Post: #1
Title: أنقروني قبل ما أنقركــم ! ماذا كان يعمل صلاح قوش بعد شيله من رئاسة الجهاز؟
Author: عمر التاج
Date: 02-14-2018, 02:30 PM
01:30 PM February, 14 2018 سودانيز اون لاين
عمر التاج-KHT
مكتبتى
رابط مختصر معكم وسيلتين للمساعدة
لا توجد خيارات.
|
Post: #2
Title: Re: أنقروني قبل ما أنقركــم ! ماذا كان يعمل صل�
Author: ALWALEED ALSHEIKH
Date: 02-14-2018, 03:42 PM
Parent: #1
أضحك الله سنك أخي التاج .
|
Post: #3
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-14-2018, 05:35 PM
Parent: #2
اهلا بالوليد ، ادام الله ضحكتك وجلجلها...
نستغل فرصة وجودك معنا ونقدم المساعدة الأولى عشان الناس ينقروا كويس:
الراجل عمل قروش تقيلة من شركات البترول الاسسها قبل مايشيلوهو
لكن ده ما المقصود !
المقصود حاجة متلتلة كان بعملها الراجل قبل ما يرجعوه مدير تاني ..
.
.
.
تبقت وسيلة واحدة للمساعدة!
|
Post: #4
Title: Re: أنقروني قبل ما أنقركــم ! ماذا كان يعمل صل�
Author: عمر أبوعاقلة
Date: 02-14-2018, 05:54 PM
Parent: #3
بيع ملفات
ومثلي لا يسأل عن شرح
|
Post: #5
Title: Re: أنقروني قبل ما أنقركــم ! ماذا كان يعمل صل�
Author: aosman
Date: 02-14-2018, 06:11 PM
Parent: #1
الأخ عمر التاج,, الخيار الأول خلي الكيزان يجوا يعترفوا صلاح قوش كان بيعمل شنو؟ وكمان يا ريت يورونا قبل صلاة المفرب كان بيعمل شنو؟
الخيار الثاني: تحول السؤال إلي علي الكنزي
[/red
|
Post: #6
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-14-2018, 07:07 PM
Parent: #5
ود أبو عاقلة سلامات ..
للامانة هو كان بشتري ..
لكن بعد ده ما بزيدكم طقطاقة
|
Post: #7
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-14-2018, 07:24 PM
Parent: #6
سلام حبيبنا عثمان
Quote: الخيار الأول خلي الكيزان يجوا يعترفوا صلاح قوش كان بيعمل شنو؟ وكمان يا ريت يورونا قبل صلاة المفرب كان بيعمل شنو؟
الخيار الثاني: تحول السؤال إلي علي الكنزي |
في الحقيقة قوش ما كان بعمل عمليتو دي بعد المغرب
بالعكس، كان بعملها الضحى الأعلم، وعلى عينك يابشير
أها قام البشير خاف عمليتو تكبر ويعملها فيهو فقام رجعو .
بعد كده ولا فرطاقة مافي..
|
Post: #8
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 05:43 AM
Parent: #7
البشير كان شايف قوش شغال شركات ونفط
افتكرو شغال الشغل ده عشان يكون امبراطوريته الخاصة بالمال
قال في نفسه :ما مشكلة ، عسى ان تشغلوا من حاجات تانية
قام اتفاجأ بانو شغال بكون في امبراطورية الحاجات التانية
.
.
