أوسكار 2018

11:53 AM February, 22 2018

سودانيز اون لاين
أحمد محمد عمر-
مكتبتى
رابط مختصر

أيام قليلة تفصلنا عن أكبر تظاهرة سينمائية ، الحدث الذي ينتظره عشاق السينما في كل أنحاء العالم ، المتخصصين منهم والعنقالة. الحفل التسعون لتوزيع جوائز الأوسكار والذي سيقام في الرابع من مارس على مسرح دولبي في هوليوود.


في هذا الموضوع أطرح الأعمال المرشحة على الطاولة وسأضع ترشيحاتي في النهاية - والتي لا تصدق عادة :) - وأرحب بترشيحات الجميع وآراءهم حول الاعمال المشاركة.



إخلاء مسئولية :
* الآراء الواردة في البوست شخصية مزاجية غير متخصصة
* معلومات الأفلام مستقاة من ثلاث مواقع : الموقع الرسمي لجائزة اوسكار ، imdb ، ويكيبيديا
* احرص على معرفة التقييم العائلي لأي فيلم قبل تشغيله فبعضها لا يصلح للمشاهدة العائلية.

Get Out (2017)

فيلم إثارة ، غموض ، رعب
تشويق متواصل

يبدأ برحلة الفتى الأسود كريس (دانيال كالويا) مع حبيبته البيضاء روز (أليسون وليامز) لمقابلة اسرتها للمرة الأولى ومخاوفه من رد فعلهم تجاه اختلاف الألوان رغم طمأنة روز له ببعد اسرتها عن العنصرية.
تبدأ حياته مع الأسرة بمؤانسات لطيفة ممتعة للغاية تدل على تقبلهم له ، فتختفي مخاوف كريس بالتعامل اللطيف عدا بعض الهنات والتلميحات التي تعتذر عنها حبيبته. وتمر الحياة بسلاسة حتى تعرض عليه والدة روز - الطبيبة النفسيه - مساعدته بالتنويم المغناطيسي على الإقلاع عن التدخين ليدخل الفيلم بعدها في مرحلة من الغموض والآكشن والأحداث المتلاحقة.

الفيلم مرشح لأربع جوائز اوسكار هي :
1- جائزة أفضل فيلم
2- جائزة أفضل ممثل رئيسي (Daniel Kaluuya)
3- أفضل مخراج (Jordan Peele)
4- أفضل سيناريو أصلي (Jordan Peele)

ترشح الفيلم إلى 178 جائزة فاز منها بـ 99 جائزة
تم انتاجه بميزانية 5 مليون دولار بينما تخطت إيراداته العالمية 254 مليون




_______________
الفيلم شديد ولذيذ مافي كلام وبعيشك معاهو في جو الغموض والإثارة والترقب

Call Me by Your Name
فاز بـ 60 جائزة من مجموع 195 وحقق إيرادات 24 مليون مقابل ميزانية انتاج 4 مليون
مرشح لأربعة جوائز اوسكار
1- أفضل فيلم
2- أفضل ممثل رئيسي
3- أفضل سيناريو مقتس
4- أفضل موسيقى تصويرية


فيلم عواليق ساي
تحس بيه ترويج للمثلية الجنسية وكيف إنه المثقفين المتعلمين بتقبلوها لولدهم بصدر رحب بل كمان في لقطة كدة تحس بإنه الأم بتدردق في ولدها لصاحب راجلها
الفيلم علاقة حب بين ولد عمرو 17 سنة وضيف صديق لوالده في زيارة لمساعدة في بحث علمي لكن الضيف العيالاتي دة بخلي البحث ويعديها مقابضة في الشافع
هسة الجنا تيموثي شالاميت دة لو فاز بجائزة احسن ممثل يقول للناس فزت بيها عشان صاحب ابوي شايلني في كرعينو الفيلم كلو !

Lady Bird
مرشح لخمس جوائز
1- أفضل فيلم
2- أفضل ممثلة رئيسية (Saoirse Ronan)
3- أفضل ممثلة مساعدة (Laurie Metcalf)
3- أفضل مخراج (Greta Gerwig)
4- أفضل سيناريو أصلي (Greta Gerwig)

فاز بـ 83 جائزة من أصل 187 جائزة اترشح ليها
الفيلم درامي بحكي عن تفاصيل حياة مراهقة في المرحلة الثانوية ، التفاصيل العائلية علاقتها بأخوها وحبيبة اخوها وتفاصيل حياتها العاطفية وصدماتها الأولى والتركيز كان بالأكثر على علاقتها المعقدة بوالدتها واللي أبدعت جداً في أداء الدور


________________
الفيلم ما عجبني ، حسيت فيه برتابة وما شداني

Phantom Thread
فيلم الرومانسية والدراما
مصمم الأزياء اللندني رينولد وودكوك (دانيال دي لويس) يعجب بالنادلة ألما (فيكي كريبس) التي تظهر في بداية الفيلم وهي تحكي سيرتها الذاتية وقصة غرامها بوودكوك وكيف أنها استطاعت التعامل مع مزاجيته وشخصيته الملولة المتسلطة خلال علاقتهما غير المتكافئة بدءً من اختياره لها كموديل لأزيائه وانتهاءً بزواجها منه، ما يميز الفيلم هو الحوار في المقام الأول ثم خلوه من الحشو وسرعة الإيقاع

ترشح لست جوائز اوسكار
1- أفضل فيلم
2- أفضل ممثل رئيسي (Daniel Day-Lewis)
3- أفضل ممثلة رئيسية (Lesley Manville)
4- أفضل مخرج (Paul Thomas Anderson)
5- أفضل تصميم أزياء
6- أفضل موسيقى تصويرية

انتج الفيلم بميزانية ضخمة جداً 30 مليون دولار اعتقد أن إيراداته لم تغطها حتى الآن


