Post: #1
Title: لو الانترنت اختفي تعمل شنو؟
Author: محمد نور عودو
Date: 02-24-2018, 10:13 AM
09:13 AM February, 24 2018 سودانيز اون لاين
محمد نور عودو-
مكتبتى
رابط مختصر سلام للجميع
يا اخي لو قمتا ولقيت الانترنت دا اختفي وبقي مافي كلوكلو حاتعمل شنو؟
|
Post: #2
Title: Re: لو الانترنت اختفي تعمل شنو؟
Author: Osama Mohammed
Date: 02-24-2018, 10:25 AM
Parent: #1
الاخ محمد
تحية طيبة
عندنا غايتو في بريطانيا الناس متحسبة لي سيناريو زي دة عشان كدة بنمشي تخييم لي مدد مختلفة عشان نعرف نعمل شنو في حالة عدم وجود تكنلوجيا
جلست عدد من المرات بدةن انترنت لمدد مختلفة اطولها تلاتة شهور واقلها اسبوعان.
انا جاهز واصلا بحب القراية م فرقت .
( سالت السؤال دة لطلبتي ف الجامعة من العرب في اثناء المحاضرة - حلفو كلهم انهم ح يموتو او يبدو يقتلو بعض ) وطبعا م صدقو انو ممكن اقيف من النت .
|
Post: #3
Title: Re: لو الانترنت اختفي تعمل شنو؟
Author: محمد الأمين موسى
Date: 02-24-2018, 10:38 AM
Parent: #2
سيكون الأمر سهلا إن لم يؤثر هذا الاختفاء على سير الحياة الطبيعي (إمداد الماء والكهرباء وحركة النقل والمعاملات الإدارية والصناعة والخدمات والدراسة...)
|
Post: #4
Title: Re: لو الانترنت اختفي تعمل شنو؟
Author: Ali Alkanzi
Date: 02-24-2018, 10:53 AM
Parent: #3
اعمل نائم
بس ح تكون ليكم وحشة يا اهل المنبر
|
Post: #5
Title: Re: لو الانترنت اختفي تعمل شنو؟
Author: أيمن الفاضل
Date: 02-24-2018, 11:13 AM
Parent: #4
سلام محمد نور و المشاركين
كارثة كبيرة لي ناس كتار
في بعض المهن الشغل كلو في النت
حتى المهن الما مرتبطة مباشرة بالنت الحصول عليها بتم عن طريق النت
انا حاليا قاعد افتش لي شغل و التقديم كلو بالنت
كدي خلونا نشتعل بعدين اقطعوهو هههههههههه
|
Post: #15
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 05:14 PM
Parent: #5
سلامات
أيمن الفاضل
الانترنت بقي شئ اساسي في جميع مناحي الحياة والناس بقت تعمتد علي الانترنت في معظم الحاجات عشان كد.ا كد نخت في بالنا احتمال اختفاءه وكيف نتصرف.
مشكلتك بسيطة يا زول شيل ال CV بتاعك في يدك وادقش الانتريمات والمعارف ديل احسن ليك من الانترنت.
|
Post: #6
Title: Re: لو الانترنت اختفي تعمل شنو؟
Author: الصادق عبدالله الحسن
Date: 02-24-2018, 11:16 AM
Parent: #4
=
| Quote: بس ح تكون ليكم وحشة يا اهل المنبر |
إضافة إلى الإحساس بالوحشة، فإن اختفت الانترنت يا أخي محمد نور
فسوف تضيع عليك وعلينا الفرصة وإلى الأبد
في معرفة ماذا كان يفعل محمود محمد طه عند صلاة المغرب
في الفسحة عند مدخل البيت الواقعة جنوب الصالون مباشرة
في بيت الاستاذ بالحارة الأولى بمدينة الثورة الأمدرمانية. 
تحية لك والكنزي وللدكتورين أسامة وموسى
...
..
.
|
Post: #7
Title: Re: لو الانترنت اختفي تعمل شنو؟
Author: محمد أبوالعزائم أبوالريش
Date: 02-24-2018, 12:34 PM
Parent: #6
حيعود للحياة طعم
|
Post: #8
Title: Re: لو الانترنت اختفي تعمل شنو؟
Author: منتصر عبد الباسط
Date: 02-24-2018, 01:29 PM
Parent: #7
كان ممكن النت يفيد إفادة عظيمة
لكن الواقع أن النت وجدنا ليس إيجابيين
وموضيعيين بما يكفي
فأصبح ميدان للعراك ونقل وترويج
للمعلومات والمعتقدات الباطلة.
فصار النت بالنسبة لنا زي الخمر
ضرره أكثر من نفعه .
|
Post: #9
Title: Re: لو الانترنت اختفي تعمل شنو؟
Author: Osama Mohammed
Date: 02-24-2018, 02:37 PM
Parent: #8
https://player.vimeo.com/video/209248444https://player.vimeo.com/video/209248444
فيديو يستاهل المشاهدة
|
Post: #10
Title: Re: لو الانترنت اختفي تعمل شنو؟
Author: Abureesh
Date: 02-24-2018, 03:48 PM
Parent: #9
ناس البتكوين حيشربوا وما يرووا.
