Post: #10 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-09-2018, 07:00 AM Parent: #6
لهواة حرق المراحل واستعجال الخلاصة ومن نضبت غدد الصبر فيهم الإستماع إلي ما قاله في الدقيقه ٣:٥٥.. وعلى الحالمين في الأقاليم مراعاة فروق الوعد .. وعلى السودانيين أصحاب القلوب المستورده من بكين أيضا مراعاة فروق النبض ..
-
عزيزنا أبوسن كيفك .. إغتنم الفرصه واعمل ليك معهد أكروبات في سلالاب ..
( شنغهاي ياته الجد جد و لا بتاعة عملته ليهو شنغهاي الزمااان ديك!؟)
شنق Hi يا سوفي ياقديم.. في كل عام وأهل بورتسودان يتوسدون مخدات الخَدَر ويحلمون بالماء الزلال.. منذ مجئ حكم الألغاز ووعد عرقوب بأنابيب الماء القراح لا ينقطع.. بعد ٢٩ عاما لم يصل الماء ثغر السودان فأبدل الوعد بشانغهاي ولا عزاء ل غوانزو..
التلاتة الدخلو قدامي لي بوستك دا يا ود حامد مواسييييير .... 😂😂😂😂 زيهم و زي حلال الشبك المزعوم .... 😂😂😂 طبعا موضوع شنغهاي دا كل سنة مكرر دون حياء ... و المحيرني هو زاتو مصدق نفسو .... على قول اخونا ملاسي فتأمل ....
Post: #11 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-09-2018, 07:46 AM Parent: #9
أبوحسين أنتم شعب ناكر للجميل، اللنغاز جعلت كل فرد منكم بيل جيتس بعد أن كنتم شعبا من الشحادين، اللنغاز علمتكم أكل الهوت دوغ كما قال أمير المؤمنين .. نعم ، هو من أسوأ ما يمكن تناوله لكن برضو .. اللنغاز ورّتكم البيتزا والتي يتفاداها الغالبية إلا المضطر لكن برضو.. ألم يقل أحدهم أن السوداني قبل الإنقاذ لم يكن يملك (قميصين)؟ يا عادل حكِّم ضميرك وخليك سياحي.. - هدف كوتينهو الغالي تمر السوق من تمريرة سواريز أراح صاحبك أحمد القرشي أكتر من كوتينهو زاتو.. تخيل ورد في التعليق الرياضي أن هدف كوتينهو الأول مع ليفربول أيضا كان من تمريره لسواريز سنة ٢٠١٣ إن شاللهبرضو يعمل ليهو قميص يهديهو للرئيص. الله يجازي ميسي وقميصو فرتاق حافلن ومملخ الرُكَب .. ياخ انا البتفرج جاني ديسك..
Post: #12 Title: Re: بورتسودان ستصبح (شانغهاي) أفريقيا.. مبروك.. Author: حمد عبد الغفار عمر Date: 02-09-2018, 08:22 AM Parent: #11
Post: #14 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-09-2018, 09:44 AM Parent: #13
المحزن حقا يا يحيى أن يعدنا رئيسنا بعد ٢٩ عاما بأن رئيس دولة أخرى سيفي بوعده ويجلب لنا الرخاء وقبلها يطلب من رئيس دولة أجنبيه ان يحمينا.
Post: #15 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-09-2018, 09:58 AM Parent: #13
عارف يا حمد ‘ كنت استمع إليهم وهم يرددون لازمة ( لي قدام) كترديدهم كلمة (أحسب) وكنت أعرف ذلك ال (قدام) لكن لم أك أعرف أنه قدام لهذه الدرجة.. علينا بالصبر ف (ستنبهل) كما ظل يردد أحدهم هنا ما عارف الفنان الفي الفيديو اعلاه ليه ما غنى اللتشتت وغلب اللقاط .
Quote: أبوحسين أنتم شعب ناكر للجميل، اللنغاز جعلت كل فرد منكم بيل جيتس بعد أن كنتم شعبا من الشحادين، اللنغاز علمتكم أكل الهوت دوغ كما قال أمير المؤمنين .. نعم ، هو من أسوأ ما يمكن تناوله لكن برضو .. اللنغاز ورّتكم البيتزا والتي يتفاداها الغالبية إلا المضطر لكن برضو.. ألم يقل أحدهم أن السوداني قبل الإنقاذ لم يكن يملك (قميصين)؟ يا عادل حكِّم ضميرك وخليك سياحي.
