Post: #1 Title: بول الناقة البكر علاج ناجع للدوبالة Author: Osman Musa Date: 01-24-2018, 06:24 AM Parent: #0
05:24 AM January, 23 2018 سودانيز اون لاين Osman Musa- مكتبتى رابط مختصر بول الناقة البكر بدري الصباح علاج قديم جديد للكتير من الأمراض الباطنية ما عليك إلا تسد نخر تك وتنتح الكورية بعد ما تلاقيها الناقة . والناقة السودانية فقط والانجع ناقة بوادي الكبابيش . قالوا السر في عشب المنطقة . سبحان الله .
Post: #2 Title: Re: بول الناقة البكر علاج ناجع للدوبالة Author: Mohd Ibrahim Date: 01-24-2018, 07:25 AM Parent: #1
كدي جرب اول انت وتعال لينا هههه
Post: #3 Title: Re: بول الناقة البكر علاج ناجع للدوبالة Author: ترهاقا Date: 01-24-2018, 08:04 AM Parent: #2
معقول يا عثمان موسى، البول فيهو كل سموم الجسم كيف يكون علاج؟
Post: #5 Title: Re: بول الناقة البكر علاج ناجع للدوبالة Author: Osman Musa Date: 01-24-2018, 08:15 AM Parent: #3
فنانا الكبير تراها قا ياخ ما أصلها سموم في سموم اخير لينا سموم سعيتنا هههههها . مش كدي ؟
Post: #13 Title: Re: بول الناقة البكر علاج ناجع للدوبالة Author: الصادق عز الدين Date: 01-25-2018, 06:37 AM Parent: #3
ليس به سموم إذا إعتبرنا أي بول سموم فما بالك ب براز النحل (العسل هو براز النحل) هههههههههه
Post: #4 Title: Re: بول الناقة البكر علاج ناجع للدوبالة Author: Osman Musa Date: 01-24-2018, 08:12 AM Parent: #2
يا موهب يا اخوي جركانتك قاعدة عامل لي فيها بتاع centrum وفيتامينات وحركات . يازول ده بول ناقة اصلي صافي gluten free هههها
Post: #6 Title: Re: بول الناقة البكر علاج ناجع للدوبالة Author: أبوذر بابكر Date: 01-24-2018, 09:03 AM Parent: #1
حبيبنا عثمان
الشوق والريد
كلامك صحيح
فى مزرعة فى شرق النيل بتاعة ابل وفيها زول متخصص فى علاج السكرى وأمراض تانى ببول الابل انا ما كنت مصدق لغاية ما لاقيت ناس اتعالجو هناك و اكدوا الكلام ده
Post: #7 Title: Re: بول الناقة البكر علاج ناجع للدوبالة Author: Osman Musa Date: 01-24-2018, 09:27 AM Parent: #6
عزيز نا آب ذر سلامات ياخ الحسن ود العجب حلف حليفة قال : الحساسية والنزلات زمن ما فكتو إلا بعد ما نتحلو كورية . قال : طلاق بعد دأك جدع ليك ال amoxicillin هناك ههههههها
Post: #8 Title: Re: بول الناقة البكر علاج ناجع للدوبالة Author: حيدر حسن ميرغني Date: 01-24-2018, 09:32 AM Parent: #7
بوستيك ده لو ما عدى عليه المستشار الأممي في امور النوق حبيبنا المستنير بكور يبقى ما جايب حقه
Post: #9 Title: Re: بول الناقة البكر علاج ناجع للدوبالة Author: Osman Musa Date: 01-25-2018, 04:44 AM Parent: #8
أخونا حيدر سلام نعم شيخ بكري صاحب باع طويل في معرفة السعية . واكيد بكون خابر زي دي الأمور العجيبة .
