***** لو صحيت من النوم و لقيت نفسك رئيس لجمهورية السودان *****

06:20 PM January, 18 2018

سودانيز اون لاين
ABUHUSSEIN-السعودية الرياض
مكتبتى
رابط مختصر

لقيت السودان على ما هو عليه ....
شكل الحكومة و خت لينا البرنامج الحا تمشي عليه ...
الاولويات شنو ... ؟؟؟؟
تصورك شنو لي احتياجات البلد ... ؟؟؟؟
شنو اهم شي بتفتكر البلد محتاجة ليه و ليه الاولوية ... ؟؟؟
الامن
التعليم
الصحة
..
..
..
طبعا و الاهم بدون الدخول في الحكومات السابقة و ما فعلت...
نعتبر انو إستقرت و سلموك ليها زي ما هي الآن .....

بغتسل،والله أصلو ما خاتي عليك ودالبشرى هسع دا بوست داير ليه نجوم

كنت ختيت لي كرسي وخلفت كراعي ..
وعينتك رئيس وزراء ...
وخليتك تشكّل حكومتك وتحلحل المشاكل دي ..
ومتاكد ما حتغليك لانك ما حتعين في حكومتك ..
زول طروره ساي يجي يملانا فقر وينكّد علينا ..

Quote: بغتسل،والله أصلو ما خاتي عليك ودالبشرى هسع دا بوست داير ليه نجوم

هي النجوم دي انت قايلة رتبة عسكرية ....؟؟؟
و ل يا نجوم الليل اشهدي .... 🎶🎶🎶🎶🎶
ياخ انت زول وهم خلاص قوم لف .... ما تملاني فقر ....
عمرك ما حا تكون زول عميق ....😂

بقطع تذكرة لاهاي ذهاب بدون عودة

بنوم تاني،،ولا بقوم جاري
ياخ مالك علينا ياخ

سلام

تحويل القصر الجمهوري لمتحف ومكتبة عامة
تسمية الشوارع وترقيمها حصر وتسجيل السكان
في مناطق سكنهم. ( للتمتع بخدمات الدولة يجب للفرد تسجيل عنوانه وبياناته في مكتب الاحصاء والسكان.
ادخال نظام الرعاية والضمان الاجتماعي(الدولة توفر لكل من لم يعمل او من فقد عمله وللاطفال الي ان بخلص
التعليم ويدخل الحياة العملية وللاسر
سكن او قيمة ايجار السكن وراتب شهري
يغطي متطلبات المعيشة بالحد الادني الي ان يتحصل علي عمل او الدولة توفر له فرصة عمل الخ )
تقوية نظام وقانون رعاية الطفل والامومة
ادخال نظام الرعاية الصحية الزامي لكل مواطن
الاهتمام بالزراعة والانتاج الحيواني.

بنتحر
لان الخراب الحصل مستحيل يصلح..وزمن المعجزات انتهى..
مع وافر التقدير والاحترام

ابوحسين
واحد صاحبنا حلم بأنو بقى الرئيس
فرحان اخر حرس وسارينا وعربية مصفحة
مشى صلاة الجمعة سرقو نعلاتو !!

تقول لي رئيس ؟ شوف لينا جنسية تانية واسأل !

اول قرار بعينك انت وزير داخلية قصرت معاك ؟؟؟

جيب معاك كبشراتك بس

غايتو اصلو ما جادين
**********

Quote: كنت ختيت لي كرسي وخلفت كراعي .. وعينتك رئيس وزراء ... وخليتك تشكّل حكومتك وتحلحل المشاكل دي .. ومتاكد ما حتغليك لانك ما حتعين في حكومتك .. زول طروره ساي يجي يملانا فقر وينكّد علينا ..

كرسي شنو ياخ ...؟؟؟؟
اديني افكار و حلول لي مشاكل ....
***********

Quote: بقطع تذكرة لاهاي ذهاب بدون عودة

و دي إلا تكون رئيس .... ؟؟؟؟
**************

Quote: بنوم تاني،،ولا بقوم جاري ياخ مالك علينا ياخ

زول ما جادي و ما عندك اي وطنية ........

