مهندسة سودانية تشيد مترو الانفاق الكندي

05:45 AM February, 18 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

http://www.up-00.com/


حققت المهندسة المعمارية السودانية منى أحمد محمد أحمد سعد إنجازا يضاف لرصيد السودانيين في الخارج بعد اشرافها على تنفيذ مشروع تشييد مترو الانفاق الكندي الذي يشكل ست محطات مترو والانفاق الرابطة بينها ويصل بين مدينتي تورنتو ويورك الكنديتين ، وتعتبر المحطات الست تحفة معمارية لا نظير لها في كندا ، وشرف حفل الافتتاح فيه رئيس الوزراء الكندي جستين ترودو .
الجدير بالذكر ان المهندسة منى احمد سعد تخرجت من جامعة الخرطوم واشرفت وشاركت في مشاريع رائدة منها (من الأحدث الى الأقدم) ، واسهمت – حسب الأخبار 18 فبراير – في تشييد الابراج العشر في الدوحة (قطر بتروليوم) باشرافها على اعلى برج بجانب اربعة ابراج اخرى داخل مدينة الدوحة ،وشيدت برج ترامب جزيرة النخيل في دبي وشيدت مجمعاً للاستخدام العام في أبوظبي وبرج الفاتح في الخرطوم ومجمع السفارة الأمريكية .

السوداني/ة فى الخارج يمكن أن يصيغ العالم
لكن فى السودان ما يقدر يقول "بِغِّم" !!!!

شكرا منى لإنجازك

Quote: السوداني/ة فى الخارج يمكن أن يصيغ العالم لكن فى السودان ما يقدر يقول "بِغِّم" !!!!

Quote: وبرج الفاتح في الخرطوم ومجمع السفارة الأمريكية .

هاك: دى بغم.....

Quote: اشرافها على تنفيذ مشروع تشييد مترو الانفاق الكندي

العنوان يشير بأنها من قامت بتشييد المترو وفي متن الخبر يشار إلي إشرافها على التشييد, ومن ناحية هندسية هنالك فرق بين التشييد والإشراف.... سؤال آخر هل قامت وحدها بالإشراف أم قامت من ضمن فريق؟ لانه المشروع ده كبير شديد ولا يمكن أن يشرف عليه مهندس واحد فقط

حسب الخبر هى معمارية رسمت وخططت المشروع .. والتنفيذ لا يقوم به المعماريون وإنما المهندسون المدنيون (العتّالة).

عادي مدير المشروع ممكن يكون معماري
لكن المهندس المقيم لابد يكون مدني

الخبر ده ملخبط شديد وغير واضح.

أتمنى من الشخصية المعنية أن توضح الامور بالطريقة الصحيحة.

لأنوا مثل الاخبار دي ممكن تضر بها وتضر بالبروفايل بتاعها.

انجاز كبير وعظيم للباشمهندسة منى ، ومزيدا من النجاحات الباهرة ان شاء الله...
شكرا ابو الزهور لمثل هذه الاخبار المفرحة التي تفتح النفس، وتزيد الطموحات..
مع وافر التقدير والاحترام

زهير عثمان حمد






سلام صديقي العزيز أبو الزهور ،
في المشاريع الضخمة ،
لابد من وجود الـ Consultant
و هو تيم متكامل و مترابط
إضافة إلي وجود الـ Contractor
ودا عليه عبء التنفيذ ،
بوجود دراسة جدوي مكتملة ،
أفتكر أنو المهندسة المعمارية السودانية ،
منى أحمد محمد أحمد سعد ،
قد تكون ضمن تيم الـ Consultant ،
وظيفة Resident Engineer
و ليست
Project manager
وظيفة صعبة خاصة للحريم ،
أخيراً
God Knows Everything
،،،،







عزالدين عباس الفحل
ابوظبي

Quote: الخبر ده ملخبط شديد وغير واضح. أتمنى من الشخصية المعنية أن توضح الامور بالطريقة الصحيحة. لأنوا مثل الاخبار دي ممكن تضر بها وتضر بالبروفايل بتاعها.

اؤيد كلام دينق ولو ناس كندا ولا معارفها بقدرة يصلوها يكون احسن.

