Post: #1 Title: البشير يستجيب لمطالب المتظاهرين ويأتي بـ ( علي عثمان ) رئيسا للوزراء Author: عبد اللطيف السيدح Date: 01-17-2018, 09:43 AM Parent: #0
08:43 AM January, 17 2018 سودانيز اون لاين عبد اللطيف السيدح-صرة الدنيا مكتبتى رابط مختصرأسفر اجتماع بيت الضيافة مساء أمس بين الرئيس البشير والاستاذ علي عثمان محمد طه عن تكليف الاخير برئاسة مجلس الوزراء في التشكيل الوزاري القادم...وذلك استجابة لمطالب المتظاهرين وما يتمتع به السيد علي عثمان من خبرات تؤهله للعبور بحكومة الوفاق الوطني إلى بر الأمان حتى انتخابات 2020م
Post: #2 Title: Re: البشير يستجيب لمطالب المتظاهرين ويأتي بـ Author: نادر Date: 01-17-2018, 09:54 AM Parent: #1
ما قلت ما ناجحة المظاهرة، لكن لتعلموا علم اليقين أن ريح الشعب ستعصفك بكم أنت وسيدك البشير وكل مجرمي الانقاذ وها هي ساعة الخلاص قد دنت
Post: #10 Title: Re: البشير يستجيب لمطالب المتظاهرين ويأتي بـ Author: عبد اللطيف السيدح Date: 01-17-2018, 10:40 AM Parent: #2
يا نادر
نحن نتحدث عن الوطنيين المخلصين الذين خرجوا بحر إرادتهم لا استجابة لبيانات الغرف المظلمة
هؤلاء هم الذين سيستجيب لمطالبهم ومن ضمنها حل حكومة بكري حسن صالح وتكليف علي عثمان بتشكيلة وزارية جديدة وهذه هى عين الديمقراطية .
Post: #3 Title: Re: البشير يستجيب لمطالب المتظاهرين ويأتي بـ Author: معاوية محمد الحسن Date: 01-17-2018, 09:58 AM Parent: #1
الخبرات عملت شنو للبلد قبل اقالته ياهو تفسيم السودان ولا حاجة تانية
Post: #4 Title: Re: البشير يستجيب لمطالب المتظاهرين ويأتي بـ Author: عبدالحفيظ ابوسن Date: 01-17-2018, 10:12 AM Parent: #3
تحياتي السيدح وضيوفه مطالب الناس المعيشة وابسط قرار إلغاء تعرفة صرف الدولار الجمركي وإلغاء زيادة الموية والكهرباء ثم لا اعتقد ان علي عثمان خيارا فقد خبره الناس كثيرا وهو صاحب مقولة shoot to kill قالها بالانجليزي اظن لتسهيل ترجمتها للخواجات ما يترجموها ليهم غلط
Post: #5 Title: Re: البشير يستجيب لمطالب المتظاهرين ويأتي بـ Author: MOHAMMED ELSHEIKH Date: 01-17-2018, 10:15 AM Parent: #4
سوف تتم اعادة تدويره؟؟؟؟
الأمر لله
Post: #6 Title: Re: البشير يستجيب لمطالب المتظاهرين ويأتي بـ Author: د.محمد حسن Date: 01-17-2018, 10:16 AM Parent: #4
لا ياخ مش علي عصمان ده بتاع بنك الطعام؟ يعني يلم الكرتة ويقسمها للشعب السوداني ؟
والله فعلا كفاءة وخبرة
Post: #7 Title: Re: البشير يستجيب لمطالب المتظاهرين ويأتي بـ Author: Yasir Elsharif Date: 01-17-2018, 10:24 AM Parent: #6
((لا ياخ مش علي عصمان ده بتاع بنك الطعام؟ يعني يلم الكرتة ويقسمها للشعب السوداني ؟
والله فعلا كفاءة وخبرة))
أوسكاااااار يا د. محمد حسن والحقوق محفوظة لأصحاب الابتكار دا ذاتو.
