تشبه فعلا شعارك القضايا دي تناقش على الملا في برنامج اوبرا ونفري والتجاني السيسي باع دارفور كلها وقعد في كافوري, مه اهل المركز وثمود والسياسيين والدستوريين مفروض يكون قدوة حتى في العالم الغربي مش قلنا ليك انت زول فالصو ساكت.. دي زمان تتحل بالجودية والادراة والاهلية زمن السودان كان قبائل يا صلاح البندر ابتسم انت في كافوري...مستعمرة المخلوقات الفضائية التي تحكم السودان وهل في محكمة دستورية عليا اضلا في السودان فاعلة عشان تردع الدستوريين يا صلاح تسع رجال و18 خصية والدستور لحقتو بدرية سليمان المراة امات طه ... ويا حليل المثل السوداني "السترة والفضيحة ومتباريات..
Post: #9 Title: Re: رسالة عاجلة إلى وزير الداخلية... من كيمبرد� Author: Asim Fageary Date: 02-24-2018, 04:38 AM Parent: #8
تشبه فعلا شعارك
ملاحظة فعلا في محلها يا عادل .. طبعاً أول مره القي نظررة لهذا الشعار !
Post: #11 Title: Re: رسالة عاجلة إلى وزير الداخلية... من كيمبرد� Author: علي دفع الله Date: 02-24-2018, 05:57 AM Parent: #9
Post: #12 Title: Re: رسالة عاجلة إلى وزير الداخلية... من كيمبرد� Author: عبدالحفيظ ابوسن Date: 02-24-2018, 06:03 AM Parent: #11
ههههه يا كبر كراعك شوية من الابنص ياخ بتقد المكنة كدة تحياتي صلاح وضيوفه بلاشك سيادة القانون امر ضروري لقيام دولة محترمة انتهاك القانون يتم يوماتي وبشكل اوسع ومنذ عهد بعيد استغلال السلطة والافلات من العقاب
Post: #13 Title: Re: رسالة عاجلة إلى وزير الداخلية... من كيمبرد� Author: A.Razek Althalib Date: 02-24-2018, 06:32 AM Parent: #12
وسعو الصدر يا شباب الغضب حق مشروع .. ابحثو عن معالجة فجميعكم اصحاب حق...
د. صلاح البندر أراد إيصال رسالة مفادها أن العدل أساس الحكم.. والعدل في مشروع دولة كافوري انعدم.. وول أبا كبر يفجر غضبة وجع الموت سمبله في حدود أمسودان ويخرجه في شكل كسمسة..
جميعكم أهل حق إلا جلادونا الذي بخص ود البندر حقه وبخسه حقه.. أعتب عليه في خصومته وقنيصه لود البندر..
سلام مربع؛ كسرة: لو سرقت فاطمة بنت محمد لقطع محمد يدها ولو عثرت بغلة بالعراق لسئل عنها عمر..
Post: #14 Title: Re: رسالة عاجلة إلى وزير الداخلية... من كيمبرد� Author: أبوبكر عباس Date: 02-24-2018, 06:42 AM Parent: #12
بنفس المنطق بنقول ليك يا مبر: كبر الحنكوش سايق اسرتو من سينما لاستاربكس بكندا والمسيرية أهلو في الحدود يموتوا زي الضبان!!!
قليل من المنطق لا يضر
يا جلال، المحاباة في عدم تنفيذ القانون مسألة رأي عام وليست شأن أسري.
تحياتي يا دكتور، ومرحب بعودتك
Post: #15 Title: Re: رسالة عاجلة إلى وزير الداخلية... من كيمبرد� Author: Hafiz Bashir Date: 02-24-2018, 07:37 AM Parent: #14
يا جلالدونا السيسي (لو صدقت القصة) برضو قال زيك كدا، إنو دي مسألة أسرية و مافي بوليس و لا زول من برة يتدخل و على بنته أن تتحمل كل الضرر الواقع عليها و تقطعوا في نطنها حفاظاً على خصوصية الأسرة. البت و السفارة البريطانية و السلطات البريطانية و صلاح البندر و غيرهم شايفين إنو البت عندها حق اللجوء للسلطات و الصحافة لإزالة الضرر الواقع عليها.