____________
الفيلم جاذب وفيه حوار جميل وجدير بالمشاهدة

Three Billboards Outside Ebbing, Missouri
(اغتصبت وهي تموت) (ولا اعتقالات حتى الآن) (كيف حال الرئيس وليبي؟)
3 لافتات إعلانية تعلقها الأم اليائسة ميلدرد (فرانسيس ماكدورماند) تعليقاً على موقف شرطة البلدة وخصوصاً رئيس القسم من جريمة اغتصاب ومقتل ابنتها تثير بها حالة من الغضب في البلدة المتعاطفة مع شرطتها وفي أفراد الشرطة الذين يحاولون دفعها إلى انزال تلك اللافتات بشتى السبل المشروعة وغير المشروعة لكنها تتمسك بمعركتها وإصرارها على الاستمرار في حملتها الاعلامية على الشرطة حتى تستطيع القبض على قتلة ابنتها
تتوالى بعدها أحداث فيلم الجريمة والدراما بتسارع يحبس الأنفاس وسط أجواء من التشويق والإثارة بسيناريو متمكن ينقلك بين مختلف الأحساسيس ببراعة وسلاسة

فاز الفيلم بـ 82 جائزة من مجموع 181 جائزة ترشح لها
وحالياً مرشح لسبع جوائز اوسكار :
1- أفضل فيلم
2- أفضل ممثلة رئيسية (Frances McDormand)
3- أفضل ممثل مساعد (Sam Rockwell)
4- أفضل ممثل مساعد (Woody Harrelson)
5- أفضل موسيقى تصويرية
6- أفضل سيناريو أصلي (Martin McDonagh)
7- أفضل مونتاج

فاقت ايراداته 100 مليون مقابل تكلفة انتاج 15 مليون دولار



_____________________
الفيلم شديييييد شدة الحرامي السرق التلفزيون والناس بحضروا في المسلسل .. ما فيه ولا ربع كلمة

Dunkirk
فيلم الحروب التاريخي الدرامي ، يحكي قصة الساعات الأخيرة لانسحاب قوات الحلفاء بعد محاصرتهم من الألمان في دونكيرك أهم ما يميز هذا الفيلم هو الموسيقى التصويرية بالإضافة لصناعة السينما بشكل عام من اخراج ومؤثرات مرئية وصوتية
فاز بـ 38 من مجموع 182 جائزة اترشح ليها
حقق ايرادات 525 مليون مقابل ميزانية انتاج 100 مليون دولار

ترشح لثمان جوائز اوسكار
1- أفضل فيلم
2- أفضل مونتاج
3- أفضل موسيقى تصويرية
4- أفضل مونتاج أصوات
5- أفضل مخرج (Christopher Nolan)
6- أفضل تصوير سينمائي
7- أفضل خلط اصوات
8- أفضل تصميم انتاج

الفيلم مؤثر ويحكي عن احساس الجنود المنهزمين من عملية الانسحاب. بالنسبة لي فإن أكثر المشاهد تأثيراً وهم داخلين على بلادهم محبطين كان هنالك عجوز كفيف يوزع ليهم بطاطين .. بستقبلهم ببشاشة وهو يقول well done
احد ابطال الفيلم ملئ بالاحباط تأسر لكلمة احسنتم دي فقال له all we did is servive كل العملناهو إننا نجونا
العجوز رد ليه That's enough هذا يكفي


________
لما تحضر الفيلم حتستمتع بشغل سينما زي ما قال الكتاب لكن حتفقد أهم عنصر في التشويق وهو القصة !
أي زول بحضر الفيلم من المشاهد الأولى حيجي على باله Saving Private Ryan
نعم نفس الجو والظروف .. يتفوق دونكيرك في الانتاج والإيرادات بينما يحلق برايفيت رايان عالياً في سماء الحبكة و والسيناريو والإنسانية

Darkest Hour
فيلم الحروب والدراما والسيرة الذاتية التاريخي

بلغت ايراداته 131 مليون مقابل 30 مليون دولار كميزانية انتاج
فاز بـ 33 من مجموع 61 جائزة ترشح لها
مرشح حالياً لست جوائز اوسكار :
1- أفضل فيلم
2- أفضل ممثل رئيسي Gary Oldman
3- أفضل مكياج
4- أفضل تصوير سينمائي
5- أفضل تصميم أزياء
6- أفضل تصميم انتاج

تدور أحداث الفيلم حول نفس الفترة التي تناولها فيلم Dunkirk لكن هذه المرة تنتقل الكاميرا إلى أماكن اتخاذ القرار حين تم سحب الثقة من رئيس الوزراء الضعيف ليتم تعيين وينستون تشرشل بديلاً عنه في أصعب ظروف الحرب العالمية الثانية والقوت الألمانية تحاصر قوات الحلفاء والهزيمة تبدو واضحة لكامل مجلس الحرب عدا تشرشل العنيد الذي يقرر رفض مفاوضات السلام والاستمرار في الحرب حتى النهاية بحجة أن موقفهم الضعيف يجعلهم كمن يفاوض النمر بينما رأسه داخل فم النمر.
القرار الأكثر صعوبة كان التضحية بالقوات الموجودة على ميناء كاليه لجذب انتباه الألمان بينما يقومون بإخلاء القوات الأكثر عدداً في دونكيرك ثم بعد ذلك قرار رفض الاستسلام واتفاقية السلام واعلان الحرب.

من اللقطات اللذيذة تشرشل قاعد في حوض المرحاض والمساعدين بي برة راجينو يطلع قالوا ليه محتاجين اجابتك على وزير الختم الملكي
رد ليهم من جوة الحمام كلموهو إني مختوم جوة الحمام And I can only deal with one shiit at a time



__________________
الفيلم وطني، ملهم، ملئ بالعواطف، يقتحم دهاليز اتخاذ القرار في الإدارات السياسية، يناقش كاريزما تشرشل بطريقة ماهرة جداً
أعجبني جداً أداء الجميلة Lily James في دور الكاتبة

The Post

فيلم الدراما والإثارة التاريخي
تجد الناشرة كاثرين جراهام (ميريل استريب) نفسها في مواجهة بين الصداقة والمهنية عند محاولة اتخاذ قرارها بشأن الوثائق التي تحصل عليها فريق واشنطن بوست الصحفي بقيادة بن برادلي (توم هانكز) بعد إيقاف صحيفة نيويورك تايمز عن نشر ذات الموضوع بأمر قضائي بعد تدخل الرئاسة التي ترى في تلك الوثائق المسربة من وزارة الدفاع مهدد أمني للولايات المتحدة.
لكن الصحافة ترى أن فضح الرؤساء والمسئولين عن خداع الجماهير حول حرب فيتنام مهمة وطنية لا يجب النكوص عن أداءها، لتدور في الفيلم مجموعة من الصراعات والحوارات بين الصحفيين والناشرة ومجلس الإدارة تصل في مرحلة لاحقة للقضاء.

