Post: #1
Title: عن الصحفيين و المتصيفحين مقدمي الرامج التلفزيونية...
Author: سفيان بشير نابرى
Date: 01-28-2018, 01:08 PM
Parent: #0
12:08 PM January, 28 2018 سودانيز اون لاين
سفيان بشير نابرى-الولايات المتحدة الامريكية
مكتبتى
رابط مختصر الناس ديل معطونا معط و نفس ما اوصلوا له الصحافة السودانية من انحطاط بقى نفس الكذالك في التلفزيون و هلم جرا...
اي اي البوست موجه.
|
Post: #2
Title: Re: عن الصحفيين و المتصيفحين مقدمي الرامج الت
Author: محمد البشرى الخضر
Date: 01-28-2018, 01:33 PM
ح تجيب نماذج؟
طيّب نتابع معاك من نمرة اتنين وانت طالع
خخخخخ
|
Post: #3
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-28-2018, 01:49 PM
Parent: #2
يا جرير نماذج شنو ياخ هم عارررفين نفسهم ليس اولهم الصحفي حسين خوجلي وليس آخرهم ضياء بلال ديل مثال للصحفيين... أما المتصيفحين أصبر ساااي بس.
----
قلنا مقدمي البرامج يعني صاحبك تنظير هيهات هيهات
|
Post: #5
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-28-2018, 02:16 PM
Parent: #4
و طبعاً الأستاذة حنان عبد الحميد دي جاتنا داخلة عالم الصحافة و التلفزيون من خلال مقولتها الخالدة (إن النقد الفني لا يحتاج لتخصص لأن بمقدور كل شخص أن يميز بين الجميل والقبيح).. وهذا اتفق معاها فيها هههههه
|
Post: #6
Title: Re: عن الصحفيين و المتصيفحين مقدمي الرامج الت
Author: طلحة عبدالله
Date: 01-28-2018, 02:29 PM
Parent: #5
سفيان جيب جديد
الكلام دا بنقول فيهو منذ قديم الزمان خخخخخخخ
للحق كنت خاص بيهو صحف المدرجات والمشجعين بتاعين الكورة
لكن هسة المسألة بقت عامة رياضة سياسة فن ثقافة ناس فيس ناس واتس
ناس تويتر مقدمين برنامج كلهم متصيحفين ..
لا فكرة ولا خبرة .
|
Post: #7
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-28-2018, 03:33 PM
Parent: #6
طلحة تنظير سلامات ياخ... اي معاك لا جديد ابدا بس المعط متواصل (وشديدن) ياخ
ثم وااااي وااااي منهم... هسي اتذكرته خالد ساتي و الاسمو الطافر داك ولا ايه!؟
|
Post: #8
Title: Re: عن الصحفيين و المتصيفحين مقدمي الرامج الت
Author: طلحة عبدالله
Date: 01-28-2018, 04:06 PM
Parent: #7
المشكلة يا سفيان القنوات دي بقت تخاف من المتصيحفين ديل
وبالتالي تسعى لودهم باستضافتهم في برامج للحديث عن قضايا
وأمور لا يملكون أدواتها .. لا فكرة ولا خبرة ولا حتى حنك وتنظير ساي، عشان كدا
كتير جدا من الذين تمت استضافتهم كانوا وجعة لا فزعة
للقناة وبرامجها، خصوصا وانو المذيعين ومقدمي البرامج ظااااااااااااااتم مقدراتم
الحوارية متواضعة جدا ويفتقدون للنباهة وسرعة البديهة ولذلك غاليا
ما يتحول البرنامج المعين إلى قعدة ضل وونسة سطحية غاية في الرتابة والكآبة..
اما الذين يستقدمونهم عشان يكونوا مقدمين ومستضيفين بدل مستضافين
فديل أغلبم كوارث لا قبل للمشاهد بها ولا ذنب له فيها لتفرض عليه فرضا ..
حتى الدكتور عبد اللطيف البوني لم ينجح ( من وجهة نظري) في وظيفة مقدم
برنامج برغم ما يملكه من أدوات، ودا لأنو الظهور على المسرح والإطلالة
التلفزيونية يلزمها مقومات أخرى مهمة مثل الحضور الذهني وسرعة البديهة
والقدرة على تذويق الحوار بالأفيهات في الأوقات المناسبة وارتجال أساليب
جديدة لادارة الحديث بعيدا عن الكلاسيكية التي تبدأ بالترحيب بالضيف وردمه
بالأسئلة المكتوبة أو المحفوظة وتنتهى بشكره وتقديره على أمل اللقاء مرة أخرى خخخخخ.