هي لكن يا ابو اكرم ناسك ديل مبلطين في تاريخ السودان نسوا انو شوارع العاصمة كانت بتتغسل بالديتول و الناس نيام .. و الآن الناس نيام في الشارع .... 😂😂😂😂 قالو ناس السودان قالو لي ابليس شنو خليتنا لي ديل ...؟؟؟ رد ابليس : و انا خليتهم لي الله .... يعملوا دا كلو و يلعنوني انا 😂😂😂😂
Post: #17 Title: Re: بورتسودان ستصبح (شانغهاي) أفريقيا.. مبروك.. Author: Osman Musa Date: 02-09-2018, 04:56 PM Parent: #16
سلامات أستاذ محمد المرتضي هو ما قاصد شنغهاي الصينية . هو داير يقول بورتسودان ح تكون زي مدينة شنقلي طوباية . عليك ألله يا محمد الواحد يبكي ولا يكفت نفسو ؟ رحنا يا اخوي . رحنا في 60 داهية . وراحت أحلام شاعرنا النبي عمر الطيب الدوش . القايل : ( احلم في ليالي الصيف .. أساهر الليل و احجيها ) ( أعود ليها ماضيها ... و أطمبر ليها جايها ) ضاعت الاحلام يا ود الخال . نحن في زمن تدفع حق النفايات وتشم النفايات لا حد ما تقوم ليك صلعة هههههههها
ده حالتو فاتح لي مصنع تلج ومصنع ملح *الصبر في الملاحات *يعني الاثنين مصانع موية لو كان فاتح ليه مصنع كبريت ولا مصنع بيرة كان قال ليهم حتبقى سيلكون ڤالي
Post: #23 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-10-2018, 11:06 AM Parent: #18
(ده حالتو فاتح لي مصنع تلج ومصنع ملح *الصبر في الملاحات *يعني الاثنين مصانع موية لو كان فاتح ليه مصنع كبريت ولا مصنع بيرة كان قال ليهم حتبقى سيلكون ڤالي)
منتصر سلامات.. بمناسبة (الإفتتاحات) ، ولأن زمن الإفتتاحات ولى مع نهاية مايو (المندحرة ) التي شهد فيها السودان إنجاز عدد من أكبر المشاريع ، فقد بلغ بنا الحال أن يفتتح كبار المسئولين موفق سيارات .. باركنق يا منتصر.. قت ليك باركنق.. أعقبه افتتاح مزيره.. أنا لا أعرف لم أسقطنا مايو التي في مدى 16 عاما أنجزت فيها ما أنجزت في البنية التحتيه والرياضه والزراعه والصناعه والفن والمسرح ..إلخ فجاءت اللنغاز وقضت على كل ذلك وانتهى بنا إلى الحال إلى باركنق..
(نسوا انو شوارع العاصمة كانت بتتغسل بالديتول و الناس نيام ..)
واحد منهم في مقابله تلفزيونية قال أنه عقب ابتعاثه إلى بريطانيا عاد مع سيارة هنتر جديده في منتصف سبعينيات القرن المنصرم وأن زوجته كانت أول إمرأه سودانيه تقود سياره، لاحظ يا عادل، منتصف السبعينيات ، إي والله ، قالها ولم يطرف له جفن، من ثم سالفة البيتزا والهوت دوغ والكهرباء والشحاده التي نعتونا بها وتلك الترهات لا تُستغرب منهم.. هؤلاء لايميزوا بين بابا كوستا وبابا قاسم.. ديل مساكين يا عادل..