بإختصار شديد إنت لم تختار فقط الحفاظ على أسرار الأسر و لكنك أخترت أن تقف بجانب السيسي و زوجته ضد البنت في القصة دي و موقفك دا مستقل تماماً عن الأسئلة التي سيطرحها ود البشرى إذ مر بهذا البوست.
Post: #16 Title: Re: رسالة عاجلة إلى وزير الداخلية... من كيمبرد� Author: adil amin Date: 02-24-2018, 07:39 AM Parent: #14
ايوه التلميتو يا عواطلية كويس بدل الردح في صلاح البندر نشوف الموضوع الجابو هنا ظاهرة ناس الهامش الذين يدجنهم المركز بدل ما ينتصرو لقضية الهامش هسة التجاني السيسي من قبيلة عريقة جدا في دارفور و استلم مسؤلية كبيرة في سلام الدوحة وجرى وراهم شيخ حمد لمن كسر يدو وانا قريت اتفاقية السيسي ا=امين حسن عمر وبدل ما يمشي طوالي الفاشر ويلم كل قبائل دارفور في مصالحة كبرى وينزل الاتفاقية الي الارض ويرجع اقليم دارفور وانتخابات اقليمية لحاكم اقليم +نائب اقليم وثروات دارفور المهولة كافية انها تجعل الفاشر كلها احسن من كافوري والخرتوم جاء قعد في وكر الثعالب كافوري ليتم تلويثه في المركز كما فعلو وظلو يفعلون لا زالو واخر حاجة رسلو كلب الصيد حميدتي عشان يقبض ليهم ساقنا وموسى هلال واصلو كائنات المركز دي ما عندها اي علاقة بالسودان حضاريا وفكريا وثقافيا وسياسيا وافتصاديا واجتماعيا ونفسيا ..مجتمع نسنانسين ونسناسات بشهادة غازي صلاح الدين ..عشا ن ك ده حتى اسرار البيوت بتطلع والفصر الجمهوري كمان..ادوات رخيصة للخارج ويقومون بدروهم في تدمير السودان لا زال الترابي يفهفه ويبصق عليهم من وراؤ القبر هسة لو قعد السيسي في الفاشر وبنا ليه فصر حدادي مدادي لحاكم اقليم..مش كان احسن ليه من الوضع المخزى الهو فيه الان فكا ناس دارفور عكس الهواء وجرى يلهث ورا حثالة المركز المزمنة ويا حليل زمن القبائل فعلا الراسخين رسوخ الجبال عبدالواحد نور مثلا .. هذا ظاهرة ذى فالوينو ماتيب وخليل ابراهيم موسي هلال و حميدتى والايام دي برنقو لي عبدالعزيز الحلو ايضا تزيد عمر النظام والالام الشعب السوداني ظاهرة السقوط عموديا الي الاسفل والله يرحم جون قرنق فعلا لماذا تلوث نفسك يا ابن الاقاليم في المركز ؟؟ https://up.top4top.net/
Post: #17 Title: Re: رسالة عاجلة إلى وزير الداخلية... من كيمبرد� Author: محمد أبوجودة Date: 02-24-2018, 08:57 AM Parent: #1
التحايا للجميع ومرحباً صلاح البندر
هذا أمرٌ يؤسَف له؛ أنْ يتكشّف هذا الزعيم (التجاني السيسي) عن هذا الوجه الظلامي! كيف يعجَز عن "صيانة" سلام أسرته الصغيرة، ثم يقولوا لنا: هذا آيقونة سلام دارفور؟
إن صحّت الواقعة، فــقُــل: (على اتفاقية الدوحة لسلام دارفور) السلااااااااام
ــــــــــــــــ
Post: #18 Title: Re: رسالة عاجلة إلى وزير الداخلية... من كيمبرد� Author: Mohammed Haroun Date: 02-24-2018, 10:56 AM Parent: #17
حاجة مؤسفة جدا .. القلم ما بزيل بلم .. شكرا دكتور البندر
اندهاشاتي
Post: #19 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-24-2018, 11:09 AM Parent: #18
هذا أمرٌ يؤسَف له؛ أنْ يتكشّف هذا الزعيم (التجاني السيسي) عن هذا الوجه الظلامي! كيف يعجَز عن "صيانة" سلام أسرته الصغيرة، ثم يقولوا لنا: هذا آيقونة سلام دارفور؟