Post: #10 Title: Re: بول الناقة البكر علاج ناجع للدوبالة Author: محمد المرتضى حامد Date: 01-25-2018, 06:15 AM Parent: #9
عثمان، عاين، البول عرفناهو لكن ال (بِكر) دي مقصود بيها الناقه ول البول زاتو؟ يعني الناقه كبيرة اخواتا أم الناقة التي لم يسبق لها الزواج يا ابن شيبه؟ أما البولة البكر فهي الصباحية كما ورد في مؤلفات عكرمه باستير صاحب أجزخانة عكاظ بمضارب بن جرهم.. كما ترى في الفيديو أدناه ، قيل أنه يطيل الشعر ويصحح البشره و ينفخ الرغيف وأرجو ألا تقرأ بناتنا هذا الكلام.. قيل أيضا أن بِستِله منه بإشراف المستنير تخليك حنين تتكرَّع كرياتينين .. صديقنا الزاكي عبدالحميد في بوست شهير هنا تشتم رائحته قبل ما تفتح الكومبيوتر قال إن رئيس الهند الأسبق سئل عن سر طول عمره ونشاطه فقال - بحضور الزاكي وجمع كبير من الصحافيين - إن السر يكمن في تناوله بوله هو بصورة منتظمه..
عموما لو عرفت ليك بول إبل ولا بول بريمر يعالج الفي بالي وبالك* كلمني في الهاتف أو (أديني سِلِك) كما يقول جيل اللنغاز..
-
* الفي بالي وبالك دا أقصد به الفي بالي وبالك..
آخر الدعاء: اللهم لا تزنقنا أكتر من كدا..
Post: #16 Title: Re: بول الناقة البكر علاج ناجع للدوبالة Author: Osman Musa Date: 01-25-2018, 04:30 PM Parent: #10
عزيز نا أستاذ محمد المرتضي سلامات رحم الله أخونا خالد شاور والله حزين علي موتو بعد ما انتهي من الماجستير في ال clinical nutrition من جامعة شيكاغو ومع تعبو في شغل المستشفي وشغل التاكسي برضو كان يبحبت في أسرار بول النياق ولبن النياق وعلاقتو بعلاج السرطان . ... الناقة البكر يعني البكره يعني الحاشية يعني البتول ويعني ال virgin . طبعا الحاشي نديدا يعرف كل أسرار الحاشية من شمة واحدة يشمها ويتكرف . وبعد ما يتكرف طوال يعرف الحاصل . بالمناسبة يا محمد في اغنية أمريكية عجيبة عن قصة الشمة والتكرف دي . تقول كاتب الأغنية الأمريكية دي سواها في بادية الكبابيش .
Post: #11 Title: Re: بول الناقة البكر علاج ناجع للدوبالة Author: الطيب شيقوق Date: 01-25-2018, 06:32 AM Parent: #9
خالي عثمان كيف حالك و الاولاد
حكى لنا الاخ الاعلامي اللامع الزاكي عبد الحميد انه قد سافر ، في اوائل ثمانينيات القرن الماضي ، الى الهند مبعوث من وكالة السودان للانباء لتغطية مؤتمر صحفي لرئيس الوزراء الهندي الذ يبلغ عمرا ناهذ التسعين
وحكى لنا ان جميع الاسئلة التي طرحها الاعلاميون على رئيس الوزراء الهندي تتعلق بالنزاع الهندي الباكستاني حول جزيرة كشمير
قال لينا بعد انتهى الاعلاميون من اسئلتهم انبرت صحفية من الاكوادور بسؤال شخصي جدا لمعالي الوزير فقالت ليهو ( انت الان يا معاليك بلغت عمرا تحسد عليه و ما زلت حاضر البديهة و مشحون بحيوية و نشاط نحن الشباب ما عندنا فلو سمحت ممكن نعرف وصفتك الغذائية؟
شكرها معالي الوزير على السؤال وقال ليها انا عندما اقوم من النوم في كل صباح بشيل فنجان فاضي بدخل بيهو الحمام بملاهو من بولي لحدى شلاليفو واقوم اقرطع الفنجان دا كلوووووووووو
اها يا عثمان السر موش في بول الناقة السر في بولك انت ذاتك اخد ليك منه جغيمات كل صباح بخليك تنقز براك زي عتود البرمة ههههههههه
Post: #12 Title: Re: بول الناقة البكر علاج ناجع للدوبالة Author: الطيب شيقوق Date: 01-25-2018, 06:36 AM Parent: #11
والله بكتب و مداخلة مرتضى اعلاه ما شفتها
سبحان الله
Post: #14 Title: Re: بول الناقة البكر علاج ناجع للدوبالة Author: محمد المرتضى حامد Date: 01-25-2018, 11:34 AM Parent: #12
(والله بكتب ومداخلة مرتضى أعلاه ما شفتها)
يا عثمان، رسل لشيقا دا قزازه لزوم النظر..
