سمعت مقطع في الواتس اليوم يتحدث فيه البشير عن ضائقة إقتصادية قادمة اظنه بيقصد الحاصل الآن ... قال ليهم حا نرفع الدعم عن اشياء كتيرة ... حا نرفع الدعم عن القمح قالو ليه: الله اكبر ... !!!!! قال ليهم : حا نرفع الدعم عن البترول.... قالو ليه: الله اكبر ..... .. .. .. الله يعلقكم من كرعينكم ......
Post: #2 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-23-2018, 06:49 PM Parent: #1
قال ليهم: حا نرفع الدعم عن الدواء... برضو قالو ليه : الله اكبر ....
Post: #3 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-23-2018, 07:51 PM Parent: #2
قال الناس عايزين العلاج مجاني و عايزين التعليم مجاني و عايزين البنزين مدعوم و عايزين القمح مدعوم !!!!!!!!!!!!! عايزين الحكومة تعمل ليهم كل شي(دا برضو كلامو هو ما كلامي انا)
الناس ديل مفتكرين البلد دي شركة و هم اشتروها ......
حسبي الله و نعم الوكيل ....
Post: #4 Title: Re: ***** قال ليهم : حا نرفع الدعم عن القمح .... !!!!! Author: صديق مهدى على Date: 01-23-2018, 08:02 PM Parent: #3
ابو حسين بالإنجليزي ياخ دا ولى الأمر وطاعة ولى الأمر واجبة يعنى حتى كان قال ليك طلق مرتك تطلقا تنطلق فيكم كاروشة وحمى السامرى ههها
Post: #5 Title: Re: ***** قال ليهم : حا نرفع الدعم عن القمح .... !!!!! Author: كمال عباس Date: 01-23-2018, 08:11 PM Parent: #3
سلام أخ أبو الحسين ..
Quote: . . (قال الناس عايزين العلاج مجاني و عايزين التعليم مجانيو عايزين البنزين مدعومو عايزين القمح مدعوم )عايزين الحكومة تعمل ليهم كل شي..
لولا مجانية التعليم لما - حصل أغلب حكام الإنقاذ وكوادرها وهم في ذلك مثلهم مثل أبناء ( الطبقتيين الوسطي والفقيرة ) لما - حصل أغلب حكام الإنقاذ وكوادرها - علي فرصة الدراسة الجامعيةومافوق الجامعية ! لولا الداخلية المجانية ووجبة الطعام المجانية والكتاب المجاني لما حظيت بفرص دراسة- ! وخصوصا وإنه لم يكن هناك مغتربيين في"الخمسينات + الستينات وحتي منتصف السبعينات) ( يدفعون فواتير التعليم والعلاج وقتها ! * الحكومات ( ديموقراطية + أو عسكرية ) كانت توفر التعليم المجاني والعلاج المجاني وتدعم السلع الأساسية - ولم يكن البترول والذهب في بنود الميزانية وقتها !وكانت مع هذا تحافظ علي السيادة والتراب وعلي هيبة الدولة !وكان الجنيه أقوي والزراعة أفضل والحكم أقل فسادا وإستبددا !
Post: #6 Title: Re: ***** قال ليهم : حا نرفع الدعم عن القمح .... !!!!! Author: صديق مهدى على Date: 01-23-2018, 08:35 PM Parent: #5
كمال عباس سلام الطبقة وليس الطبقى
Post: #8 Title: Re: ***** قال ليهم : حا نرفع الدعم عن القمح .... !!!!! Author: كمال عباس Date: 01-23-2018, 08:41 PM Parent: #6
سلام أخ ضديق مهدي (كمال عباس سلام الطبقة وليس الطبقى) الصحيح الطبقتان - ! مثني
Post: #9 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-23-2018, 08:51 PM Parent: #6
Quote: ابو حسين بالإنجليزي ياخ دا ولى الأمر وطاعة ولى الأمر واجبة يعنى حتى كان قال ليك طلق مرتك تطلقا تنطلق فيكم كاروشة وحمى السامرى ههها
جنو منو الوهم ... انت مسافر السودان و ل شنو ..؟؟؟ تنطلق فيك كاروشة من راسك لي كرعيك تخليك تنكرش من حيطة لي حيطة زي الغنماية الجربانة .... دي فتوة اسيادك و ل شنو ...؟؟؟ قاعدين يطلقو نسوانكم منكم ... ؟؟؟ قوم لف بلا ولي امر بلا فقر معاك ... *******************
Quote: لولا مجانية التعليم لما - حصل أغلب حكام الإنقاذ وكوادرها وهم في ذلك مثلهم مثل أبناء ( الطبقي الوسطي والفقيرة ) لما - حصل أغلب حكام الإنقاذ وكوادرها - علي فرصة الدراسة الجامعية ومافوق الجامعية ! لولا الداخلية المجانية ووجبة الطعام المجانية والكتاب المجاني لما حظيت بفرص دراسة- ! وخصوصا وإنه لم يكن هناك مغتربيين في"الخمسينات + الستينات وحتي منتصف السبعينات) ( يدفعون فواتير التعليم والعلاج وقتها ! * الحكومات ( ديموقراطية + أو عسكرية ) كانت توفر التعليم المجاني والعلاج المجاني وتدعم السلع الأساسية - ولم يكن البترول والذهب في بنود الميزانية وقتها ! وكانت مع هذا تحافظ علي السيادة والتراب وعلي هيبة الدولة ! وكان الجنيه أقوي والزراعة أفضل والحكم أقل فسادا وإستبددا !
