Post: #2
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 06:43 PM
Parent: #1
صاح هي اختصار لـ Sudan Pound انا غايتو أول مرة اركز في اختصار الجنيه السوداني لكن الحروف دي ما غريبة ؟ قدر ما قوقلت عشان ألقى الكلمة كاملة عشان أعرف حرف الـ G بشير لي شنو ما عرفت
|
Post: #3
Title: Re: SDG هل هو اختصار لعملة السودان الجنيه؟
Author: محمد أبوالعزائم أبوالريش
Date: 02-05-2018, 06:56 PM
Parent: #2
سودانيز جنيه ...... تصور؟
الــ G = جنيه
|
Post: #4
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 06:59 PM
Parent: #3
هلا ابو الريش
استبعدتها تماما أنا
يعني الجنيه منجلش (من انجليزي)
معقول كتبوها الانجليز زمان أول مرة ول دي عزة وأنفة سودانييين ساي
|
Post: #5
Title: Re: SDG هل هو اختصار لعملة السودان الجنيه؟
Author: محمد أبوالعزائم أبوالريش
Date: 02-05-2018, 07:04 PM
Parent: #4
ديك بتاعة الإستعمار ياخ ....
نفس الفهم القالوا بيهو الدينار عملة إسلامية.
|
Post: #6
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 07:11 PM
Parent: #5
الانجليز حقارين ليه حقهم باوند ونحن جنيه
بأكد ليك الاسبلينج بتاه جنيه دي ما بكون محدد كيف وهسه ممكن أي زول يكتبو زي ما عايز
|
Post: #7
Title: Re: SDG هل هو اختصار لعملة السودان الجنيه؟
Author: محمد أبوجودة
Date: 02-05-2018, 07:22 PM
Parent: #2
سلام عزيزنا حمد،
ولك كل التحايا الطيبة ..
مؤمّل حتى الآن، الدخول والتداخل في بوستك حول الكتابة، وأرجو ألّا يكون "اكتمل" بدره بالسبوعين؟
بالنسبة لاختصار عُملتنا الوطنية، الجنيه، فالــSDG هو آخر "اختصارات" العُملة الوطنية ترميزاً، وتعني الجنيه السوداني الجديد = New Sudanese Pound
ومعاك حق، أن وقَفَ "حُمار شيخك" في عقَبَة الــG وكلّنا ذلكم الرجل الذي وقَف حماره هنضب! ولكنّا من الربع نَشيء الإنقاذ منذ "هيعة ال مَيْعَة" الشبابية غصباً عن حَناننا..! وحيث أن الــG جاءت هاهنا المصطلح كــ "حرفٍ" نافر، وكذلك حيث كان وما يزال العقل الإنقاذوي في "كراهة" الغرب الآوروأمريكي - فقط إعلامياً - سافِر بن غير كافر عديل كدا، مع أنّ ذات العقل الخَليّ! غير مُمتلئ إلّا بالولَه بالبنكَيْن الصندوقَيْن آل- بريتون وودز..! وحيث كذلك أن التأصيل، كَــ شِرعة إنقاذوية مُسرطَنَة، كثيراً ما أطربتْ "وهماتِهم" وملّكت ذُراريهم حِجاجاً أشبه ببيوت العنكبوت، بـَ لها "تُفافات" العنكوليب! حول الأصالَة والنّبالة؛ وتلك نبالات لا تخلو من كثير "هَبالات"
فغالب الأمر أن الــG هنا تَنمي بأصلها إلى الأصالة، وهي تتزيّأ ثوب التّعريب فبدل "Pound" المشهورة دولياً، تتموضَع ال "جــِــنِيْ" وحتى هذه الأخيرة لا تلتزم الإملاء الغربي الكافر..! فبدلاً أن تكون Jennih تصير Gini حتى إنْ أشارتْ عديلاً إلى "الجِنِّي" المعروف داك- وذاك غير صاحبنا الفاضل بهذا المكان - وبلا شك، هي "اندراوة إنقاذوية" جاءوا بها ثم تشبّثوا أنها الأجدر بهم بدل الجّنّ! وهكذا، صارَ بظهرانينا صنيعُهم البائر، غير مسبور الطبيعة، ولا ميسور الفهَم.