إن صحّت الواقعة، فــقُــل: (على اتفاقية الدوحة لسلام دارفور) السلااااااااام
Post: #25 Title: Re: رسالة عاجلة إلى وزير الداخلية... من كيمبرد� Author: Ali Alkanzi Date: 02-24-2018, 02:06 PM Parent: #19
للدكتور صلاح بندر والمتداخلين سلام عايز اقول ليكم حاجة مهمة شديد وانتبهوا ليها وهي في حياتنا كلها على المستوى الشخصي والصداقات والاسرة والحارة والقبيلة والسياسة بشقيها المعارض والفي السلطة وهي انو الامة السودانية من اطفالها حتى رجالها بما فيهم المراة والمشكلة المطروحة خير مثال لما سأقول بأننا :
شعب يحل المشكلة بمشكلة اكبر، يعني نترك الاشكال الاساسي ونولد اشكالاً اخر اكثر اشتعالاً يعني اسا مشكلة السيسي وبنتو وزجتو كان ممكن أن تحل في نطاق الاسرة . شوف اسا انحنا اصبحنا طرف فيها وكمان طرف مؤثر اعلامياً؟ هذا من الاسباب الفشل في السودان بأننا لا نواجهة مشاكلنا في حدود نطاقها وحجمها وتاثيرها الحقيقي، بل نتعداها لنولد منها مشكلة اخرى ثم ثالثة ورابعة ونترك المشكلة الاساسية خلفنا وتضيع بين اتون ذلك كله
فهذا مؤشر يقول: بإننا مجتمع تعوزه الحكمة والتروي
Post: #20 Title: Re: رسالة عاجلة إلى وزير الداخلية... من كيمبرد� Author: عمر دفع الله Date: 02-24-2018, 11:23 AM Parent: #18
والله ما عندكم شغلة تقضوها إذا كان رأس الدولة زاتو سبق ان عطّل قضية اغتصاب عديييييييل دايرين وزير الداخلية يبارى ليهو قضية واحدة مرت ابوها دقت ؟ اذا كنتم حريصين على العدالة في البلد دي فمن الاولى الحديث عن تغيير القوانين والضغط على الحكومة في هذا الشأن ....
Post: #21 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-24-2018, 11:27 AM Parent: #17
ابدا يا حافظ المسألة بالنسبة لى حاجة تانية خالص و ده ما مكان شرحها المخلوق ده دايما فى سيرة الاخبار الزى دى و اسوأ منها و هل دى الجريمة الكبرى ال عملا النظام طيلة ال 28 سىه الفاتت و هل دى جريمة السيسى الوحيده عشان تتنصب ليهو المشنقة دى الموت فى دارفور و النيل الازرق و فى الخرطوم راقد هبطرش شوف بس ملف المخطوفين .. خليك من ده تصريح صلاح قوش انو باقى المعتقلين لن يتم اطلاق صراحهم الا بعد التأكد من سلوك احزابهم ده مش ياهو وضع الرهائن و اختراق للدستور و القانون و حقوق الانسان خلاص يعنى بقت على بت دقاها ابوها او مرة ابوها ليك الف حق انك تراجعنى و بل تحاسبنى على كل كلمة او موقف, لكن لشئ فى نفسى اقول دى طبيعة و سلوك و دواخل مفترع البوست ده ... دواخل تضج بالتفاهات و سواقط الامور شخصية تبحث عن الفضائحية فى سوح النضال و التى نتمناها عفيفة طاهرة و مبرأة من رزائل و دنس امثاله
_____
Post: #24 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-24-2018, 01:43 PM Parent: #21
up وكده طال ما سيد الحوش ما رفعو و جاهزين نرفع فى اى زمان و مكان و بما يرضى اوباش السوء ...... يا كبر ما بلاش الكسمسة دى خليك فى البصبصة سمحة سماحة السنين كدى شوف الفيرشن ده عشان تزيد ذخيرتك المعرفية طبعاّ ح تشكرنى لكن بقول ليك .. بالتأكيد مافى بين الاحباب شكر
Post: #26 Title: Re: رسالة عاجلة إلى وزير الداخلية... من كيمبرد� Author: Abureesh Date: 02-24-2018, 02:50 PM
سلام يا صلاح وضيوفه الحمد لله على وصول البنت الى لندن سالمة.