الاخ الفحل

Quote: Project manager وظيفة صعبة خاصة للحريم

ممكن اعرق السبب او الاسباب شنو البتخلي الوظيفة دي صعبة على النساء ؟

الناس هنا إما ما قاعدة تركز او لا تعرف الفرق بين المعمارى والمهندس المدنى.
والمعمارية السودانية ممكن جدا انها صممت المشروع. اى مشروع يصممه معمارى واحد ثم ينفذه جيش من المهندسين الاستشاريين وغيرهم.
والأخ عباس انت فى الامارات ومتحف اللوفر صممه معمارى واحد.. مسجد النيلين كذلك.. متحف قطر الاسلامى صممه معمارى صينى مشهور عمره 70 سنة.. التصميم المعمارى هو رؤية فنية فلسفية للمعمارى.. مبتكرة ولا يمكن ان تكون جماعية.
والمعمارى لا يعمل كمهندس مقيم.. هذا شغل المهندس المدنى. المهندس المدنى ينفذ فقط تصميمات المعمارى وهو المسؤول عن حسابات الحمولة والاسمنت وغيرها من الحسابات الهندسية البحتة.. فى حالات نادرة يعيد المهندس المدنى التصميم للمعمارى لتعديله لانه من ناحية هندسية فيه ما يتطلب التعديل.. كان يصمم المعمارى عمودا بميلان 10 درجات ولكن المهندس المدنى بعد الحسابات يقرر انه لا يمكن ان يميل اكثر من 8 درجات.. وهذه الحالات نادرة جدا.

عز الدين عباس الفحل
انت من زمن في وظيفة صعبة على الحريم!!!!!!!!

اظنك ما تكون سمعت ان المراة بدات تقود طائرات البوينج وسفن الفضاء ودخلن مجال علم الفضاء في وكالة ناسا الامريكية، ومن بينهن سودانية، واصبحت جراحة قلب، تداوي قلبك العليل وتبدلها بقلب سليم، اضافة الى مداواة القلوب العاشقة بالحب والمودة
العاطفة، واصبحت كذاك مهندسة معمارية تشرف على بناء ناطحات السحاب،، وحتى في الاعمال الشاقة التي كانت حكرا على الرجال
زمان مثل بناء الطرق والكباري وسفلتة الشوارع نجد ان المراة قد خاضت هذا المجال ونجدها تلبس القبعات الحديدية الضخمة وتمسك بال drill الكهربائي وتحفر الشوارع ،،،
عشان كده تاكد يا عز الدين مافي وظيفة صعبة على الحريم،،،بل قل ان هناك وظائف صعبة على الرجال(وش ضاحك)..
مع وافر التقدير والاحترام

"ونجدها تلبس القبعات الحديدية الضخمة وتمسك بال drill الكهربائي وتحفر الشوارع"

دى ما بنرضاها ليكم يا امتثال. هذه من مساوئ الحضارة الغربية..

حريم!!!!!!
غايتو كلمة حريم دي مبالغة
هذه الكلمة غير مستساغة في مجتمع
النساء السوداني ،،، ،،،انصحكم يا شباب تجنبها لانها مربوطة بأشياء كتيرة مثل التخلف. وغيرها

تحياتي

يا تسنيم يا اختي
ديل لسع بفكروا بمنطق تفكير عصر الخلافة وعصر الحريم والجواري ،،،،في اعتاب
القرن الثاني والعشرين،،،،
الله المستعان،،،
وبالمناسبة اسمك روعة،،،،
مع وافر التقدير والاحترام

الأخ زهير
والضيوف
يا زهير كلام دينق سليم، والخبر فيه خلط شكراً للمهندسين على التوضيح
كلام الأخ محمد البشرى سليم فوظيفة مدير مشروع ؤ(بروجكت مندجر ) تتبع لطاقم المقاول
في حين يتبع المهندس المقيم (رزيدنت إنجنير ويعرف إختصاراً أر إي)
لطاقم الاستشاري وكما أشار ود البشرى لا بد أن يكون مهندساً مدنياً
*(في المشروع يوجد استشاري – ممثل المالك للمشروع
ومقاول - هو المنفذ للمشروع)