للبرامج التلفزيونية أهلها ودهاقنتها كما للكتابة الصحافية ناسها وسدنتها .
............
تعبت ومليت من الكتابة يا سفيان ياخ .
|
Post: #9
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-28-2018, 04:27 PM
Parent: #8
الزبطي يا طلحة ولا تحتاج لطبقة سميكة من الميك اب
|
Post: #10
Title: Re: عن الصحفيين و المتصيفحين مقدمي الرامج الت
Author: أحمد محمد عمر
Date: 01-28-2018, 05:18 PM
Parent: #9
بعد الطيب عبد الماجد مافي مقدم برامج منوعات اقنعني
محمد عثمان وخالد الوزير وشهد المهندس شوية كدة ممكن يباصوا .. نسرين النمر ما بطالة
لكن الباقي ما لقيت فيه النموذج البتمناهو
|
Post: #11
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-28-2018, 08:13 PM
Parent: #10
النمر الياكلك يا احمد عمر ياخ بتبالغ نسرين شنو كمان هههههههه
|
Post: #12
Title: Re: عن الصحفيين و المتصيفحين مقدمي الرامج الت
Author: أحمد محمد عمر
Date: 01-29-2018, 03:03 AM
Parent: #11
عشان اكون صريح معاك :)
تلات ارباع الاسكور المديهو ليها أخدته من لقاء حميد
|
Post: #13
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-29-2018, 03:10 AM
Parent: #12
لاااااحوووولاااا ياخ كرهت حميد و كرهتنا بي نضميها الكتير
|
Post: #14
Title: Re: عن الصحفيين و المتصيفحين مقدمي الرامج الت
Author: عادل الباهي عبدالرازق
Date: 01-29-2018, 03:27 AM
Parent: #13
أقعد بادر بالشينة لمن تنزل السودان يلبسوك تهمة تحرش
ناس شاهد مشفش حاجة قاعدين بعدين نقعد بسبس ما إستايلي
وفي اللايفات 
|
Post: #15
Title: Re: عن الصحفيين و المتصيفحين مقدمي الرامج الت
Author: أحمد محمد عمر
Date: 01-29-2018, 03:41 AM
Parent: #12
ملاحظة .. إنه الإذاعة في برامج المنوعات متفوقة على التلفزيون بسنوات ضوئية
الملاحظة التانية إنه المهاجرين من الإذاعة للتلفزيون غالباً ما بنجحوا بنفس المستوى
في بالي تجربة البرنامج الناجح ملتقى الأصدقاء للإذاعية عواطف سر الختم الذي كانت تتحلق حوله ولاية الجزيرة بأكملها كل يوم ، فشل لما حاولت تكرر تجربته في تلفزيون الولاية
يمكن عشان الإذاعة بتتيح ليك فرصة خيال اكتر محرراً من التأثيرات البصرية لاستديو التلفزيون ؟!
