الأمم المتحدة تعلن إلغاء المشاريع الجديدة مع جامعة الأحفاد بسبب "حنية" بابا قاسم !!!

رعلى ذمة الواتساب



ان شا الله اتبسطت يا عمّك
قلت لي فاضربوهن
طيب

Quote: الأمم المتحدة تخطر جامعة الأحفاد للبنات انها لن تجدد مشاريعها المشتركة معها عقب انتهاء المشاريع الحالية بسبب العنف الجسدي الذي يرتكبه قاسم بدري ضد الطالبات. هذا الخطاب يمثل ادانة دولية قاسية جداً لقاسم بدري ولجرائمه في حق الطالبات. ملحوظة: الخطاب مؤرخ ب 25 يناير .. قبل 5 ايام من احتفالية "لمسة الوفاء" التي اقيمت لقاسم بدري. منقول ان حمور زيادة ترجمة مستعجلة: الامم المتحدة - السودان التاريخ: 25 يناير 2018 نيابة عن وكالات الأمم المتحدة التي تعمل بشكل مرتبط او مباشر مع جامعة أحفاد على حماية ومنع العنف القائم على نوع والجنس، وتطوير النساء والفتيات، وبناء القدرات والتدريب والتطوير، بما في ذلك التعليم وعديد النشاطات في السودان، نكتب للتعبير عن قلقنا العميق إزاء مقاطع الفيديو الأخيرة التي شاهدناها في وسائل الإعلام من رئيس الجامعة، السيد قاسم بدري، والاعتداء البدني على الطالبات، واعترافه لاحقا بالأفعال. وهذا السلوك، وأي شكل من أشكال العنف داخل المؤسسة، لا سيما العنف الذي ترتكبه القيادة ضد أولئك الذين يرعونهم، يتنافى تماما مع المبادئ التي تكرسها الأمم المتحدة وتدعو إليها مع شركائها الاوربيين. تتمسك وكالات الأمم المتحدة بالمبادئ التي ترتكز على دعم حقوق الفتيات والنساء، وتعزيز تمكينهن ومشاركتهن، وضمان المساواة بين الجنسين ومنع العنف القائم على نوع الجنس، فقد كانت جامعة أحفاد مدافعا منذ زمن طويل عن هذه المبادئ ولعبت دورا هاما في هذا الجانب في السودان وفي المنطقة. وفي حين أننا نؤمن إيمانا راسخا بمثل الجامعة وأهميتها المستمرة في الحافظة علي المبادئ التي نشارك فيها، فإننا نرى أن الإجراءات التي اتخذها رئيسها مؤخرا تقوض بشدة تلك المبادئ ذاتها. ونأمل ونؤمن بأن القيادة الجامعية ستتخذ جميع التدابير الممكنة لضمان منع العنف، واتخاذ التدابير التصحيحية عند وقوع هذه الأعمال. ومع ذلك، وفي ضوء التباين بين الأحداث الأخيرة والمبادئ التي تتبناها الأمم المتحدة وجامعة الأحفاد، نأسف لإبلاغكم بأنه حتى تتخذ الجامعة الإجراء المناسب، لن تبدأ الأمم المتحدة أي مشاريع أو شراكات جديدة مع الجامعة. البروفيسور قاسم بدري رئيس جامعة أحفاد للمرأة أ.د. نفيسة بدري مدير مكتب العلاقات الدولية والخارجية. بروف بلقيس؟ بدري مدير المعهد الإقليمي

مبروك لانتصار القيم والمبادئ، وليخسأ قاسم والأحفاد وكل من دافع عنهم
وليخسأ الخاسئون
دي المناظر الفيلم ما بدا لسى، والغريق لقدام

شكرا يا ود البشرى

بذلتهمو نصحا بمنعرج اللوى فلم يستبينوا النصح حتى ضحى الغد

واغلب الظن انهم لم يستبينوه.. الرسالة واضحة (ان صحت الوثيقة) وتصحيح الاخطاء مقصود به إقالة البروف. كتبنا وكتب غيرنا هنا ان يتحرك
مجلس الجامعة ويقيل البروف او يستقيل وينقذ سمعة الجامعة قبل إنقاذ مواردها ومصادرها.. لكن كل قادة السودان سواء سياسيين او تربويين خلقوا من طينة واحدة.. الدكتاتورية وعدم الاعتراف بالخطأ.. دع عنك التصحيح والاعتذار.
ما زالت هناك فرصة للتصحيح وهى ان يتنحى البروف.. وان يعلن المجلس للشعب واولياء امور الطالبات انهم لن يسمحوا بتكرار ما قام به رئيس الجامعة

يلا يا قاسم بدري "خُم و صُر " ..
والناس الدافعو عنو ، نفس الشي ..
حكاية الكنكشة واالمكابرة وتزيين الباطل دي بقت عجيبة
زول خرق القانون بكل بجاحة ومكابرة يجو ناس يقولو نيتو سليمة ! مين شاف نيتو ؟
لو كل الجهات الداعمة للاحفاد اخدت نفس القرار حتنهار الجامعة
غلطة تبدو صغيرة في نظر الكثيرين ممكن تدمر جامعة بحالا اذا لم تعالج بشكل سليم !

غايتو قاسم بدري اذا ما إستقال بعد خطاب الأمم المتحدة دا
مفروض السودانين يطلعوا البنات من حظيرة الأحفاد للبنات بتاعته وخلي يخم ويصر

إذا لسه حيكابر بعد الصفعة الأممية دي تبقي دي مصيبة
والمؤلم حقا أن ينبري من سيدافع عنه ويشتم الأمم المتحدة
لأنها حشرت أنفها في شأن داخلي ( حنسمع النغمة دي كثير)

اكل نيم🙈

على نفسها جنت براقش

علي إدارة الجامعة والقائمين علي أمرها والحادبين عليها يغلبوا مصلحة الجامعة وإستمرارها (كرسالة إجتماعية وأكاديمية) وكمشعل تنوير - أن يغلبوا مصلحة الجامعة ومصلحة الطالبات علي إي
إعتبار آخر - فالمؤسسة فوق الفرد - والمصلحة العامة يجب أن تكون الهدف -والغاية..