أتفق مع الأخ الدين – الإستشاري وظيفته الإشراف على التنفيذ في حين إن المقاول يقوم بالتنفيذ
عادة الاستشاري شركة تقوم بالتصميم والإشراف على التصميم –
في حالات أخرى يقوم بالإشراف على التنفيذ إستشاري آخر غير المصمم – وهي حالات نادرة!
الأخت منى معمارية
أتوقع أن تكون تمثل التصميم والإشراف على التنفيذ كمهندس استشاري (هذه وظيفة مزدوجة –
أرجح أن تكون تعمل في الإشراف على التصميم حسب متن الخبر)
في وظائف المهندس الإستشاري في الموقع يوجد: مهندس مراقب على التنفيذ – إنسبكتر
مساعد مهندس مقيم – أسيستانت ريزيدنس إنجنير ويعرف إختصاراً أي آر إي
و أخيراً المهندس المقيم كما ذكرت في الفقرة أعلاه (كل فرد له وظائف محددة)
في المشاريع الكبيرة توجد وظيفة أعلي من وظيفة المهندس المقيم – حسب حجم المشروع –
وهي وظيفة مدير الإنشاءات – كونستركشن مندجر وهي وظيفة مكتبية تمثل المدير لطاقم الإستشاري

في طاقم المقاول:
يوجد مهندس الموقع (سايت إنجنير )وهو في العادة مهندس مدني يباشر الأعمال في الموقع مع مجموعته من عمال مهرة وغير مهرة وغالباً مهندس فني
ثم مهندس مدير المشروع (بروجكت مندجر ) وهو بالضرورة مهندس مدني – لاحظت في بعض الحالات معماريون في هذه الوظيفة لكنها نادرة

الأخوات إمتثال وتسنيم
قبل إسبوع قابلتني أخت مغربية في مكان عمل الكلام جاب الكلام سألتها عن عملها في الحياة،
قالت دخلت الجامعة كلية الهندسة قسم الهندسة المدنية وبعد سنة حولت إلي دراسات تجارية سألتها عن السبب
قالت لي بالحرف (الهندسة المدنية مهنة لا تتناسب مع طبيعة البنت )
قالتها بالضبط هكذا (نسخة الكلام الأصلية فرنسي ترجمتها بأمانة شديدة)
الهندسة المدنية خاصة قسم الأبنية الإنشاءات والطرق والكباري لا تتناسب مع بيولوجية المرأة ،
والأخ عزالدين لم يقصد أكثر من ذلك حسب تقديري – أرجو عدم الحساسية .
بالمناسبة هندسة المساحة يقبل بها رجال فقط (ممكن تسألوا كيكي من السبب ههههه) زوغة وكدا
أتمنى أن يتمكن أستاذنا القباني من التواصل مع أختنا المعمارية منى لإستجلاء الأمر
( في تقديري الشخصي وظيفتها الأشراف على التنفيذ مع مجموعة
أخرى من الزملاء في المهنة كما أشار الأخوان الذين سبقوني)
تحية للمهندس محمد عثمان أبو ريش على تفضله بالشرح ولو أن هناك خلط طفيف في
(اى مشروع يصممه معمارى واحد ثم ينفذه جيش من المهندسين الاستشاريين وغيرهم).

مشكور يا زهير
____
الحليلة

تحياتي زهير و الشباب ...

الباشمهندس منى ...

خريجة جامعة الخرطوم 2002

تعمل منسقة مشروع لمدة كذا شهر قبل افتتاح الخط . الذي بدأ تصميمه و تنفيذه منذ سنوات
.. و هي تعمل في هيئة المواصلات بتورنتو .. ( Toronto Transit Commission ) TTC

As a Project coordinator

قدمت من الخليج منذ اقل من سنة ...

متزوجة من مهندس كندي اسمه Richard Goode يعمل مدير في نفس هيئة المواصلات

و ام لطفل واحد اسمه Alexander Suliman

لمن يريد التواصل معها فهي على LinkedIn باسم Mona Goode
https://www.linkedin.com/in/mona-goode-1bb7b646/https://www.linkedin.com/in/mona-goode-1bb7b646/