ما عارف لكن رغم الجمال اللافت لإسراء زين العابدين إلا إنه تجربتها التلفزيونية تعبانة شديد مقارنة بثنائيتها الإذاعية مع محمد عبد الكريم
مرة الصدفة البحتة رمتني في المشاركة في برنامج قدمته شادية خليفة - لو ما خانتني الذاكرة - من مؤسسة كنت شغال فيها .. قدمها لينا مرافقها بإنها الاستاذة شادية خليفة .. انا طبعاً اتخلعت بقيت اقول ليها انتي شادية خليفة؟ :) غايتو والله أعلم إنه شكلي كان متفاجئ جداً لأنها ضحكت شديد وقالت لي آآآي أنا الخدراء السمينة القصيرونة دي شادية ذااااااتا
في ذات الإطار مرة حكت المذيعة تماضر القاضي - على ما أظن - قالت واقفة مع عمار عبد الرحمن في بوابة التلفزيون جاء واحد ماري بالشارع وبقى يعاين فينا شديد في النهاية جاء سلم علينا قال لي انتي تماضر القاضي؟ قلت ليه ايوة .. وقال لعمار انت عمار عبد الرحمن؟ قال ليه ايوة .. قال لينا والله التلفزيون مسمحكم ساي
_________
ديشاااااااك دة شنو البري الفوق دة ! هو البوست عن شنو ؟
أيوااا خلاص النعمل فيها بتكلم عن موضوع البوست :)
أول صحفي فاجأني بفشلو كمقدم برنامج كان عثمان ميرغني
كنت قارئ دائم لعموده في التسعينات ومتوقع ليه نجاحه الحالي في الصحافة .. وحتى لما جاب فكرة استخدام تقنيات الكمبيوتر في برنامج تلفزيوني بوصفه مهندس اتوقعت ليه النجاح رغم إني كنت طالب ثانوي وما عندي علاقة بالكمبيوتر وقتها .. بس كان بفتقد للحضور ومهارات التواصل بتاعته تعبانة جداً كمقدم برامج .. فشل طبعاً البرنامج برغم المالية الاتحشدت ليه ورجع عثمان لمكانه الأساسي الصحافة
|
Post: #16
Title: Re: عن الصحفيين و المتصيفحين مقدمي الرامج الت
Author: أحمد محمد عمر
Date: 01-29-2018, 03:44 AM
Parent: #15
| Quote: أقعد بادر بالشينة لمن تنزل السودان يلبسوك تهمة تحرش |
وحاااااة الله راجيهو بس يمشي الصحفة التانية عشان ادخل براااااحة كدة بالاستيكة ومسحك مسحك لا من شاف لا من دري 
مالي ومال بتاعين القضايا ديل أنا !
|
Post: #17
Title: Re: عن الصحفيين و المتصيفحين مقدمي الرامج الت
Author: سفيان بشير نابرى
Date: 01-29-2018, 09:54 PM
Parent: #16
هههههههه عادل الباهي ياخ تهمة في الزي ديل ولا بقبله و بنتحر بي كوز الضيف(اوعه تسألني تقولي دا شنو كمان)...
يا احمد انت مسقف ولا شنو!؟ كلامك كبار كبار... ياخ الإعلام التلفزيوني و الصحفي في عهود الغيهب بقى لناس فاطنة شاش و حنان عبد الحميد تقول لي توب الكرب السادة!!! ؟
|
Post: #18
Title: Re: عن الصحفيين و المتصيفحين مقدمي الرامج الت
Author: الشيخ سيد أحمد
Date: 01-30-2018, 06:54 AM
Parent: #17
سلام سفيان
نرجع بيك شوية لي كم سنه في الرابط المرفق.
Re: ما هو معيار العمل في الاعلام السوداني..نجوم الغد مثال حيRe: ما هو معيار العمل في الاعلام السوداني..نجوم الغد مثال حي
كسرة:
نفتقد اختنا الكريمه داليا حافظ...لها ولك التحايا
|
Post: #19
Title: Re: عن الصحفيين و المتصيفحين مقدمي الرامج الت
Author: طلحة عبدالله
Date: 01-30-2018, 08:07 AM
Parent: #18
أعتقد في الحتة دي ( عبارة تلفزيونية ماليها أي لازم) انو البتاعين ديل أقصد طبعا
المستضافين والمستضيفين خصوصا من الصحافيين بشعبطتم في التلفزيون والقنوات
حرقوا نفسم وشالوا منها الكتير من الألق الكانوا عليه لما كانوا مجرد صحافيين يكتبون
من خلف حجب الورق والمطابع .. شكلا ومضمونا .. أتكلم هنا عن ..
* صديقي محمد عبد القادر الذي يجلس أمام الكاميرا مربع يديه متأدبا وخجلا كأنه تلميذ
في حضرة الناظر خخخخخخخ وهو الذي يكتب بطلاقة وسلاسة مطوعا للحرف ومصواغا للعبارة
* ضياء الدين بلال الذي يستميت للظهور بمظهر الظريف خفيف الدم ولا يتورع في حشر
النكات القديمة والقفشات الماسخة بين الفنية والأخرى بمناسبة ودونها، الأمر الذى أضفى عليه
الكثير من التكلف غير المستحب في الإطلالة التلفزيونية، وهو الكاتب الذكي صاحب الأفكار المبهرة.