أها عقبال خطوات تجاه الذين يجلدون النساء بأمر القاضي كمان!!!!

يا ود البشرى.

مجلس أمناء الجامعة لسه عندهم فرصة في أن يقيلوا قاسم بدري، ويستمعوا الى صوت العقل.

حتى لو أقيل (بابا قاسم ) أسهم الأحفاد ماشة في إنحدار شديد ولن تعود الأحفاد كما كانت!
الناس فتحت عينا على البيحصل في الأحفاد وما أظن ترسل بناتا لي جامعة تدار بالسوط والتخويف
إلا إذا كان هناك تغييرات جذرية في الطريقة التي تدار بها وشجاعة في الإعتذار والعمل على إصلاح
الصورة التي إهتزت كثيرا" ولا أظن ذلك سيحدث.

يا ودو لو الخطاب بتاع UN دا طلع شتلة واتساب و طلعت بتاع ضُنبات ككو (و أرجح ذلك) الضحك شرطك.

×لاص جيت آلغالاط !
ما شفت ديل و

Quote: على ذمة الواتساب

ههههههههههههه

يا زول ديل ما بحلنك

هههههههههههههههه
نعيب زماننا ونقال الكفر كافر خخخخخخخ
أقترح تعلن اعتزالك اللعب الدولي .

يا عمك شتلات الواتساب أصلاً لازم تكون منقولة. فقصة منقول دي ما بتحلك.

عشان نساعدك و نجيب ليك النجيضة، وريني خطابك الفوق دا صادر من ياتو مكتب للأمم المتحدة في السودان. علماً بإنو الأمين العام ما عندو ممثل منفصل في السودان الآن.
و إذا الخطاب صادر من الresident coordinator وين التوقيع بتاعو عشان نسألوا ليك عن ماهية الخطاب.

يبدو وفيما يبدو لي الخطاب ده شتلة ..

ود البشرى منقول دي ما بتحلك وحاة الله ..
لو جات من زول تاني كان ممكن نمشّيها ليهو ؟؟
لكن منك انت كمتخصص نحرير ..
في فنون فك شفرات الشتل وابطال مفعولها ..
نهي نهي .. ما بنقبلها منك ..
فشوف ليك درب مراقة من ضو ..
قبل ان تدلهم عليك الخطوب ...

يلا يا حافظ ضري عيشك ..

ــــــــــــــــــــــــــــــــــــــــــــــــــــــــــــــــ

والله الواحد بيتمنى انه موقف ضرب الفتيات الشفناهو داك ..
تتقفل الاحفاد لو ما اقالت قاسم بدجري ..
ده لو اصلا في زول بيقدر يقيلو ..
لانه شغال بي منطق سيد الكنتين ..
في باله انه مافي زول يجرؤ على طرده من كنتينه ده ..
فليت كل من يدعم الاحفاد يربط الدعم باقالة قاسم بدري ..
الدنيا دي ما هاملة للدرجة دي ..
والله منظر البنية الانضربت واللزوها ووقعت في الواطة ..
لي هسه معلّقة معاي وما قادر أنساها ..


بلد هاملة وما عندها سيد .......

يا ود القوز أنا حدي أقنطر الكورة.
الشواتين كتااااااااار

او ارمي التور
و سعر المُبرَد (البتاع السنو بيهو السكاكين داك) قد يصل لأرقام خرافية في اسواق سودانيزاونلاين.

صراحة رصانة اللغة الانجليزية ورسمية لغة الخطاب أبعدت احتمالية ان الخطاب مضروب !! عموما ان انتشار هذا الخطاب في الوسائط الإعلامية يرجح ان محتواه قد وصل المكتب المحلي للأمم المتحدة بالسودان
مما قد يدفعهم للنفي أو الاثبات ...وحتي ان تم نفي صدور الخطاب فهذا سيضع المكتب امام مسؤلية كبيرة تفرض علبها التعليق علي حادثة قاسم بدري وتوضيح موقف مكتب الامم المتحدة مما جري !

صراحة رصانة اللغة الانجليزية ورسمية لغة الخطاب أبعدت احتمالية ان الخطاب مضروب !! عموما ان انتشار هذا الخطاب في الوسائط الإعلامية يرجح ان محتواه قد وصل المكتب المحلي للأمم المتحدة بالسودان
مما قد يدفعهم للنفي أو الاثبات ...وحتي ان تم نفي صدور الخطاب فهذا سيضع المكتب امام مسؤلية كبيرة تفرض علبها التعليق علي حادثة قاسم بدري وتوضيح موقف مكتب الامم المتحدة مما جري !

هوي يا بتاع الغلاط انت
اهو البوست من صفحة حمور زيادة و العنده غلاط اليمش يغالط حمور

صراحة رصانة اللغة الانجليزية ورسمية لغة الخطاب أبعدت احتمالية ان الخطاب مضروب !! عموما ان انتشار هذا الخطاب في الوسائط الإعلامية يرجح ان محتواه قد وصل المكتب المحلي للأمم المتحدة بالسودان
مما قد يدفعهم للنفي أو الاثبات ...وحتي ان تم نفي صدور الخطاب فهذا سيضع المكتب امام مسؤلية كبيرة تفرض علبها التعليق علي حادثة قاسم بدري وتوضيح موقف مكتب الامم المتحدة مما جري !

