Post: #2
Title: Re: سودانى يقتحم مبنى السفارة السودانية في كن
Author: امتثال عبدالله
Date: 01-27-2018, 11:08 AM
Parent: #1
الزول ده ما عنده شغلة.. هو شايف الفيل ويطعن في ضله..
ما دام انت عارف في مظاهرات في السودان يوم ٣١ المقعدك في كندا شنو ..ما تمشي تشارك وتساهم في إسقاط النظام بدل ما تمشي تشتم ناس موظفين ما عندهم اي ذنب
وانت قاعد مرطب في كندا والناس بتعاني في السودان ..امشي وشارك في المظاهرات ..
|
Post: #3
Title: Re: سودانى يقتحم مبنى السفارة السودانية في كن
Author: عمر دفع الله
Date: 01-27-2018, 11:27 AM
Parent: #2
سلام يا امتثال
حدث مثل هذا السلوك في بداية انطلاق الاحداث في سوريا
وانا شايفو مؤشر لبداية الانهيار حيث ينفذ صبر الناس فتقع
تفلتات ومغامرات من النوع دا وحتما سيتكرر ذات الفعل في سفارات اخرى
بل وسيحدث داخل السودان نفسه وبواسطة اشخاص مسلحين .
انها نذر الانفجار .
اننى لا الوم مثل هذا الشخص على سلوكه العشوائى دا
والذى سيضعه تحت طائلة المسائلة القانونية ولكن احمّل
حكومة الخراب التى دفعت الناس الى الجنون .
|
Post: #4
Title: Re: سودانى يقتحم مبنى السفارة السودانية في كن
Author: Omer Abdalla Omer
Date: 01-27-2018, 01:05 PM
Parent: #3
سلام صاحب البوست و ضيفته الكريمة إمتثال
والله يا إمتثال حقو تراجعي مداخلتك دي تاني..
أولا مطالبتك للراجل دا يرجع السودان و يشارك في المظاهرات أنا أعتقد إنها مزايدة في غير محليها
ثانيا، أنا ما عارف إنت عايشة وين لكن أؤكد لك قليل جدا الفي أمريكا أو كندا من السودانيين مرطب
ثالثا، طيب لمان هو مرطب واجع راسه ليه بتفاهات حكومة السودان و حراميته
رابعا، ديل موظفين لحكومة جائرة و إذا فتحت ملفات هؤلاء سوف ترين العجب من قلة تأهيل و فساد يشيب له الوجدان
خامسا، التظاهر و الإحتجاح أمام السفارات هذا تقليد معروف و ما هو دخيل..
على العموم الناس تعبر عن رفضها لهذه الحكومة بإشكال عدة تبدأ من الوقفات السلمية لغاية حمل السلاح و حماية الأرض و العرض من حكومة فاسدة، عنصرية, و ليس لها أخلاق
على العموم أرجو مراجعة مداخلتك و فهمك بهذا الخصوص
|
Post: #5
Title: Re: سودانى يقتحم مبنى السفارة السودانية في كن
Author: nour tawir
Date: 01-27-2018, 01:40 PM
Parent: #4
الزول ده ما عنده شغلة.. هو شايف الفيل ويطعن في ضله..
ما دام انت عارف في مظاهرات في السودان يوم ٣١ المقعدك في كندا شنو ..ما تمشي تشارك وتساهم في إسقاط النظام بدل ما تمشي تشتم ناس موظفين ما عندهم اي ذنب
وانت قاعد مرطب في كندا والناس بتعاني في السودان ..امشي وشارك في المظاهرات ..
...
يا أمتثال...
الكلام دا عوج منك..
مثلا أنا عايشة فى كندا..
و فى نفس البلد الفيها السفارة دى..
أتاوا..
و زباين فى السفارة دى..
بنتظاهر و نسلم مذكرات..
بس ما مرطبين..
ليه ؟
عشان لامن تكون درجة الحرارة ناقص 40..
