Post: #1
Title: هل عندكم افكار عملية بسيطة لمواجهة مشكلة الغلاء؟
Author: احمد سيد احمد
Date: 02-07-2018, 06:55 PM
05:55 PM February, 07 2018 سودانيز اون لاين
احمد سيد احمد-السعودية
مكتبتى
رابط مختصر السلام عليكم
مهتم بقراءة مجلة ريدرز دايجست الامريكية العريقة وجمعت من نسختيها الانجليزية والعربية عشرات الاعداد القديمة وهي مجلة جميلة جدا تتطرق لموضوعات حيوية شديد باختصار ومتعة وفايدة ... في النسخة الامريكية وفي احد اعداد السبعينات لقيت موضوع بيتكلم عن مكافحة الغلاء وبيذكر افكار عملية بسيطة زي مثلا قال :
* الدواء ما شرط يكون نفس المكتوب ليك من الطبيب ويمكنك استخدام البديل وهناك بدائل تتكون من نفس المكونات بتاعة الدواء الاصلي ومافي اي داعي تخسر قروش كتيرة في شراء دواء بتاع شركة كبيرة وعريقة في حين ممكن تشتري بديل بنفس المكونات بثمن اقل كتير...تسال صيدلي من معارفك عن البديل الفعال ذو نفس المكونات عشان يمكن الصيدلي الموجود في الصيدلية ما يدلك على الحتة دي عشان يبيع الدواء الاصلي الغالي بتاعو...
* ذكر تاني مثال يمكن هنا ف السودان ما موجود لكن نذكره من باب الفايدة للناس البره السودان...بيقول انو البنزين ذو الكفاءة العالية - 95 كما يسمى في السعودية - ما بتستفيد منه اي شي لو عربيتك جديدة...فكونك تشتريهو بس بتخسر نفسك قروش زيادة وممكن تكب بنزين عادي
* في نقطة بيقوليك اقرا كاتلوج العربية كويس فربما تلقى نصايح كتيرة عن كيفية توفير الوقود وربما تجد بعض الاعطال وطريقة اصلاحها بنفسك دون الحوجة الى ميكانيكي .
وهكذا مقال مليء بافكار عملية بسيطة وكتيرة قد تساهم في توفير بعض المال....
فكيف نحنا في السودان نقدر نبدع افكار زي دي تتناسب مع واقعنا وتقلل لينا الصرف وتخفف على المواطن البسيط اعباء الحياة ؟
يلا منتظرين عصف ذهني يفيد جماهير شعبنا ويرفع عن كاهلهم وطئة الغلاء
|
Post: #2
Title: Re: هل عندكم افكار عملية بسيطة لمواجهة مشكلة �
Author: احمد سيد احمد
Date: 02-07-2018, 06:59 PM
Parent: #1
طرحت نفس الموضوع دا في نهاية 2016 وشارك معاي الاخ الملا عمر والاخ امبده بافكار جميلة ...البوس القديم هنا
http://sudaneseonline.com/board/490/msg/1476014705.html
اتقفل التعليق عشان مشى الارشيف وجانا غلاء اضعاف عشان كدا قلت اعيد نشر الموضوع مره اخرى...وبعتذر عن التكرار لكن لحوجة شعبنا لأفكار ابداعية شويه تخفف عليهو وطئة الغلاء
|
Post: #3
Title: Re: هل عندكم افكار عملية بسيطة لمواجهة مشكلة �
Author: Ali Alkanzi
Date: 02-07-2018, 07:23 PM
Parent: #2
الاخ احمد سيد احمد
ما يميز السودانيين انهم يؤمنون بالتكافل الاجتماعي المباشر والاسرة الممتدة فهذه خففت قليلاً من حدة الغلاء ولكنها ليست بحل لأنها حلول مؤقته
والحل :
أما ان تجوع الناس وتزهد في الحياة
أو سيصيبهم فقدان للعفة ولا اعني هنا عفة المرأة
يعني اشكال الناس البتطلب العون تغيرت كثيراً ويبدو من ثيابهم أنهم كانوا في بحبوحة
واصبح ليس من الغريب ان تدخل عليك امرأة سودانية في بيتك وتطلب مساعدتك
والاطفال صاروا يدقون الابواب طلباً للعمل او افطار
كما اني وجدت امرأة عجوز تنام على الرصيف امام بيتي عند صلاة المغرب وهي متسخة وخاوية المعدة
كل ما رويته اعلاه عشته شخصياً
موجة الغلاء اجبرت الناس للتسول وزادت في حدة الفقر
|
|