كلاب وأرانب....

00:57 AM January, 24 2018 سودانيز اون لاين
Yasir Elsharif-Germany
مكتبتى
رابط مختصر

https://www.alarabiya.net/ar/last-page/2018/01/13/%D8%A8%D8%A7%D9%84%D8%B5%D9%88%D8%B1-%D8%A7%D8%B3%D8%AA%D8%AE%D8%B1%D8%A7%D8%AC-%D8%B4%D9%...%AF%D8%A7%D9%86.html

https://www.alarabiya.net/ar/last-page/2018/01/22/%D8%B3%D8%A8%D8%A7%D9%82-%D8%A7%D9%84%D8%A3%D8%B1%D8%A7%D9%86%D8%A8-%D9%8A%D8%AB%D9%8A%D8%...AF%D8%A7%D9%86-.html

بصراحة ما قادر افهم فكرة مهاجمة الناس في ممارسة أنشطة تتناسب ووضعهم المالي
قديماً قالوا العندو قروش يعمل شنو كدة ما عارف :)
من ولدونا الناس بتربي الكلاب .. ود خالتي كان بأكل كلبه الباسطة لتدليله وتعبير عن حبه ليه
كونه في ناس أخدت الهواية دي لحتات عالمية زي شهادات النسب والمعروفة عند مربي الكلاب في العالم ما شايفها جريمة ولا حاجة ضارة بالمجتمع أو المواطن ولا تستدعي حنق محمد أحمد الواقف في صف الرغيف .. لأنه الكلب دة لو ما طلعوا ليه الشهادة برضو حيكون محمد احمد واقف في صف الرغيف ذاتو .. ومافي أي تأثير مادي أو بيئي من شهادة الكلب دة على الشعب السوداني
الصيد حاجة معروفة لكل الشعب السوداني في المناطق المتاح فيها القنص ومارسوهو أهلنا الكبار وغنوا ليه .. وياما اشترينا الأرانب المقنوصة من السوق وظبطنا بيها الخدرة بل عندنا ناس من الحلة بطلعوا خلا بعيد ما حصل طلعت معاهم بصطادوا الأرانب دي ذاتا وبربوها وببيعوها وما شايف أي مشكلة في النشاط دة
الصيد رياضة معروفة في العالم وجزء مهم في السياحة .. كتير من الخليجيين بيجوا السودان عشان يمارسوا رياضة أو هواية الصيد .. كونه في ناس قرروا يعملوا الهواية دي بصورة مصرح بيها ومسابقة برضو ما جريمة .. على فكرة المسابقة هي صيد الأرانب ما سباق الأرانب .. وكونه وزير الشباب يعترف بالهواية دي ويشجع الشباب عليها بتشريفه لحفل قرعتهم برضو ما جريمة .. أصلاً شغله الإشراف على الأنشطة الرياضية والشبابية وما عندو علاقة بسعر الخبز والضائقة المالية !
تطلع شنو ميزانية القرعة أو المسابقة بالكامل قصاد راتب شهر واحد للاعب في نادي القمة؟ هل نقفل أندية الهلال والمريخ عشان لاعبينهم بياخدوا بالدولار الحار والناس ما لاقين خبز ؟

الفرق يا ابوحميد انه الوزير المشى يحضر قرعة سباق الارانب دا بدفع راتبه ومخصصاته و الجيش الطويل عريض من الوكلاء و المستشارين و كبار الموظفين و الهلمة و بنزين عربيته المشى بيها للحفل و راتب سواقه و بنزين عربية - أو موتر النجدة عشان جنك غلاط - الفتح ليه الطريق بدفعهم أنا و انت و الزول الواقف في صف الرغيف!! في حين مرتب اللاعب المحترف بدفعه الكاردينال من جيبه ما عندي شغلى بيه
يبقى يلا في الازمة و الضائقة دي ليه ادفع راتب و تكلفة وزير ما عنده شغلة يباري قرعة ارانب و بتاع, بلاش منها وزارة و تكلفة في الفاضي و كدا كدا بحضور الوزير او بدون جماعةىالارانب ديل ساوين قرعتهم وسباقهم يبقى ما في داعي للتكاليف الاضافية على حساب المواطن!