لا ادافع عن قاسم بدرى
الاحفاد من زمن قديم قامت على الدعم المحلى, من جهات خيرية, حتى فى اقصى ولايات السودان, حسب ما قرأت فى مذكرات ( قدر جيل) للعميد الراحل يوسف بدرى
الامم المتحدة تعلق على حادثة منفردة وتعاقب الجامعة كلها, أمر غريب..
ياريت نشوف لى مكتب الامم المتحدة فى السودان تعليقات اخرى على احداث اخرى تحدث بشكل جماعى

لغة الخطاب لا يمكن ان يكتبها بتاع واتسااب عاوز ينشر اشاعات.. هى لغة دبلوماسية مهنية professional..
ويا اخ محمد عوض الأحفاد فعلا بدأت بعون ذا هى ولكن فى اطار محدود.. الشيخ بابكر بدرى بدا تعليم البنات فى بيته فى رفاعة ومع بناته عشان كدا الناس وثقت فيه وأرسلت ليه بناتها. الحين الوضع اختلف.. وما اظنك لا تعرف ان الجامعة تعتمد على الدعم الخارجى أكاديميا وايضا دعم المشاريع ماليا.
الحل الوحيد الان.. هو ترك المكابرة والهروب للامام وان ياخذ مجلس الامناء زمام الامر ويقنع البروف بالتنحي.. ثم لابد من اعلان هذه الخطوة على انها تصحيح لما حدث.. يعنى ما يعملوها غمتى. هنا فقط المجتمع الأكاديمي الخارجى يمكن ان يعيد ثقته فى الجامعة ويتعامل معها من جديد.. تتذكر كيف بدأت العقوبات الأمريكية على السودان.. كانت خطوة خطوة وكل مرة يعطون فرصة للحكومة لتصحيح مسارها.. فإذا بالرئيس يجمع الجماهير ليعلن ان امريكا تحت جذمته.. اليوم الحكومة انحنت ورفعت امريكا من تحت الجزمة ووضعتها فوق الرأس.. حتى الان المانحين يعتبرون الحدث محدود رغم فظاعته ولكن لو تمادت إدارة الأحفاد فى هذا الغرور.. فإن الامم المتحدة والمانحين الاخرين سوف يشطبون جامعة الأحفاد الى الابد.

السلام لجميع
علي كل حالما شاهده العالم المتحضر من سلوك البربري والهمجي غير مقبول.
وعلي ناس تعليم العالي مفروض يتدخلوا ويضعوا الامر لحده

Quote: اهو البوست من صفحة حمور زيادة و العنده غلاط اليمش يغالط حمور

أموت أنا في الـ disclaimer

نعتمد ليك الحنك دة خلاص؟ انت مجرد ناقل وغلطان الكاتب الأصلي ! :)

Quote: نعتمد ليك الحنك دة خلاص؟ انت مجرد ناقل وغلطان الكاتب الأصلي

ههههههههههه

يا ود عمر قول بسم الله

تعتمد شنو كمان ؟؟ فرصة زي دي تاني تتلقي وين


برغم بهاظة الفرصة الا اني وايم الله اتمنى ان يكون الخطاب حقيقي


واهو منتظرين التأكيد وفي الحالتين ..... في متعة

هههههه بالاضافة لملاحظة حافظ
الخطاب يفتقر لجزء مهم في مهنية الكتابة الرسمية ( صورة للرئاسة) .

كتب الأخ محمد عوض احمد

Quote: لا ادافع عن قاسم بدرى الاحفاد من زمن قديم قامت على الدعم المحلى, من جهات خيرية, حتى فى اقصى ولايات السودان, حسب ما قرأت فى مذكرات ( قدر جيل) للعميد الراحل يوسف بدرى الامم المتحدة تعلق على حادثة منفردة وتعاقب الجامعة كلها, أمر غريب.. ياريت نشوف لى مكتب الامم المتحدة فى السودان تعليقات اخرى على احداث اخرى تحدث بشكل جماعى

بغض النظر عن التمويل الدولي والعامل الخارجي فإن ما فعله السيد: قاسم بدري يستوجب إبعاده عن رئاسة الجامعة أو تخفيض وضعه وإبعاده عن وظيفة لها علاقة بالتعامل المباشر
مع الطالبات... لابد من عمل شئ إيجابي يصون هيبة الجامعة و كرامة الطالبات !
..

الخطاب كتبه دبلوماسي محترف.. وليس عنقالى واتساب.. الإحتمال الوحيد هو تزوير خطاب اخر بتغيير الاسماء والوقائع.

الأمم المتحدة كجهة مانحة قامت بدورها في رفض السلوك الهمجي ل : قاسم بدري
الدور علي شركاء الأحفاد في السودان أن يرفضوا سلوك الرجل
أولياء الأمور يمنعوا البنات من الذهاب الي جامعة هذا الرجل
الشركات والهيئات الثقافية المتعاونة مع الأحفاد أيضا يجب أن تشترط
إقالة هذا الرجل .. يجب أن يكون المجتمع واعي ويمارس حقه
في رفض أي سلوك من حقه أن ينتقص من قدر المرأة وإلا
موضوع الأحفاد وشركاء الأحفاد وحقوق المرأة في السودان كلام فارغ ساي
وإلا لتحركت المؤسسات "شركاء الأحفاد" داخل السودان قبل الأمم المتحدة
لم أسمع أي جهة داخلية علقت شراكتها مع الأحفاد حتي يرحل قاسم بدري

Quote: وفي الحالتين ..... في متعة

بس أهم حاجة الناس تثبت للحقنة

اخوك حريف وختيت كل الكاونتر ميجرز في الأول و بعد دا لو اتضّح انه الخطاب ملعوب لا استنكف ان اعتذر عن "نقل" معلومة خاطئة يعني لا بكابر لا ببكي لبكري لا بعمل شكلة و اتلبب الموضوع كأنيّ كاتبه و الكيزان مستهدفنّي
لكن ليطمئن قلبك وغيرك, في حدود علمي وثقتي بحمّور - و البروف خاله هههههه - الخطاب سليم وصادر من الأمم المتّحدة ووصل لإدارة الأحفاد الذين ردّوا عليه بطريقة الرد الرد السد السد فأقاموا احتفالية الوفاء لـ "بابا" قاسم
هذا الخطاب نشر في الوسائط من أول أمس و أتوقّع انه تداوله مر بشكل أو بآخر على علم ادارة الاحفاد و مكتب الامم المتحدة بالسودان
بقى لو فيه مشكلة اتوقّع تكذيب له من احدى الجهتين- طبعا دا ما منطق لاثبات صحة الخطاب وكدا - لكن لقصر الحجة أنا اقول ان الخطاب صحيح دا قولي من يقول بأنه مفبرك اليدينا بيّنة على عدم صحته وكدا