(بوستيك ده لو ما عدى عليه المستشار الأممي في امور النوق حبيبنا المستنير بكور يبقى ما جايب حقه )
I couldn't agree more
Post: #15 Title: Re: بول الناقة البكر علاج ناجع للدوبالة Author: ترهاقا Date: 01-25-2018, 12:33 PM Parent: #14
تعرف يا أخ عثمان ، عندي اقتراح إنو يضيفوا لبول الابل معلقتين خميرة بيرة عشان الواحد يقيف قربة ما تفك منه يومين
Post: #17 Title: Re: بول الناقة البكر علاج ناجع للدوبالة Author: عبدالرحمن إبراهيم محمد Date: 01-25-2018, 05:31 PM Parent: #15
أبو عفان الراجل الفنان سلام
والله ضحكت لامن إنبسطت خاصة بعد قراية مداخلة أستاذنا ود المرتضى وصديقة اللدود ود شيقوق، بعدين تماها لينا ترهاقا الله يديه العافية.
براى قلت فى نفسى يا ربى نحنا لحقنا مرحلة "العودة إلى الجذور" البهيمية وللا عثمان أخوى داير يرجعنا لـ"طبيعة الأشياء" بتاعة حبيبنا حساس محمد حساس، ود الريح. خاصة وقد طوفت بنا ياأبن عفان من قبل فى خواص البان الإتان (أو الحمير)
بعدين كدى شوف التحذير دا
Quote: تحذيرات حديثة من بول الإبل من خلال دراسة فيروس كورونا الذّي انتشرَ مؤخراً في الشرق الأوسط حذرت مُنظّمة الصحة العالميّة مرضى داء السكري، والفشل الكلوي، وأمراض الرئة المزمنة، والأشخاص الذّينَ يُعانون من نقص المناعة من مُخالطة الإبل، ونصحت بتجنُّب شرب حليبها النيئ أو بولها، أو حتّى أكل اللحم الذي لم يُطهَ على النحو السليم، لذلِكَ على الأشخاص الذينَ يُعانونَ من إحدى هذهِ المشاكل الصحيّة تجنُب بول الإبل قدر الإمكان حتّى لو كانَ لأغراضٍ صحيّة واستطبابيّة، واستبداله بالأدوية التي يصفها الطبيب لهم، فكما يُقال: الوقاية خير من قنطار علاج
والله يديكم العافية
Post: #18 Title: Re: بول الناقة البكر علاج ناجع للدوبالة Author: محمد على طه الملك Date: 01-25-2018, 05:51 PM Parent: #17
ههههه يا جماعة حد يصحي ود المدير يحصل سوق الناقة بدل الحقن الملخت كتفينو دي .. التحية ليك يا عثمان وزوارك الكرام.. يا حيدرنا المستنيير تخصصو جمال في الأنعام والعكس في الباقي.
Post: #19 Title: Re: بول الناقة البكر علاج ناجع للدوبالة Author: محمد المرتضى حامد Date: 01-25-2018, 06:20 PM Parent: #18
(يا حيدرنا المستنيير تخصصو جمال في الأنعام والعكس في الباقي.)