إلى ذلك، فإن الG قد تُنمي إلى الجيناريستي، والتي تعني الشهامة والرجالة حتى وإن جاءت على شيءٍ من الدّغالة؛ كذلك قد تَنمي ربما إلى ال جينيتَيْكس دون أن تلتفت إلى أي صيحات مُحَذِّرة مُنْذِرة بأن خلف ال جينيتيكس إلّا ال "قاينا" ...!
فاقبلها، أيها العزيز، فقد قبلناها جميعاً، وإن على غير قليلٍ من القجج حتى إنها في الغالب، ستتغيّر قريباً، وربما نعود للــLS حتى بغير خُفَّيْ حُنين.
ـــــــــــــــــــ مع مودّاتي الظاهرة والمخبوءة وكدا .. ودمتَ بكل خير
|
Post: #9
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 07:32 PM
Parent: #7
العزيز ابو جودة
لقد شرحتها حتى بانت نواجز الـ G
أكيد صناعة انقاذية مافي زول عولق وخولق السودان دا غيرهم
دحين الـ LS دي موش ياها اسم عملتنا زمان الواحد من كثرة تغيير العملة بقى ما بفرز بالجديد من بالقديم
بوست الكتابة بانتظارك يا أبو جودة يا ليت وا ريت انفع كلام يا ريت تديهو طلة اكيد لنا عودة إليه
|
Post: #12
Title: Re: SDG هل هو اختصار لعملة السودان الجنيه؟
Author: محمد أبوجودة
Date: 02-05-2018, 07:44 PM
Parent: #9
Quote: دحين الـ LS دي موش ياها اسم عملتنا زمان الواحد من كثرة تغيير العملة بقى ما بفرز بالجديد من بالقديم |
أي نعم، وكُنّا كــ مِصرفيِّين حَرْفيِّين نكتبها بادئينها بالكابيتال L ثم نضمّ إلى حناياها أو عند "خَتَراتها" الـ Small "إس" يا حلاتا فتصير Ls كأشبه بــ "دورة حياة جرثومة الـبِلهارسيا" من يرقة إلى شرنقة وهكذا سو آند سو وإن كان من زجرٍ يفيد الإنقاذوية، فليعلموا أنهم أبدلونا (خلايا) الآفات المرضية من "سرطان" و "إشعاع" عِوَضاً عن تلك الشرنقات البيلي-هارسية و"الدودة الشريطية" و محبوبتنا "بنت الدهر" أنثى الأنوفليس؛ فانظر لهذه النّذارة الإنقاذوية البطّالة!! أيستبدلوننا الأشرس بالذي هو أبرَك بالمقارَنَة وكدا ..؟!
لا دَرّ لهم دَرْ، ولا قَرّ لهُم حُكم، ولا استقام لهم " جنيه " ولا "دينار DS" ذاتو
|
Post: #10
Title: Re: SDG هل هو اختصار لعملة السودان الجنيه؟
Author: الصادق آدم
Date: 02-05-2018, 07:35 PM
Parent: #7
سلام عزيزنا حمد Sudanese Domestic Growth
My be
|
Post: #11
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 07:41 PM
Parent: #10
كيفك يا الصادق
معقول لكن؟ الكلام الجبتو دا معناهو تاني صاح مرتبط بالاقتصاد لكن شكلك مزهجك الجنيه الميت دا ساي
|
Post: #8
Title: Re: SDG هل هو اختصار لعملة السودان الجنيه؟
Author: احمد عمر محمد
Date: 02-05-2018, 07:27 PM
Parent: #2
يا عبد الغفار عساك طيب اعتقد ان ال G هي اختصار لى Genih غالبا والسبب يعود الى ان هناك رمز لكل عملة حسب معيار إسو يتكون من ثلاثة احرف حيث يشير الحرفان الاولين للدولة والثالث للعملة مثلا AED والتي هي Arab Emirates Derhm والسودان ربما صادف ان استخدام P:pound ربما كانت محجوزة مع اي دولة اخرى تستخدم عملة الباوند وحرفي الدولة SD، لذا اعتقد تم استخدام G:Genih فاصبحت SDG. مجرد تخمين وتوقع تحياتي
|
Post: #13
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 07:47 PM
Parent: #8
كيفك يا احمد عمرمحمد مالك مختفي نوعا ما
كلامك ممكن لأنو لما قوقلتها قوقل اداني خيار SGD الدولار السنغافوري بس الحروف بختلف لكن ليه ما تكون SDP ما دام الشغلة دخلها إنجليزي Convert money in Sudanese Pound (SDP) to and from foreign currencies using up to date exchange rates
.السطر دا من قوقل القصة دي افتكر حصلت ايام حملة التعريب ديك
|
Post: #14
Title: Re: SDG هل هو اختصار لعملة السودان الجنيه؟
Author: Hafiz Bashir
Date: 02-05-2018, 07:48 PM
Parent: #8
The Sudanese Pound (SDP) is obsolete. It was replaced with the Sudanese Dinar (SDD) on January 1, 1992. the Sudanese dinar (SDD) was replaced by the sudanese pound (SDG) on 30 Jun 2007.