Post: #8 Title: Re: البشير يستجيب لمطالب المتظاهرين ويأتي بـ Author: عبدالله الشقليني Date: 01-17-2018, 10:25 AM Parent: #6
عودة الحركة الإسلامية إلى الظهور مع أوردغان وملف الخارجية مع نافع وعودة علي . نفس الملامح والشبه ... . قال : أنا ذاتي حركة إسلامية ! ويعني ؟!
Post: #9 Title: Re: البشير يستجيب لمطالب المتظاهرين ويأتي بـ Author: الامين محمد علي Date: 01-17-2018, 10:40 AM Parent: #8
والله بيني وبينك كدا :
2018 دي ما اظنكم كملتوها.
وما كل مرة تسلم الجرة.
البلد منهارة بالفعل وفق كل المؤشرات الموضوعية ...وما فشل فيه النظام ربع قرن لن يكون بمقدوره فعله ف الزمن الضائع..
قيم اوفر يا سيدح باشا..
Post: #11 Title: Re: البشير يستجيب لمطالب المتظاهرين ويأتي بـ Author: Asim Ali Date: 01-17-2018, 11:14 AM Parent: #9
من زمان بنقول ماتهدرو زمنكم فى متابعه العاب تنظيم الاخوان - فرع السودان وصراعاتو المصنوعه. انتو مشغولين بصراع اسلاميين - عسكريين او شعبى - وطنى اواصلاح شنو كدا ماعارف ... دى كلها تمثيليات ...فى النهايه يشكو الورق ويوزعو تانى ...ونحنا قاعدين زى حكايه النكته ..نعاين ..نعاين ولعت ...طفت ..ولعت ..طفت.لما القيامه تقوم. علينا ان نحدد هدفنا ....دوله وطنيه و سياده وكرامه وحريه المواطن......والا فى النهايه سكون مواطنين من درجه ادنى من خلال حلم عوده الدوله العثمانيه. مايهمنا.... ان يتمكن الشعب من اداره وحكم نفسه بنفسه من خلال جماعاته الحزبيه المعبره دون وصايه من جماعه اثبت ادائها فشلها وزيف ادعائها الفكرى وسقوطه.
Post: #12 Title: Re: البشير يستجيب لمطالب المتظاهرين ويأتي بـ Author: حامد بدري Date: 01-17-2018, 11:42 AM Parent: #11
بقيتو تاكلو الرديد غايتو عقبال تاكلو من جلودكم الفاسدة
Post: #15 Title: Re: البشير يستجيب لمطالب المتظاهرين ويأتي بـ Author: Ali Alkanzi Date: 01-17-2018, 12:03 PM Parent: #11
حتى نعيش نحن الذين في السودان فعلينا اكل الميتة أي علينا ان نخون الامانة ونسرق ونقبل الرشوة حتى نوازن قليلاً بين الدخل والصرف قبل ٢١ ديسمبر ٢٠١٧ اكرر ٢١ وليس ٣١ كان تقريباً هناك ثلاث طبقات الأولى: الطبقة المتخمة والتي لا تنزل حتى من سيارتها لتشتري اغراضها بل تبقى داخل السيارة ويؤتى لها باغراضها وتدفع الفاتورة دون أي مراجعة او مناقضة الثانية: طبقة مستورة كانت تعرف بالطبقة المتوسطة ولكن قبل ٢١ ديسمبر كانت تعرف بالطبقة المستورة تسعى في كل يوم لموازنة دخلها مع منصرفاتها وتنج في شهر وتسقط في الاخر ولكن تمضي حياتهم بكرامة وستر الثالثة: وهي سواد الشعب السوداني إذا وجد قوت يومه له وعياله يحس كأنه انجز أعظم الاعمال وينتظر اشراقة الشمس لميضي قبل شروقها بحثاً عن ما يسد جوعته وصغاره ويعود لبيته قبل صلاة العشاء، أو عند المغر ولكن كثيراً ما يعجز فتعمل الهواتف الجوالة لتحويل الرصيد من ذوي الارحام والاصدقاء والابناء اما الطبقة الرابعة : فنجدها في كل الطبقات الثلاث اعلاه فهم الذين يسعون للحصول على الاموال بشتى السبل والحيل والتعدي ولكنها كالشكل الهرمي المقلوب قاعدتها في الطبقة الاولى وترق كلما هبطت نحو الطبقة الادني