ابو حسين.. سلام
اولا بحاول ارجع الجنوب للوطن و بأي طريقة.
برجع اي قرش للخزينة العامة نهبت بواسطة العصابة و المحاسبة تكون علي اساس وضعهم المالي في يونيو 89 المشئوم.
اي شخص ارتكب جرم ضد الوطن او المواطن يلاقي الجزاء العادل.
اما المطبلاتية و عديمي الاحساس (زي المعانا هنا في البورد) نزع الجنسية السودانية و حرمانهم من حق المواطنة.
كدا بكون اتفشيت و بستقيل طوالي :)

بنوم تاني،،ولا بقوم جاري
ياخ مالك علينا ياخ
...

نفس الكلام الدخلت عشان اكتبه..
لقيت اخوى عثمان عووضه سبقنى..

اخونا حامد عبدالله و عليكم السلام
كلامك حلو و منطقي جدا
بس ما مريت لينا على التعليم اللي هو اساس اي تقدم
خاصة و ان نسبة الامية كبيرة و دا اكبر عائق لي تنمية اي مجتمع ...

تحياتي
*************

Quote: بنتحر لان الخراب الحصل مستحيل يصلح..وزمن المعجزات انتهى.. مع وافر التقدير والاحترام

ليه كدا يا امتثال ياخ ...
اي خراب مهما كان يمكن إصلاحه في جو صحي معافى و اي استقرار سياسي بهيأ الناس و بديهم الدافع لي حلحلة اي مشكلة مهما كانت...
خليك متفاءلة ياخ
تحياتي يا طيبة
************

Quote: ابوحسين واحد صاحبنا حلم بأنو بقى الرئيس فرحان اخر حرس وسارينا وعربية مصفحة مشى صلاة الجمعة سرقو نعلاتو !! تقول لي رئيس ؟ شوف لينا جنسية تانية واسأل !

عبدالله ياخ تفائلو خيرا تجدوه ...
ما تقفلوها كلو كلو ....
و ما تخاف على نعلاتك ما بسرقوها ... 😂😂😂
************

Quote: اول قرار بعينك انت وزير داخلية قصرت معاك ؟؟؟ جيب معاك كبشراتك بس

😂😂😂😂😂
داخلية اسوي بيها شنو يا ابو احمد ياخ...؟؟؟
اديها لي صاحبك سعيد بقدر عليهم ... 😂😂😂😂

Quote: ابو حسين.. سلام اولا بحاول ارجع الجنوب للوطن و بأي طريقة. برجع اي قرش للخزينة العامة نهبت بواسطة العصابة و المحاسبة تكون علي اساس وضعهم المالي في يونيو 89 المشئوم. اي شخص ارتكب جرم ضد الوطن او المواطن يلاقي الجزاء العادل. اما المطبلاتية و عديمي الاحساس (زي المعانا هنا في البورد) نزع الجنسية السودانية و حرمانهم من حق المواطنة. كدا بكون اتفشيت و بستقيل طوالي :)

و عليكم السلام اخونا ناصر
كيف ترجع الجنوب و بي اي طريقة كمان ...؟؟؟
الجنوبيين هم وحدهم من يقرر ذلك ....
نعم الجنوب انفصل في عهد الانقاذ لكن الجنوبيين هم من اختارو ذلك ...
كدي خلوني من الانقاذ و توابعهم و ركزوا لي على الوطن و مشاكله ....
***********************

Quote: نفس الكلام الدخلت عشان اكتبه.. لقيت اخوى عثمان عووضه سبقنى..

بالغتي لكن يا نور ...😂
اخوك دا زول وهم ما تباريه .... 😂😂😂😂

طيب انا عينتك كرئيس وزراء صورة يعني ..
الافكار الخلّاقة المفروضة تجي منك ..
وانا اوقع ليك أو اقول ليك أعد .. ههههه ...