افتكر سمو الجنيه الجديد SDG عشان ما يتلخبت مع الجنيه القديم SDP. لغاية وقت قريب كانت مواقع تحويل العملات بتكتبهم التلاتة SDG و SDD و SDP
|
Post: #15
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 07:53 PM
Parent: #14
هلا حافظ
الجنيه الجديد دا أنا قايلو ياهو الجنيه القديم لكن اليوم بشوية مراجعة عرفت إنو ما ياهو اعتقد الدينار = 10 جنيه قديم الجنيه الجديد يساوي 100 دينار
الجنيه الجديد يساوي 1000 قديم
بس اتذكرو معاي ال Ls الجابها ابوجودة موش كانت هي رمز الجنيه زماااان؟
|
Post: #16
Title: Re: SDG هل هو اختصار لعملة السودان الجنيه؟
Author: احمد عمر محمد
Date: 02-05-2018, 08:00 PM
Parent: #15
انا احمد عمر محمد واخونا احمد محمد عمر عاملين زي معكوس الدولار السنغافوري مع الجنيه السوداني
|
Post: #17
Title: Re: SDG هل هو اختصار لعملة السودان الجنيه؟
Author: Hafiz Bashir
Date: 02-05-2018, 08:05 PM
Parent: #16
الLs دي أفتكر كانت علامة الجنيه زمان و الSPD دا الآيزو كود زي ما ال$ هي علامة الدولار الأمريكي و USD هو الآيزو كود
|
Post: #18
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-05-2018, 08:05 PM
Parent: #16
غيرناها يا أحمد عمر محمد رغم إنو التغيير بقى متعب خلاس
|
Post: #19
Title: Re: SDG هل هو اختصار لعملة السودان الجنيه؟
Author: Hani Arabi Mohamed
Date: 02-05-2018, 10:27 PM
Parent: #1
SDP = Sudanese Pound الجنيه السوداني SDD = Sudanese Dinar الدينار السودان ويساوي 10 من الـ SDP SDG = Sudanese Genaih الجنيه السوداني الجديد ويساوي 1000 من الـ SDP ويساوي 100 من الـ SDD
|
Post: #20
Title: Re: SDG هل هو اختصار لعملة السودان الجنيه؟
Author: Asim Ali
Date: 02-06-2018, 00:19 AM
Parent: #19
حمد وضيوفو - سلامات SDG جنيه سودانى اكتر مانبهنى ليها كروت الاسكراتش بعد تحويل العمله من دينار لى جنيه.
LS اللى هى ( اختصار ) زمان للجنيه السودانى واظن انها تعنى تحديدا اختصار (local currency (Loacls اما لما تكتب كلمات كامله Sudanese pounds. . الله يرحم جنيه زمان (الطراده = 25 قرش) تعمل الما بتعملو الخمسين جنيه هسع .