أما بعد ٢١ ديسمبر ٢٠١٧ فالذي حدث هو الاتي: الطبقة المتخمة بقت متخمة وزادت تخمة على تخمتها من الاوضاع الجديدة وهي الطبقة التي تحصل على المال دون جهد او عرق فهي الطبقة المحتالة والمتعدية على الاموال، الما الطبقة المستورة فلم يبق الحال كما كان فارتفاع الاسعار خلق عجز في الموازنة فهبطوا للطبقة الثالثة غصباً عنهم ودون اختيارهم لهذا من المتوقع ان يظهر الفساد في هذه الطبقة بنسبة اعلى من مما كانت عليه من قبل أما الطبقة الثالثة فعليهم ان يحملوا سيوفهم ليحصلوا على ارزاقهم فقد ضاغت بهم الحياة حتى يكادوا لا يروا لها فرجاً وفي هذا قال امام المتقين : عجبت لمن لا يجد قوت يومه كيف لا يخرج على الناس شاهرا سيفه. لهذا ادركوا انسان السودان فإنه يغرق يغرق يغرق
يا نزلانا امرقو الزمة كيف ينطاق هوان الامة رزدوا حلوقنا واكلو حقوقنا وديل دايرن دمانا تسيل
اللهم اهلك الظالمين بالظالمين والمتخمين بالمتخمين اللهم نسألك أن تمتد في اعمارنا حتى نرى زوالهم اللهم اقتص لنا منهم في الدنيا قبل الاخرة
Post: #17 Title: Re: البشير يستجيب لمطالب المتظاهرين ويأتي بـ Author: عبد اللطيف السيدح Date: 01-17-2018, 01:07 PM Parent: #4
ود أبسن حبابك مليون
مقولة الشيخ علي في البرلمان كان لابد منها في ذلك الوقت
لأن التمرد هدد حياة سكان جنوب السودان بعد أن أطلق عليهم سلفاكير وحوشه الكاسرة
ثانيا شيخ علي تسعفه خبراته و أجدر من يتولى زمام العمل التنفيذي في هذه المرحلة.
Post: #13 Title: Re: البشير يستجيب لمطالب المتظاهرين ويأتي بـ Author: عبد اللطيف السيدح Date: 01-17-2018, 11:54 AM Parent: #3
لا أحد ينكر خبرات الشيخ علي عثمان يا معاوية
فهو الذي دعم ووقف إلى جانب السياسات الاقتصادية الناجحة للدكتور عبد الوهاب عثمان وزير المالية الأسبق رحمه الله
Quote: للدكتور عبد الوهاب عثمان وزير المالية الأسبق رحمه الله
هنا حقو تقيف طولك وماتكضب في التسعينات اداكم نصيحة من دهب عشان يرتب اقتصاد البلد اتدخل الريس شخصيا لحماية البزنس الطفيلي وكان رجل متسق قدم استقالتو ومشا خلاكم غرقانين في الوحل اليوم النتايج قدامكم دولار طاير ومعيشة مستحيلة اتو معتمدين على ذاكرة سمكية وبطن جرادة صحراوية لاتشبع كفاكم ياخ مليتو بطونكم دولار وبطون شعبكم تراب اتخارجو طلعتو دين الناس
Post: #16 Title: Re: البشير يستجيب لمطالب المتظاهرين ويأتي بـ Author: معاوية محمد الحسن Date: 01-17-2018, 12:21 PM Parent: #14
الاخ عبد اللطيف لو كان لديه خبرات ناجحة لاصبح السودان مثل ماليزيا وسنغافورة بطيلة المدة التى قضاها متوليا الحكم ماذا استفاد السودان من خبرة على عثمان ؟ هاهي البلد بعد قرابة ثلاثون عاما تعاني من عجز الموازنة وانفصل منها جزء عزيز وتدور الحروب فى اطرافها ويعاني مواطنيها فى المعيشة والعلاج والتعليم وعملتها تنهار بمعدل كل ساعة
Post: #18 Title: Re: البشير يستجيب لمطالب المتظاهرين ويأتي بـ Author: Abd Alla Elhabib Date: 01-17-2018, 01:40 PM Parent: #16
هههههههه ... حكومات يسرق تنفيذيوها المليارات يوميا وعايزنها تصلح الإقتصاد وتحلحل أزمات البلد !! كذبوا علي روحكم لكن ما تجيب وسخكم دا هنا ..