هي نسيت اختم المداخلة الفوق - على طريقة ود الباوقة بـ : انتهى و ماشي الفطور

قال ليكم
الامم المتحدة تحت جزمتي
والاحفاد دي ما بنديها بغاث الطير

حقنة!! حقنة بالـ حا

اين القطط

النصيحة كدا، أكتر زول كان روحو رياضية في حكايات اللفحي دي،
كان أخونا المصور الفنان الكاردينال قسم الفضيل

النصيحة كدا، أكتر زول كان روحو رياضية في حكايات اللفحي دي، كان أخونا المصور الفنان قسم الفضيل

Quote: حتى لو أقيل (بابا قاسم ) أسهم الأحفاد ماشة في إنحدار شديد ولن تعود الأحفاد كما كانت! الناس فتحت عينا على البيحصل في الأحفاد وما أظن ترسل بناتا لي جامعة تدار بالسوط والتخويف إلا إذا كان هناك تغييرات جذرية في الطريقة التي تدار بها وشجاعة في الإعتذار والعمل على إصلاح الصورة التي إهتزت كثيرا" ولا أظن ذلك سيحدث.

تماما

Quote: من يقول بأنه مفبرك اليدينا بيّنة على عدم صحته وكدا

النصيحة لله ما لقيت بينة غير غرابة القرار.
لكن بغض النظر عن صحة الخطاب او فبركته، إنت لفحت لفحت.
و اللفحي منهج و إنت إتبعت المنهج بحذافيره حتى و لو صادف معاك إنو الملفوح طلع صحيح

لكن يا حافظ، دا لفحي من صفحة أديب كبير

المشكلة يا بشرى، لو أيدناك البينة -وهي سهلة نأتيك بها قبل أن يرتد طرفك- ح تقول أنا كتبت منقول

لو داير تتحدى أوعدنا بحاجة تستحق القيمة

مثلاً ح تتوقف عن المنبر شهر

عين العقل الاخ محمد عوض لانه الامم المتحدة لايمكن ان تصدر رسالة من دون عنوان و لا امضاء و لا حتي تاريخ. بعدين مع اختلافنا مع سلوك د قاسم بدري لكن الامم المتحدة معقول تخلي كل الأحداث و الانتهاكات الكبيرة مثل قتل المئات و اغتصاب عشرات الفتيات و جلد الفتيات و مئات المعتقلين الان هذه الأيام و تمسك في موضوع هايف نسبيا اذا ما قورن بالانتهاكات الأعظم و الأكثر أهمية ؟ رسالة مضروبة زيها و زي الإشاعات التي يطلقها النظام و يمسك فيها الجداد ليشغل الناس عن القضية و المواجهة الكبيرة التي تتواصل هذه الأيام مع النظام الفاشي الفاسد . أمرقوا من كل حتة و موعدنا الأربعاء بكرة ٧ فبراير في ميادين الجريف شرق و لتتواصل مسيرات الخلاص حتي اسقاط النظام

Quote: هههههه بالاضافة لملاحظة حافظ الخطاب يفتقر لجزء مهم في مهنية الكتابة الرسمية ( صورة للرئاسة) .

هو كذلك، عزيزيّ حافظ و الملك،

بل يفتقر للــ Undersigned اسماً ورسماً ومعنى



ــــــــــــــــــــــــــــــــ
غايتو بس ربّنا يلزّمنا الصَّبُر، لا سيما على حكايات رزينين أضحوا لافحين

ولا يفوت عليّ أن أقول:

إنني قد لاحظتُ تكأكؤ "إخواننا الجمهوريين" على جامعة الأحفاد!
بصورة تُنبي عن أنّ وراء الأمرِ "إنّة" ...!


ــــــــــــ
ولا أزيد

بغض النظر عن موقفنا من القضية, تدخل الأمم المتحدة بكل ثقلها بهذه الطريقة غريب جدا

أول ما يشكك في الخطاب طريقة علاجها للإشكال, وحرصها علي العقوبة والإنتقام, بتعجل وقف الدعم من غير إنذار

ومن دون إعتبار للصرح التعليمي الذي تستفيد منه منذ سنين طويلة آلاف البنات .....

وثانيا الخطاب من الناحية الشكلية معيب بصورة لا تخطئها العين !

"وثانيا الخطاب من الناحية الشكلية معيب بصورة لا تخطئها العين !"

سلام يا بلال
ممكن شرح العيوب الشكلية دى؟
وشكرا

Quote: حقنة!! حقنة بالـ حا

أنا غايتو مشكلتي لا في اللفحي ولا الأمم المتحدة ولا الخطاب
مشكلتي في حتة ما تغالطوني امشوا غالطوا حمور :)
حمور بالحا !

Quote: إنت لفحت لفحت.

يعني لو طارت عز ههههههه
تيبيكال سودانيز - و الحقوق للجريفاوي :)

Quote: وهي سهلة نأتيك بها قبل أن يرتد طرفك

ههه كبيرة عندك يا مستنير قصة تسيب البورد دي مش؟ عشان كدا تحاحي كل مرة و يغلبك
ما مشكلة يازول .. يهمنّي معرفة البيّنة على عدم صحة الخطاب لذا أوكي لو اثبت لي عدم صحّته بشكل لا يقبل الشك المعقول ساتوقّف عن الكتابة هنا لمدّة شهر, يلّا الكورة في ملعبك يا آصف بن برخيا :)

يا ابا جودة هي ممكن يكون الـ undersigned في الصفحة التانية الما مرفقة مثلا! أو من سرّب صورة الخطاب قطعها منه لحاجة في نفسه !