زائد سرعة الرياح..
و تكونى شّغال 12 ساعة ليل...
أو 12 ساعة نهار..
حتعرفى يعنى شنو ترطيب..
و المقّعدنا فى العذاب دا شيئين..
عدنا للسودان..
و حاولنا نستقر..
لكين شنو الحصل ؟
مطاردات و تهديد الآمن بالدرجة الما ممكن تمشى 24 ساعة فى هدوء..
دا غير انه ما بيشغلوك..
لان الشغل لازم يتم بموافقة الآمن فقط..
فشنو ؟
ما ترمى لينا دّراب من أول الصباح و تملينا فقر..
اصلو روحنا فى نخرتنا من الجليد و طاحونه الشغل..
و على فكرة يا عمر دفع الله..
فى مبنيين للسفارة السودانية فى كندا..
و احد الات شايفو قدامك دا..
و دا لاستقبال السودانيين..
و جمع الجبايات..
و كتابة التقارير عن السودانيين..
و تسهيل الاجراءات العامة للسودانيين و تحصيل الرسوم..
و دا محل ما قاعدين نمشى نتظاهر..
أما المبنى الاصلى للسفارة السودانية..
فهو سرى..
يقع فى مكان ما خلف السفارة الامريكية..
ودا محل بيطبخوا فيه السم للشعب السودانى..
|
Post: #6
Title: Re: سودانى يقتحم مبنى السفارة السودانية في كن
Author: Ali Alkanzi
Date: 01-27-2018, 02:14 PM
Parent: #5
على كل لسنا اوصيا على احد والكل يتحمل نيتائج افعاله
كان على الرجل ان يحترم الدولة التي استضافته لأن السفارة واعضائها تحت حمايتها بموجب اتفاقية فينا
فاسلوبه هذا مدان وسيلقى جزاءه لدى السلطات الكندية
وهو يعكس صورة التخلف التي يعيشها انسان السودان ولا خلاف بين هذا التصرف والتصرف الذي تحدث عنه الدكتور شداد رئيس اتحاد الكرة السودانية
وهو يقول ان كل شئ في السودان يحل بالمواجهة ومحو الاخر وكلنا في الهم شرق
كان من الممكن لهذا الاخ ان يحمل لافتة كبيرة تعبر عن كل معناة اهله في السودان وتنذر الحكومة بأن يوم ٣١ يناير ٢٠١٨ هو آخر ايام حكمها
لهذا ارى المحنة ليست في من يحكمنا ولكن المحنة فينا نحن الشعب الذي يحكم وما هؤلاء الحكام الظلمة ما اتوا إلا من ظهور ابائنا وارحام امهاتنا
لهذانحن نحتاج لترقية الانسان السوداني ودفعه للتمسك بحقوقه بالوسائل الشرعية
وبكل اسف كل الحكومات التي حكمت السودان كانت ارزل من التي سبقتها عسكرية كانت ام ديمقراطية
ولم يقيض الله حتى اليوم حاكماً للسودان ينكر ذاته ويعمل لترقية الحياة والمجتمع في الامة السودانية
وإلى ان يحدث ذلك سنتبادل الادوار والاتهامات بالعمالة والجبن والبيع وما إليه سبيلاً
|
Post: #7
Title: Re: سودانى يقتحم مبنى السفارة السودانية في كن
Author: Ali Alkanzi
Date: 01-27-2018, 02:14 PM
Parent: #5
على كل لسنا اوصيا على احد والكل يتحمل نيتائج افعاله
كان على الرجل ان يحترم الدولة التي استضافته لأن السفارة واعضائها تحت حمايتها بموجب اتفاقية فينا
فاسلوبه هذا مدان وسيلقى جزاءه لدى السلطات الكندية
وهو يعكس صورة التخلف التي يعيشها انسان السودان ولا خلاف بين هذا التصرف والتصرف الذي تحدث عنه الدكتور شداد رئيس اتحاد الكرة السودانية
وهو يقول ان كل شئ في السودان يحل بالمواجهة ومحو الاخر وكلنا في الهم شرق