بلغت ايرادات الفيلم 135 مليون مقابل 50 مليون دولار ميزانية انتاج
حاز الفيلم على 14 جائزة من مجموع 91 جائزة ترشح لها
مرشح لجائزتين اوسكار هما :
1- جائزة أفضل فيلم
2- جائزة أفضل ممثلة رئيسية (Meryl Streep)


____________
فيلم فيه توم هانكز وميريل استريب دة تحضرو بدون أي نقاش .. الفيلم جميل ومثير
سعدت فيه بأداء الفنان Bob Odenkirk الذي أعجبني في دور المحامي سول في مسلسل Breaking Bad

The Shape of Water
رمانة الأوسكار لهذا العام
فيلم الدراما والإثارة والفانتازيا والرومانسية والمغامرات
تعمل الفتاة الخرساء اليسا كعاملة نظافة في مختبر حكومي حين يأتي جنرالات الجيش بكائن مائي له هيئة إنسان. تبدأ علاقتها معه بالشفقة والإعجاب قبل أن يتحول إلى حب جارف تتحمل من أجله الصعاب للمحافظة على حياة ذلك الكائن.
الفيلم مؤثر للغاية وغارق في المشاعر الإنسانية والرومانسة.
للفيلم إيقاع سريع يشد المشاهد طوال زمنه
جودة صناعة سينما أهلته للترشح في 13 جائزة اوسكار:
1- أفضل فيلم
2- أفضل اخراج (Guillermo del Toro)
3- أفضل ممثلة رئيسية (Sally Hawkins)
4- أفضل ممثل مساعد (Richard Jenkins)
5- أفضل ممثلة مساعدة (Octavia Spencer)
6- أفضل موسيقى تصويرية
7- أفضل نص سينمائي أصلي
8- أفضل تصوير سينمائي
9- أفضل تصميم أزياء
10- أفضل مونتاج أصوات
11- أفضل خلط أصوات
12- أفضل مونتاج
13- أفضل تصميم انتاج

فاز الفيلم بـ 87 من مجموع 255 جائزة ترشح لها
حقق الفيلم ايرادات 91 مليون مقابل 19 مليون دولار ميزانية انتاج


______________
أروع فيلم أشاهده خلال الثمانية سنين الأخيرة

اوسكار انت دا
لكن ذوقك تعبان النصيحة لله :)

Quote: أروع فيلم أشاهده خلال الثمانية سنين الأخيرة

ومرشحه للاوسكار كمان

جائزة أفضل ممثل في دور رئيسي

يأتي على رأس المرشحين لجائزة أفضل ممثل رئيسي المعلم دينزل واشنطن (64 عام) بكل ألقه وتاريخه
فاز بـ 83 جائزة من مجموع 163 جائزة ترشح لها
حاز على جائزتي اوسكار : أفضل ممثل مساعد بفيلم Glory (1989) وأفضل ممثل رئيسي بفيلم Training Day (2001) كما ترشح لأربع جوائز اوسكار أخرى وخامستهم هذا العام كممثل رئيسي عن فيلمه Roman J. Israel, Esq. (2017). ويؤدي فيه دور محامي دفاع (في الحقيقة هو الشخص البجهز الدفاع للمحامي .. ما عارف اسمه شنو). مثالي ومضطرب في سلوكه يجد نفسه في مواجهة المجتمع لأول مرة بعد إغلاق المكتب الذي يعمل به بسبب مرض صاحب المكتب ورفيق دربه.



طبعاً لا مجال للحديث عن براعة واشنطن في أداء الشخصية! إنه دينزل واشنطن وكفى

Daniel Day-Lewis
من مواليد 1957
لست أدري لماذا لم أضعه على رأس القائمة أعلى دينزل واشنطن رغم تفوقه عليه حين تنازلا سوياً في اوسكار 2013 .. (اتخيل لي عنصرية مني ساي)
حائز على 3 جوائز اوسكار كممثل رئيسي على افلامه Lincoln (2012) و There Will Be Blood (2007) و My Left Foot: The Story of Christy Brown (1989) كما ترشح لها مرتين غير قبل هذا العام.
ويأتي ترشيحه هذا العام عن فيلمه Phantom Thread بدور مصمم الأزياء الملول المتقيد بروتين محدد حين يقع في غرام نادلة تملك عليه حياته رغم تبرمه من التغيير الجديد.

Gary Oldman
(60 عام) حصد أغلبية جوائز هذا العام عن فيلمه Darkest Hour (2017) مثل Golden Globes و BAFTA و AACTA و AARP وغيرها
حاز على 54 جائزة من مجموع 74 جائزة ترشح لها
يمثل هذا الترشيح الثاني له في أوسكار ويبدو الأوفر حظاً لنيل الجائزة بعد إجادته في أداء شخصية وينستون تشرشل في Darkest Hour (2017)

من مواليد 1989 حائز على 8 من مجموع 44 جائزة ترشح لها وتعتبر هذه المرة الأولى التي يقتحم فيها قائمة ترشيحات الاوسكار عن دوره في فيلم Get Out (2017) والذي أدى فيه دور عشيق فتاة بيضاء متخصصة في اصطياد السود.

Timothée Chalamet

من مواليد 1995 حصد 25 من مجموع 44 جائزة ترشح لها أغلبها عن دوره في Call Me by Your Name (2017)
ويبدو أن هذا عام سعده حيث شارك في 3 أفلام برزت في المهرجانات وحصدت الجوائز من بينها Lady Bird (2017) و Call Me by Your Name (2017) المرشحان لأوسكار افضل فيلم

كيفك يا أحمد

في فيلم اليومين دي عامل ضجة ومحطم الإيرادات في امريكا اسمو
Black Panther
بطولة شادويك بوسيمان ونوبيتا لوينجو

نتمنى الأوسكار الرابع لحبيبنا ميري ستريب لتتربع مع منو ديك في عرش الاوسكارات وتتفوق عليها في عدد الترشيحات

أحمد عمر ما كنت قايلك مثقف قدر دا!!!
كنت قائلك رجرجة زي ناس عبد العظيم مكي

Get Out
فيلم جميل فيه كثير من الاثارة والتشويق ..
لكن حسيت كانهم فيلمين جوه فيلم واحد ..
ماعارف ليه ؟ ..
ربما لان الاحداث كان فيها كثير من التسارع ..
اللي كان من الممكن أفضل مما هو كائن ..
فلو كانت قنطرة الانتقال لجزئية اكتشافه ..
كونه طريده يحيق بها خطر فقدها لحياتها اكثر سلاسة ..
لكن عموما فيلم جميل تابعته وشدني جدا ..