Post: #45 Title: Re: البشير يستجيب لمطالب المتظاهرين ويأتي بـ Author: ابو القاسم عبد الرحمن بشير Date: 01-18-2018, 10:49 PM Parent: #13
علي عثمان . هو الذي قسم السودان ثانيا الحروبات الاهلية بين ابناء الوطن ومنسق العنصرية والكراهية وتفكيك النسيج الاجتماعي السوداني وتقول لي الشيخ علي ماهو مفهوم الشيخ عندكم في قامسوكم ؟
Post: #19 Title: . Author: سعيد محمد Date: 01-17-2018, 01:49 PM Parent: #1
حقيقة شر البلية ما يضحك
حكومة ظلت ولثلاثة عقود تجرب وتختبر كل السياسات الاقتصادية (او بمعنى اصح تفشل في ادارة الاقتصاد) ترهن خروجها والوطن من عنق الزجاجة بشخص
واذا افترضنا جدلا (عبقرية الرجل) اين كانت تلكم العبقرية وهو يتقلد المناصب تلو المناصب وما هي نجاحاته السابقة التي تبشر الوطن والمواطن برهن الخروج على يديه
س1 : من هم ا لمتظاهرين الذين طالبوا بعلي عثمان ، وأين تظاهروا ( في أي دولة ) ، ومتى كانت دعوات مظاهراتهم ؟ س2 : لم أسمع أن مطلب أحدهم - هذه الأيام - هي من يكون رئيس الوزراء ؟
مع كل الخير .
Post: #22 Title: Re: البشير يستجيب لمطالب المتظاهرين ويأتي بـ Author: Abdullah Idrees Date: 01-17-2018, 03:15 PM Parent: #21
عندو خبرات في شنو ؟ حتى القانون الدرسو وهو المهنة االوحيدة التي امتهنها لم يراكم فيها خبرات تذكر وفي الحقيقة بتاع "شووت - تو - كيل " لا يعترف بالقانون من الاساس علي عثمان ما عندو خبرات الا في القمع التأمر والاغتيالات والكذب وحتى هذه فشل في الكثير منها وعلى رأسها اقصاء شيخه بعد "دقة كندا " و اغتيال مبارك وصراعه مع القذر الاخر نافع .. هو مجرد مجرم اخر لا يعمل الا في الظلام سوف تلاحقه لعناتنا اينما حل
Post: #23 Title: Re: البشير يستجيب لمطالب المتظاهرين ويأتي بـ Author: أحمد الشايقي Date: 01-17-2018, 03:17 PM Parent: #22
Post: #27 Title: Re: البشير يستجيب لمطالب المتظاهرين ويأتي بـ Author: منتصر عبد الباسط Date: 01-17-2018, 05:55 PM Parent: #26
Quote: لا أحد ينكر خبرات الشيخ علي عثمان
. صدقت إنه خبرة في تابيد الحكم وفي التمكين ابتعد عن الواجهة لافساح المقعد للفريق بكري ليهيأ للجلوس على مقعد الرئيس في حالة خلوه والأن لما تأكد ترشيح البشير لدورة أخرى واستحدث منصب رئيس وزراء أصبح هناك فرصة لعودته للواجهة وأصلا منصب رئيس الوزراء استحدث وصنع له خصيصا والفريق بكري كان جلوسه عليه حتى لا يقول الناس أن المنصب استحدث له شخصيا.