|
Post: #21
Title: Re: SDG هل هو اختصار لعملة السودان الجنيه؟
Author: أحمد محمد عمر
Date: 02-06-2018, 04:00 AM
Parent: #20
غايتو يا احمد يوم بجيك عكاز طاير في وشك بالغلط :) عامل اسمك الشين دة
|
Post: #28
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 06:23 PM
Parent: #21
أووو أحمد محمد عمر
عامل اسمك الشين دة
انتا ما بتوب؟
أصبر الخميس قرب
|
Post: #22
Title: Re: SDG هل هو اختصار لعملة السودان الجنيه؟
Author: Ali Alkanzi
Date: 02-06-2018, 04:09 AM
Parent: #20
سلام في فجر يوم جديد يا اخوة الحرف الاول والثاني يعني السودان and the 3rd letter (G( stands for Geneh لانو العالم اتفق ان يختصر اسم كل دولة في حرفين Countries abbreviations فنقول:
Chad TD Chile CL China CN Christmas Island CX Cocos (Keeling) Islands CC Colombia CO Comoros KM Congo CG Democratic Republic of the Congo CD Cook Islands CK Costa Rica CR Croatia HR Cuba CU Curacao CW Cyprus CY Czech Republic CZ Cote d'Ivoire CI Denmark DK Djibouti DJ Dominica DM Dominican Republic DO Ecuador EC Egypt EG El Salvador SV Equatorial Guinea GQ Eritrea ER Estonia EE Ethiopia ET Falkland Islands (Malvinas) FK
مودتب
|
Post: #23
Title: Re: SDG هل هو اختصار لعملة السودان الجنيه؟
Author: Ali Alkanzi
Date: 02-06-2018, 04:18 AM
Parent: #22
Currency symbols and their abbreviations Overview of the world's major currency symbols and their abbreviations Country/Region Currency Currency Symbol(s) Currency Abbreviation Antigua E.C. Dollar E.C. $ XCD Argentina Pesos $ ARS Australia Dollar $ AUD Austria Euro € EUR Bahamas Dollar $ BSD Bahrain Dinars .د.ب (Arabic) or BD (Latin) BHD Barbados Dollar $ BBD Belgium Euro € EUR Belize Dollar BZ$ BZD Bermuda Dollar $ BMD Bolivia Bolivianos $b BOB Botswana Pulas P BWP Brazil Real R$ BRL Cameroon Communauté Financière Africaine Francs CFAF CFAF Canada Dollar $ CAD Cayman Islands Dollar $ KYD Chile Pesos $ CLP China Yuan Renminbi CNY Colombia Pesos $ COP Costa Rica Colones CRC Cyprus Pounds £C CYP Denmark Kroner kr DKK Dominican Republic Pesos RD$ DOP Ecuador United States Dollar $ USD Egypt Pounds £ EGP El Salvador Colones $ SVC Fiji Dollar $ FJD Finland Euro € EUR France Euro € EUR Germany Euro € EUR Greece Euro € EUR Guatemala Quetzales Q GTQ Honduras Lempiras L HNL Hong Kong Dollar HK$ HKD India Rupees Rs INR Indonesia Rupiahs Rp IDR Ireland Euro € EUR Italy Euro € EUR Jamaica Dollar J$ JMD Japan Yen ¥ JPY Kenya Shillings K Sh KES Korea Won KPW (north) KRW (south) Kuwait Dinars KD KWD Liberia Dollar $ LRD Liechtenstein Switzerland Francs CHF CHF Luxembourg Euro € EUR Macau Patacas P MOP Malawi Kwachas MK MWK Malaysia Ringgits RM MYR Malta Liri € EUR Mauritius Rupees Rs MUR Mexico Pesos $ MXN Morocco Dirhams DH MAD Netherlands Euro € EUR Netherlands Antilles Guilders (Florins) ƒ ANG New Zealand Dollar $ NZD Nigeria Nairas NGN Norway Kroner kr NOK Oman Rials OMR Pakistan Rupees Rs PKR Panama Balboa B/. PAB Papua New Guinea Kina K PGK Paraguay Guarani Gs PYG Peru Nuevos Soles S/. PEN Philippines Pesos Php PHP Portugal Euro € EUR Puerto Rico United States Dollar $ USD Qatar Rials QAR Saudi Arabia Riyals SAR
|
Post: #24
Title: Re: SDG هل هو اختصار لعملة السودان الجنيه؟
Author: Kabar
Date: 02-06-2018, 06:18 AM
Parent: #23
حمد..حبابك يا صديقي وحباب الأصدقاء هنا.. كتر خيرك على البوست الجميل..