جائزة الممثلات في دور رئيسي

على رأس المرشحات لجائزة أفضل ممثلة : المرأة الأوسكار

Meryl Streep
(69 سنة) أحدى أيقونات السينما الأمريكية ، حائزة على 170 جائزة من بين 355 جائزة ترشحت لها ، وتحلق بعيداً على رأس القائمة الأوسكارية بـ 21 ترشيحاً مقابل 12 ترشيح لأقرب منافسيها ، كما حازت الجائزة 3 مرات، مرة كممثلة مساعدة في Kramer vs. Kramer (1979) ومرتين كمثلة رئيسية في The Iron Lady (2011) و Sophie's Choice (1982) وتترشح هذا العام عن دورها في فيلم The Post (2017) كناشرة لصحيفة واشنطن بوست تواجه بقرار مفصلي حول نشر مستندات في غاية الخطورة قد تؤثر على استمرارية الصحيفة وعلى حياتها بالكامل.

Margot Robbie
28 عام ، حائزة على 15 من مجموع 111 جائزة ترشحت لها
مرشحة هذا العام لأداءها الجبار في فيلم I, Tonya مع Allison Janney كممثلة مساعدة في دور أمها
يحكي الفيلم السيرة الذاتية لنجمة التزلج تانيا وحياتها الرياضية والعائلية المعقدة التي جعلتها على على نشرات الأخبار قبل 20 عام ، وكان على مارغوت روبي أداء أدوار متنوعة كوميدية وحزائنية وفرائحية تطلبها الدور
جدير بالذكر أن الفيلم مرشح لجائزة أفضل مونتاج ويستحقها بكل جدارة لدمجه التمثيل مع اللقاءات الحقيقة مع الأبطال الحقيقيين في حياة تانيا

Saoirse Ronan
(24 عام) حائزة على 53 جائزة من مجموع 136 ترشحت لها أبرزها جائزة Golden Globes هذا العام لأفضل أداء كممثلة رئيسية في فيلم موسيقي كوميدي عن فيلمها المرشحة فيه للاوسكار حالياً Lady Bird (2017) ، ويعتبر هذا الترشيح الثالث لها بالاوسكار

Sally Hawkins

42 عام ، فازت بـ 46 من مجموع 85 جائزة ترشحت لها. ويعتبر هذا الترشيح الثاني لها على الاوسكار
مرشحة هذا العام عن فيلمها الرائع The Shape of Water (2017) تمثل فيه شخصية عاملة تنظيف خرساء تقع في حب كائن مائي. استطاعت أن تؤدي الدور ببراعة تجعلني أتمناها على منصة الاوسكار هذا العام

Frances McDormand
61 عام ، حائزة على 77 من مجموع 87 جائزة ترشحت لها ، أبرزها فوزها بـ Golden Globes هذا العام كأفضل ممثلة رئيسية في فيلم درامي، كما فازت من قبل بأوسكار أفضل ممثلة في دور رئيسي عن فيلمها Fargo (1996). وتترشح هذه المرة عن فيلمها Three Billboards Outside Ebbing, Missouri في دور المرأة المكلومة بمقتل ابنتها بعد اغتصابها والتي تبتكر وسيلة فريدة للتعبير عن يأسها من دور الشرطة في القبض على الجناة بتعليق 3 لوحات اعلانية تدين فيها تقصير الشرطة.
وتعتبر المرشح الأبرز بعد فوزها على ميريل استريب وسالي هاوكنز هذا العام على غولدن غلوب.

كيفك حمد

Quote: في فيلم اليومين دي عامل ضجة ومحطم الإيرادات في امريكا اسمو Black Panther بطولة شادويك بوسيمان ونوبيتا لوينجو

بب كدة احتل المرتبة 15 في قائمة أعلى الإيرادات عبر التاريخ
حقيقة فيلم جميل شديد ويستحق المرتبة الوصل ليها
أكتر حاجة كيفتني لما اتنازله بطل الفيلم وود عمه باعتباره الخائن .. كنت حأتضايق جداً لو واصلو في نمطية البطل الذي لا يقهر لكن لما صاحبك انجلد اتكيفت كيف اتذكرت jet li زمنه الصبي في Lethal Weapon 4 لمن جلد ميل جيبسون وداني غلوفر .. وحاة الله هبتهم جنس هبت
أكتر حاجة كيفتني في الفيلم آخر كلمة فيه .. أنا طبعاً بتكيف للأفلام ذات النهايات المفتوحة أو غير المتوقعة .. عاشوا حياتهم كلها مؤمنين بحصر تقنياتهم على بلدهم وفي آخر لقطة لما الشافع سألو انتو منو؟ قال ليه نحن الـ outsiders

هلا بالمستنير

Quote: نتمنى الأوسكار الرابع لحبيبنا ميري ستريب لتتربع مع منو ديك في عرش الاوسكارات وتتفوق عليها في عدد الترشيحات

ميريل دي لا يمكن الوصول إليها حالياً .. كان شالت الاوسكار ولا كان خلتو .. وصلت مراحل بعيدة شديد ياخ
فرق الترشيحات بينها وكاثرين شاسع شديد .. لكن حتى لو فازت ميريل استريب هذه المرة تترجح كفة كاثرين كونها فازت مراتها الأربعة عن أدوار رئيسية بينما ميريل استريب عندها فوز عن دور ثانوي
وبيني وبينك أنا السنة دي عاوز تفوز سالي هاوكنز كية كدة في محمد البشرى

Quote: أحمد عمر ما كنت قايلك مثقف قدر دا!!! كنت قائلك رجرجة زي ناس عبد العظيم مكي

وحاتك مافي ولا حبة ثقافة :)
ياها بس ونسة الشماشة البحكوا لبعض الفيلم وهم طالعين من السينما وحاضرينو سوا بالإضافة لمتابعة موقع imdb

_______
إن كان لي من كرامة في هذا البوست فهي تصميم البوستر الفي المداخلة الأولى .. ما قصدي جمال التصميم أنا ما محترف فوتوشوب .. لكن قصدي من ناحية انفوجرافيك كوني قدرت ألم كل الترشيحات دي في المساحة الصغيرة للصورة

Quote: اللي كان من الممكن أفضل مما هو كائن ..