السيد ح أتفق معك في رأيك في فشل السيد بكري حسن صالح ولكن علي عثمان لن يزيد الطين إلا بلة وانت تعرف بحكم تخصصك كصحفي أن النكس أخو اللباس
Post: #29 Title: Re: البشير يستجيب لمطالب المتظاهرين ويأتي بـ Author: عمر التاج Date: 01-17-2018, 06:21 PM Parent: #26
علي عثمان راجل بركة وطموح بدا بعملية اغتيال رئيس ليهو ضل وكان أن قدم حلايب قربان لفشله بعد كده قبل على اخوانه .. فصل الحركة وطير شيخها وبعد داك قبل على الجنوب .. بترو وخلى دم البلد يدشر وبعد الانفصال وبعده امتدت مليشياته لكل افريقيا .. وجزء من اسيا.. زول زي ده لازم يكون احد ابطال نهاية فلم السودان ويتم على يديه تقطيع البلد حتة حتة .. فمرحبا به
Post: #30 Title: Re: البشير يستجيب لمطالب المتظاهرين ويأتي بـ Author: Nasr Date: 01-17-2018, 06:30 PM Parent: #29
أهو دا دليل علي نجاح الموكب الذي دعا له الحزب الشيوعي أن الرئيس إستجاب لمطالب المتظاهرين ولكن كذبت يا راعي البوست لم أسمع واحدا من دعاة الموكب أو المشاركين فيه طالب بعلي عثمان رئيس وزراء
جنس طرطشة وبشاتن
Post: #31 Title: علي عثمان خرب السودان Author: Hani Arabi Mohamed Date: 01-17-2018, 08:32 PM Parent: #30
أي شر سيأتي به علي عثمان ؟
Post: #32 Title: Re: علي عثمان خرب السودان Author: حيدر حسن ميرغني Date: 01-17-2018, 09:01 PM Parent: #31
الظاهر تركيا وقطر لهم اثر في هذا القرار ان صح خبره رسالة مبطنة لمصر والسعودية ان الاسلاميين قادمون للتخطيط لما هو اخطر علي عثمان بإعتراف الترابي مدبر جرائم قتل تمت ازاحته من السلطة لانه بتاع مؤامرات ودسائس حتما سيعيد نافع وقوش للساحة
Post: #33 Title: Re: البشير يستجيب لمطالب المتظاهرين ويأتي بـ Author: محمد على طه الملك Date: 01-17-2018, 09:09 PM Parent: #30
عارف يا السبد ح لو كلامك دا صحيح مع ما شابهه من تسريبات في ميديا التواصل .. فان القراءة الصحية عنوانها ح يكون ( الاسلاميون يخدعون الشعب للمرة الألف ) .. عارف معنى العنوان دا شنو ؟ أقول ليك .. وأبدأ بمسرحية ابعاد على عثمان والجاز ونافع وغيرهم من صقور الإسلاميين .. حيث كانت غايتها تمهيد الساحة لاطلاق مسرحية الوثبة وما تبعها من حوار وطني وما تلاها من حكومة حوار وطني .. وكان الغرض مما عرف بحكومة الحوار إخراج النظام من عنق زجاجة العقوبات الأمريكية وضغوط المنظمات العالمية ليس إلا.. وبما أنه قد تكشف الآن أن العقوبات لم تكن مؤثرة وكانت مجرد فزاعة في سلسلة فزاعات النظام وانكشف أمرها .. ولم يعد التصعيد مع مصر والحشود العسكرية على الحدود الشرقية مراقة مناسبة تدفع الشعب للالتفاف حول النظام .. يريدون الآن إعادة مياه السلطة لحرسها القديم ولا مندوحة من التضحية برؤوس تاريخية تسبيكا لللعبة .. وما التقارب مع اوردقان سوى ضرب من الإعداد التحذيري المبكر لكل من السعودية والأمارات .. حتى يلتزموا الصمت تجاه عودة الحرس القديم . ولكن هل يمكن إعادة السهم إلى قوسه بعد إطلاقه ؟
Post: #34 Title: Re: البشير يستجيب لمطالب المتظاهرين ويأتي بـ Author: منتصر عبد الباسط Date: 01-17-2018, 09:20 PM Parent: #33
Quote: تمت ازاحته من السلطة لانه بتاع مؤامرات ودسائس حتما سيعيد نافع وقوش للساحة
كان كدا معناها هم ناس كويسين ومعناها ما بحبو بتاعين المؤمرات والدسائس !!! وممكن يكون رجعوه بعد ما أتأكدوا أنو بريء من هذه التهم.!!!
