Post: #2
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 06:20 AM
Parent: #1
دكاترة المنبر ممكن يفتونا
اظن بقولو لو عندك مريض محتاج دواء محدد .. والدواء منتهي الصلاحية وما عندك غيرو
افضل تديهو ليهو
ما صحة هذا القول علميا
|
Post: #3
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 06:23 AM
Parent: #2
الاخبار دي بقراها وتدور بخاطري بعض الاسئلة
بعضها يخص الحكومة
وبعضها يخص الناس
|
Post: #4
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 06:32 AM
Parent: #3
الناس بتموت من عدم الدواء
والدواء اهو موجود لامن يبيدوهو
الحقيقة الدواء موجود وبكثرة ولكنه فوق مستوي متناول الناس لعجزهم عن شرائه لغلائه
الدواء غالي جدا حد الاستحالة لا يتناسب ومستوي دخل عموم الناس
العلاج غالي جدا جدا . ارتفعت الاسعار بشكل مستفز جدا
وتجارة الدواء صارت مربحة
قبضة الامدادات الطبية ارتخت جدا . كمية من الشركات بتجيب دواء . شركات لا حصر لها ولا عد
وكما رأينا في الاخبار بتشيل قروش من البنك
من جميع الدول ومن جميع الشركات المحترمة والما محترمة
|
Post: #5
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 06:38 AM
Parent: #4
الادوية المبادة منتهية الصلاحية
وبعضها تخص مستشفيات حكومية ودي بتكون مرات سيئة التخزين
واهو شايف وزير الصحة بقا زيو وزي اي صحفي قاعد يصرح بس .. طيب خليت شنو للصحافة ؟
انت ما بتصرح ... بتتخذ قرارات تنفيذية وبتابعها
بصرح مرات عن ادوية غير مطابقة للمواصفات وفاسدة
|
Post: #6
Title: Re: بهدوء ابادة الادوية
Author: محمد حيدر المشرف
Date: 02-16-2018, 09:40 AM
Parent: #1
سلام يا صاحبي ..
تعريف تاريخ صلاحية الدواء هو فقدان 5% الى 10% من فعاليتو ...
هناك دراسات اثبتت انو الادوية منتهية الصلاحية تحتفظ ب 80% من فعاليتها بعد سنة او اتنين من انتهاء صلاحيتها المكتوبة في العلبة ..
بالنسبة للمؤسسات الصحية لا تستطيع بحكم القانون ان توزع ادوية منتهية الصلاحية .. ولذلك قرار الاعدام صحيح تماما
بالنسبة للافراد وعلى مسؤوليتهم الخاصة يمكنهم تناول حبتين بندول او دواء ضغط انتهت صلاحيتو خلال عام مثلا .. شخصيا سأفعل ذلك بدون تردد على الاطلاق في حال كنت متأكد من ظروف التخزين ولم يحدث تغيير فيزيائي للحبة او الكبسولة ..
|
Post: #7
Title: Re: بهدوء ابادة الادوية
Author: محمد حيدر المشرف
Date: 02-16-2018, 09:44 AM
Parent: #1
مهم جدا انو الكلام ده ما نطبقو في الشرابات وقطرات العيون يا حفيظ ..
هناك اسر كتيره بتحتفظ بادوية الاطفال كالبنادول في التلاجة بعد فتح العلبة .. وعليهم الحرص الشديد بالاتزام بتاريخ الصلاحية بعد فتح العلبة .. وتاريخ الصلاحية ما بكون مكتوب بره وانما في ورقة التعليمات .. وفي الغالب الاعم بتكون الفترة في حدود شهر من فتح العلبة او نحو ذلك ..
كذلك الحال مع الانسولين مثلا ..
شهر بعد فتح واستعمال القزازة ثم تنتهي الصلاحية بالرغم من اتو تاريخ الصلاحية المكتوب في العلبة لسه بعيد
|
Post: #8
Title: Re: بهدوء ابادة الادوية
Author: معاوية الزبير
Date: 02-16-2018, 10:45 AM
Parent: #7
عزيزي دكتور المشرف
للتوضيح، ما الفرق بين فساد الأدوية وانتهاء صلاحيتها؟
أقصد هل ممكن تكون هناك أدوية منتهية الصلاحية ولكنها ليست فاسدة؟
|
Post: #9
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 10:46 AM
Parent: #7
تشكر يا صاحب
بجيك تب
انا ماشي للامر كسياسة واخلاق وفساد
|
Post: #10
Title: Re: بهدوء ابادة الادوية
Author: Abdullah Idrees
Date: 02-16-2018, 12:19 PM
Parent: #9
ابادة شنو يا ابسن ياخوي ..
ونحن طلبة في التسعينات كان في صديق عسكري بجيب لينا العرقي من الابادات البجيبوها في الاعلام دي ذاتا !