اول شئ حا اشتغل بنفس الطاقم الفاسد لمدة شهور مع اعتماد سياسة تقشفية حادة تبدا من الرئيس حتى ادنى مسؤول،
سيكون العمل في الشارع والميادين ، لامكاتب فخمة ولا عربات مكيفة
اي مسئول يضوق مما ضاقه الشعب يركب المواصلات ويتمرمط في المكاتب العادية المكشوفة.
اثناء الستة شهور حاتكون في محاكمات عاجلة وعادلة في حق كل من اجرم او اختلس .. و بالطريقة دي الميزانية حا تفيض مما اختلسوه سابقا
ثالثا حايتوقف فورا اي صرف على القصر وكل الجهات السيادية .. ومرتبات وامتيازات اكبر مسؤول ما حاتتجاوز ما يصرفه المعلم باي حال.
رابعا سيتم تحرير السوق تماما معةسحب كل المؤسسات الحكومية وشبه الحكومية .. ويتم الغاء كامل للرسوم على الانتاج و الغاء اي رسوم اخرى محصلة من المواطن ما عدا الضرائب والجمارك بحيث لا تزيد عن ١٠% لاي سلعة او خدمة.
بعد ستة اشهر يتم تغيير طاقم الحكم بالكامل ويؤسس لدستور جديد تعاد فيه كل القوات الرسمية الى ثكناتها مع تخفيض العدد للربع، وحل كل القوات التي تكونت بمراسيم خاصة ، تتم بعد ذلك العودة لنظام الحكم الاقليمي بحيث لا يتجاوز العدد خمسة اقاليم وعشرين معتمدية، والغاء كافة المجالس والمناصب الديكورية.
يمتص التجار صدمة نزول الاسعار خلال الست شهور الاولى مع توجيه كافة انواع الصرف للانتاج وخاصة الموجه للصادر وبعد ذلك سينطلق الاقتصاد حرا معافى.
اخيرا شكرا لك ابوحسين ان جعلت الوطن يحلم.

في الغالب بتكون لعنة إلاهية, سوف أعلن التوبة وأستقيل

Quote: طيب انا عينتك كرئيس وزراء صورة يعني .. الافكار الخلّاقة المفروضة تجي منك .. وانا اوقع ليك أو اقول ليك أعد .. ههههه ...

انت بتتهرب من المسؤلية مالك .... ؟؟؟
انت حا تعمل شنو ؟؟؟؟
كيف حا تتصرف عشان تخدم بلدك و انت حاكم السودان ... ؟؟؟
*******************

Quote: اخيرا شكرا لك ابوحسين ان جعلت الوطن يحلم.

يا زول هوي يحلم شنو انت كمان ... ؟؟؟؟
عملتها لي نظريات خيالية ..انسى انو كان في حكومات قبل كدا....
قلت ليك شوف البلد محتاجة لي شنو و كيف حا تتعامل معاها ... ؟؟؟؟
شوف لي مشاكل التعليم و الصحة ... و كيف البلد حا تطورها و تخلق جو صحي لي تقدمها ....
*************

Quote: في الغالب بتكون لعنة إلاهية, سوف أعلن التوبة وأستقيل

يا زول انت ما جادي ...
و دا تهرب من مسؤليتك تجاه بلدك ... 😂

انا نسيت يا ابو حسين اقول قبل ما انتحر اسحب عضوية السودان من الجامعة العربية والإعلان ان السودان دولة إفريقية ليست لها أية علاقة بالعرب والجنس العربي عشان ما نغش نفسنا ونقول نحن اشراف ومن بيت النبوة ...والتعليق ده مكتوب ايضا في بوست عمر دفع الله عن الشريف الصهيوني
مع وافر التقدير

Quote: انا نسيت يا ابو حسين اقول قبل ما انتحر اسحب عضوية السودان من الجامعة العربية والإعلان ان السودان دولة إفريقية ليست لها أية علاقة بالعرب والجنس العربي عشان ما نغش نفسنا ونقول نحن اشراف ومن بيت النبوة

اها يا امتثال دا نفس عمل الإنقاذ اللي نحن بنشتكي منو ... !!!
المشكلة شنو فلان يقول هو عربي..؟؟
و علان يقول هو افريقي ... ؟؟؟؟
ناس الانقاذ خلونا ضايعين في الحتة دي و هم اتفرغو للسرقة و الفساد و القتل و زرع الفتن .....
فتنة رموها ناس الانقاذ و ما شاء الله نحن نلوك فيها بالليل و النهار
و النتيجة اهي نقتل في بعض و نحقد على بعض و نسينا بلدنا خالص .....

لا..لا..يا ابو حسين
عمل الانقاذ بيختلف...هم بيقولوا السودان دولة عربية لاغراض في نفوسهم ومن هذه الاغراض
تصفية العناصر الغير عربية وتاكيد تثبيت الشريعة الاسلامية التي جعلوها مطية للسرقة والنهب
والتجارة بالدين والعقيدة والتقرب من دول الخليج العربية للشحدة والتذلل...وهاهم يشيدون السدود
بحجة الاكتفاء من الكهرباء وفي الحقيقة هم يريدون اغراق القرى في الشمالية وهدم الاثار النوبية حتى يضطر
السكان للرحيل والهجرة...نحن نريد تثبيت هويتنا الافريقية ،،ولغاية الان ما عندنا هوية واضحة ..لا العرب
راضين بينا ولا الافارقة معترفين بينا...اما حكاية السودان همزة الوصل بين العرب والافارقة،،،فدي ما عاوزينها ..
..وان شاء الله بريمة ما يقرا تعليقي ده...(وش ضاحك).