Post: #35 Title: Re: البشير يستجيب لمطالب المتظاهرين ويأتي بـ Author: مرتضي عبد الجليل Date: 01-17-2018, 09:27 PM Parent: #33
الشعب السودانى يا سيد حا ، عرف طينتكم وخبر عجينتكم . الاعيب الكيزان وتقسيم الادوار كلها تكتيكات اكتشفها الشعب السودانى وما عادت تنطلى على احد الا على امثالكم من المتسلقين والمنتفعين اصحاب الكروش الجائعة المجرم على عثمان يعرفه الشعب السودانى جيدا وهو طيلة ال 28عاما لم يقدم شئ يفيد السودان بل هو من الذين جمعوا المليارات وبنو القصور الفارهات له ولاهله وهو لا يستحق فلسا واحدا. هذا الكوز العقائدى الحاقد ،صاحب مقولة )شوووت تو كل ) سيكون مصيره كمصير القذافى وغيره على يد الشعب الثائر . للتذكير بالمجرم ع ع ط. المجــرم على عثمـان محمـد طـه أمـر شخصيـا بإطلاق الرصـاصالمجــرم على عثمـان محمـد طـه أمـر شخصيـا بإطلاق الرصـاص
Post: #36 Title: Re: البشير يستجيب لمطالب المتظاهرين ويأتي بـ Author: عمر أبوعاقلة Date: 01-18-2018, 07:24 AM Parent: #29
سيرة ذاتية تؤهله ليكون في مصاف العظماء الذين غيروا مجرى التاريخ هولاكو ونيرون أخير منه في شنو ؟؟ أهو عندنا منتج وطني بدرجة دكتاتور المافي شنو يا قول قيقا (رد الله غربته)
Quote: علي عثمان راجل بركة وطموح بدا بعملية اغتيال رئيس ليهو ضل وكان أن قدم حلايب قربان لفشله بعد كده قبل على اخوانه .. فصل الحركة وطير شيخها وبعد داك قبل على الجنوب .. بترو وخلى دم البلد يدشر وبعد الانفصال وبعده امتدت مليشياته لكل افريقيا .. وجزء من اسيا.. زول زي ده لازم يكون احد ابطال نهاية فلم السودان ويتم على يديه تقطيع البلد حتة حتة .. فمرحبا به
Post: #37 Title: Re: البشير يستجيب لمطالب المتظاهرين ويأتي بـ Author: Asim Fageary Date: 01-18-2018, 07:26 AM Parent: #36
السيد ح أتفق معك في رأيك في فشل السيد بكري حسن صالح ولكن علي عثمان لن يزيد الطين إلا بلة وانت تعرف بحكم تخصصك كصحفي أن النكس أخو اللباس
غايتو يا منتصر دي قلبت فيها هوبة ... أوسكاااار
Post: #38 Title: Re: البشير يستجيب لمطالب المتظاهرين ويأتي بـ Author: بهاء بكري Date: 01-18-2018, 07:32 AM Parent: #36
السيد ح أتفق معك في رأيك في فشل السيد بكري حسن صالح ولكن علي عثمان لن يزيد الطين إلا بلة وانت تعرف بحكم تخصصك كصحفي أن النكس أخو اللباس
المختصر المفيد قاله ابن عمي
Post: #39 Title: Re: البشير يستجيب لمطالب المتظاهرين ويأتي بـ Author: Asim Fageary Date: 01-18-2018, 07:34 AM Parent: #38
يا بهاء .. سلام
أهو نكس من عمل الشيطان ؟
Post: #40 Title: Re: البشير يستجيب لمطالب المتظاهرين ويأتي بـ Author: بهاء بكري Date: 01-18-2018, 07:36 AM Parent: #39
يا بهاء .. سلام أهو نكس من عمل الشيطان ؟
صدقت ياصديقي
Post: #41 Title: Re: البشير يستجيب لمطالب المتظاهرين ويأتي بـ Author: معاوية محمد الحسن Date: 01-18-2018, 09:57 AM Parent: #40