دة بالضبط اللي جاء في بالي يا جمال
الفيلم ما بايخ لكن تحس بإنه ناقص حاجة

وبالمناسبة يا حمد
فيلم Black Panther فيه Daniel Kaluuya المرشح لاوسكار أفضل ممثل عن فيلم get out

وحاة الله مزنوق زنقة كلب في طاحونة لكن عندي زووط حارقاني عاوز اختها واجي راجع للبوست بالمساء أو بكرة

Quote: The Shape of Water أروع فيلم أشاهده خلال الثمانية سنين الأخيرة Quote: لكن ذوقك تعبان النصيحة لله :)

زوووووووووووووووط

هههههههه عرفتك
من قبيل ادعوا الله يشغلك بالكنزي كمان وكمان
لكن اقول ليك حاجة
كلّكم ذوقكم تعبان! بي عمّك أوسكار هيمسلف :)

يا احمد ...
بي صراحة ...
اجمل حاجة في الأوسكار الليلة فستان نيكول كدمان ده ...😌

سلام أبو حميد

شاهدت للعام 2017 وجزء من العام 2018 مجموعة كبيرة من الأفلام
شد ما أعجبني هو دور دينزل في فلمه رومان جي اسرئيل المحامي
تقمص دور الشخصية ببراعة تفوق الوصف
بالاضافة للفلم الثاني (Get Out) الولد دا برغم من تجربته الصغيرة
لكن أدى دور كبير جدا

مشكور على التغطية يا حبيب

سلامات أبو حميد



Best Costume Design:
Phantom Thread

Best Makeup and Hairstyling:
Darkest Hour

Best Supporting Actor:
Sam Rockwell

Best Sound Editing:
Dunkirk

Best Sound Mixing:
Dunkirk

Best Production Design:
The Shape Of Water

Best Supporting Actress:
Allison Janney

Best Visual Affects:
Blade Runner 2049

Best Film Editing:
Dunkirk

Best Adapted Screenplay:
Call Me By Your Name

Best Original Screenplay:
Get Out

Best Cinematography:
Blade Runner 2049

Best Original Score:
The Shape Of Water

Best Original Song:
Remember Me (Coco)

Best Animated Film:
Coco

Best Director:
Guillermo del Toro's

Best Actor:
Gary Oldman

Best Actress:
Frances McDormand

And Finally
Best Picture:
The Shape Of Water

Quote: كلّكم ذوقكم تعبان! بي عمّك أوسكار هيمسلف :)

سلام أحمد والله أنا رأيي من رأي ود البشرى الأوسكار دي بقوا بدوها ساي كده
في افلام ممتازة لكن ما للدرجة الخطيرة ديك ما عارف زوقنا بقى تعبان ولا السوق
بقى واقف ولا الحاصل شنو :)

أفلام زي the shawshank redemption
و forrest gump
و brave heart
titanic
beautiful mind
gldiator
تاخد اوسكار زيها وزي moon light و lala land و
the shape of water !!؟؟

Quote: أروع فيلم أشاهده خلال الثمانية سنين الأخيرة

غايتو بعد ماعزلت (حسب تقييمك) وعملت داونلوود للافلام الوصيت بيها
لقيت التعليق ده واحتسبت القيقات النزلتا بيها

الفلم ده نمت خلاله 3 مرات
وهو ابيّض ما حضرت من افلام مؤخرا

غايتو العالم دي ذوقها ما اوسكاري كلو كلو
سمح وقت اصلك شميتني يا ناصر النبي فيك كان تجرب call me by your name

Quote: شاهدت للعام 2017 وجزء من العام 2018 مجموعة كبيرة من الأفلام شد ما أعجبني هو دور دينزل في فلمه رومان جي اسرئيل المحامي تقمص دور الشخصية ببراعة تفوق الوصف بالاضافة للفلم الثاني (Get Out) الولد دا برغم من تجربته الصغيرة لكن أدى دور كبير جدا

دينزل عملاق يا عمر حتى لو وقف ساي بدون ما يقول كلمة
لكن بصراحة غاري اولدمان قطعها للكبار والقدرو
لاحظت في السنين الأخيرة بقت في فرص للشباب اكتر دانيال كالويا وتيموثي كالاميت رغم إنهم صغار جداً في السن لكن ترشحوا كتفاً بكتف مع عمالقة الاوسكار

هسة عليك الله جنس الجنا الباطل تيموثي دة عادي ممكن يقعد مع اصحابه ويقول ليهم أنا وزميلتي ميريل استريب لمن كنا قاعدين سوا في حفل الاوسكار حصل وحصل .....

دانيال كالويا عندو مستقبل باهر .. مع حجمه المانع دة أتوقع يتجه للآكشن

فستان نيكول مصممه مجنون يا قبة
فكرة غريبة خلاص
لكن برضو الشماعة ليها دور

شكراً ناصر على إضافة الفائزين
لكن شنو يا عمك انت معلم افلام تعال دافع معاي شوية عن shape of water

أمس صاحبي ممعوط زي الجماعة الفوق ديل لخص الموضوع بعبارة : فيلم عن واحدة عريانة حاضنة سمكة شال الاوسكار

عارف يا عثمان الإمام .. في الكورة في حاجة اسمها اللاعب التكتيكي أو لاعب المدربين
دة زول بقلع الكورة ويباصيها .. الجماهير ما بتدوروه عشان ما بمتعها لكن مافي مدرب بستغنى عنه لأنه بنفذ ليه الخطة زي ما قال
الاوسكار فيها أفلام تكتيكية
هسة زي Dunkirk خم ليه ربطة جوائز لو قلت ليك أحكي لي عنه مافي حكاية تحكيها .. والله صحي !