دي علي وزن افواه وارانب ...
كلها مسائل الهائية ليشغلوا بيها مواقع التواصل ..
انحنا الطلعنا ارانب ..

ياسر عنوان البوست فتل المنبر الجرة الطويلة دي مافي ليها داعي ..

ههههههههههههههههههه

اوع تكون الكلاب الاكلت سندوشات الجمهوريين و قامت باعتقالهم ؟




ياسر سلام يا جميل

من فلم " أفواه وأرانب"

تركوا الأفواه تامكل نارها
وانحازللارانب.

هسي الأرانب دي مش حيوانات برية ؟

طيب كان قامت فرتكت ودقشت الخلاء بجيبوها كيف؟

يا البشرى هل لو الوزير مشى قرعة الدوري الممتاز كان حتتحل الضائقة الاقتصادية ؟
أصلاً وزارته مهمتها مباراة الرياضة والأنشطة الشبابية الإنت ممكن تشوف بلاش منها بينما غيرك برحب بيها
وما يسري على جماعة الأرانب يسري على جماعة الممتاز .. لو شايفين الرياضة مافي ليها داعي في ظل الضائقة المالية تكون المطالبة بإلغاء الوزارة بالكامل ومعاها الاتحاد العام لأنه برضو بشيل من قروشنا الدافعينها ضرائب
أنا شايف إنه الناس مشكلتها ما مع الصرف الحكومي ولا الضائقة المالية وإنما مستنكرين على الأغنياء يعبروا عن رياضات وهوايات هم ما بعرفوها وما مقتنعين بيها .. يعني الموضوع تمييز - بحسب اعتقادي

مش وزارة الرياضة بس بل جيش جرار من الوزراء و الدستوريين و المعتمدين وكمية من العطالة المقعة تعيش بمخصصات كبيرة على عاتق دافع الضرايب
مقارن بين حكومة ولاية الخرطوم فقط عدد وزراءها وتنفيذييها مع حكومات دول زي فرنسا وكندا و امريكا !
لعود لوزارة الرياضة مثال, عندنا وزير اتحادي ووزير دولة ثم وزراء ولائيين بعدد ولايات السودان وقل لي هل توجد وزارة رياضة في أمريكا ؟
بعدين انا ما قلت الرياضة مافي داعي ليها اساسا الرياضة نشاط اهلي وجد قبل الوزارة وسيستمر لو اتلغت ولن يتاثر بل بالعكس سيسلم من التدخلات
لا المسالة ليست كما تعتقد, العندو القرش اليسابق ارانبه و طيوره و سعلواته زي ما عايز ما عندنا شغلة بقروشه شغلتنا بي الجاي يقشر و يقضي وقت بقروشنا

بعدين الاتحاد العام ما بياخد مليم من الدولة لأعضاؤه أو كمخصصات بل بالعكس الدولة حاشه افكاره بالضراي و الدمغات وفواتير الكهرباء كل البياخده دعم للمنتخب الوطني

وهل هؤلاء الأغنياء الذين يحتفلون بهذه السباقات المستفزّة

إغتنوا من ورثة آبائهم؟ هؤلاء هم اللصوص الذين سرقوا

اموال الوطن.!!!!!

Quote: شغلتنا بي الجاي يقشر و يقضي وقت بقروشنا

برضو ما فهمت البفرق بين الكورة والقنص شنو ؟
زي ما انت ما مهتم بقنص الأرانب في ناس ما مهتمين بالكورة والوزارة مهتمة بيهم الاتنين
يبقى لو بندين زيارات الوزير والوفد المرافق لقرعة الأرانب مفترض ندين زياراته لقرعة الدوري الممتاز برضو
كلامك عن الترهل الإداري في السودان بنطبق على كل الوزارات والمجالات اللي بقت وزارات بالرجالة لكن ما سببه الأرانب


_________
كنت فاهم إنه موظفي الاتحاد الحام بصرفوا رواتبهم من الدولة لكن معنى كلامك عندهم موارد خاصة وانت أعلم مني بالمجال دة