تاني تنقروا ولا ماتنقروا
مابزيدكم ولا طرورارية
|
Post: #9
Title: Re: أنقروني قبل ما أنقركــم ! ماذا كان يعمل صل�
Author: MOHAMMED ELSHEIKH
Date: 02-15-2018, 05:48 AM
Parent: #8
نأمل من الأخ بكري نقل البوست للتلت الأخير من الليل
|
Post: #10
Title: Re: أنقروني قبل ما أنقركــم ! ماذا كان يعمل صل�
Author: Ali Alkanzi
Date: 02-15-2018, 06:08 AM
Parent: #5
هو يا aosman
انت مالك بتحفر
عايز تجيب خبر الكنزي ولا شنو؟
يا زول دا قوش ما الاستاذ
تتكلم عن الاستاذ فأنت آمن
تمشي تجيب لي مصيبة زي دي؟
أها أنا ذاتي ح اقوم اسحب طرحي من المنبر
خاصة والناس قالو ما عندي اجابة
عايزين تدردقوني ولا شنو؟
أها بدينا في المؤامرات ؟
دا طرفي
لكم ودي وتبقى سودانيزاونلاين عالم جميل
|
Post: #11
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 08:38 AM
Parent: #10
محمد الشيخ ماك طيب
Quote:
نأمل من الأخ بكري نقل البوست للتلت الأخير من الليل |
الموضوع ماعنده اي علاقة بالتهجد ..
بالعكس .. ناس التهجد هجروا النظام منذ ذهاب بوش ومجئ قوش لاول مرة
اما بكرينا فهو مغلوب على امره زي بكريهم ..
وماحايقدروا يرفعوا اصبعهم على ملفات قوش
خليك من يرفعوها على مكاتبهم او استار منابرهم هههه
الموضوع بامانة هو مزيج من السلطة والثروة و ادارة النقد الاجنبي
وتاني ما بزيدكم هللة.
|
Post: #12
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 10:04 AM
Parent: #11
عافي عليك يا كنزي وعفارم عليك وعلى أسلوب في المنبر
يا اخ انت جيهت البورداب ديل جنس جيهة ماحصلت قبل كدة
تقول لهم اسألوني مايقدروا يسألولك ، تقول لهم جاوبوا مايعرفوا السؤال شنو
يستاهلوا المشلهفين الما مثقفين ..
يا اخ ديل نقر ماقادرين عليه ،
ما قادرين ينقروا قوش العايش معاهم ده كان بعمل في شنو
يجو يسألوك اعن الأستاذ الماعارفين هو مدفون وين؟
|
Post: #13
Title: Re: أنقروني قبل ما أنقركــم ! ماذا كان يعمل صل�
Author: Asim Fageary
Date: 02-15-2018, 10:12 AM
Parent: #12
كان شغال بيشتري دولارات وبيشتري ناس .. يعني بكون في مركز قوى موازي .. عشان يهجم هجمته الشرسة .. لكن كتلوا ليهو الدش في يده وقالوا أحسن نخلي حاميها حارميها .. حرسوها السلطة العاوز يجيها بالمال وبالقوة !
غايتو أنا ما جبت أي حاجة من عندي
دا كله استخلصته من كلام عمر التاج
|
Post: #14
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 10:25 AM
Parent: #13
لا حولاااا
أنا قلت الكلام ده كلو يا فقيري ولا دي حركات جيش ساكت
أتاريكم تدردقوا فيني من الصباح عشان تورطوني في الكلام الزي ده
لكن هل تراني سئمت الصمت في الصياح وأولغت في الكلام المباح ؟
سأقول لا وألف لا ، وأعتبر المعارضين قد اختطفوا جزء من حديثي ثم حرفوه
وخاصة أنا ما جبت سيرة ود إبراهيم نهائي ..
وبعد كدة ما بزيدكم ولا جندي نفر.