الأفلام البتترشح للاوسكار بتترشح بمعايير أكاديمية ما حسب متعة المشاهد أو البوكس اوفيس
فوز الفيلم بالاوسكار ما بيعني إنه الأفضل خلال ذلك العام
أمسك فيلمك الختيتو أول واحد والمصنف أعظم فيلم في التاريخ the shawshank redemption فاز بي كم اوسكار ؟ ولا واحدة .. طلع من الاوسكار ميطي
fight club كل الاترشح ليه مؤثرات صوتية وما شالها ذاتو .. الفيلم الأيقونة The Good, the Bad and the Ugly (1966) حظه شنو من الجوائز ؟ غير الـ OFTA ما عندو التكتح

Quote: فيلم عن واحدة عريانة حاضنة سمكة شال الاوسكار

يا عمك
بعد التعري ده ذاتو نمتا تصدق

الخلف بتاعا الفي افتتاح الفلم ذاتو مفلطح وممطوط


انا كايس الفلم ده انتاج 2018

Life of the Party 2018

لقيتو لكن جودة منخفضة

Quote: لقيتو لكن جودة منخفضة

أوعى من الماسورة
الفيلم دة ما نزل السينما ذاتو
تاريخ اطلاقه 11 مايو

والله يا أبوحميد الواحد يشك إنو الاوسكار ده وراهو لوبيات كبيرة زيو
وزي حاجات كتيرة في الإعلام !
زي الأفلام البتدعم المثليين وزي الجوائز المتحيزة ضد البلاك !!

يعني هسة دينزل واشنطون يفوز بي اوسكار واحدة وحتى الفيلم الفاز فيهو
ماكان على قدر البقية ولا ويل سميث يطلع ملوص ساي من فيلم زي the pursuit of happyness !!
ويفوز الفيلم بتاع الحاضنة السمكة :) هههههه

خلي لينا البوست ده يستمر كمرجع عن الأوسكار عموما والافلام مش السنة دي بس.

هههههههههههههههههههههه والله رسلته لي بكري يرجع لي باس وررد عشان اضحك على التعليق ده
((فيلم عن واحدة عريانة حاضنة سمكة شال الاوسكار))
عريانة وحاضنة سمكة وكمان بتعمل حاجات تانية حامياني
الاوسكار السنة دي فعلا مستوى منخفض من الافلام
عندي سوال بس عن الفيلم الفائز ده:
الراجل كان بيعذب السكمة ليه ؟ كان عايزه تتكلم وللا شنو؟

سلام أحمد عمر

ميريل دي بعد ما شفت ليها فيلم (The Devil Wears Prada) لو لاقيتها الأسبوع
داك كنت فرمت رقبتها ههههه
من شدة إجادة دور المديرة المتعجرفة،
والله كرهتها كره
تستاهل الأوسكار.


الفيلم بتاعها (The Post) ما بيختلف كتير في القصة عن (The Insider)
راسل كرو وآل باتشينو

نفس القضية، نشر وثائق سرية ومواجهة مؤسسة متسلطة.

سلامات حاتم

Quote: الفيلم بتاعها (The Post) ما بيختلف كتير في القصة عن (The Insider)راسل كرو وآل باتشينو نفس القضية، نشر وثائق سرية ومواجهة مؤسسة متسلطة.

بصراحة the post فيلم جميل مافي كلام لكن the insider فلتة بطقطق the post ستة صفر
يمكن زعلني المخرج في حاجتين الأولى كلفت لينا موقف زوجة راسل كرو .. ما أداها دور ربة منزل عادية كلو كلو .. يعني ما ممكن واحد يقول لي مرتو أنا فصلوني من الشغل وتقول ليه طيب ونحن نعمل شنو؟ دايماً الزوجة بتحاول تواسي زوجها وتديهو احساس إنه أحسن زول وإنها معاهو في الحلوة والمرة مش زي زولته الطلبت الطلاق وهو ماشي على بث تلفزيوني
الحاجة التانية رغم الزمن الطويل بتاع الفيلم لكن حسيت بي إنه المخرج ما ركز شديد على الدوافع بتاعة راسل كرو لنشر الوثائق .. يعني أداني احساس كمشاهد إنه لو ما فصلوهو من الشغل ما كان حيفضح الوثائق .. في تلميح بتاع انتقام كدة

الفيلم مرتبط عندي بي كوت كنت بستخدمه كتير بعد التخرج لما فجأة كدة لقينا روحنا مسئولين عن أسر والوظائف بالواسطة وتتجارى من شغل لي شغل طول اليوم عشان تقدر تلقى الكفاف البتعيش بيه .. المهم وسط الضغوط الشديدة ديك في مقتبل العمر كنت طوالي بتذكر كلمة آل باتشينو لما زوجة راسل كرو اتفاجأت بموضوع البث في الكافتريا معاهو هو ومقدم البرنامج وجرت على الحمام وراسل كرو اتلخبط وبقى يتكلم برة من راسه
المذيع سأل ال باتشينو بي سخرية كدة الناس ديل شنو ؟
ال باتشينو رد ليه
Ordinary people under extraordinary pressure.
What the hell do you expect؟
Grace and consistency؟

ههههههههههه دقايق نسيت أعلق على الحتة دي

Quote: ميريل دي بعد ما شفت ليها فيلم (The Devil Wears Prada) لو لاقيتها الأسبوع داك كنت فرمت رقبتها ههههه من شدة إجادة دور المديرة المتعجرفة، والله كرهتها كره

ياخي أنا في تلت الساعة الأولى من الفيلم كنت استقلت من شركتها 6 مرات

ميريل دي بعد ما شفت ليها فيلم (The Devil Wears Prada) لو لاقيتها الأسبوع داك كنت فرمت رقبتها ههههه من شدة إجادة دور المديرة المتعجرفة، والله كرهتها كره تستاهل الأوسكار.
تحياتي أحمد عمر وشكرا على الإمتاع..
وعن ميريل
بس حاتم إبراهيم سبقني عليها .. دا ولله التعليق الكنت ناوي أكتبه عنها..
غايتو في الفيلم داك كانت بحق بتخلي الناس تكرها.. بس البركة في Anne Hathaway خلتنا بسماحتها العجيبة ديك نستمتع بالفيلم..
.. شكرا أحمد عمر .. وحاتم وضيوفكم . وما شاء الله على فهمكم في السينما..