و عليكم السلام اخونا كمال انا غايتو الفهمتو من كلام البشير انو الناس ديل فعلا معتبرين البلد دي شركة و هم اصحاب الشركة دي و من حقهم يبيعوا كل الخدمات للشعب بالقروش تدفع تاخد الخدمة ما تدفع يسمك ما تتعلم ما تتعالج ما تاكل ما تشرب تموت فطيس ما بهمهم المهم تدفع ليهم مقابل اي خدمة بتقدمها ليك الشركة .... المحيرني الناس ديل بنومو كيف ...؟؟؟؟ فقراء و مساكين ايتام و ارامل كلهم ديل الحصل ليهم بي سببهم و برضو عايزين يمصوا دمهم .... حسبي الله و نعم الوكيل فيهم ....
Post: #7 Title: Re: ***** قال ليهم : حا نرفع الدعم عن القمح .... !!!!! Author: الصادق عبدالله الحسن Date: 01-23-2018, 08:40 PM Parent: #5
=
كل الجنرالات الفسدة يا أخي كمال عباس ويا ابا حسين هم نفس الصنف السيسي الذي أغرق مصر في الديون بعشرات المليارات، وبدد أكثر من 60 مليار من "الرز الخليجي" يُعلن دائماً أن جيوبه أفرغ من فؤاد أم موسى، ولا يستطيع الصرف على السكة حديد، لأنها تخدم النوبة والصعايدة والمهمشين
لكن الفلوس دائماً متوفرة وتظهر في رمشة عين إن احتاجها موكب سيارات الديكتاتور وهي تسير على السجاد وتتنعم بالديباج والحُلي والحُلل، ويسير بذكرها الركبان في فضيحة تحدثت عنها الكرة الأرضية كُلها:
وكل ما يقال عن السيسي يصدق على ديكتاتور السودان الذي بدّد كل مداخيل النفط التي قاربت الثمانين مليار دولار.. وراكم فوق كاهلنا وكاهل أولادنا وأحفادنا ديوناً خارجية تفوق الخمسين مليار دولار.. وبفوائدها المركبة التي تتوالد بالملايين عند كل مشرق شمس.
في سودان "الأيادي المتوضئة" يستطيع أصغر "متحلل" أن يُهرب ويضع في حسابه بالخارج عشرات ملايين الدولارات لكن النظام لا يستطيع دعم القمح وكسرة الخُبز،
والنظام العاجز عن دعم القمح يستطيع إقامة الحوارات الوطنية و الصرف على المؤتمرات والحفلات والانتخابات تلو الانتخابات. انتخابات رئاسة الجمهورية في 2015 كلفت مبلغ (800,000,000) دولار )(ثمانمائة مليون دولار أمريكي) وهو مبلغ زهيد جداً مقارنة بما أنجزناه من إعادة انتخاب "رئيسنا العادل" راعي البلاد والعباد، المنزه وأشقائه وزوجته عن السرقة والفساد.
تحياتي ... .. .