مع وافر التقدير والاحترام

Quote: لا..لا..يا ابو حسين عمل الانقاذ بيختلف...هم بيقولوا السودان دولة عربية لاغراض في نفوسهم ومن هذه الاغراض تصفية العناصر الغير عربية وتاكيد تثبيت الشريعة الاسلامية التي جعلوها مطية للسرقة والنهب والتجارة بالدين والعقيدة والتقرب من دول الخليج العربية للشحدة والتذلل...وهاهم يشيدون السدود بحجة الاكتفاء من الكهرباء وفي الحقيقة هم يريدون اغراق القرى في الشمالية وهدم الاثار النوبية حتى يضطر السكان للرحيل والهجرة...نحن نريد تثبيت هويتنا الافريقية ،،ولغاية الان ما عندنا هوية واضحة ..لا العرب راضين بينا ولا الافارقة معترفين بينا...اما حكاية السودان همزة الوصل بين العرب والافارقة،،،فدي ما عاوزينها .. ..وان شاء الله بريمة ما يقرا تعليقي ده...(وش ضاحك). مع وافر التقدير والاحترام

لا..لا..يا إمتثال
أنا عربي و جاري أفريقي و جاري التاني خلطة و التالت من الواغ الواغ أبداً ما مشكلة ...
تنوع السودان هو الجمال تنوع السحنات و اللون و الثقافات و الفنون الشعبية هو جمال السودان
خلونا من الجدل البيزنطي بتاع الهوية دا و خلونا نعيش متاسلمين مع نفسنا و مع غيرنا ....
ضيعنا الكتير في جدل الهوية دا و ما حا نصل لي شي أكيد
مافي أجمل من إننا نتعايش مع بعض ..... كل الأجناس و كل الثقافات يجمعنا السودان لا أن يفرقنا السودان ....
البلد محتاجة لينا و لي جهدنا و فكرنا و وحدتنا لا فرقتنا ....
و إن شاء الله بريمة يقرأ كلامك

كل الإحترام و التقدير ....

أتقدم بإستقالتي فوراً، لأنني سأكون مسؤول أمام الله عن الرعية ،،، ومن الصعب تحمل مسؤولية بشر ناهيك عن الحيوانات

‎(((لو عثرت بغلة في العراق لسألنى الله تعالى عنها لما لم تمهد لها الطريق يا عمر))) ،،، فما بال (عمر) والناس يقتلون .‎