كان من الممكن لهذا الاخ ان يحمل لافتة كبيرة تعبر عن كل معناة اهله في السودان وتنذر الحكومة بأن يوم ٣١ يناير ٢٠١٨ هو آخر ايام حكمها
لهذا ارى المحنة ليست في من يحكمنا ولكن المحنة فينا نحن الشعب الذي يحكم وما هؤلاء الحكام الظلمة ما اتوا إلا من ظهور ابائنا وارحام امهاتنا
لهذانحن نحتاج لترقية الانسان السوداني ودفعه للتمسك بحقوقه بالوسائل الشرعية
وبكل اسف كل الحكومات التي حكمت السودان كانت ارزل من التي سبقتها عسكرية كانت ام ديمقراطية
ولم يقيض الله حتى اليوم حاكماً للسودان ينكر ذاته ويعمل لترقية الحياة والمجتمع في الامة السودانية
وإلى ان يحدث ذلك سنتبادل الادوار والاتهامات بالعمالة والجبن والبيع وما إليه سبيلاً
|
Post: #8
Title: Re: سودانى يقتحم مبنى السفارة السودانية في كن
Author: عمر دفع الله
Date: 01-27-2018, 03:08 PM
Parent: #7
يا الكنزى الموضوع دا عادى جدا
وحدث في عواصم دول غربية كثيرة عشية
سقوط الانظمة في دول الشرق الاوسط وفيه
يقوم المقيمون في الغرب بإحتلال سفارات بلادهم
واتوقع ان يحدث هذا في حالة سقوط الانقاذ .
بس العمل بتاع الشاب دا فردى لذلك سيكون عرضة للمسائلة القانونية
واعتقد انه يعرف ذلك وقد اختار هذه المغامرة مع سبق الاصرار.
|
Post: #9
Title: Re: سودانى يقتحم مبنى السفارة السودانية في كن
Author: فيصل محمد خليل
Date: 01-27-2018, 03:53 PM
Parent: #8
كلام امتثال و الكنزي علاك مصدي
|
Post: #10
Title: Re: سودانى يقتحم مبنى السفارة السودانية في كن
Author: امتثال عبدالله
Date: 01-27-2018, 04:21 PM
Parent: #9
عزيزي عمر عبد الله
انا الان عايشة في السودان..وسوف اشارك في مظاهرة الخرطوم بحري يوم ٣١ يناير ..واذا جابو
الصور في التلفزيون حتشوفني في المقدمة..
انا ادنت تصرف هذا الشاب لانه تصرف غلط ،،، ومعارضة النظام ما بالطريقة دي ويشيل ليه موبايل
ويصور في جدران السفارة ويشتم في الناس،، واحتمال في ناس شغالين في السفارة دي بيكرهوا
نظام الانقاذ اكثر منه ، لانهم اعلم الناس بان رموز الانقاذ هم اكثر الناس فسادا في العالم يسرقون اموال
الشعب جهارا نهارا وبقوة عين عجيبة ويعتزون باثمهم،، وكان بامكان هذا الشاب، وكما قال ود الكنزي، ان يرفع
لافتة امام السفارة باللغتين الانجليزية والعربية، ويعبر فيها عن رايه ويفضح ممارسات النظام الوحشية ، وصور
القتلي..
هل تعرف كيف نالت تيمور الشرقية استقلالها من اندونيسيا،، قام عدد بسيط جدا من اقليم تيمور في اندونيسيا بالوقوف امام
مبنى الامم المتحدة في نيويورك يطالبون بالاستقلال لان اغلب سكان الاقليم ليسوا بمسلمين وهم مضطهدون من حكومة اندونيسيا
المسلمة..وكما علمنا فان هناك مكاب تابع للامين العام للامم المتحدة يراقب كل المظاهرات التي تقف امام المبنى وتصور وتكتب التقارير
وترفعها امكتب الامين العام ، حتى ولو كان شخصا واحدا يرفع لافتة ..ويقوم الامين العام بتحريك تحقيق للتاكد من الوقائع..وبذا تنال
الشعوب حقوقها المهضومة...ولكن مثل تصرفات هذا الشاب لا يهتم به احد..وربما يحال للتحقيق للتهجم على مبنى خاص..