فــــ شوف كل البروباغاندا دي انا ما بصدقا كلو كلو والموضوع مش مكابرة ولا "الما بدورك في الضلمة بحدرلك" .. في وقائع كتيرة لادوية مغشوشة دخلت بعلم سلطات الرقابة والمواصفات وفي حاويات مخدرات بتدخل وبغتغتوا الحكاية وفي فشل معلوم في توفير الادوية من جانب سلطة لا ترعى اي اخلاق ولا حرمة لاي شيء .. يعني زول بكتلك في رقبتك دي لمجرد تعبيرك عن رأيك هل ممكن يتورع في انو يمرر سلع فاسدة في السوق ليداري فشله في توفيرها مطابقة للمواصفات؟
|
Post: #11
Title: Re: بهدوء ابادة الادوية
Author: محمد حيدر المشرف
Date: 02-16-2018, 12:27 PM
Parent: #1
معاوية سلامات
ومشتاقين ياخ
لا اعلم شيئا قد نسميه فساد الدواء ..
هناك مثلا تغييرات فيزيائية قد تحصل لدواء محدد او رقم تشغيلة محددة Batch Number من دواء .. كتغيير في اللون او ترسبات او تحلل الخ .. ونعبر بذلك ان الدواء غير صالح ويتم سحب كل الكمية التي تحمل رقم التشغيلة هذه وفي العادة يتم تعويضها من قبل الشركة المنتجة ..
انتهاء تاريخ الصلاحية بالنسبة للدواء ليس مؤشرا لفسادها وانما لفقدانها ااو احتمال فقدانها لجزء قليل من فعاليتها تحت ظروف التخزين القياسية ..
|
Post: #12
Title: Re: بهدوء ابادة الادوية
Author: معاوية الزبير
Date: 02-16-2018, 12:45 PM
Parent: #11
شكرا للتوضيح
نشوف الفساد السياسي بتاع ود ابو سن
|
Post: #13
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 02:02 PM
Parent: #12
تشكر مشرف مرة تانية
بتكون متذكر انو الادوية زمان بتجيبها الامدادات الطبية وتشرف عليها .. وعلي توزيعها
الامدادات بتجيب ادوية المستشفيات كلها . ومن شركات محترمة اذكر منها الشركات السويسرية الشهيرة .
الامور اتلخبتت في عهد هذه الحكومة .. دواء ملاريا هندي ناقص المكونات ولا محاليل كور الوريدية .. ولا ادوية من شركات لم نسمع بها ولا اسم ولامراض مستوطنة كالملاريا
زيها زي اي تجارة .. بالشنطة ..
الدواء المحترم ظاهر جدا من طريقة تغليفة وحتي عينة صندوقو ولا فتيلو
الدواء بقا تجارة .. تجارة تخلي وزير الصحة يصرح مجرد تصريح عاجز .. وبالمناسبة وزير الصحة في ظني اي قرار يتخذو فيهو شبهة مصلحتو الشخصية
من نقل المستشفيات العامة للاطراف لتزدهر المستوصفات
لي قرار عدم استيراد اجهزة مستعملة كدة بس دون تحديد لمعني مستعملة
وقنطرة السوق لجهات محددة
|
Post: #14
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 03:17 PM
Parent: #13
تسلم عبدالله
الابادة مفروض كان تكون للمخدرات ال بي الحاويات
نسمع بيها قبضوها بس دون متهم او ابادة
تعرف
هنا ناس النظام بقبضو ستات العرقي وبشيلو عدتهن
يغرموهم ويصادروا
بكرة يجن يشترن عدتهن في مزاد
|
Post: #15
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 03:24 PM
البزعل يا معاوية ليه تنتهي المدة اصلا
بتنتهي لأنها غالية والمحتاج ما لاقيها
وخت في بالك في ادوية مجانية من منظمات . زي الملاريا برة كان بي 180 ج هسة ما عارفو كم .. لكن من الصعب الحصول عليه مجانا . اجراءات تجعله مستحيلا ولاحظ دة دواء التأخير بضر المريض
ليه اطنان تنتهي مدتها ؟
لا الصيدليات الخاصة ولا المستشفي قبل زمن كافي يصرفو الادوية بأسعار اقل جدا او مجانا بدل تنتهي
كم مرة برسلو لي ناس السعودية ادوية ولبن اطفال باقي ليهم شهور لتوزيعهم مجانا للناس
لبن الاطفال غالي جدا جدا
وزي ما قال المشرف كمؤسسة طبية ما عندك سكة غير تعدم الدواء
|
Post: #16
Title: Re: بهدوء ابادة الادوية
Author: عبدالحفيظ ابوسن
Date: 02-16-2018, 08:29 PM
Parent: #15
اولادنا الفي السعودية بقولو لينا في ادوية قربت مدتها تنتهي وكلموهم ناس المستشفي اذا ممكن يرسلوها لينا
يعني المستشفي ماعندو مانع يشيلها اي زول محتاج حتي لو خارج البلد
بتخلي الزول يفكر في ناسنا الهنا ديل
حس انساني ساي مافي . لو اي صيدلية شعرت انو عندها ادوية مدتها شارفت علي الانتهاء واعلنت عنها بي ورقة خارج الصيدلية بربع القيمة بس مش كان افضل
او يكون عندهم الدواء لو مدتو قربت يدوهو سعر مختلف ويكلمو المريض
ليه نحن ما قاعدين نفكر في الآخرين
ليه الناس الفي الحقل الطبي بقوا جشعين كدة اقصد معظمهم . فقدوا التعاطف مع الناس
فقدوا الاحساس بالآخرين
قلة منهم تتجرأ لاتخاذ مواقف قد تضطر بهم من اجل مصلحة المريض
|
|