|
Post: #15
Title: Re: أنقروني قبل ما أنقركــم ! ماذا كان يعمل صل�
Author: Asim Fageary
Date: 02-15-2018, 10:29 AM
Parent: #14
ود ابراهيم طبعاً من قيادات المؤتمر الشعبي .. صاحب شركة باسقات .. وتمساح كبير من الذين يسيطرون على ثروات ضخمة
الشغلة شكلها فيها دبي كمان .. يعني الشبكة ممتدة خارج السودان
غايتو يا عمر التاج معلومات قيمة
الله يديك العافية
واصل ياخي
|
Post: #16
Title: Re: أنقروني قبل ما أنقركــم ! ماذا كان يعمل صل�
Author: Hussein Mussa
Date: 02-15-2018, 12:11 PM
Parent: #15
غايتوا الشعب السوداني دا ينسي قصة الشعب يريد اسقاط النظام دي...تذكروا الامريكان لمن اسقطوا النظام في بغداد استخدموا ورق الكوتشنة وحددوا شخصيات محددة ركزوا عليها لينتهوا منها...نحن قطيع الاسلاميين الكتار ديل مابعنينا كتير...البهمنا التبلدي الكبار دا....غير كدا حيظل حال البلد واقف الي يوم يبعثون...الما معروف ميتن...
|
Post: #17
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 02:49 PM
Parent: #16
ياتو شعب سوداني يا حسين
الشعب السوداني مات وشبع موت
وماتبقى من رفات لا يستحق صفة الشعب
والا كيف يكون شعب وقاعد تلاتين سنة تحت ركب رئيس واحد
ياخ الحيوانات لم رئيسها يفوت اربعة سنوات بتعزله وترحله غصب لمنفاه النهائي
اها نجي لرئيسنا ..
تلاتين سنة مدور فينا بثلاثة انفار يوديهم ويجيبهم
والمواطن منتظر الثورة ..
ياتو ثورة دي؟ بالنص ولا اخت الثور
اها .. قوش ده قال الشعبيين وناس الحركة الشعبية شنو كدة ما متذكر
وود ابراهيم صاحبه وشريكه كان قيادي هناك
والفريق طه جا بعد موافقته كتابيا .. ومشى بعد مشيهو
والثلاثة الذين ابعدو يملكوا الان ثلاثة ارباع ثروة السودان
ومعهم من الرجال اسراب في الجهاز كانت تشتري وتخزن تحت امرهم
ولما حصلت الزنقة بوش قال للبشير بنزلك الدولار في يومين ..
ادى تعليماتو لناسه ويومين الدولار نزل ..
يومين تاني والشعب اتفاجأ برئيس قديم جديد للجهاز
دي الوسيلة التانية والاخيرة للمساعدة وتاني اي واحد ياكل نيم راسو..
انتهى ياقول ود امبقبق
ولاصفقة ..
|
Post: #18
Title: Re: أنقروني قبل ما أنقركــم ! ماذا كان يعمل صل�
Author: محمد على طه الملك
Date: 02-15-2018, 04:31 PM
Parent: #17
قديمة يا ود التاج ..
بلا فرطاقة بلا نفر بلا ود امبقيق معاك..
سماع اضاني بشة ازبد وقال بعضمة نافوخو ..
الدافننها بره ديل عارفنهم وبخليهم كراعم فوق رقبتم يجيبوها راجعه ..
قال كدا ؤ جرا دفتر قوش ؤ حرر شيك على بياض ..
ؤ قال ليهو كان عايز نلف ؤ تدور عليّ يا حبة أهي ديك المظاهرات ..
ابقى رااااجل واكتل فيهم زول.
|
Post: #19
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 06:11 PM
Parent: #18
مولاي محمد
ازيك يامك:
قلت لي شيك على بياض؟
بالغت لكن ياملك ..
معقولة في وزير انقاذي بخوفوهو بالشيكات ولا القانون؟
خليك من الوزير ، حتة ضابط صغير في الإنقاذ ممكن يغير القانون زاتو ..
أحكي ليك طرفة بالمناسبة دي ،
كنت راكب مع واحد صحبي وهو سايق في شارع ضيق اتجاه واحد في قلب الخرطوم
جاهو ضابط في سايق عربة شرطة من الاتجاه المعاكس، وكنتك ليهو نظام ارجع انت وخليني أمشي انا
صاحبي ظل واقف في مكانه إلى أن نزل الضابط الآخر وجانا متنرفز وقال :
مالكم ماعايزين ترجعوا ماشايفين اللوحات دي؟
قلت ليهو انت زول قانون ويفترض تعرف انك عاكس الشارع
صر لي وشو وقال بكل عنجهية .. الشارع ده نحن العملناهو اتجاه واحد
واسه قلبناه في الاتجاه التاني وانت بتعتبر مخالف لقانون السير ..