يا حفيظ رئيسكم قال ليكم بورتسودان حا تبقى زي شنغهاي يعني مفروض تفرح و ما بي هدوء المرة دي تعملوا ليكم احتفال و تجيبو ندى القلعة محاطة بي سيارات النجدة من كل جانب و تطلع كوستي عن بكرة ابيها للهتاف بحياتها و حياة الرئيس ما تستبعد الزول دا لو جاكم بعد اكلة كوارع كاااااربة يقول ليكم كوستي ستصبح باريس افريقيا .... 😂😂😂😂😂 انت قايل الناس ديل بتغلبهم الوعود ناس بورتسودان ديل كل مايمشي ليهم بقول ليهم السنة دي بتصلكم موية النيل ... 😂😂😂 *****************************
Quote: يا تضى ابو الحسين دا ماسورة مدغلبه
انت قايل تضي دا غشيم ....؟؟؟؟ وحات معرفتك الما منها اي فايدة دي زول حام في شوارع ود نوباوي و ركب بصات ود البصير و الدومة بكون شال من فراسة الهادي نصرالدين يعني من الملامح بس بفرز الناس و يصنفهم التصنيف الصحيح ... فا شنو قوم لف .... 😂😂😂 **********************
Quote: واحد منهم في مقابله تلفزيونية قال أنه عقب ابتعاثه إلى بريطانيا عاد مع سيارة هنتر جديده في منتصف سبعينيات القرن المنصرم وأن زوجته كانت أول إمرأه سودانيه تقود سياره، لاحظ يا عادل، منتصف السبعينيات ، إي والله ، قالها ولم يطرف له جفن، من ثم سالفة البيتزا والهوت دوغ والكهرباء والشحاده التي نعتونا بها وتلك الترهات لا تُستغرب منهم.. هؤلاء لايميزوا بين بابا كوستا وبابا قاسم.. ديل مساكين يا عادل..
جد مساكين...
عايزين تاريخ السودان يبدأ من عندهم ... و الله ياهو الفضل اول إمراة سودانية تقود سيارة زوجته ؟؟؟ و في السبعينات كمان ... ؟؟؟ السبعينات دي خالتي شامة عبدالقادر نزلت معاش كانت في التربية و التعليم... من ما قمنا هي سايقة الموسكوفيتش البيضاء ....
جد مساكين و عايزين يعملو لينا صعاليق ... شفت مصيبتنا ...؟؟؟ على قولك نحن شعب مستهدف ... 😂😂
Post: #22 Title: Re: بورتسودان ستصبح (شانغهاي) أفريقيا.. مبروك.. Author: MOHAMMED ELSHEIKH Date: 02-10-2018, 10:08 AM Parent: #21
Post: #24 Title: Re: بورتسودان ستصبح (شانغهاي) أفريقيا.. مبروك.. Author: Abdullah Idrees Date: 02-10-2018, 11:13 AM Parent: #22
كلو من تغيير المناهج ! اسي لو قصة محمود الكضاب ديك لسة في كتاب المطالعة ناس بورسودان ديل ما بصدقو محمود ده كل سنة .. اشك في انو في تواطؤ من ناس المناهج
(وهل ممكن تنفعوا لتوصيل الموية بين 5 و٥٥ سنتغريد.) يا هندسه، المواسير الذين أشرت إليهم هينين الكلام في المواسير التي ستنقل مياه سليل الفراديس إلى تَرَب هَدَل وحي العرب والترانزيت.. بالمناسبه، أنا أكتب عن بورتسودان من الذاكرة وفي أولى زياراتي لها وأنا بعد ناعم الأظافر، هههه قال ناعم الأظافر قال، سمعت عمي عبدالرحمن محمد صالح ، وهو ممن عاشوا جل حياتهم في بورتسودان، يخاطب أمي قائلا أن تاجرا سعوديا زاره مرة وقام عمي بأخذه في جوله بالميناء والأنديه الليليه والإضاءة الملونه تتلاصف على صفحة ماء الميناء فبهرته نظافة المدينة وبهرجها فقال لعمي: بالله يا عبدالرحمن متى تصبح جده كبورتسودان !!
في يقيني أن أهل بورتسودان من أجمل البشر وأرقاهم ومن أكثر سكان السودان تحضرا..
رحم الله أمي وعمي وبورتسودان الزمان. حليلم دوام بطراهم..
Post: #26 Title: Re: بورتسودان ستصبح (شانغهاي) أفريقيا.. مبروك.. Author: محمد المرتضى حامد Date: 02-11-2018, 11:52 AM Parent: #25
(اشك في انو في تواطؤ من ناس المناهج)
يا عبدالله سلام، هم يعلمون أن شيئا من ذلك لن يتحقق ويدركون أنها لاتعدو أن تكون مسألة مايكرفونات وهتافيات لا أكثر ولعلك لحظت أن المستمعين الذين تم جلبهم لشنغهاي المستقبل كانوا واجمين .. لو أتيحت فرصة لأهل الشرق لقالوا له : مويه .. موووويه بس .. شانغهاي دي ما بنعرفا ...دايرين موية ..