Post: #10 Title: Re: ***** قال ليهم : حا نرفع الدعم عن القمح .... !!!!! Author: Abdullah Idrees Date: 01-23-2018, 11:40 PM Parent: #7
Post: #11 Title: Re: ***** قال ليهم : حا نرفع الدعم عن القمح .... !!!!! Author: محمد البشرى الخضر Date: 01-24-2018, 05:16 AM Parent: #10
الشايفنه اليوم دا هو ما ذكره في التسجيل المعني الكان في 2013 بالمناسبة وهذا ليس تنبؤا أو فلاحة منه بل وعي و اقرار كامل بالعجز عن حل المشكلات و اللجوء للأسهل وهو تحميل الشعب المسؤولية
Post: #12 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-24-2018, 09:11 AM Parent: #11
أهلاً أخونا الصادق هم فاكرين نفسهم حا يضحكوا على ربهم و ل كيف ....؟؟؟؟ رفعوا الدعم عن العلاج و التعليم و هم ياكلوا بالمليارات و هم دي طبعا ما مجموعة بسيطة لكن آلاف من الحرامية الضلالية الدجالين ..... يعني قلعوها من الشعب علشان ياكلوها هم ..... *****************************************
الزول دا مصاب بي أمراض كتييييييييييييييييييييييييييييييييرة الله يريحنا منو و من أمثالوا و كل جماعته .... *****************************************
Quote: الشايفنه اليوم دا هو ما ذكره في التسجيل المعني الكان في 2013 بالمناسبة وهذا ليس تنبؤا أو فلاحة منه بل وعي و اقرار كامل بالعجز عن حل المشكلات و اللجوء للأسهل وهو تحميل الشعب المسؤولية
و الله ما عجز يا ود البشرى دا نهب مع سبق الإصرار و الترصد و قلع عديييييييل كدا .....
Post: #13 Title: Re: ***** قال ليهم : حا نرفع الدعم عن القمح .... !!!!! Author: حامد بدري Date: 01-24-2018, 09:15 AM Parent: #12
موش ناس نحنا النعاج البيض واتا الفحل فينا لو قاليم حنرفعكم اتو زاتو حيقولو الله اكبر ثم ك ح ك
Post: #14 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-24-2018, 12:12 PM Parent: #13
حيرت أفكاري معاك إنت ...... حامد يا بدري فضل ليك شنو و تلحق صديق مهدي .... ؟؟؟؟ ياخ نحن بنتكلم عن رفع الدعم ..... الحاجات التانية دي لسه ما وصلناها ....
Post: #15 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-24-2018, 04:44 PM Parent: #14
رفعوا الدعم عن كل شي و كل الدعم ذهب لبطون الفاسدين ... قلت ليكم شركة السودان .... العايز يتعالج يدفع ليهم العايز يتعلم يدفع ليهم المستشفيات الخاصة حقتهم و من اجلها اهملوا المستشفيات الحكومية... المدارس الخاصة حقتهم دمروا المدارس الحكومية ... حتى اموال الادوية استفادوا منها لم الدولار للادوية كان سعره اقل اخدوا الدولارات و اشتروا بيها بضائع غير مدعومة و استفادوا منها ... غايتو ابليس بكون بمعط في شعروا اسفا و ندما من الفاقوه فسادا و دهاءا و كذبا و دجلا ......
حسبي الله و نعم الوكيل ..
Post: #16 Title: Re: ***** قال ليهم : حا نرفع الدعم عن القمح .... !!!!! Author: جمال ود القوز Date: 01-24-2018, 05:47 PM Parent: #14
بوستك ده يا ابو حسين شايف هواهو قلب .. فأخير ليك تقفلوا قبل مابكري يجيك بالطبلة .....
بقى فيهو رفع الدعم وحاجات تانية حامياني ...