علي عثمان قبل مساهمته فى فصل الجنوب ، تسبب فى احتلال مصر لحلايب بتدبيره محاولة إغتيال حسني مبارك التى احتلت بعدها مصر حلايب غضبا من المحاولة يعني تسبب فى ضرر السودان مرتين وافقدنا المليون ميل مربع
Post: #42 Title: Re: البشير يستجيب لمطالب المتظاهرين ويأتي بـ Author: tabaldy Date: 01-18-2018, 10:15 AM Parent: #41
يكفي إنو في عهدو عملوا سياسات التمكين وإبعاد الكفاءات وبقى التعيين على أساس الموالاة للحركة الإسلامية وبعدها تحول الأمر بعد انكشاف حال الحركة إلى موالاة قبلية
Post: #43 Title: Re: البشير يستجيب لمطالب المتظاهرين ويأتي بـ Author: أحمد الشايقي Date: 01-18-2018, 11:54 AM Parent: #42
تمام يا سيدح
كدا يكون الانقاذ طقـم
وربنا بيحب الشعب السوداني (قنطرهــم ليهــو)
الناس دي عرفت التدبيرات والدبارة حقتها
يلا فرصــة سـعيــدة
والعاقبة عندكم في المســــرات
Post: #44 Title: Re: البشير يستجيب لمطالب المتظاهرين ويأتي بـ Author: علي محمد الفكي Date: 01-18-2018, 02:25 PM Parent: #43
ياتو متظاهرين الطالبو بي علي عثمان وفي ياتو مظاهره ؟؟؟ المظاهرات التابعناها ما سمعنا فيها اسم علي عثمان ولا دي نجره من عندك اتقي الله يا سيدح انت في البلد الحرام
على عثمان محمد طه هو هامان فرعون شخصيا.. و الآسواء على الاطلاق.. اجراء لا يزيد الثورة الا اشتعالا..
Post: #47 Title: Re: البشير يستجيب لمطالب المتظاهرين ويأتي بـ Author: adil amin Date: 01-19-2018, 04:33 AM Parent: #46
اما يتحررو من اصر الاخوان وايتام رابعة العدوية الموجودين في المركز ديل ويالتزمو بي خارطة الطريق التي ترجع الديمقراطية الكانت موجودة قبل 30 يونيو 1989 الدولة ام ستة اقاليم باسس جديدة لو يفتحو البلد على الفوضى الخلاقة وياتي التتار الامريكيين بانفسهم لاحتلال السودان يرجعو حزب مؤتمر وطني بس ويفعدو في الواطة مع الفيش والتشبيه والمحكمة الدستورية العليا ورؤية جون قرنق التي لا تموت او يتعنظزو ويضيعو الزمن الدولة مؤسسات وبرنامج وليس اشخاص فلان وعلان واول حاجة ولاية البشير ده انتهت من 2015 بالمادة 57 يزح هو اول حاجة من راس الناس بعد يهي البلد الي الديمقراطية البنعرفا من 1954 https://up.top4top.net/
Post: #48 Title: Re: البشير يستجيب لمطالب المتظاهرين ويأتي بـ Author: Nasr Date: 01-19-2018, 05:01 AM Parent: #47
راعي البوست فك ليه إشاعة وما حاحا بهنا تاني
البشير غبي بالجد لكن ما لدرجة يجيب ليه ذئب زي علي عثمان ويحرسه غنمه ما هو شاف خيانة علي عثمان للترابي وبكري مهما كان ضعيف فهو لا يستطيع إجتراح خيانات كتلك التي يقدر عليها علي عثمان
وكلهم لا بيقدروا يحلوا مشكلة الإقتصاد ولا بيقدروا يوقفوا الفساد ولا بيقدروا يخارجوا البشير من المحكمة الدولية
فرفرة مذبوح بشتنة زي دي كنا قد شهدناها آخر أيام الديكتاتور النميري لذلك تجدنا متفائلون أشد التفاؤل