ستتوقف الحروب لان كل دولة ستكون مشغولة لمدة كلها.
مبيعات طوابع البريد ستنتعش والصفوف ستعود لمبانى البوستة
بلغى لى سلامى يا ساعى البريد.... للسافر وطول فى البلد البعيد
الإذاعة ستبث هذه الأغانى من جديد. ومهنة ساعى البريد ستعود.
أجمل شئ سنرتاح من تغريدات ترامب
تحياتى
|
Post: #19
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 06:01 PM
Parent: #10
سلامات باشمهندس
Abureesh
يعني نرجع لعصر قبل الانترنت ومع راحة البال كمان لا حروب ولا مشاكل
|
Post: #18
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 05:44 PM
Parent: #8
سلامات
منتصر عبد الباسط
النت بي اضرارو ومنافعوا دا الناس مصاقرينو ليل نهار
لوفجاءة اختفي الناس دي ح تعمل شنو
|
Post: #17
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 05:35 PM
Parent: #7
سلامات
محمد أبوالعزائم أبوالريش
حيعود للحياة طعم...
ربما للزينا الاتولدنا قبل الانترنت.
لكن الجيل الاتولد في زمن الانترنت بكون الحياة صعبة ليهم بدون انترنت.
|
Post: #16
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 05:26 PM
Parent: #6
سلامات
الصادق عبدالله الحسن
الاحساس بالوحشة حاتحصل يا اخي الكريم
و تجارب الحياة علمتنا حاجات كثيرة عشان كدا بقينا ما نستبعد اي شئ
|
Post: #13
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 04:52 PM
Parent: #3
سلامات
محمد الأمين موسى
شركات النقل والمصانع والمعاملات الادارية في الدول الكبري في تقديري عاملين احتياطات وحساب لحاجة زي دي عشان كدا بامكانهم يتجاوزو الحدث
|
Post: #11
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 04:34 PM
Parent: #2
سلامات الاخ الفاضل
Osama Mohammed
يا اخي الخواجات ديل ناس حريصين في كل شئ وعاملين احتياطيات لكل شئ عشان كدا حتي لو الانترنت اختفي عندهم واضعين خطط وبدايل لمواجهة الحدث لانو هم العملوا الانترنت وهم المتطورين الانترنت بادخال كل مرة حاجة جديدة في السرعة وتوسيع وسائل التواصل الاجتماعي وووو.لكن ماذا عننا زي شعوب افريقيا وبعض دول اسيا ال نشتري الانترنت ونتابع احدث التطبيقات لنتواصل علي مستوي الشعب في الشارع والشبكة طشت زي ناس المكاتب الحكومية عندنا في السودان.
|
Post: #12
Title: Re: لو الانترنت اختفي تعمل شنو؟
Author: امتثال عبدالله
Date: 02-24-2018, 04:47 PM
Parent: #11
ده يوم المنى يا محمد نور..
سوف تعود العلاقات الاجتماعية كما كانت وسيعود صلة الرحم وزيارات الاهل ،، وستختفى
النميمة والقيل والقال،، وستعود براءة الاطفال، فان براءة الاطفال اختفت مع ظهور الفيديو club
وسنجد الوقت الكافي للونسة مع الحبوبة،،،
وكما قال ابو الريش سنرتاح من تغريدات طرمبة،،،
مع وافر التقدير والاحترام
|
Post: #14
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 04:59 PM
Parent: #12
bonjour oncle
Ali Alkanzi
تعمل نائم وين ياعمك؟
vous pouvez pas
|
Post: #20
Title: Re: لو الانترنت اختفي تعمل شنو؟
Author: محمد نور عودو
Date: 02-24-2018, 06:30 PM
Parent: #14
اهلا الاخت الفاضلة
امتثال عبدالله
نورتي البوست وبالمناسبة دي يا اختي وين الاخت اميرة السيد ليها زمن غائبة من البورد ان شاءالله ماعندها عوجة وعبرك تحياتي ليها كثير.
الانترنت قللت الكلام بين الناس حتي في البيت الواحد تلقي اي زول قاعد يتونس مع تلفونو وقريت تقرير قبل فترة بقول انو نسبة الكلام المباشر بين الناس مع بعضها ستقل نسبة 50 في المية في عام 2050 علي ما اعتقد بسبب الانترنت .
صحيح لو الانترنت اختفي والونسة مع الاسرة والاطفال حتكتر واخبار الواتساب والفيس والتغريدات بكونو في خبر كان من الناحية الاجتماعية ولكن من الناحية العلمية والعملية والادارية اكيد حتكون في صعوبات كبيرة جدا في حال اختفاء الانترنت.