عملت بمشاريع في قطر و الامارات و السودان كما ذكر الاخوة

شكراً أستاذنا القباني على المعلومات
يبدو أنني لم أوفق في التخمين، إن شاء الله نتواصل معها
منسق مشروع فعلاً وظيفة ممتازة، موجود في الهيكل الفني للمشاريع حسب النظام الأمريكي
تمنيت يا قباني لو كانت منى ضمن طاقم الإشراف على التنفيذ أو التصميم، ليس ذلك تقليلاً لمنصبها الراهن
لكنني أري أن المنصبين الآخرين فيهما بعد فني واضح
بالتأكيد منصب منسق يحتاج لخبرة تراكمية ممتازة وهذا ما أهلها للمنصب
ونقول ليها مزيداً من النجاح أم ألكسندر
____
الحليلة

أها ي شباب ،
أويد قول الأخ ق باني ،
المهندسة المعنية طلعت
Project coordinator
صح المثل القائل
قَطَعَتْ جَهِيْزَةُ قَوْلَ كُلِّ خَطِيْبٍ
،،،،






عزالدين عباس الفحل
ابوظبي

شال التلفون واتصل علي صحبو وقال ليه من الاخر كدا امي تعبانة وما معاي حق الدواءقال ليه تمام يا فردة اتصل لي بعد العصر ..!!
اتصل ليهو بعد العصر لقي تلفونو مغلق ..!!
بقي يفتش ليهو علي زول عشان يدين منو وما لقي
تاني اتصل علي صاحبو برضو لقي تلفنو مغلق زعل منو شديد 😞 وبقي ما عارف يعمل شنو رجع البيت🚶🚪
لقي كيس الدواء جمب امو🏏💊💊😳😳😳
مشي 🏃🏻 لأختو ...سألها؟قالت ليهو :صاحبك جاء وشال الروشتة وجاب الدواء وطلع قدامك هسي ابتسم 🙂😭 والدموع في عيونو مرق بفتش في صاحبو 🏃🏻🏃🏻🏃🏻🏃🏻🏃🏻🏃🏻🏃🏻🏃🏻
لما لقاهو قال ليهو يا معفن انا بدق ليك من قبيل وتلفونك مغلق☹
قال ليهو صاح لما اتصلت علي كان م عندي قروش وفتشت م لقيت فبعت التلفون عارف تلفونك الماسورة دا ما بجيب قروش وجبت الدواء لأمنا

اها الماسير كتار طبعا

في ناس كدا لو قلت ليهم قرأن يقولو ليك اثتت لنا انه دا قرأن.. !!!
تجيب ليهم المصحف يقولوا ليك بالله ..زاتو الموضوع م مهم شديد ..!!!

بس ساي كدا من عندهم ناس بتاعين مغص

اها البنية جزاها الله خير عن المواسير العندنا علمت شي كويس ..وم كعب ..
الناس ضايقة في شنو بتفتش في البروفايل والتخصص..
سرقت منكم شنو ..بس ورونا الشاتلوا منك شنو ..؟؟؟
زعلانين ليه ...؟؟
والله في ناس كدا ا لواحد منهم لو عمل رخصة قيادة ..
رخصة بس
في الارض ما يمشي .. وكان اتكرم ومشي يغير المشية ..

ويمكن يطلب الطلاق لازوم الرخصة وكدا ...
جنس قر كلوش.. ساي في الفارغة ومقدودة

بس حسادة ساي كدا غل

والله الزولة دي لو بتيع شاي قدام المحطة بتاعت القطر شاي ومسيخ بدون سكر دا بس انجاز ..

خلي تكون مهندسة ..

بالله تقول الناس بجيبوا ليها الموية من الجبال لا حولة ولا قوة الا بالله نجاضات ..عملت المشروع موتوا بغيظكم

عمران
وانا جادة في كلامي...
انا دايرة لي عريس وشريك حياة زي الزول الباع تلفونه عشان يجيب الدواء
لوالدة صديقه.،،قريت قصته وبدون ما اشعر الدموع نزلت من عيوني،،،
وبالمناسبة كلامك زين وسمح،،،،عن المهندسة،،،وان شاء الله نسمع عنها المزيد من النجاحات والانجازات،،
مع وافر التقدير والاحترام

عمران
وانا جادة في كلامي...
انا دايرة لي عريس وشريك حياة زي الزول الباع تلفونه عشان يجيب الدواء
لوالدة صديقه.،،قريت قصته وبدون ما اشعر الدموع نزلت من عيوني،،،
وبالمناسبة كلامك زين وسمح،،،،عن المهندسة،،،وان شاء الله نسمع عنها المزيد من النجاحات والانجازات،،
مع وافر التقدير والاحترام