غايتو بكلامه ده منطقني لحدي ما قلت لصاحبي : مرررو ياخ ما يعملنا مخالفة كمان .
صاحبي رجع شوية وبركن ليهو وقال لي : ماعندي زمن اغالط لي رتبة اقل مني...
اها القصة دي ياها زاتا قصتك حقت الشيكات مع فارق المقامات والانتهاكات ..
.
.
وبعدين البشير قال البنوك والتجار الاكلوا القروش حا نرجعها منهم ..
من الله خلقك سمعت مسؤول اكل حاجة ورجعها ..
وامال قانون التحلل ده مسونو لي منو
وحات الله البتتاكل تاني في الطراش ماتظهر ..
الا كانت تجي حكومة غير العارفنها زي رخصة جنيهنا دي
وتحاسب الناس حسابا غير الشايفنو ده ..
|
Post: #20
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-15-2018, 09:02 PM
Parent: #19
نجي لي قوش
سيد بيه قوش عشان مايكون معانا في البورد ده ولا حاجة ..
الراجل ده يشهد له انه يفرق تماما بين العمل والعلاقات ..
و ما بفرق في الشغل والتعذيب بين اخوه وصاحبه والشيوعيين وزملاؤه في الحزب
وأكثر ما ظهرت فيهو الملكات دي أيام المفاصلة بين القصر والمنشية
جهاز الأمن وكل الأجهزة الرسمية اتقلبت 180 درجة
وأي واحد كان فيهو شك في علاقته بالترابي اتفصل واتعذب زي الترتيب
نجاح قوش الهائل في تنظيف الجهاز وانقلابه التام على زملائه بدون شفقة اهلته تماما ليقود أي مرحلة مفصلية في المستقبل
ومع المفاصلة الجديدة المرتقبة داخل الحزب الرافض لترشيح البشير لم يجد البشير بد من إعادة الرجل
بعد أن قدم نفسه في أيام الزنقة الأخيرة كصاحب أقوى امبراطورية للنفط والدولار ومراكز القرار الداخلي والخارجي
المفاصلة التي يتوقع أن يكون لقوش دور كبير فيها في الحقيقة هي مفاصلتان :
- مفاصلة داخل الحزب بين انصار البشير وأنصار نافع
- مفاصلة على مستوى الدولة بين العسكريين ( بكري وعبد الرحيم والركابي)
وبين المدنيين ( طه وحسبو والمتعافي واسامة عبد الله)
والحكم الفيصل مابين هؤلاء هو الامبراطور قوش.
أها تاني حا تنقروا شنو؟
|
Post: #21
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-16-2018, 09:00 AM
Parent: #20
عن سياسات قوش الداخلية ما حانتكلم تاني ولا مثقال بوست .. عشان مانورط بكري.
بس مافضل ليكم الا تنقرو بسمارك كان بسوي في شنو في سفرياته الخارجية
|
Post: #22
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-16-2018, 09:16 PM
Parent: #21
.
آخر نقطة
تاني ولا قطرة
|
Post: #23
Title: Re: أنقروني قبل ما أنقركــم ! ماذا كان يعمل صل�
Author: يحي قباني
Date: 02-17-2018, 05:49 AM
Parent: #22
و ماذا عن شركات التعدين الضخمة و التي انشآها في الامارات و سلمها ولده ... متحالفا مع شركات تماسيحية عالمية ...
شركات التعدين التي ستلهف كل ما تبقى في شرق السودان ...
يعني كمال قال صاحبنا يا عمر ..