لا والله يا مولانا الملك، تجدني لا أتفق معك في هذه فالمستنير الذي عرف موضع جمال النوق كفيل برصده في (أنجدينا ) جولي وكذا في غير ذلك من خلق الله ، مع حالات استثنائية من القبيحين يعلمهم الكافه، وحدة وجود وكده..
المستنير عندو اسكانر للجمال..
هامش: يا مولانا البوست دا ماشي بوتوكس بتناغم في ودالمدير لشنو؟ هسه يجي يتكلم عن معايير الجمال عند السودانيين ويسقِّط جولي ويقول ليك فلانه الكانت تمشي الهوينا في عطبره راكيل ويلش ما تاكل معاها رغيف ولا عصيده.. خليهو..
Post: #28 Title: Re: بول الناقة البكر علاج ناجع للدوبالة Author: Osman Musa Date: 01-31-2018, 08:41 PM Parent: #19
عان يا استاذ محمد المرتضي عليك ألله بعدين أحدف علي دكتور عثمان بعد ينتهي من العيادة وأسالو من حقيقة بول الناقة البكر ية بي Strepsils . اهلنا في البادية قالو ربع كورية بول بعمل نفس مفعول ال ستربسلز . وتأ ني سنة كاملة لا التهاب لوز تين ولا نزلات برد . حكمة والله و حكاية . .. تشغل الناس في النياق .
Post: #26 Title: Re: بول الناقة البكر علاج ناجع للدوبالة Author: Osman Musa Date: 01-31-2018, 07:39 AM Parent: #18
عزيز نا محمد ع طه الملك سلامات يا ملك المصارع الحريف و المحبوب للكبار و الصغار جون سينا فطورو عبارة عن 8 حبة بيض مع صحن زيتون و جك برتقال وشرائح جبنة الحمير . يعني مع الوجبة دي لو لقالو كورية بول بكرية كان جلد الحلبة كلها ههههها
Post: #23 Title: Re: بول الناقة البكر علاج ناجع للدوبالة Author: Osman Musa Date: 01-30-2018, 07:04 AM Parent: #17
عزيز نا بروف عبدالرحمن علم السودان الشامخ في بوسطن ياخ سلامات و ليك القومة و ليك التبة . أي بالحيل . الإخوان المستشارين ود حامد و ود شيقوق أصحاب . الحرابة واقفة بيناتن سلك . والاتنين مستفين معلومية وفهم و في أي شي من الكنان و الصرار ولي جربكس المرسيدس ماي باخ 2018 . عرفتك ح تكنكش بالضحك في ملعقتين الخميرة حقات أخونا الموسيقار ترهاقا . ألف شكر علي الفيديو المفيد مع وافر السلام
Post: #22 Title: Re: بول الناقة البكر علاج ناجع للدوبالة Author: Osman Musa Date: 01-27-2018, 12:23 PM Parent: #15
عزيز نا الموسيقار ترهاقا سلامات داير يا اخوي تسوط ليهم ملعقتين خميرة في الجردل ؟ عليك أمان الله إلا أي واحد يمسك درب الأربعين من باديتنا دي وما يقيف إلا في أسيوط في صعيد مصر .
Post: #21 Title: Re: بول الناقة البكر علاج ناجع للدوبالة Author: Osman Musa Date: 01-26-2018, 07:07 AM Parent: #14
يا محمد المرتضي اخوك شيقا طول من لبن النوق . سنين ودنين وهو في هجولة الغربة ما اتكرعلو كورية نص النهار . تكرع اللبن أنصاص النهار قالوا بيجلي النظر يا صاحي . لكن عند ناس الطب البلدي في بورتاريكو قالوا المحبة نص النهار بتعمل عماش في الشبكية . سمعت يا محمد عن كاتب من الغرب كتب كتاب عن قوة السمع و البصر في مناطق ناس شيقا و لا حد الحدود الحبشة . قوة سمع ما موجودة في أي مكان في العالم والله دي حقيقة . كدي يا محمد خلي شيقا يلكد جارو دكتور عثمان يديهو السر . في عرب قالوا ده بي سبب لبن الجمال البتا كل اللوبيا الأخضر .. وفي ناس قالوا من البتا كل شجر الأراك . ونشوف كلامو عن الدوبالة .