عطفا على كلام احمد عمر ، حافظ بشير ، هاني ، الكنزي.. اجابة على سؤالك في العنوان: نعم هو رمز عملة الجنيه السودانية حسب منظمة المعايير الدولية او المنظمة الدولية للمعايير (أيزو). ايزو عندها منظومة رموز عديدة متفق عليها عالميا..مثلا رموز عملات الدول تقع تحت.. ISO 4217 CODE اللغات تقع تحت ISO 639 CODE وهكذا.. حرف G هو حرف متفق عليه ولا يشير لأي حاجة ، يعني لا يعني جنيه كما خمن البعض هنا ولا يشير الى (حكومة السودان) كما هو متعارف عليه سابقا..وانما هو جزء من الرمز..وهو ما يعرف بالجنيه الثالث في السودان ، وهي التي اشار لها الأصدقاء اعلاه.. الجنيه الأول رمزه: SDP الجنيه الثاني (الدينار) رمزه: SDD والجنيه الثالث رمزه: SDG كما ذكرت G حرف لا يحمل معنى وانما اتفاقي مثله ومثل بعض الحروف التي تظهر في رموز عملات بعض الدول ولا تحمل معنى ..مثلا..الشلن الأوغندي والبيسو الأورغواي رمز الشلن الأوغندي (آيزو) UGX رمز البيسو الأورغواي URU طبعا عندي نية اسقط الحكومة الحالية ، وح يكون رمز الجنيه الرابع SDK واكيد الناس ما ح تحتار كتير في تفسير K ودمت طيبا.. كبر
|
Post: #25
Title: Re: SDG هل هو اختصار لعملة السودان الجنيه؟
Author: Biraima M Adam
Date: 02-06-2018, 06:54 AM
Parent: #24
ول أبا كبر،
جنيه كبر ..
الأختصار دا يا ول أبا كبر، عندنا في البرمجة معروف لينا ذي ما الزول يعرف أهله .. ويعنى Software Development Kit
بريمة
|
Post: #30
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 06:48 PM
Parent: #23
مرحب علي الكنزي
مشكور على المعلومات بس موش ملاحظ إنو كتابة جنيه بالحروف الانجليزية حصل فيها تفاوت حتى في البوست دا من ناحية الاسبلينج
اتكتبت ثلاثة مرات بشكل مختلف ، دا كلو من حركات التأصيل وما تبعها من تخريب لكل الإرث الممتاز في الخدمة المدنية بشكل عام
|
Post: #27
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 03:12 PM
Parent: #20
هلا عاصم بس اشارة ال اس لعملة محلية بتخلي التمييز مبهم سرها عن الانجليز بمناسبة الطرادة دي عندنا عم قال زمان لما تدخل الانداية ولابس خفيف وخاتي جنيه في الجيب الانادي كلها تزغرد ويباروك العتود كان بطرادة اتخيل لي
|
Post: #26
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 03:02 PM
Parent: #19
كيفك يا هاني غايتو اكتر جنيه اتمرمط في الدنيا دي تغيير الاسم دا ما مبلوع كلو كلو يعني الواحد ينزنق طوالي يغير اسمو
|
Post: #31
Title: Re: SDG هل هو اختصار لعملة السودان الجنيه؟
Author: Asim Ali
Date: 02-06-2018, 06:58 PM
Parent: #29
الحكايه فيها اختلافات كثيره مثلا الجنيه السودانى LS زمان رمزو قريب من المصرى LE فى نفس الوقت العمله السوريه SYP
|
Post: #32
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 07:06 PM
هلا بيك كبر
هو حرف متفق عليه ولا يشير لأي حاجة ، يعني لا يعني جنيه كما خمن البعض هنا ولا يشير الى (حكومة السودان) كما هو متعارف عليه سابقا.
كلام الترميز دا عمليا منطقي بس الترميز بالتأكيد ليهو أسس يعني الإشارة للدولة بحرفين افتكر انها زي عٌرف ملزم لا بد منه للتفريق وتقريب الرمز للدولة المعنية
ولو إني بديت أرجح حكاية جنيه الدهب دي الوردت في رسالة صديقنا الفوق ولو ملاحظ كان في إشاعة لإصدار جنيه ذهب ممكن تكون تم تذكرها من الرمز بحرف الـ G
|
Post: #33
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-06-2018, 07:16 PM
Parent: #32
مرحب بريمة
|
Post: #34
Title: Re: SDG هل هو اختصار لعملة السودان الجنيه؟
Author: حمد عبد الغفار عمر
Date: 02-07-2018, 06:15 AM
Parent: #33
عشان تعرفوا عدم منطقية الحاجات البتحصل دي الجنيه الحائم هسه دا بيساوي 1000 جنيه من القديم الجنيه القديم في يوم ما كان بيساوي 3.33 دولار طيب الجنيه الجديد دا افتراضا مفروض يساوي 3330 دولار حسابي دا صحيح ول القصة جايطة لي في راسي
|
|