وحاة الله يا الامين عبد الرحمن عمتك عذبت الدور عذاب
آخر لقطة لما آن ابتسمت وأشرت ليها ليها من بعيد ولااااا اشتغلت بيها درعت نظارتها وركبت العربية
أي نعم أدتها ربع بسمة كدة جوة العربية لكن رجعت لتنمرها في نص ثانية وهرشت السواق قالت ليه يلا اتحرك

احمد محمد عمر
هذه اللقطة من فلم air force one الذي مثل فيه غاري المان مع هاريسون فورد وهي من اللقطات التي أبدع فيها غاري المان ...الحاصل على الأوسكار..وأشاد به هاريسون فورد ...
وكنت متمنية الزرة دي في الحقيقة لطرمبة ....هههههههههه
مع وافر التقدير

هههههههههه يا امتثال دي زرات افلام ساي
ترامب دة حدو يدفع لمصارعين الـ wwe عشان يعملوا فيها انضربوا منه بي حيله الميتان دة

لكن بصراحة هاريسون فورد جضم دور عجيب في الفيلم العجيب رغم إنه فكرة اختطاف الرئيس الأمريكي اتناولوها بكثافة شديدة في الافلام

مرحبتين صلاح ليون

Quote: الراجل كان بيعذب السكمة ليه ؟ كان عايزه تتكلم وللا شنو؟

هي عملت الحاجة الكعبة ديك بغلبها تتكلم !
طبعاً أكتر لقطة ضحكتني لما صاحبتها قعدت تقول ليها أوعى تقولي لييييي ..... وديك تأشر ليها بالإيجاب قالت ليها هو عندوووووو ....... ؟ قامت أشرت ليها كيف بنفتح الباب ويطلعو الجماعة قامت ضحكت وقالت ليها :
Never trust a man even if he looks flat down there

هل كانت الجوائز عادلة ؟

بالنسبة لي قمة في العدالة والمهنية
صدقت أغلب ترشيحاتي
توقعت داخل هذا البوست فوز shape of water بجائزة أفضل فيلم و غاري اولدمان بجائزة أفضل ممثل و Frances McDormand بجائزة أفضل ممثلة
كما توقعت فوز Allison Janney بجائزة أفضل ممثلة مساعدة لكني لم أكتبها في البوست وكنت مؤجلها لحدي ما اكتب قائمة ترشيحاتي الكاملة
جائزة أفضل ممثل مساعد هي الأخرتني من كتابة القائمة الكاملة لأنه الزمن ما اسعفني بحضور فيلم All the Money in the World حتى هذه اللحظة عشان اقدر احسم موضوع أحسن ممثل مساعد .. بس موافق تماماً على سام راكويل وشايفها جائزة عادلة
جائزة تصميم الأزياء شئ طبيعي مشت لفيلم مصمم الأزياء ولو مشت لغيره تكون مبالغة
جائزة أفضل اخراج طبعاً لفيلمي المعلم shape of water بكل تأكيد .. حتمشي لمنو يعني !
جائزة المكياج كما توقعت بس للأسف ما كتبت هنا مشت لمكياج وينستون تشرشل في darkest hour
الجائزة الخذلتني هي المونتاج .. مشت لـ dunkirk ما بقدر أقول ما عادلة لأنه الفيلم من ناحية صناعة سينما بجيب الدرجة الكاملة .. بس كمان فيلم تانيا كان في مونتاج متعوب عليه
برضو اتوقعت فوز dunkirk بالموسيقى التصويرية لكن فاز shape of water وما حسيت بالموضوع ظلم زي المونتاج وموسيقى shape of water جبارة وبتستاهل بس موسيقى dunkirk بتقطع قلبك .. لكن عوضوهو في جائزة دمج الأصوات وكدة ما مرق بعيد من ترشيحي
تصميم الانتاج طبعاً shape of water وبي كدة يبقى بالصلاة ع النبي رمانة الاوسكار زي ما قلت ولحس 4 جوائز اوسكار

هل كانت الجوائز عادلة ؟
نعم مع بعض التحفظ علي جائزة أفضل فيلم
لكن المستوى العام لكل الأفلام لي سنة 2017 هزيل جدا
بس عجبني لي انقري بيرد .. مرق من المولد بدون حمص.. لانو فيلم عادي جدا ورتيب جدا زي ما قلت
مبالغة مقولتك في بداية البوست إنو فيلم شكل الماء أروع الأفلام الانت شفتها في ال8 سنين الاخيرة
بما انو رايك الشخصي ما بقدر اقول حاجة.. غير انك ما بتشوف افلام كتير

Never trust a man even if he looks flat down there
هههههه هو وينو الراجل

Quote: غير انك ما بتشوف افلام كتير

كاااااااااكـ ..
يا احمد بطّل الغلاط اتنين كان قالوا ليك راسك مافي اتبّنو!
اسّي ديل كم واحد هنا شنّفوا ليك فيلمك بالإضافة لصاحبك بتاع التعليق الاوسكار بالجد جد مش اوسكاركم المعولق دا

هو موش كم واحد
أنا أساساً ما لقيت لي ولاااااااا صليح في موضوع فيلمي دة
غيري أنا ولجنة الاوسكار مافي زول شكرو بتاتاً لا جوة المنبر لا براهو