اذا قام شاب سوداني واحد ورفع لافتة امام مبنى الامم المتحدة وجلس هناك من التاسعة صباحا وحتى الخامسة مساء فان
تاثير جلوسه هناك انفع الف مرة من تصرف هذا الشاب...واذهبو ا الى هناك وشوفوا في واحدة صينية وواحدصيني شايلين لافتات
تندد بانتهاك حقوق الانسان في الصين وكل مرة الامم المتحدة تصدر تقارير تندد بحقوق الانسان، وعاملين وجع راس للحكومة الصينية
وعشان الصين دولة عظمى وماكنة الامم المتحدة ما قادرة تقول بغم...لكن برضه عاملين ليها وجع راس..
اما اذا كانت دولة صغيرة وضعيفة زي السودان زمان القلاقل كانت هزتها والدول الغربية كانت تحركت...
..فيصل اخوي
راجع مداخلتك وما تحرش في زول كندا ساكت يقوم يتهور ويدخل السفارة بسلاح بدل الموبايل..وش ضاحك..
مع وافر التقدير والاحترام
|
Post: #11
Title: Re: سودانى يقتحم مبنى السفارة السودانية في كن
Author: Ali Alkanzi
Date: 01-27-2018, 05:01 PM
Parent: #9
الاخ فيصل
لم افهم قولك عني :
| Quote: كلام امتثال و الكنزي علاك مصدي |
|
Post: #12
Title: Re: سودانى يقتحم مبنى السفارة السودانية في كن
Author: Abu Baker Ahmed Abdel Rahman
Date: 01-27-2018, 05:22 PM
Parent: #11
Salam
Embassy of Sudan
|
Post: #13
Title: Re: سودانى يقتحم مبنى السفارة السودانية في كن
Author: Abu Baker Ahmed Abdel Rahman
Date: 01-27-2018, 05:28 PM
Parent: #12
Embassy of the Sudan
غايتو
|
Post: #14
Title: Re: سودانى يقتحم مبنى السفارة السودانية في كن
Author: فيصل محمد خليل
Date: 01-27-2018, 06:14 PM
Parent: #13
امتثال و الكنزي
الشي العمله هذا المواطن ما جايي من فراغ
لكل فعل رد فعل، يساويه في الشدة، ويعاكسه في الاتجاه.
دي حكومة بتقتل في الشعب السوداني ,كتلونا في كجبار في
دارفور في جبال النوبة و هم القالوا البيجينا مكفكف بنجيهو عرايا.
فكيف تخت الزبدة في الطوة السخنة و ما عاوزها تذوب !
