Post: #1
Title: خبير أمريكي : السودان سيكون بين أقوى سبع دول اقتصادياً في أفريقيا
Author: محمد بشير عبادى
Date: 02-17-2018, 06:46 PM
05:46 PM February, 17 2018 سودانيز اون لاين
محمد بشير عبادى-السودان/ولاية الخرطوم/أمبدة
مكتبتى
رابط مختصر
قال خبير أمريكي متخصص في الشؤون الأفريقية، إن السودان سيكون من بين أقوى سبع دول في أفريقيا من الناحية الاقتصادية، بحلول العام 2022.وكشف “جيمس هول” المؤلف والمخرج والخبير في شؤون القارة السمراء، في تغريدة على صفحته بموقع التدوينات المُصغرة “تويتر”، أن مستقبل النمو الاقتصادي في أفريقيا سيكون لمنطقة شرق القارة خلال السنوات المقبلة.وكتب “هول” (منطقة شرق أفريقيا ستهيمن اقتصادياً بحلول عام 2022، توقعاتي مبنية على حسابات بسيطة تؤكد أن أربع من دول شرق القارة هي أثيوبيا، كينيا، السودان وتنزانيا ستكون من بين أقوى سبع اقتصاديات في أفريقيا).وأشار “جيمس” المتزوج من سيدة سوازيلاندية ويقيم في أفريقيا منذ عام 1988، أن اقتصاديات الدول الأربع تنمو حالياً بقوة ما يؤكد صدق توقعاته.
نقلا عن موقع النيلين
|
Post: #2
Title: Re: خبير أمريكي : السودان سيكون بين أقوى سبع د�
Author: Abdullah Idrees
Date: 02-18-2018, 00:16 AM
Parent: #1
لا خبير ولا يحزنون .. لو بقا خبير يبقى الرماد كال حماد .. زول نشط في تويتر , عاجباهو افريقيا دي ساي وعايز يبقى فيها شيخ متخيلنا لسة عايشين في القرن 19 ..
السودان منهار اقتصاديا ولو بقى موجود لحد 2022 دي تبقى معجزة !
اثيوبيا ايضا تعاني من توتر غير معلوم المدى والان فرضت حالة طواريء وليس اسوأ على الاقتصاد من حالات الطواريء ..
سيبو بيع الوهم ده كل ما شفتو ليكم خواجة عاطل غرد في تويتر لفحتو كلامو وجيتو طايرين ..
|
Post: #3
Title: Re: خبير أمريكي : السودان سيكون بين أقوى سبع د�
Author: Abureesh
Date: 02-18-2018, 02:57 AM
Parent: #2
“جيمس هول”
انتو لسة جارين ورا هولى؟ اديتوه كم المرة دى؟
ياخ القروش القاعدين يدفعوها للمرتزق دا لو حفروا بيها ابار للقرى العطشانة كان مردودها السياسى اكبر.
|
Post: #4
Title: Re: خبير أمريكي : السودان سيكون بين أقوى سبع د�
Author: ناصر حسين محمد
Date: 02-18-2018, 05:03 AM
Parent: #3
شكرا يامحمد بشير
ايمن الله اضحكتني ضحك طال بي الزمان لم اضحك مثله
التحية للخبير الامريكي
|
Post: #5
Title: Re: خبير أمريكي : السودان سيكون بين أقوى سبع د�
Author: Deng
Date: 02-18-2018, 06:23 AM
Parent: #4
كده خليك من كلام "الخبير" ده!
أنت شخصيا بتصدق الكلام ده؟؟
|
Post: #6
Title: Re: خبير أمريكي : السودان سيكون بين أقوى سبع د�
Author: عبدالله محمد أحمد
Date: 02-18-2018, 07:22 AM
Parent: #5
صحيح ان السودان يمتلك كل مؤهلات الدولة العظمى من حيث المساحة الشاسعة و تنوع الثقافات و وفرة المياه و الاراضي الصالحة للزراعة و الغناء بالمعادن النادرة مثل الذهب و المايكا و الكروم و الثروة الحيواية. لكن بكل اسف يحكمه اقذام عيونهم على جيوب الناس لا على موارد البلد المهولة.
الخبير الاقتصادي يتكلم عن بلد غني بالموارد الطبيعية لكنه لا يعلم ان على سدة حكمه حكومة مفلسة. نامل ان يكون السودان موجودا عام ٢٠٢٢
|
Post: #7
Title: Re: خبير أمريكي : السودان سيكون بين أقوى سبع د�
Author: Nasr
Date: 02-18-2018, 07:23 AM
Parent: #5
مقطع من كلام الخبير المزعوم
" أن اقتصاديات الدول الأربع تنمو حالياً بقوة ما يؤكد صدق توقعاته."
هسع إنت مصدق إنه إقتصاد السودان ينمو وبقوة كمان؟؟؟؟؟
طيب الجقلبة فوق أم كم ؟؟؟؟
شفت ليك إقتصاد ينمو بقوة عملته الوطنية تنهار بأكثر من النصف في أقل من شهر؟؟؟؟؟؟
لو دافعين لجيمس عشان يقول الكلام دا
وليك إنت عشان تنقله هنا
تبقي مصيبة السودان كبيرة
وبنكون عرفنا ليه المرضي السرطان عددهم في ازدياد مضطرد وما لاقين علاج
|
Post: #8
Title: Re: خبير أمريكي : السودان سيكون بين أقوى سبع د�
Author: Abureesh
Date: 02-18-2018, 08:13 AM
Parent: #7
الجبهجية لما عملوا الانقلاب كان همهم الايديولوجية وولاؤهم للتنظيم العالمى وليس للسودان.. وحين فشل المشروع تحول الهم والولاء للدولار وكنز الملايين.. فى كلا العهدين لم يكن للسودان ولا لمستقبل ابنائه او سلامة أراضيه ولا لتنميته اى مكان فى خططهم المعطوبة.
مجموعة جهلة لا يعرفون حتى مصلحتهم البعيدة..
|
Post: #9
Title: Re: خبير أمريكي : السودان سيكون بين أقوى سبع د�
Author: محمد علي البصير
Date: 02-18-2018, 12:53 PM
Parent: #8
البلد في عهد عصابة الإنقاذ 30 سنة شغال س س س س
سنشيد مطار الخرطوم
سنبني المدينة الرياضية
سنوصل مياه النيل لبورتوسوان
سنعيد مشروع الجزيرة سيرته الأولى
وحتى اليوم المحصلة صفر كبير
الأن سيكون السودان ............
بعد 30 سنة دمار شامل لكل البنى التحية ومشاريع التنمية
السودان سيكون .................
برضو س !!!!!!!!!!!!
|
|