Post: #1
Title: لو ما عارف ما تجازف ( ناس المؤتمر الوثني لا مكان لهم)
Author: د.محمد حسن
Date: 01-17-2018, 01:05 PM
Parent: #0
12:05 PM January, 17 2018 سودانيز اون لاين
د.محمد حسن-
مكتبتى
رابط مختصر
بنمد في السكة وما بنقيف
لا طالعين شان اسعار
ولا كايسين لي كسرة رغيف
بنمد في السكة
عشان
كرامة زول مسكين
لا خرطوش بوليس بيهدد
لا رصاصه كمان بيخيف
بنمد في السكة عشان
حرية ..كرامة ...ووطنا عالي
وديمة نضيف
بنمد في السكة ونكنس كل دقون
مليانة ضلال
تنضح بالزيف
ونمد في اسكة ونمشي عديل
بنوتنا شوامخ
عالية نخيل
ورجالا صامدة
زي الطابية العند النيل
وما بنقيف
بنمد في السكة ونحن بنهتف بالسلمية
ضد الاكلو حقوقنا
سلمية سلمية
ضد الحرامية
ونمد نبنيها مدارس
الحيطة الطوب الما ها صريف
يا شعب الثورة القادمة
مرقت كل شوارع البلد
الصامد ليه سنين
زي الجرف الراجي خريف
ونمد في السكة كمان يا مان
مطلبنا اكيد
ارحل وسيبا
وابقى حريف
|
Post: #2
Title: Re: لو ما عارف ما تجازف ( ناس المؤتمر الوثني لا
Author: عبد اللطيف السيدح
Date: 01-17-2018, 01:13 PM
Parent: #1
هذا تكفير
وطريق خطير
وعاقبته وخيمة على الجميع يا دكتور
|
Post: #3
Title: Re: لو ما عارف ما تجازف ( ناس المؤتمر الوثني لا
Author: د.محمد حسن
Date: 01-17-2018, 01:14 PM
Parent: #2
خوفتني
|
|