|
Post: #15
Title: Re: سودانى يقتحم مبنى السفارة السودانية في كن
Author: Ali Alkanzi
Date: 01-27-2018, 06:15 PM
Parent: #8
يا ابو عمير افهمونا
بقول ليك الزول ضيف على الاراضي الكندية ويمكن حصل على الجنسية
فمن واجبه الاخلاقي ان يحترم قوانين البلد التي استضافته وليس البلد الذي اجبرته حكومته للفرار من وطنه
والبلد المضيف لاي سفارة من الواجب ان يوفر لها الحماية
حتى سفارة اسرائيل في القاهرة لا يسمح بالهجوم عليها من قبل أي جهة وإذا حدث ذلك فهو تعدي جنائي
واتوقع المسألة من السلطات الكندية للاخ المواطن السوداني
ولكن متى نعقل نفهم متى نتحرك وأين نقف ؟
|
Post: #16
Title: Re: سودانى يقتحم مبنى السفارة السودانية في كن
Author: عمر دفع الله
Date: 01-27-2018, 07:01 PM
Parent: #15
نعيد ليك الكلام تانى يا الكنزى
احتلال السفارات في الغرب من قبل مواطنين
من البلد التى تنهار فيها انظمة الاستبداد دى حاجة
عادية وحصلت وحتحصل في المستقبل
بس عمل الشاب دا فردى وهو يعرف وقرر تحمّل المسؤولية في ذلك
اما وصفك ليهو بعمل غير اخلاقى دا كلام خارج - السياسة - وفيه اهمال لدوافع الرجل
لانو في الصراع السياسي تقتل الانفس وتضرب القرى بالطائرات ناهيك عن اقتحام سفارة وتصويرها
والخروج منها دون ان يؤذى احد ولو انه اقدم على العمل دا في رئاسة الخارجية بالخرطوم
كان كتلوه بالتعذيب في بيوت الاشباح وخاصة انه من ابناء الهامش
وانت تعرف كيف يعاملون ابناء الهامش في جامعات العاصمة .
|
Post: #17
Title: Re: سودانى يقتحم مبنى السفارة السودانية في كن
Author: Omer Abdalla Omer
Date: 01-27-2018, 08:05 PM
Parent: #16
راجع مداخلتك وما تحرش في زول كندا ساكت يقوم يتهور ويدخل السفارة بسلاح بدل الموبايل..وش ضاحك..
مع وافر التقدير والاحترام
________________________________________________________________________
و لك الإحترام يا إمتثال..
زي ما قال عمر دفع الله الراجل عارف مغامرته و بالمناسبة لإزالة هذا النظام لابد من دفع ثمن..
نثمن لك شجاعتك و مظاهرتك يوم الاربعاء و نتمنى أن يزيل الله هذا النظام و لكن نعيب عليك مزايدك على ناس الخارج.
والله الإنقاذ لو إستمرت بالشكل دا أنا خايفك إنت ذاتك تشيلي سلاحك و تخشي القصر و يعرفوا حاجة
|
Post: #18
Title: Re: سودانى يقتحم مبنى السفارة السودانية في كن
Author: Ali Alkanzi
Date: 01-27-2018, 08:58 PM
Parent: #17
اللهم اغفر لقومي فإنهم لا يعلمون
|
Post: #19
Title: Re: سودانى يقتحم مبنى السفارة السودانية في كن
Author: nour tawir
Date: 01-27-2018, 11:27 PM
لكل فعل ردة فعل...
الرجل انفجر بعد 28 سنة + من الاهوال..
فلا غرابة فيما قام به..
السلطات الكندية تعرف تفاضيل الازمة السودانية..
و سوف تقدر موقفه و تحاسبه حسابا يسيرا..
يوم 31 سوف نكون امام السفارة السودانية فى كندا..
تضامنا مع الشعب السودانى..
ان شا الله حتى تكون درجة الحرارة 60 زائد سرعة الرياح..
و للسودانيين فى كندا ملف حافل فى مقاومة حكومة الانقاذ..
و ليس من الضرورى ان يتواجد كل الشعب داخل السودان حتى نقاوم النظام..
|
Post: #20
Title: Re: سودانى يقتحم مبنى السفارة السودانية في كن
Author: محمد جلال عبدالله
Date: 01-28-2018, 07:24 AM
Parent: #19
======== اقتباس=========
و على فكرة يا عمر دفع الله..
فى مبنيين للسفارة السودانية فى كندا..
و احد الات شايفو قدامك دا..
و دا لاستقبال السودانيين..
و جمع الجبايات..
و كتابة التقارير عن السودانيين..
و تسهيل الاجراءات العامة للسودانيين و تحصيل الرسوم..
و دا محل ما قاعدين نمشى نتظاهر..
أما المبنى الاصلى للسفارة السودانية..
فهو سرى..