ثم
الموضوع الان لم يعد موضوع اسرة وضرب ...الخ. وانما موضوع عدم الامن فى السودان.. تعطيل العدالة فى الدول الديمقراطية مثل القتل ما نسب للسيسى من تهم يرقى الى درجة تعطيل او تعويق العدالة Obstruction of justice ولو هناك فعلا دولة فى السودان فإن المتهم بمثل هذه الجريمة يعتقل فورا ويقدم للمحاكمة.
Post: #27 Title: Re: رسالة عاجلة إلى وزير الداخلية... من كيمبرد� Author: Hafiz Bashir Date: 02-24-2018, 03:20 PM Parent: #26
سلام جلالدونا إنت بتصنع رايك في الموضوع حسب الزول الكاتبو؟🙄 الموضوع هنا ما صلاح البندر و لا التجاني السيسي الموضوع فساد الشرطة و الأجهزة العدلية في السودان.
Post: #28 Title: Re: رسالة عاجلة إلى وزير الداخلية... من كيمبرد� Author: Amin Eltaib Date: 02-24-2018, 03:59 PM Parent: #27
الموضوع حقيقةً أُسري .. لكن من واجب القانون حماية من يلجأ اليه ومن واجب المجتمع حماية أفراده بسلطة القانون .
شخص لجأ للقانون لحمايته .. نقف معه أم نتفلسف ب أعراف وقيم المجتمع السوداني ؟؟؟؟؟ البيوت مليانة مشاكل ومعظمها تُحل بالأجاويد والسماحة السودانية
ولكن حينما يلجأ أحدهم للعدالة .. يجب على العدالة أن تستجيب .. ويجب على المجتمع أن يقف إحتراماً .
شكراً صلاح
Post: #29 Title: Re: رسالة عاجلة إلى وزير الداخلية... من كيمبرد� Author: عمر نملة Date: 02-24-2018, 06:31 PM Parent: #28
إنت بتصنع رايك في الموضوع حسب الزول الكاتبو شكرا حافظ....شكرا صلاح...كبر انا معجب بمداخلاتك وطرحك...لكن هنا رجعتني لمربع 11
Post: #30 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-24-2018, 07:54 PM Parent: #29
انتقل الى رحمة الله شقيق دكتور تجاني السيسي أمس انا لله وانا اليه راجعون العزاء موصول لعموم آل السيسي
سأتوقف عن المداخلات لمدة ثلاثة ايام ثم اتابع معكم تداعيات الموضوع هنا في بريطانيا...
Post: #31 Title: Re: رسالة عاجلة إلى وزير الداخلية... من كيمبرد� Author: محمد أبوجودة Date: 02-24-2018, 11:35 PM Parent: #30
أحسن الله تعالى، عزاء الدكتور التجاني السيسي، وآله في وفاة الأخ الشقيق ..
وإنّا لله وإنّا إليه راجعــون ..
Post: #32 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-25-2018, 09:19 PM Parent: #31
*
Post: #33 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-26-2018, 07:04 PM Parent: #32
*
Post: #34 Title: Re: رسالة عاجلة إلى وزير الداخلية... من كيمبرد� Author: MOHAMMED ELSHEIKH Date: 02-27-2018, 05:49 AM Parent: #33
كان ممكن ايراد الخبر بالأشارة بالأحرف الأولى (للدستورى الكبير)لاسماء الذين وردت اسماؤهم في البوست
Post: #35 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-27-2018, 03:11 PM Parent: #34
يا محمد يا خوي الدسدسة دي لمتين؟
يعني نقول الدستوري ت ا ا ....