قوش رفع الكورنر في الامارات ... و مشى راجيهو في الخرطوم ... يعني حركة الدحيش ما عملها ...
|
Post: #24
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-17-2018, 09:41 AM
Parent: #23
اخونا يحي استخدم الجوكر في اول نزول له
رئيس مجلس الولايات صرح تصريحا متزامنا مع اعادة تعيين قوش
حيث قال ان الملائكة شتت المعادن في ارض السودان لتعوضه ذهاب النفط
قال ذلك دون ان يعلم من هو الملك الحقيقي الذي سيطر على النفط والمعادن وكاد ان يزيح اخوان البشير وشركات البترول الحكومية والامنية من سوق النفط
والمعادن. وماترك لهم غير فتات الخبز والسكر والشاي.
|
Post: #25
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-17-2018, 12:15 PM
Parent: #24
آخر الكلام ..
هناك تشابه وتقارب كبير بين قوش وطه ..
كما ان هناك مصير مشترك محتمل بين عطا وغازي
فعندما غادر غازي ملفات نيفاشا ومن قبلها امانة التنظيم
حل طه الكبير بكل ثقله في ملفات الدولة والحزب
وتجاوز كل الخطوط الحمراء التي وضعها غازي وامتنع عن عبورها
واليوم قد يعود طه لنفس الأدوار.
أما عطا الذي اقيل بعد عودته من مصر بأيام
فمصيره لن يكون أكثر من عضو في تنظيم مقارب
يراجع أداء خليفته وهو يخترق عدة ملفات دولية ابتداءا من مصر واثيوبيا
مرورا بالمملكة والخليج حيث يقيم حليفه القوي ( طه الآخر)
وحيث يبقي ممالك فخمة للنفط والمعادن والدولار
ثم تركيا وإسرائيل وروسيا وايران ..
وليس هناك انتهاءا إلا عند اقدام الحلفاء القدامى
الذين ابعد بتهمة التجسس في القصر لصالحهم
|
Post: #26
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-18-2018, 11:02 AM
Parent: #25
الان نجيب عن سؤال الكنزي عن ماذا كان يفعل الاستاذ بعد المغرب:
- ما كان بعمل حاجة !
|
Post: #27
Title: Re: أنقروني قبل ما أنقركــم ! ماذا كان يعمل صل�
Author: MOHAMMED ELSHEIKH
Date: 02-18-2018, 12:00 PM
Parent: #26
طيب يا عمر
بكري خبرو شنو؟
ما ممكن ينقل (بوست) اقصد (قوش) لاي مربوع تاني؟
ما تقول لي مابيهش ومابعرف شنو ينش.
|
Post: #28
Title: Re: أنقروني قبل ما أنقركــم ! ماذا كان يعمل صل�
Author: عمر التاج
Date: 02-18-2018, 12:45 PM
Parent: #27
بكري دا يا محمد الشيخ زول الله ساكت
لا بشبه جماعتو ديل و لا بحل ولا بربط
غايتو بعد يديك الباسويرد تاني مابشتغل بيك الشغلة
تفتح بوست ..تخرب البوستات .. تفتح شركة ..
تسرق الوزارة ..تبلعها .. تدمرها ، بي راحتك .. انت وفلاحتك
وطبعا مرحلتو كنائب ورئيس وزراء جات بعد ذهاب دينق .. اقصد بوش
ومرحلة قوش التانية جات بعد فشله كنائب ورئيس وزراء
ومعروف عن قوش لا بعرف وزير ولا نائب ولا رئيس مجلس
شغلوا بنجضوا مع الرئيس طوالي .. ومرات مرات بتجاوز الرئيس
وبعلق في مجلس الامن والجنائية وال CIA مباشرة
وبعودة قوش مرةأخرى انتفت الحاجة للوزراء والنواب والمجالس
لان امبراطورية الجهاز ستعود بمثابة الجهاز التنفيذي والتشريعي والقضائي للدولة
وربك يجيب العواقب سليمة
|
|