يا صلاح ليون ما بحضر كتير شنو ياخ ؟ :) هو أنا بلا حضور الافلام عندي شنو
بديت أتابع الاوسكار من 10 سنين .. بالضبط كدة بعد صدمتي في فيلم no country for old men
أداني ليه صاحبي مع مجموعة افلام أيام الترشيحات وقال لي دة الفيلم الأوسكاري
وحاة الله كملتو بالرجالة وبعديها نبشت صاحبي دة نبيشة شديدة قلت ليه بس كدي وريني السمح في الفيلم دة شنو ؟
قال لي انا ما قلت ليك اسمح فيلم قلت ليك دة الفيلم الاوسكاري
واتفاجأت بي إنه شال 4 اوسكارات
حتى بعد ما اتغيرت وجهات نظري في حاجات كتيرة في صناعة السينما ما قدرت أتصالح مع الفيلم داك كلو كلو ولا حاولت أعيد مشاهدته تاني حتى عشان اشوف أنا كنت شاميهو مالي

shape of water بالنسبة لي أنا فيلم مؤثر جداً وأهم حاجة إنه خلاني في حالة تفكير بعد الفيلم لفترة طويلة .. أنا جني وجن الفيلم البنساهو بعد موسيقى النهاية
عجبتني فكرة إنها استكملت نقصها بحاجة ما مفهومة لأي شخص عداها .. حتى الرباها قدر يفهم بصعوبة إنه البجمعها مع الكائن دة عدم القدرة على الكلام
ناقش عجز البطلة وحرمانها بصورة جميلة شديد وعوضها عن حرمانها بحب مستحيل..
أداء Octavia Spencer كان خرافي وأنا أساساً علقت فيها بعد فيلم Hidden Figures
التسلسل بتاع الأحداث كان جميل شديد والمخرج بوصل للحقائق بسلاسة وسهولة واحترافية عالية زي موضوع الكشف عن مثلية والدها المربي مثلاً بسوقك ليه بهدااااوة بدءً من اصراره على شراء الكيكة الهي ما بتحبها وهو ذاتو ما بريدها إلا بس بدور يحاحي بتاع الكافتريا ساي
المفهوم البتطلع ليه بعد نهاية الفيلم إنه الحب حاجة شخصية حقتك براك ما مهم الناس تفهمك ولا مهم منطق الأشياء .. وأعتقد دي معضلة كل اصحابي الانتقدوهو .. مصرين يفكروا في الفيلم بي منطق الدراما والحياة الواقعية بينما هو فانتازيا

سلام ابو حميد

ذوقك طلع امريكاني خاااالص
حضرت الفيلم و نيَتي اقيف معاك بس للاسف ما قدرت
الظاهر نوع الافلام دي البتفوز بالجوائز , زي فيلم E.T
إخراج ستيفن سبيلبرغ , يحكي الفيلم قصة صبي
يصادق مخلوق فضائي ودود ضل سبيله إلى كوكب الأرض يحاول مساعدته للعودة
إلى كوكبه الأم بدون أن تعرف أمه والحكومة بأمره.
حقق الفيلم نجاحا و أعلى الايرادات لمدة عشر سنوات.

انتو بتلقوا وكت تشوفو تالسينما دي من وين؟.
آخر فلم شاهدته هو تايتانيك في سينما النجوم بمسقط 1998.
وكنت قبله قد شاهدت "Saturday night fever" في اول التمانينات.


حقو يجيبوني في لجنة تحكيم الاوسكار

Quote: زي فيلم E.T

يا ناصر دا فبم طلع سنة 82 الوقت داك الريسيفر ماكان في!
شي طبيعي شوية وهمة و فضاء و بتاع يخم بيها الناس
خليه يجي اسي في زمن التابلت و السمارت فون شوف أكان جاب حقه ساي

طيب رايكم شنو في Arrival 2016 ؟

عوووووع بيض لامن بيض
الميزة الوحيدة جابو السودان و الجماعة اول ناس بدوا الفليق :)

بس دي العوجة هنا
معناها النوع دة من الأفلام ما بنفع معاك

لكن عليك الله الأمريكان ديل ما عرفو لينا!
بتتكشف عندنا امتحانات الشهادة والنمل بياكل سكرنا وكالة فضاء وعلماء شنو كمان!
نفلق ليك الفضائيين ديل زي الما حاصل حاجة .. كل زول بقدرته

Quote: انتو بتلقوا وكت تشوفو السينما دي من وين؟

أنا غايتو مديها الوقت الصارفينو الجماعة في الدوريات الأوربية :)
ما عندي ليها أي حاجة

يا ناصر E.T فيلم حلو مافي شك
بس نوع الأفلام المشوقة البتنتهي بموسيقى النهاية
يمكن لأنه بتاع أطفال ومغامرات

لكن فيلمي دي براهو ياخ
E.T عن المخلوق الفضائي .. لكن shape of water ما عن السمكة .. عن البت الحاضنة السمكة
دة فيلم بناقش الحب واحتياجات البت الخرساء الكملها ليها الكاتب بالفانتازيا
عن واحدة لقت روحها غريبة في العالم الطبيعي وطبيعية في العالم الغريب

انا بحب الخيال العلمي و الآكشن - طبعا :) - و الافلام التاريخية و الملحمية و البوليسية, بتكّسر في افلام المخابرات و المؤامرات - وتظل ثلاثية ماتركس هي الأول عندي ثم تليها سيد الخواتم طوالي
لا اطيق الرومانسي و الكوميدي تماما, الدرامي يعني حسب السبكة و الممثلين - في مجموعة كدا ولا بتفاهم كان قدّمت ستاند اب شو بحضره منهم آل باتشيني و دي نيرو وكيفن كوستنر و كيفن بايسي و المعلّم بتاع 300, الجكس ما عندي بيهن شغلة كتيرة أللهم جوليا روبرتس (ولأسباب خاصة ههه)
لكن يهمّني التجويد و الاهتمام بالتفاصيل, النهايات المفتوحة و الاخطاء المنطقية بتزهّجني و تندّمني على الوقت الضيّعته!

وحكينا القصّة دي ليه! عشان اقول ليك زي أفلام آرايفل و إي تي وفلمك بتاع السمكة ومش عارف ايه رغم انها خيال علمي لكن خلطة الرومانسية و الانسانية زهّجتني فيهن
في فلم ضيّع من عمري 45 دقيقة اظنو بنفع معاك اسمه I Kill Giants
و بمناسبة موضوع تقنية الامتحانات و كشفها شايفك متألّق :) هاك دا bad genius صدّق انه دا فلم تايلاني! لكن بنفع معاك

لااااااااكن هو ما فيلم
you made my day
أول مرة أحضر فيلم تايلندي لكن خطييييييير لمن بي هناك

صدق وراني ليه حتوت! قال كلموا بيه اصحابو في المدرسة شكلهم عجبتهم الفكرة اولاد الذين 😁