امتثال كيف حالك
شكرا للثقة
‏"مهما طرأ على هذه الحياة من فوضى
يظل الصباح صديقا دافئا
وفيا لإشراق الروح
انت بت رجال ومنية لكل رجل مالي هدومو ..ابشري بالخير جادي جدا mailto:([email protected]([email protected])

تحياتي يا الحليلة
في بعض المشاريع الضخمة حتى طاقم المقاول يحتوي على مهندس او اتنين معماريين
انت تعلم بالطبع ان التصميم حتى النهائي يخضع لتعديلات يفرضها سير المشروع وميزانيته وبعض المستجدات أو العوائق غير الكتشفة في مرحلة التنفيذ
فيضطر الاستشاري و المقاول لتقديم حلول للمالك تحافظ على روح التصميم و لا تخالف الترخيص و الاعتماد من الجهة الرقابية
دا غير تعديلات الـ shop drawings ثم اعتماد الـ as built لذا وجود المعماري مهم في الطاقمين الاستشاري و المنفذ وأحيانا ممثل المالك ايضا يضم معماري
لكن كما اسلفت دا في المشروعات الضخمة الـ mega و البتسمح ميزانيتها, في المشاريع الصغيرة المهندس المدني بقوم بكل شي احيانا حتى الـ MEP بتلقى مدير مشروعها مدني وتحته سوبرفايزس وممشّي حاله.

امتثال يا عزيزة انتي الاروع
حريم وماادراك ما حريم في مجتمع النساء السوداني

تقديري واحترامي

الهيكل الوظيفي للمشاريع بيتوقف حسب حجمها.

المشاريع الضخمة جدا هيكلها الوظيفي لفريق الاستشاري للتنفيذ بكون كالآتي:

Project director 1 وظيفة ادارية
Project manager 2 وظيفة ادارية فنية
Project coordinator 3 وظيفة ادارية فنية
Resident engineer 4 وظيفة ادارية فنية
QA/QC Engineer 5 وظيفة فنية ادارية
Senior site engineer 6 وظيفة فنية ادارية
Site engineer 7 وظيفة فنية
senior Site inspector 8 وظيفة فنية
Site inspector 9

1،2،3 بكون شخص واحد من كل منها
4 عددهم حسب عدد النطاقات للمشروع
5 عددهم حسب عدد النطاقات للمشروع بحيث يكون واحد لكل مجموعة تخصصات متقاربة - MEP - CIVIL
6 لكل تخصص (معماري، انشائي، مدني، كهرباء ..الخ) وعددهم حسب حجم النطاق
7 عددهم حسبب حجم النطاق
8 عددهم حسب حجم النطاق
9 عددهم حسب حجم النطاق

التسلسل اعلاه تسلسل هرمي من الاعلى للاسفل في اتجاه التنفيذ (غالبا يصاحبه فريق - تحت ادارة مدير المشروع وتكون مهامه فنية فقط في مجال مراجعة الرسومات واعتماد المواد والامور المالية مع المقاول وقد يكتفى في بعض المشاريع الصغيرة بفريق التنفيذ نفسه)
تخصص المهندس المقيم (Resident engineer) حسب طبيعة المشروع ومرحلته، ممكن يكون اي تخصص طالما يناسب طبيعة ومرحلة المشروع

القول بانو المهندس الفلاني نفذ المشروع الفلاني تعبير ينم عن جهل كبير بمعنى تنفيذ المشاريع ( خاصة المشاريع الكبرى)
بعض المشاريع بكون تحت منسق المشروع (Project coordinator) مجموعة من المنسقين وذلك حسب المهام الموكله له من قبل مدير المشروع واحيانا أخرى منسق المشروع ما بكون عنده اي دور فني - كل ما هنالك بنسق تدفق المعلومات بين اتيام المشروع المختلفة وما عليه الا التأكد سلاسة انسياب المعلومات والتنسيق.

بعرف عدد من المهندسين السودانيين اشتغلو في مشاريع كبرى ولكن ولو واحد منهم بقول شيدت او نفذت المشروع الفلاني شغل الكوار ده مضلل جدا