بعدين يا اخوانا في خلل منهجي جسيم هنا, اللفحي الانا دايما أنافحه عند كبار اللفحنجة وصحفيي الفنّانات و مناضلي كمّل يومك هو الخم البلافهم أو فرز أو ربّما حتى قراءة و دون اخذ اي خطوة لمراجعة المصدر أو التثبت أو درء الشبهات قبل نشر اللفحة
ومن ثم بعد ان يتم تنبيهك للفحة تقوم تكابر و تتلبّبها و تعمل فيها انت المصدر و تشاكل وتشتكي و تتبكّى و قاصدني وساكيني وما إلى ذلك من العوارة السودانيزية المعتادة
هنا الوضع مختلف, لقيت صورة الخطاب منسوبة لحمور أول حاجة عملتها راجعت صفحته لقيت فعلا انه نزّل صورة الخطاب إذن لا تزوير و استغلال لإسمه, الشي التاني قريت الرسالة لم اجد فيها ما يثير الشك من ناحية صياغة أو لغة مستخدمة أو حتى موضوعها
أخيرا لمّا اثيرت الشكوك هنا لم أكابر وأعلنت استعدادي للإعتذار -ولا زلت - عن "نقل" موضوع خاطئ بعج أن تظهر بينة معقولة - غير التفكير الرغبوي - في خطأ الخطاب, ومن ثم راجعت حمّور وأكّد لي صحة الخطاب وأنه مسرّب من داخل الأمم المتحدّة وهذا يكفيني لثقتي به.

أرسّكم ... عواليق (بتصرّف )

عيييييييييك


والله يا ود البشرى قمت باجراءات كتيرة خلاس

على العموم كونو الخطاب يطلع صحيح دا شيء يسر النفس والباقي هين


حافظ وود عمر ديل متربصين ساي ما تشتغل بيهم

Quote: ثم راجعت حمّور وأكّد لي صحة الخطاب وأنه مسرّب من داخل الأمم المتحدّة وهذا يكفيني لثقتي به.

أنا أشك إنه الخطوة دي جات بعد رفعة اليدين الفوق ديك بتاعة والله دة ما أنا .. دة حمور




___________
تيك ات ايزي يا عمك .. كلمة التفكير الرغبوي الحشرتها بلا سبب ولصقتها لضحكنا معاك دي أدتني احساس إنك تاني حتعسم اللغة تعسيماً وتشتكينا لبكري

باللاى شوفو ابو جودة كتب شنو..

"ولا يفوت عليّ أن أقول:

إنني قد لاحظتُ تكأكؤ "إخواننا الجمهوريين" على جامعة الأحفاد!
بصورة تُنبي عن أنّ وراء الأمرِ "إنّة" ...!
ـــــــــــ
ولا أزيد"

عليك الله كان تزيد. خيال رهيب.. لا تحرم الناس منه

ايوة يا غالي عارفهم متربصين لكن وين! يلقوها عند الغافل
بعدين كان ما لياقة منهم ايقونة منقول من قولة تيت تكفي المؤمنين شر الغلاط لكن تقول شنو بس, من خلّى عادته

يا ابوحميد بدون ما تشك نعم و كتبتها في التسلسل الزمني تواصلت مع حمّور بعد التشكيك بالطبع دي ما دايرالها فلاحة
التفكير الرغبوي ما ليك يا حبيب دي لمن فعلا يرغب في ان يكون الخطاب مفبرك نصرة لـ "بابا" قاسم وانت عارفك ما عندك بيه شغله موضوعك كلة لقيتلك صاج مولّع وعجين طعمية جاهز دردمت ورميت :)

زمن طويل من المنبر

غايتو البعرفوا انا انه الخطاب مفروض يكون موقع من قبل مارتا

UN Resident/Humanitarian Coordinator

ما فيه توقيع أولا
ثانيا البعرفوا انا انه اليو ان ما بتتخذ قراراتها بنا على فيديو في الميديا لا بد انها تعمل بحث وفحص
ثالثا: ما في حاجة اسمها مشروعاتنا حنوقفها او تاني ما في شغل تهديد وما لم تتخذ اللغة ما مهنية فيها تكرار لنفس الحاجة في اكتر من فقرة
علاقات التمويل بتعتمد غالبا على مشروعات وفق اتفاقات وخطط ومشاريع يعن ما فيها تعالو هاكم شيلوا دي يا ناس الاحفاد
التمويل من اليو ان تحديدا بيتم بعد اعلان عن
call for proposals or concept note
then application competition with different actors

then if the proposal won long steps and bureaucratic procedures to approve and start the fund process which is in intervals probably by quarters

The signed agreement entails all details for agreement dissolve or is mantled or what ever legal concept in place
with date and times and entitlements for each organizations and failure to submit this .....and that

g الدايره أقوله انه من ناحية مهنية مستحيل الممثل المقيم يشوف فيديو في السوشيال ميديا ويجي بجرة قلم يكتب كلا من غير تفاصيل هي شنو العقود المعاهم وبتنتهي متين وانذار شنو وحقوق أي واحد شنو والشرط الجزائي شنو
وما ممكن يهدد بحاجة هي أصلا ما موجودة يعني ما دعم سنوي مخصص للاحفاد او أي جهة أخرى في المطلق لا بد انه يكون وفق ضوابط وعقودات وشراكات وتفاصيل مهنية كتيرة لا داعي للخوض فيها
المهم انتو كدي خلوني اصل مكتب مارتا واجيب ليكم الخبر اليقين او حتة تلفون لكن بنا على معلوماتي المتواضعة ما ظنيتو . والله اعلم

Quote: المهم انتو كدي خلوني اصل مكتب مارتا واجيب ليكم الخبر اليقين او حتة تلفون لكن بنا على معلوماتي المتواضعة ما ظنيتو . والله اعلم

أيوة يا دكتورة دا الكلام المفيد
عشان نقول قطعت صفية قول كل بتاع طعمية

ههههه بس ياهو

سلام للجمع الصاحي
وللنُعَّسِ وَ
لمَن للآن يُجاري الجواري الخُنَّس، وَ ليله قد عسعَس..

وبعــ ج:
يا ود البشرى، ما هذا الفحيح غير الصريح..؟
انتا عندك "شَكْلَة" بايتة مع الأديب وللّا الفهَم شنو يعني.
طبعاً ما ممكن يكون لل(تسريب) حُجّة تتمسِك باليد؛ إنْ هيَ
إلّا قرائن الحال في أغلب الأحيان؛ فكيفك، وللمرة التانية
تُلبِّس الأخ حمّور، بُرهان التسريب؟ فتجعله أشبه بمَن يمسكون
"التاريخ" من الحِتّة القاعدين فوووكا..! أو الجِهَة الشايتين منّها
أو الجهة التي تُكرّم عِوَض تلك التي جَرّمتْ

الأخ ابوريش،
أنا قلتا: ولا أزيد

هل تُريدني أن أزيد؟


ــــــــــــــــ
مع التحايا

علي اليمين يا ابا جودة قريت كلامك دا تلاتة مرّات وقيل أربعة ما فهمت التكتح
كدي فك التعسيمة دي وكلّمني عربي! قاصد شنو
وحتى ذلك الحين للضمان كدي: لا ليست لدس مشكلة مع حمّور ولا اريد تلبيسه شيئ لكنّي اثق فيه
طالما هو واثق من مصدره وكيفيه حصوله على صورة المراسلة.