لكن هل يستطيع الانسان مواكبة الحياة بدون انترنت بعد هذه العشرة الطويلة ؟
|
Post: #21
Title: Re: لو الانترنت اختفي تعمل شنو؟
Author: محمد على طه الملك
Date: 02-25-2018, 01:37 AM
Parent: #20
سلامات أخي محمد نور وزواره الأفاضل ..
الملاحظ في الاجابات أخدت طابعها حسب معايير انتفاعنا بالنت ..
لكن قطعا الوضع سوف يصبح كارثيا في الدول المتقدمة ..
قبل أيام توقفت الخدمة في احدي المستشقيات التعليمية الكبيرة ..
ما تتصور الربكة الحصلت واستمرت لثلاثة ساعات توقف خلالها كل شيء ..
دا إذا كان الحال في مؤسسة صغيرة فما بال الحال إذا كان التوقف عام شامل الدولة كلها ؟
مؤسسات حكومية ومواصلات موانئ ومطارات وبنوك ومصانع كلها سوف تتوقف ..
بس الأخطر من النت الكهرباء ..
إذا العالم اليوم تعطلت موارد امداداته الكهربائية لأي سبب ..
فسوف تنهار الحضارة بكاملها ولن ينجو من الكارثة سوى ترابلتنا ورعاتنا .
|
Post: #22
Title: Re: لو الانترنت اختفي تعمل شنو؟
Author: دفع الله ود الأصيل
Date: 02-25-2018, 05:46 AM
Parent: #21
يعني ح نقع فوق رقبتنا نكسر و لا شنو ا؟! ما قدامنا حل غير نطبق يدينا و نقعد مجخمين نتفرج بس
|
Post: #23
Title: Re: لو الانترنت اختفي تعمل شنو؟
Author: محمد الزبير محمود
Date: 02-25-2018, 05:58 AM
Parent: #22
| Quote: لو الانترنت اختفي تعمل شنو؟ |
حننوم بعد العشاء ونقوم قبل الصبح
ستختفي الكثير من الإشاعات والاكاذيب الرسمية والشعبية
ستختفي الكثير من مقاطع الفيديو التي تمس حياة الناس الشخصية وخصوصياتهم
ستتعطل الكثير من المعاملات الرسمية وتعود صفوف الأنتظار
وأهم حاجة ما راح تحدث حوادث مرور بسبب الجوالات
الأنترنت نعمة لو احسن استخدامه ونقمة لو اسي استخدامه ويحتاج لشعب واعي وامة متعقلة
وأهم من دا كله الميدان سيخلو من المعارضين والمؤيدين الأسفيريين للنظام وسيختفي دينق وودالباوقة ودعاة الأفركانية والعربكانية من الساحة والحشاش يملأ شبكتو في الواطة السهلة دي .
أحسن يقفلوا شهر ونجرب ...........
تحياتي
|
Post: #26
Title: Re: لو الانترنت اختفي تعمل شنو؟
Author: محمد نور عودو
Date: 02-26-2018, 00:17 AM
Parent: #23
سلامات
محمد الزبير محمود
....أحسن يقفلوا شهر ونجرب...
لا يازول كدا بكون الامتحان مكشوف.
نحن عايزين بدايل لو الانترنت فجاءة اختفي
|
Post: #25
Title: Re: لو الانترنت اختفي تعمل شنو؟
Author: محمد نور عودو
Date: 02-26-2018, 00:09 AM
Parent: #22
حباب الاديب
دفع الله ود الأصيل
انت انسان ماشاءالله عندك كتب تقعد تقراء في كتبك وتكون عندك فرصة تتجول في المعارض .
تقع برقبتك وين وتطبق يديك وين الامور ان شاءالله ح تمشي حليب باسطة مديدة قديم
|
Post: #24
Title: Re: لو الانترنت اختفي تعمل شنو؟
Author: محمد نور عودو
Date: 02-25-2018, 11:58 PM
Parent: #21
سلامات مولانا
محمد علي طه الملك
لو حدث اختفاء او قطع الانترت في الدول المتقدمة بالتاكيد الوضع بكون صعب وح تكون في خسائر مالية كبيرة جدا لكن يا مولانا الخواجات والدول المتقدمة مثل الصين واليابان اكيد عاملين حساب حاجة زي دي عشان كدا في تقديري لو حدث اختفاء او قطع الانترت في هذه الدول المؤسسات والمطارات والبنوك والموانئ والمستشفيات تقدر تتجاوز الازمة احسن من بقية الدول .
الدول المتقدمة اجتازت مرحلة قطوعات الكهرباء الا ماندر مثل كوارث الاعاصير التي تضرب المدن جمهورية المانية احتفلت بعيد الثلاثين بعدم انقطاع الكهرباء .
خطورة انقطاع الكهرباء عندنا هناك في البلد الكهرباء تقطع في المستشفي والدكتور في غرفة العمليات يضطر يواصل العملية بالشمعات.
علي العموم كدا نخت في بالنا موضوع اختفاء النت عشان لواختفي ولا سيدو شال عدتو مشي نشوف الدبارة
|
|