Post: #1
Title: سلم مفاتيح البلد
Author: صلاح أبو زيد
Date: 01-30-2018, 08:55 PM
08:55 PM January, 30 2018 سودانيز اون لاين
صلاح أبو زيد-
مكتبتى
رابط مختصر سلم مفاتيح البلد ، للشاعر الكبير محمد المكي ابراهيم
سلم مفاتيح البلد
عليك الزحف متقدم
وليك الشعب متحزم ومتلملم
يقول سلم
سلم وما بتسلم
رحمت متين عشان ترحم ؟
سلم مفاتيح البلد
سلم عباياتنا وملافحنا
مصاحفنا ومسابحنا
جوامعنا وكنايسنا
سلم مفاتيح البلد
تراث أجدادنا سلمنا
عقول أولادنا سلمنا
بنادقنا البتضربنا
الموجهة لي صدورنا
وبرضو حقتنا
سلمنا
سلم مفاتيح البلد
سلمنا الزمان الضاع
ليل الغربة والأوجاع
وأحزانا اللي عشناها
على الوطن العزيز الجاع
سلم مفاتيح البلد
حتهرب وين من الألم الكبير والجوع
ومن تعليمك المدفوع
ومن شعبا سقاك لبنو سقيتو من الهوان والجوع
وانواع سمك المنقوع
سلم مفاتيح البلد
حتهرب وين من الذكرى وعذاباتها
ومن لبن الأمومة ومن حساب الرب
حتهرب فين
وانت ايدينك الاتنين ملوثة دم
فصيح الدم
وبتكلم لغات الدنيا بتكلم
وبتكلم
وبتكلم.
|
Post: #2
Title: Re: سلم مفاتيح البلد
Author: صلاح أبو زيد
Date: 01-31-2018, 04:44 AM
Parent: #1
|
|