Quote: التفكير الرغبوي ما ليك يا حبيب دي لمن فعلا يرغب في ان يكون الخطاب مفبرك نصرة لـ "بابا" قاس

فيما يتعلق بالتفكير الرغبوي، وإذا أنا فهمت المعنى صاح، فعلاً عندي رغبة شديدة إنو يكون الخطاب مفبرك.
ظلمتني ظلم الحسن و الحسين في إنك تعزي رغبة نصرة لبابا قاسم. وحات الله أنا أكبر و أحسن من كدا بكتير شديد.

سبب الرعبة في أن يكون الخطاب مفبرك حاجتين:
1. الخطاب أحبطني جداً و خذلني شديد في الأمم المتحدة و مكاتبها في السودان. إذ أنني لأ أكاد أمييز بين العقلية التي إتخذت هذا القرار وعقلية قاسم بدري حين أعتدى على البنت بالضرب.
2. حزين جداً على فقدان الدعم للمشاريع التي تقوم بها الأحفاد في خدمة و تنمية المجتمع.

طيب ليه تلبس طاقية ما ليك طالما ما مقاسك
المعني بعبارتي من يناصر بابا قاسم طالما لم تناصره خليك في الطعمية

الطعمية منتج ثانوي ما بنباهو
لكن الأسباب القلتها في مداخلتي الفاتت تأتي على رأس القائمة

عزيزي ودّالبُشرى،

لم يترُك لي حافظاً، ما اقول؛ تحديداً حول " ظلمَك ليهو " كما
ظُلم الحسن والحسين، وَ ظُلمك لي - كما أراه - قد فاق
ظُلماً ظَلمنيه أخونا "حسين تأمّل!" في هذا المكان، وتحديداً
في حكاية "التعسيمة" الكتابية وكدا؛ مع أن "الأخ" - ربّنا
يطراه بالخير- استبدل "التعسيمة" بالــ"طلاسم" ــي ..! وكلاهما
عندي يقع في مستوىً يبدأ بــ " مجرّد تحذير" = ياخ هَوِّينا شوية وَ
ربما يصِل إلى: كَرّهتنا وإنّي لا أُبالي.
ولي رُبما أخرى، أن مداخلتي الأخرانية بالبوست، سعتْ
لأكثر من عصفورين بي حجَر واحد.. وأعترف لك الآن،
أنني لا أعتقد أن لك "شَكْلَة" بايتة مع الأخ حمور.
ولكن ربما لك "شكلة" بايتة مع حِنِّية "بابا قاسم" ربما برضو

Quote: ولكن ربما لك "شكلة" بايتة مع حِنِّية "بابا قاسم" ربما برضو

ذلك أنه اتُُهِمَ بأنّه لمّا انفعل، ضرب "طالبة" واحدة، ويبدو أنك قد
ساوَرتك مقولة ( المساواة في الظلم عدل)، وبالتالي أردتَّ أن يكون
الضرب لجميع الطالبات اللائي توافَرْنَ هناك ساعة الانفعالة..


ــــــــــــــــــ
مع التحايا، وَ سلام.

هههه يا أبا الريش بالانجليزي أنت ما اشتغلت إداري في مؤسسة قبل كدا ؟
طيب نوريك الهفوات الشكلية..
1 ـ الخطاب غير معنون للجهة المخاطبة والمفروض يكون يا مدير الجامعة أو مجلس الإدارة ..
2 ـ المعنيون بالرساله لا يتم مخاطبتهم في نهاية الرسالة بـ :To ..
3 ـ كما أشار الإخوة الخطاب مكتوب بالنيابة وفي هذه الحالة مفروض تكون في صورة للرئاسة أو من ينوب عنه..
4 ـ مفروض يكون الخطاب عليه توقيع الشخص المفوض بالإنابة لمخاطبة الجامعة ..
هسه إدارة الجامعة لو عايزة ترد أو تتصل تقول يا مين ؟ لا في توقيع ولا في مسم لوظيفة الراسل بالإنابة ..
حتجي تقول لي وظيفة الراسل مبينة في الختم ..
بقول ليك نو مش كفاية المفوضين باستخدام الختم ممكن يكونوا عدد من رؤساء الاقسام التابعة للمدير ..
لذلك الدرجة المهنية للراسل لازم تكون مكتوبة أدنى توقيعه..
بلاش من الترويسة الخالية من عنوان مقر وصندوق بريد وفاكس أو حتى إيميل .

لا يا ابو جودة التعسيمة ليست في مقام طلاسم ملاسي ولا هي تحذير ولا هوّينا لاقنّك وين احنا
خاصة انّك قريب من الحدث ولو تأخرّت دكتورة صفية لأي سبب عارض ممكن تخطف رجلك انت وتزور لينا المنسق الأممي و تتاّكد لينا هل الموضوع شتلة أم حقيقة
أمّا بالنسبة لما فهمت مداخلتك الأولى فا أكذّب علييك يعني؟ ما فهمتها آدي الله وآدي حكمته!