يا أخي اهلنا قالوا: البرقص ما بغطي دقنو !
Post: #36 Title: Re: رسالة عاجلة إلى وزير الداخلية... من كيمبرد� Author: Ali Alkanzi Date: 02-27-2018, 04:34 PM Parent: #35
اللخم ارحم شقيق السيسي المتوفي واجعل الجنة مثواه وصبر اهله واحبته واسرته وزحزحه عن النار يا كريم يا غفار
Post: #37 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-27-2018, 05:02 PM Parent: #36
اللهم آمييين وارحم كل أموات المسلمين يا رب
Post: #38 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-27-2018, 06:22 PM Parent: #37
حمله جمع امضاءات لمحاسبه دكتور التجاني السيسي علي استغلال نفوذه لتعطيل تنفيذ القانون. الرجاء الدخول علي الموقع ادناه واضافة امضائك للمطالبة بالتحقيق معه ومحاسبته حتي يكون عبرة لغيره وحتى يعلم الجميع ان لا سيادة في السودان الا سيادة القانون. والقانون فوق الجميع.
https://goo.gl/TRVBDDhttps://goo.gl/TRVBDD
Post: #39 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 02-27-2018, 10:34 PM Parent: #38
Post: #40 Title: Re: رسالة عاجلة إلى وزير الداخلية... من كيمبرد� Author: جلالدونا Date: 02-28-2018, 00:02 AM Parent: #39
لا يا حافظ على حسب سلوك الزول و طبيعة بوستاتو الفضائحية و اهو اكراماَ ليك نساعدو و نرفع البوست وكت سيد الحوش ما داير يعلقو فوق يا مستنير طال ما المجتمع تحكمه العادة و التقليد و الاجاويد واحدة منهن يبقى الموضوع اسرى و اتحل فى نطاق الاسرة كأجراء عادى يدعو له المجهكع القاضى ده مالو
Post: #41 Title: Re: رسالة عاجلة إلى وزير الداخلية... من كيمبرد� Author: الطيب رحمه قريمان Date: 02-28-2018, 06:23 AM Parent: #40
عدد من المتداخلين اشار الى الاستاذ محمد النور كبر ..
لكن لم اجد له مداخلة فى هذا البوست .. لذلك من الضرورى .. اقتابس النص الذى يرد عليه .. !!!
Post: #42 Title: Re: رسالة عاجلة إلى وزير الداخلية... من كيمبرد� Author: محمد أبوجودة Date: 02-28-2018, 05:09 PM Parent: #1
ــــــــــــــــــــ بعده .. وَ .. عُذراً على التكرار
Post: #43 Title: Re: رسالة عاجلة إلى وزير الداخلية... من كيمبرد� Author: محمد أبوجودة Date: 02-28-2018, 05:09 PM Parent: #1
Quote: Google URL Shortener URL Shortener 404: Page not found – the page https://goo.gl/TRVBDDhttps://goo.gl/TRVBDDhttps://goo.gl/TRVBDDhttps://goo.gl/TRVBDD does not exist.
If you typed in or copied/pasted this URL, make sure you included all the characters, with no extra punctuation.
سلام يا صلاح،
الرابط لم يعمل ..!
Post: #44 Title: Re: رسالة عاجلة إلى وزير الداخلية... من كيمبرد� Author: جمال ود القوز Date: 02-28-2018, 05:41 PM Parent: #43
زول يدقوهو في الخرطوم يمرق يكورك في لندن ... ده ما داير غير الشرشحة ولاّ شن رايك يا بندر .. هل ممكن يرجعوا ليها حقها ويسجنوا ليها زوجة الاب من لندن !!! .. تحس كان الابنة تريد من نشرها للأمر خارج نطاق الأسرة .. أن تتشفّى من والدها لانه وقف مع زوجته .. وهذه هي النقطة التي اتت خصما على الموضوع .. وجعلت الكثيرين لايستسيغوا مثل هذا التناول التابلويدي .. بعدين تجاني سيسي ما عاد له نفوذا يقولوا عليهو .. لو أصرت في شكواها لارغمته على القبول.. وجعل زوجته تمثل امام القضاء .. او تتم تسوية عرفيا وتعتذر زوجنه وتطيب خاطرها .. اوتعوضها ان ارادت ذلك ..