* مين كدا ساتي (ما الطاهر طبعا ) يتكلم وكأنه يسابق الزمن قبل أن تفوته الركعة الأولى من الصلاة
فتسمع منه كواريكا ليس بها من جملة مفيدة واحدة .. كما أن ملامحه المتجهمة منفرة إلى حد كبير.
* اللخت الإسمها ميرفت بتاعت الرياضة .. عبارة عن مسجل قديم أبو شريط تنقل بالحرف ما يمليه
عليها المعد في الأستديو، ثم إذا حاولت أن ترتجل قلبت موضوع الحلقة رأسا على عقب فتلخبط
الضيف وواحتار المشاهدين أجمعين .
* النور أحمد النور ( أو أيا كان اسمه) بارد كاسكريم كركدي ناقص سكر .. ولعله مثالي أكتر مما لزم
الأمر الذي يؤدي بموضوع الحلقة في الغالب إلى سرير العناية المكثفة .
عثمان ميرغني متلعثما كأنو طالب ما حافظ الدرس رغم قلمه الباهر، فضلا عن كونه يتكلم باستاذية
غير خافية .
* آخرون كثر .
........................
اعجبني جدا والله بغض النظر عن اتفاقي أو اختلافي معه الأستاذ عبد الماجد عبد الحميد
رجل لبق وجهوري وحنك سنين .
|
Post: #20
Title: Re: عن الصحفيين و المتصيفحين مقدمي الرامج الت
Author: Nasser Amin
Date: 01-30-2018, 08:29 AM
Parent: #19
سلام سفيان
عفراء عبد الرحمن مثقفة ومتمكنة و بتحَضر كويس لحواراتها..
في ملاحظة في كل القنوات لمن تجي تلقى برنامج شغال و مستيضفين شخص وانت اول مرة تشوفو لانو البلد
بقت مليانة سياسيين و فنانين و لاعبين كورة وشعراء ..
و لحدي ما البرنامج ينتهي ما بتعرف اسم الشخص أو اي معلومات عنه
مفروض و مع كل سؤال يذكروا اسم الشخص و مهنته و موضوع الحوار زاتو
و برضو المعلومات ممكن تكون مكتوبة علي الشاشة.
|
Post: #21
Title: Re: عن الصحفيين و المتصيفحين مقدمي الرامج الت
Author: عثمان الأمام
Date: 01-30-2018, 11:07 AM
Parent: #20
سلامات سفيان وضيوفو
الصحفيين براهم !!
مرة وزير الصحة ولاية الخرطوم ورئيس ومؤسس جامعة مامون حميدة وبالتالي الزيتونة ويستبشرون والمستشفى الاكاديمي والخ الخ
واللهو مقدم برنامج تلفزيوني بايخ كان مستضيف دكتورة أظنها بنت أو أخت الوزير مامون حميدة مقدم البرنامج وهي مديرة أو مسئولة
في ادارة جامعة الوزير مامون حميدة عشان تتكلم في موضوع صحي وتعليمي ( عموما" عندو علاقة بالصحة الهو وزيرا والتعليم الهو مدير
جامعتو)
شفت فقع المرارة ده كيف !!
وكمان في عيانين بشاهدوا في البرنامج ده !!
حركة كده زي لما البشير كرم أم الرئيس بوسام الأم المثالية :)
القنوات السودانية دي حدنا معاها بقى بس تسمع زول بغني غير كده حفاظا" على مرارتنا ممنوع نهائيا".
|
Post: #22
Title: Re: عن الصحفيين و المتصيفحين مقدمي الرامج الت
Author: Abdullah Idrees
Date: 01-30-2018, 01:24 PM
Parent: #21
قبل اسبوع يا سفيان والبقية
حايم بالريموت لقيت برنامج في واحدة من قنواتنا العجيبة دي ، مجموعة سيدات ومقدمة الرنامج وموضوع الحلقة عن التحرش الجنسي
واحدة من الضيوف تطرقت للمعاكسة كاحد انماط التحرش ، فردت مقدمة البرنامج :
"هي لاكين دي مشاغلة ساي ما تحرش "
أأأخ
فضغطت على زر تغيير القناة لا ألوي على شيء ..
|
|