وتاني اطمنّك ليس لي شكلة بايتة مع الحنية المزعومة لبابا قاسم لكن ضايقني الحادث جدا فا الأحفاد تظل دائما احد الخيارات المناسبة لدراسة بناتنا خاصة انّها من الجامعات القلائل التي تدرس باللغة الإنجليزية بافضافة لما كنت أظنّه من بيئة آمنه و صالحة فيها
المهم باللإضافة للضيق السببه الحدث نفسه هالني رد فعل بعض طالبات "بابا" قاسم وتبريرهن اعتيادهن ضربهن كالزوجة المصرية التي صرخت في الجيران حين اتوا لنجدتها اثر صراخها وقالت "في إيه, جوزي و بيادبني! انتو مال أهلكو"
ثم زاد الضيق ما خرج به بابا قاسي - و التصحيف مقصود - في الصحف من تصريحات مستفزة و استعانته بالخطاب الديني ف غير محله وأخيرا بيان تحمله المسؤولية - كدا بس كلام ساي - بعد خروج الموضوع للعلن و تناول الاعلام الخارجي له

امّا قولك عن ارادتي ان يكون الضرب لجميع الطالبات فا ارجو ان تدلّني على الموضع في كلامي المكتوب الذي استشفيت منه هذه الرغبة!
هذا أولا, وثانيا شفنا فيديوهات أكثر من حادثة ضرب بالإضافة لتفتيش طالبة اخرى بشكل غير لائق
وثالثا وهو الأهم ارجو أن لا يكون حديث طالبة واحدة فقط مدخلا لتبرير الحادث وتخفيف وقعه, فا الاستنكار و الحنق الذي لاقاه و أثاره اول مشهد لضرب طالبة واحدة لم يقل عنه بعد ظهور المشاهد الأخرى

تحياتي وسلامات ود البشرى ياهندسة ......

على صفحات الفيسبوك قد ( قطعت فيك ) مع صديقتنا دينا خالد التي أنشأت على صفحتها بوستاً مماثلاً

قام الكلام جاب الكلام
وقلت ليها

"
ال forwarding السهل جدا دون أى تيقن من المعلومة ...
صدقيني حتى كدنا نفقد ثقتنا في الواتساب .....
صاحبك ود البشرى تحدث عن موضوعك دا في سودانيزأونلاين وصدره بقوله ( على ذمة الواتساب ) ....
خط رجعة مكرب قال ليك "

فردت متسائلة
ود البشري ليه ماعندو فيسبوك ؟

وأجبتها

"عندو طبعا ....
بس الكيبورد يدب مطرح ما يحب "



___________________

طبعا هذا للعلم فقط

لا وكمان يا يعاطف ما تنسى ايقونة المنقول! دي أهم من على ذمة الواتساب

وأهم لقطة في الفيلم العندو اعتراض الـ يمشي يشاكل حمور أنا بررررررة

مش يشاكل يا كيشة
يغالط, الفرق واضح
ثم ما قلت انا برّة, أنا علي واجب الاعتذار و تقديم نقد ذاتي دون مكابرة

متابعين معاكم

تحياتي

ياجماعة ناس الأمم المتحدة في السودان عندهم موقع إلكتروني
http://sd.one.un.org/http://sd.one.un.org/
/ دخلت الموقع وبحثت عن المعلومة ولم أجدها ! ولكن الموقع مشروع وفيه عدة مداخل لم أتمكن الدخول عليها كلها - وممكن جدا أن مثل هذه المخاطبة لا تنشر في الموقع أو إن الموقعلم يتم تحديثه بالكامل وهكذا !
* رغما أن عن كل شئ فإن الإنتحال وارد - ولكن من المؤكد أن هذه الوثيقة وصلت لعلم إدارة الأحفاد ( وفيها ورد أن ثلاثة جهات أحفادية إستلمتها ) لذا أتوقع أن تنفي إستلامها للوثيقةوكذلك مكتب الأمم المتحدة بالخرطوم وإن كان مكتب الأمم المتحدة سيكون في وضع حرج لأن إي تعليق لنفي - الوثيقة سيعقبه - سؤال ماذا فعلتم تجاه ماحدث في الأحفاد ؟...
...* الملاحظة الثانيةإنه مع كثرة الصحف الورقية ( شغالة بالفارغة والمقدودة ) لماذا لم يخطف صحفي كراعه لمكتب الأمم المتحدة ليتحري ويتحقق عن مدي صحة صدور الوثيقة ؟ أو يتصل إعلامي هاتفيا بالسيدةبلقيس بدري أو يزور مكتبها مستفسرا عن صحة إستلامهم لهذا المستند!....

يا أحمد عمر، براحة على الزول دا، خليهو يقضي اليوم الباقي ليهو دا قبل غياب الشهر بدون عكننة.
بعدين نجاة محمد علي مديرة سودان للجميع برضو لفحت الخطاب من صفحة الأستاذ حمور بالفيسبوك

لمن أراد التأكد من صحة الخطاب عليه الكتابة والاستفسار من خلال هذا الموقع
وستسلم الرد في خلال يومين:

https://sustainabledevelopment.un.org/partnership/؟p=11679

Sustained Dialogue for a healthy Environment at Ahfad University for Women

قد قمت من خلال الموقع بالكتابة الي الشركاء وهذا نص الرسالة
وبمكنك الاستفادة منها كنموذج اذا اردت الكتابة اليهم

Would you kindly make a comment on the authenticity or otherwise of a letter in circulation on social media alleging the suspension of UN agencies to the partnership with Ahfad University for Women (SDG ACTION11679). The background to this is given as the surfacing of a video showing the head of the university physically assaulting students and the subsequent support given on local media to his action by the university.
This issue has a created great deal controversy on the country and is threatening to leave lasting effects on the nation.
It would be of great help if you would report if partnership still stands or if you have taken any steps in reponse to the controversy.
Yours

أبو الريش تحياتي

Quote: ممكن شرح العيوب الشكلية دى؟

أعتذر عن تأخير الرد, كترة المشغوليات زي ما عارف

ألا شئ أضيفه عما ذكره مولانا محمد الملك في رده

مشكور

بغض النظر عن صحة الخطاب.
الأحفاد كمؤسسة تعليمية عريقة ، حان أوان تقييمها تقييما منهجيا.. والرسالة التي تؤديها..أو تدعي أنها تؤديها..
خاصة بعد الهشاشة الفكرية التي ظهرت في ردود ( بعض) الطالبات والخريجات في معرض دفاعهن عن ( شيخ الطريقة) على حد قوله للصحيفة إياها.. لا فض فوه !!

"خاصة بعد الهشاشة الفكرية التي ظهرت في ردود ( بعض) الطالبات والخريجات في معرض دفاعهن عن ( شيخ الطريقة) على حد قوله للصحيفة إياها.. لا فض فوه !!"