يقع فى مكان ما خلف السفارة الامريكية..
ودا محل بيطبخوا فيه السم للشعب السودانى..
===========================
الأخت نور تاور .. أعتقد أن المبنى الذي في الفيديو هو مبنى القنصلية
والذي هو لاستقبال الجمهور وتخليص المعاملات وأخذ الجبايات ووووووو
وأن المبنى الآخر هو مبنى السفارة للشؤون الديبلوماسية
يعني لا توجد سفارتين وإنما مبنى للقنصلية وآخر للسفارة
وهذا معمول به في الكثير من الدول وهو إجراء تنظيمي لا غير
|
Post: #21
Title: Re: سودانى يقتحم مبنى السفارة السودانية في كن
Author: امتثال عبدالله
Date: 01-28-2018, 08:20 AM
Parent: #20
لكت في الحالة دي يا محمد جلال الدول الثانية بتكتب في مبنى القنصلية " القنصلية العامة ، مثلا للمملكة العربية السعودية
او القنصلية العامة التونسية، وليس سفارة السودان....يعني مفروض يكتبوا القنصلية السودانية.
واساسا ليه يكون عندهم مبنيين في كندا ، وكان السودان عنده مع كندا علاقات تجارية واقتصادية ببلايين الدولارات، لكت بس بعثرة
للعملات الصعبة والناس ما لاقية رغيف...
مع وافر التقدير والاحترام.
|
Post: #22
Title: Re: سودانى يقتحم مبنى السفارة السودانية في كن
Author: محمد جلال عبدالله
Date: 01-28-2018, 09:08 AM
Parent: #21
============اقتباس=============
لكت في الحالة دي يا محمد جلال الدول الثانية بتكتب في مبنى القنصلية " القنصلية العامة ، مثلا للمملكة العربية السعودية
============================
الأخت المحترمة امتثال عبد الله
صاح كلامك أنا ما انتبهت أنه مكتوب بالانجليزي أنه السفارة
لأني شفت الفيديو في الواتس بالليل شديد وهنا ما شفته تاني
فعلا الأمر مدعاة للتساؤل والاستغراب، بس لعله شتارة من السفارة ساي
وزي ما عارفة الشتارة في العمارة وقيل في السفارة :)
|
Post: #23
Title: Re: سودانى يقتحم مبنى السفارة السودانية في كن
Author: الطيب رحمه قريمان
Date: 01-28-2018, 12:16 PM
Parent: #22
أعتقد ان هذه الطريقة غير مثلى لمعارضة النظام ..
هذا الشخص يمكن القبض عليه .. و محاكمته .ز بانه اعتدى على مكان عام له حرمته .. اضافة لقيامة بالتصوير .. و الطريقة التى رايناها .. تعرضه الى محاكمة و عقوبة قاسية جدا فى كندا ..
|
Post: #24
Title: Re: سودانى يقتحم مبنى السفارة السودانية في كن
Author: خالد العبيد
Date: 01-28-2018, 12:25 PM
Parent: #23
تصرف فردي غير مسؤول
واعتبره خصما على المعارضة
علينا احترام القوانين ونعارض بمسؤولية
|
Post: #25
Title: Re: سودانى يقتحم مبنى السفارة السودانية في كن
Author: عمر دفع الله
Date: 01-28-2018, 02:10 PM
Parent: #24
نعيد ونكرر يا الطيب رحمة
عادى جدا وبتحصل في حالة سقوط الانظمة الاستبدادية
بس انتو عايزين تعملوا منها موضوع .
كنت اتمنى ان تقرأ الحالة من زاوية قياس الغضب
وكيف ان تراكم الغبائن يفعل الافاعيل بالناس
وهي صورة عابرة تشير الى هول القصاص الذى ينتظر
جماعة الاخوان المسلمين في بلادنا
فالعين بالعين والسن بالسن وغدا لناظره قريب ......