Post: #45 Title: Re: رسالة عاجلة إلى وزير الداخلية... من كيمبرد� Author: Kabar Date: 03-01-2018, 06:46 AM Parent: #44
الأصدقاء هنا..حبابكم
تحية لصديقنا دكتور صلاح البندر ، وصادق الإعتذار يا صلاح عن بعض العبارات التي وردت في مداخلاتي المسحوبة ، وكنت ذكرت لصديقنا عبد الحفيظ ابو سن نيتي في حذف بعض العبارات..وفعلا راجعت البوست ولم اجده ، وحينما وجدته كانت المداخلات الثلاث زائدا مداخلة صديقي ول ابا علي دفع الله قد تم سحبها جميعا..
والتحية لصديقنا بكري ابوبكر ، فهذا هو التصرف المتوقع والذي يجب ان يكون..
القضية هي قضية عادية يا صديقي ، ولكنها بقدرة قادر اصبحت قضية رأي عام باثارتها بهذه الطريقة هنا..فلا احد يجب ان يكون فوق القانون..سواءا في السودان او في غيره..وهذا هو المبدأ الذي يجب ان يدافع عنه الجميع..وهذا هو النموذج المثالي للسلوك..ولكن..!
الأشياء في السودان وطريقة تفكير اهل السودان ، فان الأمور دوما لها اكثر من جانب..الحقيقة يا صديقي لها اكثر من زاوية شوف..يعني هنا..كيف عرفت انت شخصيا يا صلاح عن هذه القضية؟هل هناك اذن مكتوب من الضحية فيه تفويض بعرض هذه القضية كقضية رأي عام وتفويضك بالتصدي لذلك؟ كم عمر الضحية؟..وكيف سافرت لغاية بريطانيا لوحدها؟..وهذا ما يتعلق بسطح الصورة ، اما الأبعاد الأخرى للصورة...فهي مسألة الأولويات ، ومن حق أي فرد ان يحدد ما يعتبره اولوية قصوى وفي نفس الوقت يجب ان يتحمل مثل هذا الفرد قراءة الأخرين لنفس الصورة وادخال حسابات قد تكون غائبة عليه حينما يبتدر قضية بحسن نية..او بسوء نية ..!
هنا يا صاحب قد يثور سؤال: التجاني السيسي من غرب السودان ، وزير الداخلية من غرب السودان ، محامي الضحية استاذنا نبيل اديب (له التحية اينما كان وكيفما كان) شيوعي ، ومبتدر البوست صلاح البندر شيوعي..يبقى هنا شبهة استهداف بطريقة او بأخرى لأن مثل هذه القضية لا تحتاج أي انفعال بمثل الذي يحدث هنا..ثم تظهر حكاية الحملة المنظمة (حملة التوقيعات)..فهل هذه قراءة كانت في بالك حينما فتحت هذا الخيط وبهذه الطريقة؟..
نحن نعرف ان من حق الناس ان تعارض النظام السوداني (من الحكومة لغاية الأخلاق في التفاصيل اليومية) ولكن حينما تظهر حكاية تعدد المكايييل والمقاييس وشبهة الإستهداف ، هنا يا صديقي يحدث الخلاف ، سواءا كانت ادارته بصورة مثالية او بصورة متطرفة..طريقة عرضك للموضوع يا صديقي هي التي تخلق التفاعل..واظنك يمكن ان تجيب على سؤال:لماذا اثارة هذا الموضوع الآن وتحديد التجاني السيسي ووزير الداخلية؟..هل هو حرصا على حقوق الإنسان واحترام القانون والعدالة؟..ان كانت الإجابة نعم..فسيكون السؤال كيف تجاهل وقائع اخطر واكثر افصاحا عن انتهاك الحقوق في السودان والفوضى في نظام القضاء والشرطة والنيابة واختيار موضوع مثل هذا ، باستهداف افراد بعينهم؟..