هذه كارثة اخرى .. لم اتوقعها ابدا وتوضح ان هنالك اشياء اخرى اعمق بالفعل تحتاج لوقفة
هل هذه رؤية طالبات جامعيات لأنفسهن أوللمرأة السودانية بشكل عام في كلية يفترض انها تقدم الوعي والانعتاق للمرأة لتحارب السلطة الابوية الموروثة لمجتمع ذكوري مثل المجتمع السوداني ، ام ان هنالك ابتزاز وخوف وقهر لأن قاسم بدري واسرته بيدهم كل شيء للتأثير على مستقبل الطالبات ؟
في الحالتين يجب نبش ملف الاحفاد "من جوه" اذا لا يجب ان تظل قلعة اسرار هكذا للابد ..

يا مستنير وأنا عند وعدي و التزامي برضو حابب اذكّرك انت ايضا بما عليك, انت قلت

Quote: وهي سهلة نأتيك بها قبل أن يرتد طرفك

فا شنو... في انتظار الساهلة البتجيبها قبل ان يرتد إلي طرفي دي
اوعى تقول لي مستني نتيجة مراسلات جعفر أو تلفون صفية.. بزعل

الغريبة أنا سبقتهم في المراسلات قبل كلام جعفر
وتم تحويل خطابي لواحد اسمو خالد
وجاتني نسخة من التحويل
كنت مفتكر أنس النهار يجيني رد من خالد، لكن الظاهر ربنا كتب ليك يوم زيادة بالمنبر
غداً لناظره (غريب)

بالغت يا مستنير!
يعني الدراما العملتها و العشرة بقرش و بيّنات قبل أن يرتد إليك طرفك اليسمعها يقول كل مراسلات مكتب اليو ان بتمر عليك اول قبل اعتمادها طلعت في النهاية مرسل ايميل استفسار! يعني ولا تلفون حتى!
يازول إن بقت دي ياها شغلتك حقّو الواحد ينط من التزامه بلا شهر بلا بتاع
لكن وين, الكلمة كلمة, و الفهم من القصة دي ارسال رسالة لكثيرين انت منهم عن اهمية الالتزام وعن ان مفارقة البورد ليست مصيبة عظيمة تستدعي اراقة ماء الوجه

_________________________

غايتو حقي أخدته مقدّما
خخخخخخخ

يا شباب ! دكتورة صفية! جعفر علي! و بالعدم المستنير
ماحد جاهو رد لسة؟
خالد دا اوعى بكون في اجازة ولا حاجة ؟
.
.

ود البشرى الناس دي زايغة

من اكبر الداعمين والمموليين لى جامعة الاحفاد هى الحكومة الهولندية
يوجد قسم فى السفارة الهولندية يسمى ( تنمية المرأة )
99 فى المية من المنح والمؤتمرات والكورسات تذهب الى الاحفاد
مشينا ورشة عمل فى امستردام عن طريق قسم تنمية المرأة فى السفارة الهولندية بالخرطوم
وكنا ستة كلهم من الاحفاد ما عدا شخصى الضعيف
ايضا حضرنا كورس فى المجلس الثقافى البريطانى فى الخرطوم بى عنوان report writing
برضو كل المشاركين من كلية الاحفاد وقتها
عشان كدا كنت بتمنى انو خريجات الاحفاد يخاطبوا ادارة الجامعة بأتخاذ موقف واضح من الحصل
ويطالبوا بى استقالة قاسم بدرى بعد تقديم اعتذار عن ما حدث وتعيين امرأة مكانة .. وبذلك تكون جامعة الاحفاد قد ضربت مثال
يحتذى بة واحترمت نضال وارث هذا الصرح العظيم فى تعليم المراة

يا عبدالله ادريس ما تبالغ, الجماعة ديل ما طرف في الموضوع عشان يزوغوا هم زيّنا كايسين الحقيقة كما هي وبكل حياد
لكن كعبين جماعتي البعرفهم أنا! ناس تنظير و حقنة وغلاط
وآخرين من دونهم لابدين راجين الشماتة و واحدين عايزين يرتاحوا من خلقتي وزرزرتي شهر ويبرطعوا بالعاجل و اللفحي ساي

الاخوة الاكارم ،
بعد السلام و التحايا.
عرضت صورة من الخطاب موضوع البوست علي احد أعضاء مجلس إدارة جامعة الأحفاد مستفسرًا عن مدي صحته ، فأجابني بأنهم في إدارة الجامعة لم يتسلموا هذا الخطاب
و تحج بأنه خطاب موضوع ، و افاد بان لديهم مخاطبات مع الامم المتحدة تتعلق بالحادثة و أكد انه ليس من ببنها الخطاب المزكور

مشكور هيثم منصور
لكن هل فهمت من رد عضو مجلس الإدارة المذكور ان الخطاب غير صحيح أو مقبرك! فا كونهم لم يتسلّموه أو هو في موقعه لا علم له بتسلمه ام لا, لا يعني القطع بتزويره
لكن كويس اقراره بان هناك مراسلات مع الأمم المتحدة بخصوص الحادث, وهذا قد يبرد بطن من هاجموا الامم المتحدة كونها تسرّعت في اتخّاذ قرار او موقف دون الاستفهام من الإدارة

تسلم اخي محمد البشري ، ما فهمته من عضو مجلس الادارة ،ان هذا الخطاب موضوع، مفبرك و غير صحيح .
عضو مجلس الادارة بروفيسور و عميد لاحدي كليات الجامعة و من اسرة آل بدري

مشكور يا هيثم على التأكيد
كدا تبقى كلمة هذا العضو مجلس إدارة, عميد كلية وأحد افراد اسرة آل بدري قصاد كلمة حمّور زيادة حتى الآن
يلا في انتظار أحد الزملاء الاتواصلوا مع الأمم المتحدة يمكن ان يرجّح احد الكفّتين حسب ما سيجد من رد

Quote: يلا في انتظار أحد الزملاء الاتواصلوا مع الأمم المتحدة

وفي الحالة دي البمسك لينا المنبر من قرونو منو؟