عناوين ملفتة للنظر في صحف اليوم

12:54 PM January, 29 2018 سودانيز اون لاين
الشامي الحبر عبدالوهاب-
مكتبتى
رابط مختصر
وهي وان اختلفت في موضوعاتها إلا انها مؤشر لشئ واحد يمكن أن يكون عنوانه التخبط وعدم المنهجية... العنوان الأول في جريدة الجريدة:
غندور يطالب المسؤولين الإلتزام بملفاتهم والابتعاد عن "الخارجية"
العنوان الثاني في جريدة الدار:
صراع داخل الوطني للحيلولة دون تنازل البشير من الترشح للرئاسة لنائبه الاول

اسباب استقالة غندور والتي لم تقبل هو تدخل مسؤولين اخرين في اختصاصاته....
ولكن رغم شكوى غندور من ذلك تم تكوين مجلس سيادي اعلى للخارجية فيه شخصيات تختلف مع غندور في تعاطيه الدبلوماسي.
يعني غندور في البير ووقع فيهو الفيل

أما العنوان الثاني فالواحديتسال لماذا الحيلولة دون بكري وهل ما صدر من تصريحات عنيفة قبل ايام مقصود بها الداعين لمرشح يخلف البشير

سلام الشامى بوست جميل يوضح حبك للوطن بالتوفيق انشاء الله
تحياتى
صديق مهدى على

شكرا أخ الشامي

التوازنات الاقليمية وما أدى من حشود على الشرق إثر زيارة الباشا أردوغان أحدثت

هيلمانة الخارجيـة والتي تبرم منها وزيرها

والضائقة المعيشية وبداية حركة الشارع وما طرحته من قضايا تدور حول الوعود الرئاسيـة

في الإنتخابات الماضية وبالتالي تفتح الطريق للنقاش حول قضية اختيار من يخلفـه

والصراع حول الخليفة بوحي من ظروف الإقليم وتحركات مراكز القوى الداخلية

كلها عناوين لزلزلة نسأل الله تعالى فيها اللطف وما هو أفضل للشعب الصابر

أحمد الشايقي

وتحياتي أخي أحمد الشايقي
....
نعم أخي احمد
اردوغان اربك المشهد وحشود الشرق لم تجد تبريرا مقبولا حتى الآن
ووعود البشير الانتخابية خير ان تنسى بدلا من وعود جديد غير قابلة للتطبيق والحزب الذي لا يملك خيارات بديلة حزب فاشل... ولكن الخيار اي كان يفتح الباب امام سيناريوهات كثيرة.
وربنا يحفظ السودان ويلطف بأهله.

شكرا أخي صديق لمرورك للكريم وللاشادة ونسأل الله ان يمكن فينا حب الوطن فحب الوطن من الإيمان

سلام الأخ الشامي

دا برضو عنوان ملفت و مضحك...غير مستبعد جهاز الامن يصدر بيان صحفي يطالب بالافراج عن المعتقلين

ههههههه
حلوة الف جنية دي ...
دي للتاجر ده قد تساوي فطرة غير مدنكلة ..
زول عنده سبع مخازن وعشوائية وللأدوية كمان ..
تكون دي غرامته ؟ ...
لا خلاص أدبوهو وردعوهو تمام ..
غايتو البلد فيها عواسة لا حكت ولا بقت ..
ده كلو من التمكين وسره الباتع ..
جاب المتردية والنطيحة وما عافها الكل ..
وسنموهم الوظائف القيادية وادوهم رؤوس الأموال ..
وبقوهم راسمالية السوق وتجاره ..
فانقلب السحر على الساحر ..
هسه بقوا للحكومة زي شوكة الحوت ..
تشيلهم ووب .. تخليهم ووبين ..
ديك عدة بس ..

قالوا التسوى كريت تلقا في جلدا ...


شامي متابعين تحليلك الحصيف للحاصل ..
لكن هل التخبط الحاصل ده جديد على الناس ديل ؟ ..
عشان تكون دي علاماته ..
الناس ديل تخبطهم قديم لكن البسووا فيهو اليومين ديل ..
أعتقد دليل تصفية حسابات وتوزيع كراسي جديد ..
غندور ما عنده حيله ولابقدر على مراكز القوى داخل النظام ..
وفرفرته دي فرفرة مذبوح ليس الا ..
اللذيذ في الأمر مافاهمين حاجة ..
بينظّروا والسلام ..
وشغالين بي نظام المودر يفتح خشم البقرة ..

يا جمال المضحك المانشيت الفوق بس ما ظاهر
و بقول:
(المؤتمر الوطني يطالب بالافراج عن المعتقلين او تقديمهم لمحاكمة عادلة).

شكرا الاخوين ناصر وجمال
وفي الحقيقة عنوان المؤتمر الوطني يعكس الاضطراب الذي اشرنا اليه ففريق يعتقل وفريق يطالب بالافراج وهو وان كان اضطراب قديم كما اشرت اخ جمال إلا انه اكثر بروزا في هذه الأيام...
اما عنوان التاجر والغرامة الرمزية فتشير الى التساهل في امر حيوي وهام ويمس حياة الناس.... ربنا اكون في عونهم

هههه
حلوة يا انداندي برضو ..
العنوان الأساس الغير ملتقط من جانبي برضو طريف ..
يا فكوهم يا يقدموهم لمحاكمة عادلة ..
ديل منو البيطالبو ديل !! ..
المؤتمر الوطني ؟ .. ههههه ..
دي ياها الضحك على الذقون ذاتو بي ذاتو ..
ظنيتهم بيحاكوا في المعارضة ..