Post: #1
Title: شندي رائحة الازمان..والامكنة.
Author: باسط المكي
Date: 01-26-2018, 06:27 PM
05:27 PM January, 26 2018 سودانيز اون لاين
باسط المكي-
مكتبتى
رابط مختصر ..ومازلت ..ابحث عن شندي الجوانا ..القطارات والنهارات الحكاوي والسفر المواقف البطولية,,تواريخ نوادر المحاكم والسجن العتيق ..البنطون ..واللواري ..والحواري ..القديمة ..اكشاك المنقة ..ومطاعم السمك وياربي لسة وصلت السمك في المطاعم موجودة ..التكاسي البولغا وبرندات السوق العتيق ..حكاوي والاد فتر والطيب ود ضحوية وطه الضرير..سمرة الحفيان ايام الخريف وعربان حسن ود حسونة ..بقدرة قادر اصبحو من النسيج الاجتماعي في المنطقة ..المكتبات والسينما والاندية الثقافية ..شندي رائحة الازمان والامكنة ..مصانع عبد الكريم السيد وصابون الفنيك ماركة الميزاب مصانع النسيج ..المدارس والداخليات القديمة ..سوق الخضار والملجة ورائحة المنقة وحبال العناقريب ..الترزية والبصلحو الروادي ...الاغاني ..والطنابير ..وشندي المحطة ..النوادر والحكاوي وشخصيات عاشت بين الناس في امسياتهم وحكاويهم بنوادرها وقفشاتها ..ربوع شندي ودخول الغبش المشلخين ..وعليهم اثار الترحال وعلي ارجلهم باقي المسوح من الليل ..رائحة القرب والقطران ..تفاصيل العصاري ..وهدوء النيل والجروف ..عند الصباح ..لكم كل الود
|
|