Post: #20 Title: Re: بول الناقة البكر علاج ناجع للدوبالة Author: Osman Musa Date: 01-25-2018, 11:10 PM Parent: #11
عزيز نا المستشار شيقوق والخبير الشامل للسعية والمال والحلال . النشمي الطيب العلمان في بصاير الحليب و الصرار والكنان . يا زول سلامات وشن خبرك في بلود العربان . قلت لي الهندي ظال حاضر البديهة بعد ما طقاها التسعين . الهنود يا اخوي عندهم السحر واكيد بتم فنجان بولو بي بول كديس أزرق . هههههها
Post: #24 Title: Re: بول الناقة البكر علاج ناجع للدوبالة Author: عبدالعزيز الفاضلابى Date: 01-30-2018, 11:59 PM Parent: #20
ونعرفها بكر كيف؟
Post: #25 Title: Re: بول الناقة البكر علاج ناجع للدوبالة Author: محمد جبره Date: 01-31-2018, 02:53 AM
سلام للجميع
ونعرفها بكر كيف؟
يا فضلابي البكر بتكون لسه شلوفتها الفوق ما انشقت
يقال ان بول الناقة فية تركيز عالي لعصارة النباتات الصحراوية بالذات الشوكية لما فيها من فوائد طبية (حديث طبي متفق عليه)
تابعت مشروع لباحثة سعودية انتج مرهم للحروق من بول الناقة ..وشغالين في تجفيفه ولتعبئته في كبسولات 500 جرام
تحياتي
Post: #27 Title: Re: بول الناقة البكر علاج ناجع للدوبالة Author: درديري كباشي Date: 01-31-2018, 10:42 AM Parent: #25
سلام يا ود موسى وحضورك الكرام . سؤال ثاني لمن يفهم في الأمر ليس ود موسى تحديدا
يعرفوها كيف دايرة تبول بلا مؤاخذة يعني تتنحنح مثلا ؟؟
Post: #30 Title: Re: بول الناقة البكر علاج ناجع للدوبالة Author: Osman Musa Date: 02-01-2018, 10:13 AM Parent: #25
عزيز نا الأخ محمد جبره سلامات هههههها . شق الشلوفة بكون معاها من تطلع من بطن أمها لكن تتبدل الحاجات بعد ما تصل سن الرشد . وبالمناسبة الجماعة ديل عندهم احتفال واضح في مناسبات الأفراح و الأتراح و عندهم طقوس حزن علي الفراق والرحيل . و الجمال عموما عندهم اخلاص ما بعدو اخلاص . وفي حكاوي عجيبة عن طباع الجمال . ..... مشكور كتير أخونا جبره وفي انتظار نجاحات الباحثة السعودية
Post: #29 Title: Re: بول الناقة البكر علاج ناجع للدوبالة Author: Osman Musa Date: 02-01-2018, 05:44 AM
ود العم العزيز أستاذ الفاضلابي سلامات . الحاشية البكره واضحة جدا في اكتر من خمسة علامات . والحاشي يقدر يتعرف علي الحبيبة الحاشية من فد شمة بول . هي لازم تكرم الحاشي بي بول . و بعد ما الحاشي يتكرف طوالي يعرف انو زمن الربيع حلاء وفتح الزهر بسام .
Post: #31 Title: Re: بول الناقة البكر علاج ناجع للدوبالة Author: Osman Musa Date: 09-06-2018, 05:56 AM Parent: #6