رئيس أنا بخليها ليك أو لأي واحد من الشرفاء لكن بحكم التخصص كتبت قبل كدا
لو كنت وزيرا لمالية السودان
لفعلت هذه الخطوات ليستعيد اقتصاد السودان عافيته ويستطيع الجنيه أن يرفع رأسه من جديد.
1- أن تكون وزارة التجارة والاستثمار والطاقة والبنك المركزي تحت مظلة وزارة المالية وتحت أمرتها.
2- أن تتبع مصلحة الجمارك لوزارة المالية اتباعا كاملا ولا علاقة لها بوزارة الداخلية واستبدال القائمين عليها بمدنيين اقتصاديين ومحاسبين مثل ما كان سابقا. ودور الشرطة اشراف ومراقبة وتنفيذ فقط.
3- لقسمت قائمة الاستيراد لثلاثة فئات , فئة يتم حظرها فورا وهي المنتجات الزراعية من خضر وفواكه ولحوم وكافة السلع الغذائية وللأبد .وفئة يتم حظرها لمدة خمسة سنوات على الأقل وهي الملابس والكماليات وفئة يتم حظرها لمدة عشرة سنوات على الأقل وهي مستحضرات التجميل والسيارات الخاصة والأثاث المنزلي والمكتبي .
4- حصر الاستيراد على الأدوية والمدخلات الزراعة والآلات الزراعية والصناعية وشاحنات النقل البري وسيارات المواصلات العامة وقطع الغيار.
5- الزام المستثمرين الأجانب بتطبيق حزم التنمية المستدامة كشروط تضمن في عقود الاستثمار وهي :
أ‌- الحفاظ على البيئة وعدم استخدام المواد الخطرة والملوثة للبيئة في الإنتاج مهما كانت فعاليتها وأهميتها.
ب‌- توظيف وتدريب 70% من العاملين والموظفين من الكوادر الوطنية والالتزام بتدريبهم.
ت‌- إقامة مشاريع متكاملة مع المشروع كمساكن صالحة ومراكز صحية ومدارس ونوادي اجتماعية لترقى بمستوى البيئة التي تحيط بالمشاريع مثل ما كان يحدث في مدينة حلفا الجديدة الزراعية ومصانع السكر في كنانة وخشم القربة وغيرها.
ث‌- قيام مؤسسة خاصة بالصادر تتولى شراء وتسويق وتحصيل وبيع كل المنتجات التي يراد تصديرها وهي من تتحكم في السوق الخارجي ولا يترك الأمر للمستثمرين هم من يتحكمون في منتجاتهم يبيعونها خارجيا وبدباجات دول أخرى ولا تحصل بلادنا من منتجاتهم التي تستهلك مواردنا وتنهك بيئتنا الا الفتات.
ج‌- تخصيص نسبة من أرباح المشاريع لا تقل عن 20% لتطوير مناطق الإنتاج من بنى تحتية وبيئة صحية.
6- إلزام البنوك بتمويل صغار المنتجين بقروض ميسرة مثل مصانع وورش أثاث وورش صيانة ليغطوا العجز في السوق المحلي من أثاث وفرش وملابس وغيرها.
7- الزام وزارة الزراعة بإقامة عقود وشروط جديدة مع المزارعين للمشاريع العملاقة مثل الجزيرة والرهد وخشم القربة ودلتا القاش وطوكر وبنسب تحفظ لهم حقوقهم كملاك حقيقيين للأراضي. توفير المدخلات الزراعية وتتولي إدارة المشاريع مؤسسة عملاقة تحت وزارة الزراعة هي من تقترض التمويل من البنوك وتوفر التقاوي والاسمدة والآلات وتتولى أمر الحصاد وبيع المنتجات محليا أو تصديرها دو أن يدخل المزارعين في علاقة مباشرة مع البنوك. أصلا هم لا يعرفون قانونيا أسرار هذه العلاقة مما أدى الى الزج بمعظمهم في السجون وافلاسهم.
8- إعفاء المنتجات الزراعية من الجبايات والضرائب وغيرها من رسوم لا تدخل مباشرة في تكلفة الإنتاج لمدة لا تقل عن عشرة سنوات.
9- وضع رخص مشروطة للاستيراد والتصدير. لا يسمح لأحد بالتصدير أو الاستيراد الا بالحصول على هذه الرخصة. ولا تمنح هذه الرخصة الا لمن كان مؤهلا فعلا. وهذا التأهيل يشمل الدرجة العلمية والقدرات المالية والخبرة بالمجال الذي يراد العمل فيه . ليس كل شخص له رأسمال ورثه أو حصل عليه بأي صورة ما يحق له الاستيراد ليغرق السوق بسلع مضروبة ومسمومة أدت الى تفشي الأمراض الخطرة في البلاد.
10- إذا تمت هذه الخطوات تدريجيا سيكون هناك انتاج حقيقي ولن تكون هناك حاجة للعملة الصعبة وسيتوازن الميزان التجاري وسينعدم سوق العملات غصبا عنه حتى لو فرشت الدولارات في الطبليات مثل السجائر لن تجد من يشتريه لأنه لن تكون هناك حاجة له طالما أن الاستيراد محظور ومخصص

Quote: أتقدم بإستقالتي فوراً، لأنني سأكون مسؤول أمام الله عن الرعية ،،، ومن الصعب تحمل مسؤولية بشر ناهيك عن الحيوانات ‎(((لو عثرت بغلة في العراق لسألنى الله تعالى عنها لما لم تمهد لها الطريق يا عمر))) ،،، فما بال (عمر) والناس يقتلون .‎

ولياب كدا صعبتها علي الناس كلها ....
يا زول إتحمل المسؤلية و خليك عادل و دُغري .....
بعدين المسؤلية دي مافي الرئاسة بس .... يعني وين ما كنت لاحقاك ....
*****************************************