عموما يا صلاح ، كلنا كناس عاشت في الغرب ، حتى انت في ذات نفسك ، سنكون عرضة لنفس الموقف ، وسنكون في حالة الإنشطار بين القيم السودانية والقيم الغربية التي اخترناها كحاضنة لتنشئة اطفالنا..كلنا يا صاحب عرضة لنفس الورطة.. فكيف سيكون التعامل؟..هل سيكون بهذه الفضائحية؟..ام سيكون بالعقل؟..وفوق ذلك ، هل يحق لنا ان نستهدف ناس بصورة فيه المحاباة والخيار والفقوس؟..
هذه قضية عادية يا صلاح ، وفقا لرواية طرف واحد فيها ، ولو صحت الوقائع كما ذكرت هنا كفيلة بان تكون اساس لإستدعاء الدكتور التجاني السيسي للمثول امام المحاكم البريطانية ، ولكن طريقة عرضها ، وحكاية حملة التوقيعات وتحويلها لقضية راي عام ، هذا سيكون في صالح الدكتور التجاني السيسي ، لأن فيها استغلال سياسي سيئ للغاية من قبل ناس الحزب الشيوعي السوداني..!!
كنت سأوقع على الحملة ، ولكني ارى فيها هذا الإستغلال السيئ للغاية.. فالشيوعيين السودانيين اخر من يحرص على قيم العدل وحقوق الإنسان ، يستغلون هذه الأشياء للمتاجرة والكسب السياسي المؤقت..!
مبدئيا من حق أي انسان ان يلجأ للعدالة في حالة التعرض للأذى الجسيم ، ولكن استغلال مثل هذه القضايا سياسيا ، وبهذه الصورة سيجعل مثل هذه الحقوق عرضة للسؤال والضياع..!
ودمت.. كبر
Post: #46 Title: Re: رسالة عاجلة إلى وزير الداخلية... من كيمبرد� Author: Kabar Date: 03-01-2018, 06:48 AM Parent: #45
ول ابا الطيب رحمه قريمان..حبابك يا صديقي
كتر خيرك على الإستفسار ، وصراحة يا صاحب ما كنت انوي العودة هنا..لأني قلت رأي بكل وضوح واتحمل كل المسئولية..المهم..!
مداخلاتي المسحوبة عددها ثلاث مداخلات زائد مداخلة صديقنا علي دفع الله..(ممكن ارسلها لك بطريقة او بأخرى)..!
مداخلتي الأولى انطوت على ما يشكل فعل خادش للحياء..
المداخلة الثالثة (وهي سبب سحب المداخلات كلها) انطوت على تهديد للأمن الوطني السوداني..!
لست غاضب على أي احد هنا ، ولست غاضب على سحب مداخلاتي (كان عندي نية اسحب الأولى او تعديلها ، وقد اشرت لذلك في مخاطبتي لصديقنا عبد الحفيظ ابو سن وصديقنا عبد الرازق الطالب..).. وهذا تمرين يا صديقي لمبدأ: لا احد فوق القانون..وحتى لو كان على مستوى البورد فعلينا ان نحترم حق الآخرين..عشان يحترموا حقنا..!
اوعك يا الطيب تسمع الغنية التي وضعها ول ابا جلالدونا..لأن فيها تحريض للإلتفاف حول الأمور..!
عبرك التحية لصديقنا ول ابا جلالدونا..صاحب نظرية :في حاجات لمن تقولها للزول في وشو ممكن يضحك ويديك شلوت والموضوع يستمر عادي ، ونفس الحاجات لو قلتها في سياق تاني ممكن توديك التوج..!!..وانا متأكد لو اتاحت لي الظروف مقابلة اخونا دكتور صلاح البندر برضك ح يقول ليك نفس الفكرة..!
واوعك يا الطيب توقع على عريضة اخونا دكتور صلاح البندر لأن الموضوع فيهو استغلال سياسي وعنصري بائس للغاية..!
التحية للجميع..وشكرا يا دكتور صلاح البندر على اتاحة هذه الفرصة..!
شكلك نسيت عوة الدافوري يا صلاح..!!!!