وحاة الله عدّلت حرف بس .. هههههه
Post: #17 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-24-2018, 06:23 PM
اعملوا عنوانه علامة إستفهام زي صديق مهدي .. 😂😂😂😂😂 يازول دي حمى خفيفة لا تستدعي استعمال الطبلة .... حامد بدري شكلو الحكاية تاعباه شديد عشان كدا مارس حقو في التعبير الصادق .... 😂😂😂 ذكرني نكتة عمنا الكبير ايام الانقاذ الاولى العذبوه ناس الضرائب ... و مشى ليهم في المكتب يحاولهم يغيروا رأيهم من المبلغ الكبير القالو ليه تدفعه... و لم ما قدر يقنعهم رمى ليهم مفتاح المحل و قال ليهم : هاكم شيلو مفتاح المحل ما عايزو الموظفة اللئيمة قالت ليه : بتشتغل شنو .. ؟؟ رد ليها بسرعة : بشتغل .............. اها النقط دي عشان البوست ما يمشي الخور .... 😂😂😂😂😂😂😂
Post: #18 Title: Re: ***** قال ليهم : حا نرفع الدعم عن القمح .... !!!!! Author: علي عبدالوهاب عثمان Date: 01-24-2018, 06:50 PM Parent: #17
حبيبنا أبوحسين .. مودتي .. الحكومة كان أعلنت بأن السعر للقمح 550 جنيه ولكن قبل إرتفاع السوق والدولار ... إلخ هناك عندنا ناس محلية ارسلوا لينا سوف يتم فرض عقوبة على اي حواشة لا تزرع قمح بمبادرة مني تكفلت بزراعة 5 أفدنه في مزرعتي خوفاً من اي عقوبة .. السعر كان مقبول شوية حسب ما قبل ثلاثة أو اربعة أشهر .. المدخلات بقت فوق الطاقة .. (الجازولين السماد .. إلخ ) والسعر الحالي لشوال القمح ( 60 ريال ) وأنا لمن زرعت ضربتها على 120 ريال كان شوية مجزي مثل هذه الورطات تحدث أيضاً مع المستثمرين الاجانب .. كده عرفنا سبب عزوف المستثمرين قرارات بدون تخطيط وبدون حساب العواقب .. مودتي أبوحسين .. الحبيب ..
Post: #19 Title: Re: ***** قال ليهم : حا نرفع الدعم عن القمح .... !!!!! Author: جمال ود القوز Date: 01-24-2018, 07:02 PM Parent: #18
Quote: رد ليها بسرعة : بشتغل .............. اها النقط دي عشان البوست ما يمشي الخور ....
ههههههاي .. انت ما تكمل جميلك وتتم لينا الفي النقط دي .. هسه يعني الزول لو مافاهم يسوي شنو ؟ .. يموت بي غبينتو يعني .. خخخخخخخ ...
المفروض لي قدام تعمل حسابك للناس المخهم تخين ..
Post: #20 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-24-2018, 07:18 PM Parent: #19
Quote: حبيبنا أبوحسين .. مودتي .. الحكومة كان أعلنت بأن السعر للقمح 550 جنيه ولكن قبل إرتفاع السوق والدولار ... إلخ هناك عندنا ناس محلية ارسلوا لينا سوف يتم فرض عقوبة على اي حواشة لا تزرع قمح بمبادرة مني تكفلت بزراعة 5 أفدنه في مزرعتي خوفاً من اي عقوبة .. السعر كان مقبول شوية حسب ما قبل ثلاثة أو اربعة أشهر .. المدخلات بقت فوق الطاقة .. (الجازولين السماد .. إلخ ) والسعر الحالي لشوال القمح ( 60 ريال ) وأنا لمن زرعت ضربتها على 120 ريال كان شوية مجزي مثل هذه الورطات تحدث أيضاً مع المستثمرين الاجانب .. كده عرفنا سبب عزوف المستثمرين قرارات بدون تخطيط وبدون حساب العواقب .. مودتي أبوحسين .. الحبيب ..
حبينا علي انا بعد اقتناعي التام بي انو الناس ديل بعتبرو السودان دا شركة حقتهم هم فهمت كل شي صاح ... هم لا عايزين زراعة تنجح و لا عايزين زول يستفيد غيرهم... القمح استيراد هم يستوردوه و يبيعوه لينا بالسعر الهم يحددوه .... زراعة دي عايزة ليها سنة انتظار و مزارع واحد لئيم ما يدفع ليهم بتخسر معاهم ... استيراد و يقبضو سريع .... تحياتي يا راجل يا طيب **************
Quote: ههههههاي .. انت ما تكمل جميلك وتتم لينا الفي النقط دي .. هسه يعني الزول لو مافاهم يسوي شنو ؟ .. يموت بي غبينتو يعني .. خخخخخخخ ...
المفروض لي قدام تعمل حسابك للناس المخهم تخين ..
الفي النقط مفهوم للزيك .... اما البريئين و المهذبين الفي النقط مؤلمة ليهم عشان كدا بنراعي شعورهم ..... 😂😂😂😂😂😂
Post: #21 Title: Re: ***** قال ليهم : حا نرفع الدعم عن القمح .... !!!!! Author: ABUHUSSEIN Date: 01-25-2018, 09:34 AM Parent: #20
بالله نظريتي بتاعة شركة السودان دي ما ترموها الواطة قيسو كل افعال الناس ديل حا تلقوها بتأكد نظريتي دي ...