Quote: رئيس أنا بخليها ليك أو لأي واحد من الشرفاء لكن بحكم التخصص كتبت قبل كدا لو كنت وزيرا لمالية السودان لفعلت هذه الخطوات ليستعيد اقتصاد السودان عافيته ويستطيع الجنيه أن يرفع رأسه من جديد. 1- أن تكون وزارة التجارة والاستثمار والطاقة والبنك المركزي تحت مظلة وزارة المالية وتحت أمرتها. 2- أن تتبع مصلحة الجمارك لوزارة المالية اتباعا كاملا ولا علاقة لها بوزارة الداخلية واستبدال القائمين عليها بمدنيين اقتصاديين ومحاسبين مثل ما كان سابقا. ودور الشرطة اشراف ومراقبة وتنفيذ فقط. 3- لقسمت قائمة الاستيراد لثلاثة فئات , فئة يتم حظرها فورا وهي المنتجات الزراعية من خضر وفواكه ولحوم وكافة السلع الغذائية وللأبد .وفئة يتم حظرها لمدة خمسة سنوات على الأقل وهي الملابس والكماليات وفئة يتم حظرها لمدة عشرة سنوات على الأقل وهي مستحضرات التجميل والسيارات الخاصة والأثاث المنزلي والمكتبي . 4- حصر الاستيراد على الأدوية والمدخلات الزراعة والآلات الزراعية والصناعية وشاحنات النقل البري وسيارات المواصلات العامة وقطع الغيار. 5- الزام المستثمرين الأجانب بتطبيق حزم التنمية المستدامة كشروط تضمن في عقود الاستثمار وهي : أ‌- الحفاظ على البيئة وعدم استخدام المواد الخطرة والملوثة للبيئة في الإنتاج مهما كانت فعاليتها وأهميتها. ب‌- توظيف وتدريب 70% من العاملين والموظفين من الكوادر الوطنية والالتزام بتدريبهم. ت‌- إقامة مشاريع متكاملة مع المشروع كمساكن صالحة ومراكز صحية ومدارس ونوادي اجتماعية لترقى بمستوى البيئة التي تحيط بالمشاريع مثل ما كان يحدث في مدينة حلفا الجديدة الزراعية ومصانع السكر في كنانة وخشم القربة وغيرها. ث‌- قيام مؤسسة خاصة بالصادر تتولى شراء وتسويق وتحصيل وبيع كل المنتجات التي يراد تصديرها وهي من تتحكم في السوق الخارجي ولا يترك الأمر للمستثمرين هم من يتحكمون في منتجاتهم يبيعونها خارجيا وبدباجات دول أخرى ولا تحصل بلادنا من منتجاتهم التي تستهلك مواردنا وتنهك بيئتنا الا الفتات. ج‌- تخصيص نسبة من أرباح المشاريع لا تقل عن 20% لتطوير مناطق الإنتاج من بنى تحتية وبيئة صحية. 6- إلزام البنوك بتمويل صغار المنتجين بقروض ميسرة مثل مصانع وورش أثاث وورش صيانة ليغطوا العجز في السوق المحلي من أثاث وفرش وملابس وغيرها. 7- الزام وزارة الزراعة بإقامة عقود وشروط جديدة مع المزارعين للمشاريع العملاقة مثل الجزيرة والرهد وخشم القربة ودلتا القاش وطوكر وبنسب تحفظ لهم حقوقهم كملاك حقيقيين للأراضي. توفير المدخلات الزراعية وتتولي إدارة المشاريع مؤسسة عملاقة تحت وزارة الزراعة هي من تقترض التمويل من البنوك وتوفر التقاوي والاسمدة والآلات وتتولى أمر الحصاد وبيع المنتجات محليا أو تصديرها دو أن يدخل المزارعين في علاقة مباشرة مع البنوك. أصلا هم لا يعرفون قانونيا أسرار هذه العلاقة مما أدى الى الزج بمعظمهم في السجون وافلاسهم. 8- إعفاء المنتجات الزراعية من الجبايات والضرائب وغيرها من رسوم لا تدخل مباشرة في تكلفة الإنتاج لمدة لا تقل عن عشرة سنوات. 9- وضع رخص مشروطة للاستيراد والتصدير. لا يسمح لأحد بالتصدير أو الاستيراد الا بالحصول على هذه الرخصة. ولا تمنح هذه الرخصة الا لمن كان مؤهلا فعلا. وهذا التأهيل يشمل الدرجة العلمية والقدرات المالية والخبرة بالمجال الذي يراد العمل فيه . ليس كل شخص له رأسمال ورثه أو حصل عليه بأي صورة ما يحق له الاستيراد ليغرق السوق بسلع مضروبة ومسمومة أدت الى تفشي الأمراض الخطرة في البلاد. 10- إذا تمت هذه الخطوات تدريجيا سيكون هناك انتاج حقيقي ولن تكون هناك حاجة للعملة الصعبة وسيتوازن الميزان التجاري وسينعدم سوق العملات غصبا عنه حتى لو فرشت الدولارات في الطبليات مثل السجائر لن تجد من يشتريه لأنه لن تكون هناك حاجة له طالما أن الاستيراد محظور ومخصص

