Quote: اللهم صلى على محمد وآل محمد خسمتينا بالنبي المختار
الف صلاة وسلام علي الحبيب المصطفي بس ما قلت فهمت شنو من الزول دا😂
Post: #9 Title: Re: الرسول فيكم الفاهم يفهمني Author: Ali Alkanzi Date: 01-29-2018, 02:10 PM Parent: #5
يا ابنتنا العزيزة دكتورة وضاحة الزول دا قال كلام زي العسل واي انسان ممكن يفهم مرماه والمابفهم كلامو دا يراجع مستوى ذاكاءهو واسا انا بشرح ليك الكلام دا بالبولد اي الاسود الغامق وكان بعد دا ما فهمتي يكون الرماد كال حماد الوالي قال لاحمد البلال: القصة انو السلامة للبلد وعشان الناس تاكل رغيف بسعر مخفض لازم يمشو الفرن ويقعودو جمب ست الشاي والقيمات ذاتا غلت بس بقت على الرغيف اسا لمن ولدي ركب الفور وايل دريفر for while dirver اها شفتي فهمي راقي كيف بالترجمة كمان لمن ولدي ركب الفو وايل دريفر كان عندو شوال رغيف تصور يا احمد الولد وزع الرغيف كلو في الشارع وجاني يدينو فاضية امو قامت فيهو قلتا ليها سيبي الولد يحتك بالشارع عشان يعرف نبض القلب مش السودان قلب افريقيا دي مش غنية يا احمد (يقصد احمد البلال) طيب اسا انحنا يوم منعنا الغني ما اهو من الفلس الشعب بقا كلو بغني وبرقص بالليل وتقول شعب فقير يا اخي دي اهم مؤشر للسلامة في اي مجتمع اسا امسك دول الخليج دي بالله فيها زول بغني خلي العيش حرام يا اخي الناس قالت العيش حرام طيب الحكومة لو غلتو غلتانة؟ شوف يا احمد الجماعة ديل يجو مكتبي انا ممكن اعمل ليهم حفلا ويسمعو غنا بعض بس خلي العيش حرام دي حقو ما يغنوها عشان الامن وسلامة المواطن ودي اهم حاجة بعد الاكل والشراب بالله اسا موية البحر نقصت؟ طيب الناس ما تشرب موية بس ليه البذار في العيش الحرام؟ غايتو ممكن نتم حوارنا دا مرة تانية لانو متغدي في بيت الرئيس وامس اتعشيت معاهو يا زول التربيزة كلها مليلانه رغيف قلتا للرئيس ليه يعني كدا؟ ما كان ناكل شعيرية ومكرونة زي الشعب ما بياكل اليومين دي يا اخ عمر؟ بالله تصور الرئيس سألني: انت بصحك يا عبدالرحيم الشعب عندو مشكلة في الرغيف؟
في حارتنا ثمة ديك أمى يرأس احدى الميليشيات لم يتعلم الا الغزو والا الفتك والا زرع حشيش الكيف وتزوير العملات كان يبيع ثياب أبيه ويرهن خاتمه الزوجي ويسرق حتى أسنان الأموات في حارتنا ديك كل مواهبه أن يطلق النار من مسدسه الحربي على الكلمات في حارتنا ديك عصبي مجنون يخطب يوما كالحجاج ويمشي زهوا كالمأمون يصرخ من مأذنة الجامع يا سبحاني يا سبحاني فأنا الدولة والقانون
عزيزي الصادق عبد الله الحسين اسمح لي ان اقول انك واحد من كتابي المفضلين هنا فلك مني التحيه وصف نزار وصف دقيق للحال الان في السودان فامثال هؤلاء الديكه الغبيه تجدهم هم اصحاب القرار في كل المؤسسات عاطلين عن المواهب وخالي الاذهان الا من هم غرائزهم النهمه في الدماء وكنز المال لاهم لهم ولا انسانيه عندهم فكيف سننهض وتتقدمنا الديكه الاقزام
Post: #8 Title: Re: الرسول فيكم الفاهم يفهمني Author: عمر التاج Date: 01-28-2018, 09:55 PM Parent: #7
وضاحة ازيك .. أنا غايتو فهمت انو الزول ده لما يتكلم بتفتف ، وقطع شك المذيع غسل وشيهو بعد المقابلة بالديتول واتخيل لي كلامو ما حايزيد عن تفسيره لضرب مصنع الشفاء لما قال: ( الشئ الضرب البتاع خلى الهناي يطفي)
Post: #10 Title: Re: الرسول فيكم الفاهم يفهمني Author: Ali Alkanzi Date: 01-29-2018, 03:41 PM Parent: #8
بالله صحي يا ابنتنا وضاحة صحي دا امتحان لذكائنا شوفي الترجمة والفهم الصحيح لما غاب عنك بس من الدقية ٥ والثانية ١٠ من اليوتيوب المرفق ادناه: شفتي فهمنا فايتكم بسنوات ضوئية انتو تعملو ما فاهمين عشان تحرجو الراجل:
Quote: وضاحة ازيك .. أنا غايتو فهمت انو الزول ده لما يتكلم بتفتف ، وقطع شك المذيع غسل وشيهو بعد المقابلة بالديتول واتخيل لي كلامو ما حايزيد عن تفسيره لضرب مصنع الشفاء لما قال: ( الشئ الضرب البتاع خلى الهناي يطفي)
ود التاج الرتاني عوير والله صحي😂😂 بلد هاملة زي دا ما فاهم نفسوا هو زاتوا بقول في شنو يجي يبقي والي الخرطوم بالجد شي بحير🤔