قبل فترة كتب الدكتور الافندى في واحدة من مقالاته
محذرا اخوان الامس ومعنفا من ان خطل سياستهم ( من المحتمل )
ان تعرضهم لأعمال انتقامية إن فقدوا سلطانهم
واعتقد ان الافندى بات اليوم مقتنعا وموقننا
ان الجماعة ينتظرهم شرا مستطيرا لا مرد له
وستتكالب عليهم الثأرات من الدول والجماعات والافرد .
يحدثنا التاريخ ان عناصر جهاز المخابرات الامبراطورى - سافاك - في ايران
قتلتهم الجماهير الغاضبة وهم في طريقهم الى المحكمة وكلنا شاهدنا
كيف ان القذافى جرت محاكمته وعقابه بدون محكمة ولا قضاة .
يقال والعهدة على الراوى :
بعد فشل انقلاب رمضان والقبض على قادته . دخل عليهم السفاح
بكرى حسن صالح فإستأذنه العقيد - مظلات - صلاح السيد وهو احد اركان الانقلاب الفاشل
ان يذهب ويعزى آل بيته في وفاة والده . فرد عليه السفاح بكرى ( مافي داعى لأنك ستلحق به بعد قليل )
قتل العقيد صلاح السيد مع صحبه وقيل انه كان من بين الذين دفنوا احياء وهذه الجريمة لا تضيف
الى السفاح بكرى مثقال ذرة في ميزان جرائمة امام حرق الاهالى في دارفور بالطائرات عندما كان وزيرا
للدفاع .
|
Post: #26
Title: Re: سودانى يقتحم مبنى السفارة السودانية في كن
Author: Biraima M Adam
Date: 01-28-2018, 02:59 PM
Parent: #25
تعاطفت جداً مع هذا الشاب ..
والناس الذين هم في هذا البوست .. لم أر أحداً منهم ممكن يكون عاش مأساة هذا الشاب أو يحس بحقيقتها غير بت أبا نور تاور ..
هذا الشاب عبّر عني بصورة غير مباشرة رغم أني أختلف معه أن الجاني الحقيقي هم حركات دارفور المسلحة .. لو كان هناك سفارة لهم.. ممكن أمشي ليهم وأقول نفس الكلام الذي قاله هذا الشاب.
بالله تابعوا لينا أخباره .. حتى نفقوا معه .. السودانيون نحن في الغربة كالبنيان يشد بعضه بعض ..
كما أتمنى من الأخوة في الجالية .. أن يلتفوا حوله .. ويؤازروه في مصابه ..
بريمة
|
Post: #27
Title: Re: سودانى يقتحم مبنى السفارة السودانية في كن
Author: Biraima M Adam
Date: 01-28-2018, 03:03 PM
Parent: #26
الأخ Abu Baker Ahmed Abdel Rahman
من السفارة السودانية .. رجاءً .. أن تلاحظوا الظرف الذي يمر به السودان في تعاملكم مع مثل هذه الحالة .. والأهم من ذلك أن هذا الشاب من رعاياكم .. ومحتاج للوقوف إلي جانبه في مصابه ..
أرجو أن تكون النظرة الأنسانية سابقة للنظرة القانونية ..
والله ولي التوفيق ..
بريمة
|
Post: #28
Title: Re: سودانى يقتحم مبنى السفارة السودانية في كن
Author: Abu Baker Ahmed Abdel Rahman
Date: 01-28-2018, 08:33 PM
Parent: #27
"الأخ Abu Baker Ahmed Abdel Rahman
من السفارة السودانية .. رجاءً .. أن تلاحظوا الظرف الذي يمر به السودان في تعاملكم مع مثل هذه الحالة ..
والأهم من ذلك أن هذا الشاب من رعاياكم .. ومحتاج للوقوف إلي جانبه في مصابه ..
أرجو أن تكون النظرة الأنسانية سابقة للنظرة القانونية ..
والله ولي التوفيق ..
بريمة"
قول بسم الله يابريمة
|
|