درديري الله يديك العافية ياخ ...
لكن متهرب من الرئاسة ليه ..؟؟؟؟ و عندك حلول لي مشاكل الإقتصاد و هي المفتاح لي حلحلة كل المشاكل ...
حل مشكلة الإقتصاد دي بتمهد لي حل مشاكل التعليم و الصحة و مشكلة العطالة و دخول كل الناس في العمل على البناء الرخاء و التقدم ....

تحياتي يا طيب

حبيبنا أبوحسين .. كيفك ياجميل ..
معليش المرة دي .. بطلع من السياق شوية ..
يوم الجمعة في جمعيتنا في جدة .. واحد من الشباب جاب خبر غريب
قال الاسرائيليين رصدوا مبلغ 4 ألف دولار ( حاولي 200 ميلون السوداني ) وتذكرة مجانية إلى يوغندا لمن يغادر إسرائيل طوعاً ..

تعرف يا ابوحسين دائماً أنا إستمع للناس العاديين بدون توجه سياسي .. في واحد فيهم قريبي زول ودبلد تربال شغله يوميات
بس لئيم شوية .. ترك لعب الكوتشينه وسألني كيف الواحد يمشي إسرائيل .. قلت ليه بعد السيسي مستحيل زمان كان من سيناء
وواصل السؤال يا عم علي قالوا نتنياهو قريبنا دنقلاوي .. قلت ليهو قريبك من جهة أبوك ما جهة ناس إخواتنا أمك .. لأن أبوك من السواراب
وديل جدهم الكبير إسمه ( شاووس ) غير ناس ( شادول ) .. قال يا ريت كنت عارف كنت كتبته في الرقم الوطني والجواز ..

طبعاً إنت عارف أمسيات الجمعة بعد الفاتحات .. الونسة والناس اللذاذ .. هؤلاء يا أبوحسين تقرأ فيهم حال البلد

واحد فيهم قال صدقني أنا لو بقيت رئيس .. أول حاجة أعمل سفارة في إسرائيل ..
قال لي إيه رأيك يا خال .. قلت ليه أنا كمان .. ما عندي مانع أشيل شنطتي وأمشي إسرائيل إذا بقيت رئيس محل البشيير

الحبيب أبوحسين .. أنا دائماً اقيس وجهات النظر من خلال هؤلاء .. ( همهم فقط أكل العيش والوفرة ) .. عشان كده
هذا السودان لا ينفع فيه أي نظرية أو أيدلوجيه إلا من يوفر ( العيش الكريم والوفرة وسترة الحال ) ما ضروري مين الحاكم ..

طولت عليك الحبيب أبوحسين .. صورة منقولة من جمعيتنا .. ( ناس ملح الأرض )

مودتي وأنا معاهم ..

اغرض لي رغيفة حاااااااارة .
وزن 100 غرام .
واكون مسترغف .
و عاشت الاحلام



عزالدين عباس الفحل
ابوظبي

حبيبنا استاذ علي تحية طيبة
يا حبيبنا قلت ليك اكتر من مرة اخد راحتك في بوستاتي فانت دائما حروفك جميلة و كلماتك طيبة ....
مجالس الجمعيات و بيوت العزابة فيها العفوية و فيها ناس من مختلف المجتمعات و بالتالي بتلقى فيها الكلام الجميل و كتير جدا بتلقى اراء راقية جدا طالعة من عقول فاهمة و بي اسلوب حلو ...
اسرائيل ما اظن حا تقدم لينا حاجة بدون مقابل و المقابل ما اظن يكون بي نفس قيمة عطائهم لنا .....
تحياتي يا طيب ....
**************

Quote: اغرض لي رغيفة حاااااااارة . وزن 100 غرام . واكون مسترغف . و عاشت الاحلام

اخونا عزالدين دا الحا تقدمو للسودان... ؟؟؟؟
***********************
قبل دقائق وصلني المقال دا في الواتس ....