كبر
Post: #47 Title: Re: رسالة عاجلة إلى وزير الداخلية... من كيمبرد� Author: Kabar Date: 03-01-2018, 07:00 AM Parent: #46
صديقي عمر نملة..حبابك كتر خيرك..
اجمل حاجة في الدنيا يا عمر ، لمن تكون في ناس حريصة عليك وتديك في راسك..وتقول ليك النصيحة..وبراك عارف السوداني مرات بتغبا فيك العرفة لو قلت النصيحة..اما نحن..كتر خير كندا ، علمتنا حاجات سمحة كتيرة..!
شكرا يا صاحب..دوما نوعد بان نكون عند حسن الظن ..لكن مشيها لينا..برضك نكون عند سوء الظن..وتظهر الحقيقة..!
قتلنا الظلم والتجهم يا صاحب..!..لكن بيني بينك اخير تهظر مع زول بتعرفو..يمكن تلقى بعض شفاعة..!
العبارات شينة يا عمر ، وفي ردي على الأصدقاء ابوسن والطالب ذكرت نيتي بسحب بعض العبارات..ولكن الله غالب..!
والتحية دوما لصديقنا عبد الحفيظ ابوسن وعمو عثمان عووضة ومعاوية الزبير..كلما الواحد يشطح يتذكر الناس ديل..بس عثمان شكلو بتاع خرتوم (حنكوش باللفة)..!!
الإعتذار مستمر لأخونا صلاح البندر..!
اوعك يا عمر توقع على عريضة البندر..!!
ودمت طيبا يا صديقي..لسع بحاول اجري حول الحارة (النيبر هوود)..!!
كبر
Post: #48 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 03-03-2018, 08:29 PM Parent: #47
نواصل...
Post: #49 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 03-05-2018, 06:16 PM Parent: #48
نواصل....
Post: #50 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 03-18-2018, 01:44 AM Parent: #49
الموضوع اعقد من خيال البعض هنا... لجوء بنت السيسي للبوليس تم بعد التهديد المستمر الذي تعرضت له الابنة والاعتداء الجسدي المهين والضرب المؤذي والخوف على الحياة ... فقد كان هنالك سلاح (نعم سلاح) بالمناسبة في قصر التجاني السيسي في كافوري فخشيت البنت على حياتها... والمحامي نبيل أديب سجل واقعة الاعتداء ويتابعها مع الشرطة السودانية ... لا سبيل لنكران الواقعة فقد سجل تقرير الطبيب في السودان وفي بريطانيا آثار الاعتداء الجسيم... التجاني السيسي مواطن بريطاني ومرحب به في بريطانيا لمعالجة المشكلة في النطاق الذي يريد (قانونيا أو أسريا) ... وصلت المشكلة الى البوليس نتيجة لانحياز السيسي لزوجتة التي في عمر اولاده .... (الناس دي بتجيب الشجاعة دي من وين؟ رجل في السبعين يتزوج واحدة في عمر أطفاله)... واصراره على عدم استمرار البوليس في التحري (استغلال النفوذ)...
التجاني السيسي أصبح في غفلة من الزمان من أثرياء الانقاذ ... ويستطيع كموليونير رفع قضية اشانة سمعة في بريطانيا لرد الاعتبار لشخصه ... فمرحباً به...
الموضوع تجاوز الاطار الأسري واصبح بعد تسجيله في الشرطة (بريطانيا والسودان) حق عام... اذا حضرت زوجة السيسي الى لندن ستخضع لتحريات البوليس البريطاني... وهو موضوع لا يسقط بالتقادم...
النائب البرلماني البريطاني لابنتة السيسي في لندن على علم بتطورات الوقائع... وزارة الخارجية البريطانية والسفارة البريطانية في الخرطوم لديهم سجل بالحادثة ... وبالتأكيد كليهما سيتابعان الملف...
Post: #51 Title: Re: رسالة عاجلة إلى وزير الداخلية... من كيمبرد� Author: Dr Salah Al Bander Date: 03-18-2018, 01:47 AM Parent: #50
]red]
تابع تطورات الحدث في البوست: التجاني السيسي يعاقب أسرته بالطرد إلى الشارع
