Post: #1
Title: بنك السودان المركزي ينفي
Author: فدوى الشريف
Date: 02-06-2018, 08:29 AM
07:29 AM February, 06 2018 سودانيز اون لاين
فدوى الشريف-
مكتبتى
رابط مختصر بنك السودان المركزي ينفي تحديد سقف للسحوبات من المصارف مؤكداً توفر وسلامة وضع السيوله بالبلاد
نفي السيد حازم عبدالقادر احمد محافظ بنك السودان المركزي صحة ماتناقلته الوسائط في مايلي تحديد البنك المركزي لسقف السحوبات ،وقال حازم عبدالقادر ان البنك المركزي لم يصدر أي منشور بهذا الخصوص وانه ليس هناك حاجة لمثل هذا الإجراء مؤكداً توفر وسلامة وضع السيوله بالبلاد ،ودعا سيادته لعدم الالتفات للشائعات المغرضة.
اعلام البنك المركزي
|
Post: #2
Title: Re: بنك السودان المركزي ينفي
Author: بشير حسـن بشـير
Date: 02-06-2018, 09:41 AM
Parent: #1
كذاب ومنافق
وانتي عارفه انه بيكذب
يبقي انتي مشتركه في الجرم
الا لعنة الله علي الكيزان اينما وجدوا
|
Post: #3
Title: Re: بنك السودان المركزي ينفي
Author: ولياب
Date: 02-06-2018, 09:52 AM
Parent: #2
الأخت فدوى
سلام
مادام نفوا يعني تأكيد لتحديد السحب وزيادة على كده ندرة في النقود .
ومساء أمس أتصلت على الأبناء للاطمئنان على أوضاعهم
صدمت حينما قالوا أنهم على الحديدة ، ولم يتمكنوا من سحب
مصاريفهم من الصرافات ، ولاحظ هؤلاء طلبة ولديهم مصروف
قليل ومحدد شهرياً .
وحالة ثانية ، إتصلت على أقربائي لهم مناسبة خلال الأيام القادمة
وسألتهم كيف سيواجهون مصاريف المناسبة ، ذكروا لي أنهم
بصعوبة تحصلوا نص المبلغ المطلوب من البنك .
|
Post: #4
Title: Re: بنك السودان المركزي ينفي
Author: أبوبكر عباس
Date: 02-06-2018, 09:57 AM
Parent: #3
بالأمس بعد بوست عبد الله عثمان عن شُح السيولة،
اتصلت بشقيقتي بمدني وهي نائب مدير بنك
نفت لي تحديد سقف للسحب وأنه تستطيع أن تسحب ما تشاء من أموالك.
الصرافات بها مشكلة سيولة، لكن البنوك حسب اتصالي أمس ليلا
ليس بها مشكلة سيولة
|
Post: #5
Title: Re: بنك السودان المركزي ينفي
Author: محمد بدرالدين
Date: 02-06-2018, 10:04 AM
Parent: #3
قد يكون البنك المركزى لم يصدر منشور ..
و لكنه لم يوفر السيولة للبنوك..
ما شرط يطلع منشور ..
دة اسلوبهم ف كل شىء
و النتيجة معاناة الناس
و فعلا امس عشان نحول للسودان مافى طريقة ( سعر الريال مجهجه اضافة لعدم القدرة على السحب من البنوك )
ياخى ربنا يشيلهم الليلة قبل بكرة ....
حاجة تفقع المرارة
|
Post: #6
Title: Re: بنك السودان المركزي ينفي
Author: محمد أبوالعزائم أبوالريش
Date: 02-06-2018, 10:12 AM
Parent: #5
Quote: الصرافات بها مشكلة سيولة، لكن البنوك حسب اتصالي أمس ليلا
ليس بها مشكلة سيولة |
والصرافات بتجيب قروشها من السوق الشعبي؟
|
Post: #7
Title: Re: بنك السودان المركزي ينفي
Author: Hafiz Bashir
Date: 02-06-2018, 10:24 AM
Parent: #6
Quote: تصلت بشقيقتي بمدني وهي نائب مدير بنك
نفت لي تحديد سقف للسحب وأنه تستطيع أن تسحب ما تشاء من أموالك. |
يعني إنت كنت متوقع نائب مدير البنك دي و اللهي شقيقتك تقول ليك أيوا بنك السودان رسل منشور للبنوك (و ليس للعامة) بتحديد السحب عشان إنت تجي تكتب كلامها دا في سودانيزاونلاين؟
التحية لشقيقتك التي تعاملت معك بمهنية و حافظت على أسرار العمل
|
Post: #8
Title: Re: بنك السودان المركزي ينفي
Author: أبوبكر عباس
Date: 02-06-2018, 10:50 AM
Parent: #7
قلت لي يا المبروك، منشور بنك السودان بتحديد سقف السحب منشور سري؟!
|
Post: #9
Title: Re: بنك السودان المركزي ينفي
Author: Hafiz Bashir
Date: 02-06-2018, 01:28 PM
Parent: #8
| Quote: قلت لي يا المبروك، منشور بنك السودان بتحديد سقف السحب منشور سري؟! |
🙄
سري، مكتوب بالحبر السري يعني؟
وين أنا قلت ليك بنك السودان أصدر منشور بتحديد سقف السحب؟
|
Post: #10
Title: Re: بنك السودان المركزي ينفي ر
Author: عبدالعظيم مكى
Date: 02-06-2018, 02:23 PM
Parent: #9
مافي تحديد سقف للسحب ومافي قروش، افرع البنك بتنتظر الموردين لتلبية احتياجات العملا، وكل فرع بقسم القروش ال بتجيه زي المرارة على العملا المتواجدين داخل الفرع. السيولة متوفرة في بنك السودان لكن بطلعها بالقطارة عشان يتحكم في سعر الدولار. الان قروش مافي في السوق وانخفاض لسعر الدولار والعملات الأخرى.
|
Post: #11
Title: Re: بنك السودان المركزي ينفي
Author: د احمد حمدان
Date: 02-06-2018, 02:39 PM
Parent: #1
جاري لا علاقة له بالسياسة قال لي لم يستطيع سحب مصاريفه من بنك الخرطوم ورجع فاضي الوفاض .. والله هذا م قاله لي
|
|