Quote: كتب : شول لام دينق ايها الانسان السوداني البطل هل تعلم ان قوت يومك يشاركك فيه ست دول محيطة بالسودان؟ الميزانية توضع ل 46 مليون وياكلها 200مليون كتب شول لام دينق أمة الامجاد والماضي العريق..!!! الشعب الذي ما حسينا يوما بالغربة بينهم، حين يقابلك احدهم بالبشاشة والترحاب وقولة يازول حبابك الف، الشعب الوحيد في العالم الذي يفتح لك بيته وقلبه معا، ويتقاسم معك الملح والملاح ، الشعب الذي علم شعوب العالم كيف يثور وصدر الثورة الى أرجاء العالم في عام ١٩٦٤م. وماكان يتخيل انذاك ان يقوم شعب بطرد حكومة عسكرية، فكانت المعجزة بمعاير الزمان. الشعب الوحيد الذي تمتلك اي اسرة الى وقت قريب ٢٥ فدان للزراعة، وبالتالي كان الجنيه يساوي ٧ دولارات قبل نزول لعنة النفط والاعتماد عليه، وقبل ان يأتي هؤلاء .ويأتي من لا يعرفون الشعب السوداني ويصفونه بالكسول…!! أمة قل فيها البخيل ،والبخل عندهم حالة مرضية نشاز ويعير صاحب البخل على بخله،،،!! اموت حسرة على ما يمر به الشعب السوداني من ازمة اقتصادية مفتعلة، في حين ان السودان اغنى من دولة اليابان بالموارد، قارن بين ميزانية اليابان وعدد سكانها الكبير وميزانية السودان التي من المفترض ان تفصل على ٤٦ مليون سوداني فقط، كانما هناك امة من الجن يشاركونه ميزانيته،،،!! ايها الانسان السوداني البطل هل تعلم ان قوت يومك يشاركك فيه ست دول محيطة بالسودان هذا ان لم ابالغ، تشاد، وافريقيا الوسطى ، والكونغو، وجنوب السودان، واثيوبيا ، واريتريا، بسبب بسيط هو ان السودان الدولة الوحيدة المطلة بحرا على العالم باستثناء اريتريا التي لا تتعامل خارجيا تجاريا، معتمدة على قوت الانسان السوداني والحبل على الجرار.. السبب الاكثر وضوحا هنا في الازمة الحالية هو ان الميزانية توضع على حساب ٤٦ مليون ويأكلها ٢٠٠ مليون نسمة من دول الجوار، ووزارة الصناعة السودانية لا تخصص منتج معين للتصدير فقط “Only for Export” كما هو معمول به في العالم، وعامل الحدود المرنة والمفتوحة على كل الجوار الافريقي ..!! اتحدى اي مراقب أن يذهب الى اسواق انجمينا وبانقي وكونجوكونجو وسوق الرنك واديس ابابا واسمرا، سيجد كل المنتجات هناك مصنوعة في السودان،وليست مخصصة للتصدير مما يحدث فراغا في كمية المعروض داخل الاسواق السودانية، ويتسرب عبره قوت الشعب السوداني ودولاره وبالتالي ارتفاع الاسعار ، وينتج عنه افقار وتجويع، اذهب الى سوق ليبيا وانظر في منفستو الشاحنات الذاهبة الى انجمينا لتجد السكر والصابون والقمح محملة بكميات كبيرة، عطاء من يستحق لم لا يملك…!! المسألة تحتاج الى تحديد المنتجات القابلة للتصدير والمستهلكة محليا مع تشديد الرقابة على حركة النقل عبر الحدود..!! نموذج اغلاق الحدود الشرقية احدث فجوة في ارتريا بأكملها في ثلاثة ايام فقط…والآن يعانون من ارتفاع الاسعار وربما الجوع ان استمر الاغلاق شهرا..!! أكرموا الشعب السوداني، فقد بلغ كرمكم حد الاهمال وقوموا الى زراعتكم يرحمكم الله…!! بقلم شول لام دينق

خذلتوني
كنت متوقع تكتبوا عن مشاكل و أزمات بلد مليئ بيها ....
خدمات صحية معدومة
و تعليم مُدمر
مشاريع زراعية ضخمة أصابها الجفاف
مصانع كثيرة أصبحت مهجورة
و لا وجود لبنية تحتية
ريف يفتقد لضروريات الحياة الكريمة
مدن مزدحمة وسخانة
عطالة
.
.
.